［突發］大帽山出現元旦人鏈
好多人上大帽山等睇日出 🌅
迎接第一個晨曦

#讀者投稿

2021年已到，風巴祝願所有香港人要平平安安，免受武肺侵襲。

#一月主題

香港人Secret一月主題係「計劃」。

你係點Plan你未來呢一年呢？歡迎pm @windseasonbro 分享畀大家，感謝！

【雪中奪炭】零下15度 暴力執法 沒收民眾爐具 存煤
https://lih.kg/2350112
- 分享自 LIHKG 討論區

英國以正式脫歐慶祝2021年，英國「奪回邊境控制權」，重設跟歐盟國的邊檢，但代價是要新設3條國內邊境。

其中一條在英格蘭內，任何可載貨超過7.5噸的貨車，若要經多佛港口或火車進入歐盟國家，需要先申請「根德進入許可」Kent Access Permit，非官方簡稱Kermit。

http://europechinese.blogspot.com/2021/01/kermit.html

#姜濤 #蒙着嘴說愛妳 #二零年代

嗱，呢篇文，除咗介紹新歌，重有我對樂壇嘅睇法，希望大家睇下

私底下認識我嘅人，都知道我係一個好Old school嘅老套怪，中意嘅歌手係張學友、黎明、張國榮等。

早幾年，TVB製造大量歌手，如Fred、吳業坤，又如吳若希、菊芷喬等人。呢堆人唱大量罐頭歌，後兩者為甚，幫千篇一律嘅大陸劇唱千篇一律嘅Theme song，結果好多人同我呢個老鬼一樣，覺得香港樂壇已死。

其實唔單止係TVB，又如黎明捧嘅人都太過一式一樣: Janice 同佢家姐衛詩、JW、JC，然後閻奕格同李倖倪，係仔細聽先會留意到有乜分別...

壞孩子系列就一早玩爛咗： 謝霆鋒、陳冠希、余文樂、吳浩康、周柏豪...

近年就係一大堆Band：Mr,Kolor, RubberBand, Dearjane(呢隊嘢都好耐下，但近年更活躍)，講真真係好難分。

有時候歌手把聲同唱法都好有問題。劉浩龍、吳浩康初初出道時被人講把聲都似Eason，當然而家唔似，但係如MR嘅布志綸把聲似Eason一樣，難免會減低獨特性。

八九十年代，歌手嘅聲線好獨特，就算好似唔係好識唱歌嘅鄭伊健(佢唔係壞孩子系列，佢係黑社會系列)，你聽佢d歌都會有種獨特性，而獨特性正正係而家樂壇好缺乏：

零零年，興K歌，所以一味出K歌；
一零年，想搞下其他主題，想認真玩音樂(我認同band 唔同Hkpop)，但結果好似兩頭唔到岸。

所以，我係一個一直都會覺得香港樂壇已死，而唱K永遠唱舊歌嘅老鬼。我唔係無試過聽新歌，不過真係覺得八九十年代嘅歌先係我杯茶，所以我成長階段經常同當時時代脫節，朋友唱緊「夕陽無限好」嘅時候，我重係一個人J緊十鳩幾年前當時都有十鳩幾年歷史嘅黎明嘅「傻痴痴」、「無名份的浪漫」等等歌。

但近年因為無乜新歌好聽，所以又聽返「零零年新歌」，又覺得幾好聽。

所以我覺得，可能係我哋太封閉自己。

我一直覺得，欣賞音樂有幾個層面：

1⃣ 歌手聲線辯識度
2⃣ 首歌嘅旋律
3⃣ 首歌嘅歌詞
4⃣ 歌手嘅唱功
5⃣ 歌手個人魅力
6⃣ 歌手同首歌嘅配合度

我一直認為，八九十年代嘅歌手係頂峯，不過我亦知道呢一代香港人唔會中意九十年代太情情塔塔嘅改編歌。

但我今次要幫下姜濤Promote下佢首歌，我唔係撐佢或者點，不過我覺得大家唔應該拎八九十年代嘅標準去睇今日香港樂壇，時代係唔同咗。

八九十年代，張學友黎明都係新人，佢哋唔係第一隻碟就爆紅，而我相信而家大家對新歌手嘅要求係唔同咗。

我永遠都係中意八九十年代嘅香港歌，但係如果我哋一直逢新必反，咁香港永遠唔會有人紅到。

今日聽過姜濤首歌，不過不失，但唔應該以我哋老鬼嘅角度去睇呢件事。

我都會以更開放心態聽下香港新歌，你都可以試下😉。

https://youtu.be/f5NzXpC8tdU

#一人之境 #林家謙 #二零年代

https://youtu.be/qWhavDVsMRc

寒流襲港｜天文台發霜凍警告　營地菜田齊現「疑是地上霜」
https://www.hk01.com/article/569292?utm_source=01appshare&utm_medium=referral
接收最快疫情警報！立刻下載App：https://hk01.app.link/LG71h8MfUbb

今日睇到一篇幾有趣嘅文章，叫做《給海外翼朋友淋六桶冷水》，作者係練乙錚。

話就話係俾國際戰線嘅手足睇，我地認為身處本地嘅手足睇完都會有得著。

破局需要嘅係面對現實尋求出路，而唔係日日對住無聊嘅心靈雞湯、抗爭版愛情語錄自我安慰原地踏步，新年流流就唔單單打打了。

我地建議大家睇曬全文。雖然係毒果link，但唔好因人/因報廢言。
Link:
https://hk.appledaily.com/local/20210102/76ZXRNCDZNCQRGCFFIG3JRLV4I/

我地嘗試好粗俗好簡單咁整合佢嘅觀點：
1. 人權牌作用好有限。各國政要都要對自己嘅國民負責，香港人無可能外判曬俾外國，要人地無條件地幫自己革命。

2. 唔好太依賴泡沫化嘅流亡組織。雖然流亡組織眾多，但喺海外無強大嘅公民社會監督，難以避免佢地就爭大台、正統性、資源等因素內鬥。而且，港人移民後對香港嘅事務淡忘係人之常情，香港人模仿唔到猶太人。

3. 流亡異鄉嘅勇武難以適應流亡日常。無論係流亡抑或坐監，所面對嘅心理壓力/挑戰唔係話操吓肌睇吓書就可以承受到。

4. 香港人模仿唔到猶太人。猶太人對信仰、教條嘅執著係香港人模仿唔到。唔好話復國，就連點樣喺外國承傳文化都係個難題。

Anyway，我地（唔關作者事）希望大家唔好指望國際跣可以救全家，日日攞住啲核彈春袋自我安慰。

至於本地戰線有無可以改善嘅地方、點樣破局都係個好問題。有心情先再搵日寫文講吓。

所謂嘅2020 Review，諗咗諗都係算。睇到呢到嘅Readers今年要活下去，唔好喺荔枝角、赤柱、大欖、鹽田相見。希望身處獄中嘅手足可以早日歸來，希望流亡緊嘅義士安好。

#Reminder隨筆

#手足點歌 #Jer #迴光物語 #二零年代

我就覺得香港樂壇不乏聲底好嘅歌手，真正嘅問題其實係而家新嗰堆填詞編曲人。一有王雙駿呢啲老牌音樂人坐陣，我會覺得好聽好多～


https://m.youtube.com/watch?v=Ln_h8IxXY9w