🌸
Әйелдің рухы баланың рухына жақындау. Сол себепті бала секілді тез ренжіп, бұртиып қалады.

Шәмшат ұстаз

Зейнеп Ахметованың анасының жүктілік туралы өсиеттері:

🌷іштен қисық туғанды тезге салсаң түзелмес

🌷жүктілік - ауру емес, Жаратқан иемнің маңдайына берген керемет сыйы, теңдесі жоқ мейірім-шарапаты. бұл күнге жеткенде бар, жетпеген де бар

🌷айналаңнан ылғи аяушылық есіркеу күтіп, мүсәпірсігеніңді қой, әйтпесе, балаң ынжық, рақым тілегіш,босбелбеу болып қалады

🌷көз тартып құлпырып тұрған гүлдерге қара, перзентің шырайлы болады. анау қарлы Алатаудың шыңдарына көз сал, бөпеңнің өресі биік болады

🌷тиегі кеткен домбыра секілді міңгірлемей, мейірленіп ашық-жарқын сөйле, әдемі, жақсы сөздерді көбірек айт, сонда ойың ұшталып, қиялың қанаттанады. ал оның әсері іштегі балаға тікелей беріледі.

1️⃣🤎қазір 80-90% балада впс, дисплазия, зрр, зпр диагноздары бар. және оған кінәлі- әке-шешесі. ал екеуінен жауапкершілікті ең көп алатын- анасы.

неге?

жастық шақта отбасылық өмірдегі жауапкершіліктерді толыққанды түсінбей, тек қана сезімнің жетегінен еріп, бала дүниеге келгеннен кейін аспаннан аяқтары салбырап түскендей, естерінен танып жатады.
тәрбие- ұрық (эмбрион) кезеңінен басталады, дүниеге келген соң емес)
анасы жүктілік кезеңде денсаулығына зиян келтіретін тағамдар тұтынып, немқұрайлы қараса, бала шыр етіп дүние есігін ашқан сәттен дәрігерлер диагноз қояды. шешенің бір қателігі осы..

2️⃣🤎анасы жүктілік кезеңде қалай жүріп-тұрса, бала да сондай болады. ұйқыны жақсы көрсе, ұйқыдағы үммет шығады (бұл қасірет).
қысқаша бір оқиға айта кетейін. бір аулада тұратын көршілер болады. бір көршінің баласы үнемі екінші
көршісінің бөшкесін (бочка) тесіп кете береді екен. күндердің күні көршісінің шыдамы таусылып, баланың ата-анасына шағымын айтады. кейін әкесі анасына:
-біз қай жерден қате жібердік? неге баламыз осындай болды? сен аяғың ауыр кезде не істедің, есіңе түсірші,- дейді. сонда анасы:
-мен аяғым ауыр кезде, көршінің үйіне барғанда үстел үстінен апельсинді көріп қалдым. жеріктігім ұстап, ешкім көрмей тұрғанда сол апельсинді тесіп, шырынын ішкен едім,-дейді. әкесі:
-әә, міне. сен сол кезде апельсин тессең, қазір балаң бөшкені тесіп жүр. көршімізге барып, кешірімін алып, тәубеге келейік,- деп екеуі тәубе қылады.

егер, балаңнан өсе келе жаман қылықтар көре бастасаң, «маңдайыма біткен қандай сор болдың» деп күпір сөз айтпай, кінәні өзіңнен ізде.

3️⃣🤎дүниеге келгеннен кейінгі кезең.
бала жан-жақтағы заттарды көріп, миына қабылдау үшін анасы оған түсіндіру керек. міне, осы жерде Аллаһтың әрбір жаратылысында қандай хикмет бар екенін түсіндірсе, ол баланың ойында, санасында өлгенше қалады. бірақ, біздегі көпшілік аналардың ісі- теледидардан «синий трактор», «ягодки» қосып қоюы. мұндай баладан ержеткенде көріп өскен тракторының жүргізушісі шықпаса, ел бастар азамат шығарына күмәнім бар..

4️⃣🤎бала дүниеге келген соң қай кезде не істеу керек екенін көпшілік жас аналар біле бермейді. мысалға бесікті алайық.
бесік- атадан балаға келе жатқан мұра. сол асылды қазіргі көп аналар дұрыс қолданбайды. осы сөздің парқынан дәрігерлердің басым көпшілігі баланың болашағын ойлап, аналарға бесікке бөлемеуге кеңес береді. себебі, сөз басында айтып кеткендей тілазар аналар «баланы бесікке бөлеймін» деп, шақалақтың ағзасына кері әсерлерін тигізіп жатады. бұл жағдайда дәрігерлердің еш кінәсі жоқ. оларға жүктелген міндет- баланың аман-есен дамуы. ал халық арасында «дәрігерлер бесікке бөлеуге қарсы» дегенді ұрандатып, араздастық тудырып жатыр. бұл да бір қазіргі қоғамның індеті- надандықтан туындаған дүние.
баланы бесікке бөлеу керек, бірақ мезгілімен.
жаңалық ашу үшін бір түрткі болу керек. дәрігерлердің айтатын кеңестері ақпақұлақ шешелердің ығына көніп, баланы қауіп-қатерден сақтау.

🖍️қорытынды сөз.

қазақ қызды «үрім-бұтағымды жалғасын, саналы-салиқалы ұрпақ тәрбиелесін» деп көреген қылып өсірген. «қыз тәрбиесі- ұлт тәрбиесі» деген сөз бекерден айтылмаған. ананың мықты болуы- Пайғамбарымыздың ﷺ үмметінің мықты болуына ең үлкен себеп. үйдегі қызымызға барған жеріне «тастай батып, судай сіңсін» деп қана қоймай, ұрпақты да дұрыс тәрбиелеуді үйрету керек.

📌 тәрбие тал бесіктен басталады, таудай талапты тұлға шығарам десеңіз шыбықтай кезеңінен мән беріңіз.