#Admin專欄 #後疫情時代 @Windseasonbro

幾時會完結武漢肺炎疫情？呢個係偽命題，因為武漢肺炎同感冒一樣，應該唔會從地球上消失，只會一直傳染。

近日國際對疫情有以下估算：

聯合國同世衛估計2022完結COVID急性期(Acute Stage)，而研究並生產復必泰嘅輝瑞藥廠則認為2024先會完結大流行期，變成流行病。

輝瑞當然有利益衝突，所以唔好用佢嚟做指引，而近日香港專家袁國勇指出武肺大流行應如西班牙流感維持三年而在今年內(2022)結束，打針嘅頻率會相對減少。

係我哋討論幾時會『結束疫情』之前，首先我哋應該定義乜嘢叫『疫情』？

所謂疫情，Outbreak係細地區零星爆發，Epidemic係指喺短時間快速感染一大堆人(通常係指一個城市或三兩個國家)，而Pandemic係指Worldwide(世界性)嘅Epidemic。

無疑，『Covid-19』嘅本質係武漢肺炎冠狀病毒(Coronavirus)。我認為，呢種病毒唔會忽然消失，喺已知嘅歷史之中，只有天花同沙士係消失於人前，前者被牛痘疫苗『消滅』咗，後者因為太毒，一發現有感染力就能夠將其隔離，而武肺病毒特性非以上兩種。

武肺病毒同流感一樣，都係RNA病毒———佢哋變種快，適應力強：如果沙士係恐龍，武肺就係甴曱，恐龍易絕種，甴曱不易消滅。

尤其而家野生動物都中武肺，就算而家呢一刻所有中武肺嘅人消失，武肺病毒都唔會消失。

拎武漢肺炎同西班牙流感比較好唔公道，因為首先，西班牙流感來源有爭議，有三個主流說法，而且『西班牙』流感唔係指出來源地。

透明度即疫情

話說當年第一次世界大戰，參與國為咗維持士氣，無透露真正疫情數字，唯獨西班牙真心膠，無隱瞞疫情數字，所以畀人感覺係『西班牙流感喺西班牙流行，西班牙係來源地』。

某國禁止／限制報導疫情，當地就非來源地，呢個『邏輯』到今日亦適用。

講返武肺，睇返D變種，嚴重性愈來愈低，而傳染性愈來愈高。

死亡率低，Just a flu。而家仍然谷針，恐怕只係出口術，係為咗保證藥廠有足夠營利，同埋合理化一切無理嘅防疫限制。

我認為，政府放風喺農曆新年前限制只有打咗針者先可以出入食肆，可能係為咗連外賣都禁埋：營業只限於營業範圍，就算外賣都應該喺處所內進行，如果黃店喺處所外交收食物，應該會犯下擴展營業嘅法律。

所以，就算外賣，都要安心出行同針卡。

呢個係佢哋最毒時會做到嘅一步，但同時我覺得佢未必真係會做到逼針一步。

我覺得而家係逼到我哋去懸崖，佢話下一步就會推你落崖，提醒你後面有另一個山崖有一蓆之地可以跳，於是你唯有跳崖。

問題係佢無需要預告，可以好無情咁即刻『落實政策』，反正政府、傳媒都係佢嘅人，點解畀一段時間香港人有心理準備？

今時今日，『期望落差』真係重要嗎？

重有乜人對呢個政府有期望？

我反而覺得到最後，政府會取消農曆新年前谷針先可以堂食嘅政策，然後同時取消各交通工具甚至食肆嘅現金交易同時提高安心出行嘅監控。

今時今日，愈用Worst Case去鳩估政府政策愈容易估中，因為香港就係咁荒謬。

疫情幾時完，真係無人知，只可以講後疫情時代，監控仍然存在，甚至以更離譜嘅形式存在。

疫情討論，可以 @Windseasonbro 。