#admin專欄 #影相Backup香港 @windseasonbro
「今日」呢兩篇 #admin專欄，其實都係七月九寫好嘅文章嚟，schedule message 畀大家睇下。
我知道我自戀，不過我真係好享受用文字同你哋每一位交流，而以下呢一段，亦係我好想同大家喺呢段時間一齊做嘅嘢。
影相，影相，影相。
好重要所以講三次，以往港台頭條新聞、蘋果日報消失，各位會Backup，但正如我以往嘅 #admin專欄 所講，政府好快會「去殖民地化」，應該話而家已經做緊，但佢會好快同集中喺某段時間拆除英治香港所有Icons，到時大家未必有足夠時間Back up。
各位，我舉個例子畀大家，舊立法會大樓同和平紀念碑係極度危險被消失嘅景點，維多利亞城界石、科學館入面嘅展品，甚至電車亦有可能被消失，我認為各位有時間應該同朋友組隊去影相，把握最後一秒去保存香港嘅歷史。
另一個我認為各位應該要去影嘅係「粉飾太平」嘅相，果d顏色不協調嘅補油下，係你我都知道嘅事實。
如果我要開個影展，我會開一個「粉飾下的太平」，各位有無畫面？
無錯，就係今時今日喺舊日連儂牆、各區牆壁嘅「補油」。
當初大家要backup港台節目，要Backup蘋果，我懇請留喺香港嘅各位，每日影d相保存香港。
我所講嘅「去殖民地化」，好可能喺呢一年內實行，到時候各位先飲恨點解當初有時間唔去影低和平紀念碑，舊立法會大樓就太遲。
唔好局限backup呢d貌似最Typical香港嘅香港地標，請大家多d影相：
小至茶記食物舊式士多冰室電話亭舊茶樓路牌招牌霓虹燈品牌玩具舖頭仔，大至唐樓公屋公園郊野公園離島西九龍中心葵廣，全部都要人保留，希望各位喺呢段「香港人唔可以表態」嘅時代，盡你哋嘅可能保留最多嘅香港文化，就算只係一張1995年黎明嘅Yes咭，1984年嘅女皇頭像銀仔，我都希望各位Keep好佢。
而且有好多都係香港舊時代嘅建築，好有象徵意義：例如某屋邨嘅走廊設計、某公共空間(例如志明橋)、某商場嘅佈局同招牌文字...
不勝枚舉，請各位好好思考，盡你辦法聯絡所有朋友，叫埋佢哋星期六日立即行動，影相Backup香港！
某d區重有d 80年代香港開業嘅眼鏡舖、漫畫舖、屋邨商場，講各位每星期都組團去影相，此誠危急存亡之秋，希望各位真係會參與。
講多無謂，行動最實際，請各位用盡所有方法廣傳畀身邊所有朋友知道！
我今日內會寫好多個schedule messages，不過未必寫好多篇文章，最多係整多一堆schedule messages提下大家見字飲水咋。
講完就此擱筆然後反口繼續寫專欄schedule message嘅風巴就此擱筆。
#影相Backup香港 #請igtgwtsappsignalfbmewefacetoface你身邊所有朋友知道呢件事。
「今日」呢兩篇 #admin專欄，其實都係七月九寫好嘅文章嚟，schedule message 畀大家睇下。
我知道我自戀，不過我真係好享受用文字同你哋每一位交流，而以下呢一段，亦係我好想同大家喺呢段時間一齊做嘅嘢。
影相，影相，影相。
好重要所以講三次，以往港台頭條新聞、蘋果日報消失，各位會Backup，但正如我以往嘅 #admin專欄 所講，政府好快會「去殖民地化」，應該話而家已經做緊，但佢會好快同集中喺某段時間拆除英治香港所有Icons，到時大家未必有足夠時間Back up。
各位，我舉個例子畀大家，舊立法會大樓同和平紀念碑係極度危險被消失嘅景點，維多利亞城界石、科學館入面嘅展品，甚至電車亦有可能被消失，我認為各位有時間應該同朋友組隊去影相，把握最後一秒去保存香港嘅歷史。
另一個我認為各位應該要去影嘅係「粉飾太平」嘅相，果d顏色不協調嘅補油下，係你我都知道嘅事實。
如果我要開個影展，我會開一個「粉飾下的太平」，各位有無畫面？
無錯，就係今時今日喺舊日連儂牆、各區牆壁嘅「補油」。
當初大家要backup港台節目，要Backup蘋果，我懇請留喺香港嘅各位，每日影d相保存香港。
我所講嘅「去殖民地化」，好可能喺呢一年內實行，到時候各位先飲恨點解當初有時間唔去影低和平紀念碑，舊立法會大樓就太遲。
唔好局限backup呢d貌似最Typical香港嘅香港地標，請大家多d影相：
小至茶記食物舊式士多冰室電話亭舊茶樓路牌招牌霓虹燈品牌玩具舖頭仔，大至唐樓公屋公園郊野公園離島西九龍中心葵廣，全部都要人保留，希望各位喺呢段「香港人唔可以表態」嘅時代，盡你哋嘅可能保留最多嘅香港文化，就算只係一張1995年黎明嘅Yes咭，1984年嘅女皇頭像銀仔，我都希望各位Keep好佢。
而且有好多都係香港舊時代嘅建築，好有象徵意義：例如某屋邨嘅走廊設計、某公共空間(例如志明橋)、某商場嘅佈局同招牌文字...
不勝枚舉，請各位好好思考，盡你辦法聯絡所有朋友，叫埋佢哋星期六日立即行動，影相Backup香港！
某d區重有d 80年代香港開業嘅眼鏡舖、漫畫舖、屋邨商場，講各位每星期都組團去影相，此誠危急存亡之秋，希望各位真係會參與。
講多無謂，行動最實際，請各位用盡所有方法廣傳畀身邊所有朋友知道！
我今日內會寫好多個schedule messages，不過未必寫好多篇文章，最多係整多一堆schedule messages提下大家見字飲水咋。
講完就此擱筆然後反口繼續寫專欄schedule message嘅風巴就此擱筆。
#影相Backup香港 #請igtgwtsappsignalfbmewefacetoface你身邊所有朋友知道呢件事。