#admin專欄 #香港人Secrets改革 @windseasonbro

寫呢篇Admin專欄之前，好多Channel友pm風巴，有手足建議改革「香港人Secret」同「香港天氣及風暴追擊」，有手足指出有時因為投稿者眾，又或者因為我從不同嘅Source Post同一樣嘢，漸漸個Channel會變得「好似Old news咗」，呢個我會好好諗下點改善。

事實上每日約有500幾個投稿，約100個喺bot度，其餘400個分佈喺幾個比較傾得耐嘅手足，坦白講，剩係要睇晒佢，再加即日嘅消息我都消化唔切，加上風巴係一個在職廢中，變相有時難免有d delay old news。

呢度同大家講聲對唔住先。

亦希望大家唔好怕咗唔投稿畀我，你哋嘅一字一句都好重要，我希望你哋可以繼續投稿，分享新聞，點你哋中意嘅歌，寫你哋對社會嘅睇法。

特別想一向少參與投稿嘅你都投稿畀我，咁呢個Channel先有意義。

有人問，「香港人Secrets」可唔可以開個Group？坦白講，我擔心有狗，我怕到時累到一向相信我嘅文宣手足。

所以暫時唔會開一個Public嘅公海谷。

至於香港人Secret同香港天氣及風暴追擊，我都認為某d新聞係重疊咗，我會好好咁考慮點打理好 「Channel太亂」嘅感覺。

有乜提議，繼續同 @windseasonbro 講，感謝你哋。