2019香港天氣及風暴追擊Channel Admin 公告：
本Admin同好多香港人一樣，細個果時就已經好中意留意幾時打風，就係由中學開始留意各個討論區嘅氣象追擊，尤以香港討論區、高登討論區為甚(之後都有去連登討論區)。以前追一兩個星期Post，就係為咗確定可以放果一兩日風假，以及避開戶外運動嘅風險(事實上當年我係盼風追風少年，我都老了)。

十幾廿年過去，我哋香港人除咗風暴帶來的危險外，自1997年之後，先唔好講政制改革危機如:國民教育、偽普選、天價高鐵、明日大愚、逃犯條例Etc，香港人面對嘅好多個危機：沙士、禽流感、有毒食品、豬流感…所有嘢都係Originated from鄰国…本來我都好有無力感，但係睇到自雨革起，愈來愈多人願意走上街頭抗爭，姑勿論成功與否，我開始覺得香港係有希望。

我明白，有時我Forward得太多政治，大家都會吃不消。尤其大家本身都有一百幾十個谷、Channel要睇，可能本身大家都係2016年開始follow本Channel嘅和理非朋友未必理解點解我會Forward咁多，或者覺得我偏激，我知道唔係個個都係勇武派，只係想大家可以多一個頻道了解事實嘅全部。

風季就嚟到了，可能香港嘅風季只係三四個月貨仔，大家關注本Channel都係每年嘅六至九月。但我好想同大家講，即使你自問唔係勇武，請勿放棄關注香港，即使你哋參與嘅一個遊行，Forward嘅每一個Post，都對件事好有幫助。

以前我追風，永遠係前線，而家年紀大了，有家庭了，對於勇武衝擊我係未突破心理關口，你可以屌我係鍵盤戰士，但我永遠唔會同勇武前線割席，因為我哋都係香港人。

致現代的追風少年中年老年，最緊要安全。

大家亦要好好保護自己，唔好隨便影相入不知名TG谷不知名Channel，唔好用自己Ig user name做Tg user name，唔好用自己真人相做頭像，一定要Set two step verification 同 tg password，一定要記住我哋同班廢老最大分別係佢哋無獨立思想同獨立思想，我哋有獨立思想同獨立思想，今日呢班人係鬼，他日好快佢哋都做鬼，如果唔係每日150，只要我哋不斷影響身邊人，我哋一定會贏！

P.S.今日6/7去光復屯門，聽日7/7去九龍大遊行嘅巴打絲打，本Admin愛你哋，飲多D水。

至於本Channel，將會效法高登連登巴打，提高氣象資訊的質素。

#公告 #香港人 #Weconnect #發同一個夢 #香港夢 #我無嘢講 #咁你呢? #用得多逗號唔代表我係鄺仔 #反送中已是偽命題 #暫緩或撤回每日150個 #釋放義士

Nov 10, 2019: 西灣河警察以實彈近距離開槍 - Police Shoots Unarmed Protester in Point-Blank Range, acrylic painting 16"x20" by Ricker Choi

Background: https://hk.appledaily.com/.../RRQC6TB7M6YFEDTOSF2PK2QTJE/

Channel Link —> http://t.me/HKRevolutionArt

#西灣河 #一個都不能少 #手無寸鐵 #手足 #畫 #artwork #釋放義士 #光復香港時代革命 #光復香港 #反送中 #freehongkong #StandWithHongKong #StandWithHK #香港加油 #五大訴求 #五大訴求缺一不可 #fivedemands #FiveDemandsNotOneLess