#網上文章 #連登 #防暴意見
多謝大家，咁我比小小建議各位玩香城online做坦嘅手足。
1. 千祈唔好孭背囊衝前線。背囊同便服預早收埋喺安全隱蔽地方，必要時先去攞嘢。
2. 唔好着甲，個身愈輕便愈好。
普通人戴埋豬嘴已經係跑唔遠跑唔快。
3. 唔好對自己體能太有信心，做完Task 就早啲走，一般人每日放工只有頂多個零鐘操體能，係唔夠的。
4. 平時多練反應跑同練變速跑，短程衝100米，慢跑300米，隔日做，每次做6個循環。
5. 如一定要帶袋嘅，請用一啲可以快速解扣嘅腰包，萬一比Po捉住個袋時，可以一鍵解扣。仲有個袋要勒緊，要超緊，跑步時個袋要唔陏嘅。
6. 重要證件用電線膠布圈實喺小腿到。唔好放褲袋，腰包，或背囊，為可以方便快速無顧慮地棄裝同換裝。
7. 如有直升機喺上空盤旋，好快啲撤退啦！ 通常直升機睇完人流之後，地面好快有戰術。
8. 戴隻Gshock, 較每60秒循環響，提醒自己每60秒環顧一下四周，再做決定。 我知好蠢，但對無受高壓訓練嘅普通人係有用的，防止自己沉醉喺一個地方/方向。
9. 小心刻板印象，黑警唔一定係短髮大隻嘅，唔係個個都係打前線，相反有時見到啲風褸毒撚，麻甩呀叔，或瘦柴Mk，喺到望來望去，反而好可能係警察。
10. 小心被跟蹤。如發現自己已經被lock on咗，快啲洗晒啲嘢，搵定律師吧，搵個公園坐喺到等拉，唔好接觸其他手足啦。
各位香城online朋友加油。