我喺之前已經叫大家 search下 #健康碼 同 #芝麻信用 ，大家有無Search過？

「健康碼」仲恐怖過《國安法》！
「健康碼」仲恐怖過《國安法》！
「健康碼」仲恐怖過《國安法》！

為左令大家迅速明白事態嚴重，必須重複三次。《國安法》最多只係極權打壓人民自由的法律工具，但「健康碼」係直接令你失去所有自由、私隱，從此依個社會上所有人都要活在科技極權監控之中。

《人類大歷史》作者 Yuval Noah Harari 講過，50 年前全球最高效率的情報機關前蘇聯「國家安全委員會」，其情報網絡再強大，亦無法每天追蹤全國 2.4 億人民，亦無可能有效處理收集到的所有信息，但現在有了無處不在的監控碼和強大的 AI 演算法，當年前蘇聯做唔到的極權願望而家已經可以簡單實現。

「健康碼」就係依個工具的先鋒。

▍無健康碼就無法出入商場、食肆，搭車，等同坐監禁足

我地而家討論既「健康碼」，早在今年 3 月中國杭州就率先推行，然後好快就係全國實施。

「健康碼」會收集你的名字、地址、身份證號碼、聯繫電話和最近出入的詳細資訊，然後生成「綠、黃、紅」三種顏色的二維碼。綠色代表不受限制活動，黃色需要在家隔離 7 天、紅色強制隔離 14 日。

係中國，如果你唔展示健康碼，就唔可以進入主要公共地方、無得搭任何公共交通工具，等同失去幾乎所有日常活動。

依樣野係香港都會實現，建制派議員林健鋒就提到「主要公共地方、商場、食肆配合用港康碼，只要佩戴港康碼就可以出入這些地方，若沒有佩戴就請盡快申請。」換言之，你無健康碼，就無法出入商場、食肆，甚至搭車都唔得。極度恐怖。

▍「被不健康」的記者：「活在數據煉獄之中」

千其唔好以為健康就真係無事。外媒 WIRED 、Financial times 、紐約時報皆有報道，有不少中國人係 100% 健康，但健康碼顯示黃色，甚至紅色，於是被長期強制隔離，叫天不應叫地不聞。

最慘係健康碼的規則不透明不公開，當事人完全唔知自己點解係「紅色」，亦唔知自己點樣可以轉返「綠色」，投訴無門，長期被禁足，極為無助。

你永遠無法知道「健康碼」點定義所謂「健康」。你問政府，政府可能會同你講係用 AI 大數據分析「詳情唔清楚、會改進」，或者話「絕對可信，但細節不便透露」。就算政府真係肯透露部分內容，有無潛規則都唔知。

Financial times 就報道有記者的健康碼無故變「黃色」，於是長期離開唔到旅館房間做唔到訪問；就算做左病毒測試和 14 天檢疫證明肯定係健康，但都係被要求係屋企隔離。被「囚禁」記者形容為「活在數據煉獄之中」。

▍中國被踢爆「健康碼」與警方系統連接

即使「健康碼」真係對防疫有效，民主自由社會都相當抗拒，因為依種操作係會完全顛覆整個城市的生活秩序，等同將自己社會與極權劃上等號。

今日政府話會保障私隱，但無人知最後自己的個人數據會比左邊個。紐時就報道，中國被爆踢有用戶的個人數據被連接去警察部門，只要當事人一用「健康碼」，其位置、個人資料、過去出入紀錄就會送去警方的伺服器，而應用程式係從來無向用戶提過依件事。

換言之，你有無幫襯過黃店、你生活習慣係點、平時去開邊度，同咩人傾計食飯、你有幾多朋友，任何個人社交活動都可以通過數據分析得出答案。而依啲數據遲啲係警方可以掌握到。

另外好多人無注意到執行上，其實係一定會同城管、警察配合先可能更有效執行。譬如你被發現係「紅色」，就會被「執法者」拒絕入商場，嚴重的甚至押解返屋企或拘捕。所以，執法者遲早都會被「合法地」派上用場，到時林鄭就會開記招大義懍然「笑住」咁同大家講：「為左防疫咁係必須。」假如有日將你的個人數據上繳中央，林鄭亦可以「笑住」講成係：「國家的數據分析更為有效，有賴於國家協助先可以有效實現健康碼防疫，大家應該感謝國家。」

▍健康碼本意用作取代舊信用系統，監控系統更嚴密

全世界都擔心疫情下公權力擴大的「例外狀態」，會係疫情後變「成日常秩序」。五十年前極權政府想做但做唔到的大監控，今日完全做到。到時你想出境離開香港都可以因為唔係「綠色」而被拒出境。

人權觀察組織(Human Rights Watch) 的中國研究員就提到：「冠狀病毒爆發將會成為中國開展大規模監控的歷史里程碑。」（提外話，人權觀察組織執行長早兩日被中國「反制美國」制裁）

中國過去一直執行的信用系統，係疫情下做唔到嚴密監控，所以被批評為「有漏網之魚」。今次發展出黎既健康碼，正正係為左監控更嚴密而設計。換言之，其監控的嚴密程度（=侵犯私隱的程度）比舊有信用系統更強大。

▍坐監唔需要再係牢獄之中，你自己屋企就係監獄

今日收集你健康信息、出入紀錄、個人資料。他日收集你生物數據 (DNA)、網上對話內容等更多重要私隱，絕對唔係天荒夜譚。有左健康碼，以後坐監唔需要再係牢獄之中，你自己屋企就係監獄，仲要審都唔駛審。

「想出門？唔得，顯示紅色！」
「想搭車？唔得，顯示紅色！」
「想入店鋪買野？唔得，顯示紅色！」

比起「健康碼」，《國安法》簡直濕濕碎。

#健康碼 #恐怖過國安法 #被不健康
#書生百用 #廣傳
https://www.facebook.com/makeinterestingreading/photos/a.2054575691478081/2734386510163659/

【💥暗渡陳倉！港共將中共監控式健康碼分拆上市！？😱😱】

呢幾日發生太多事，但絕對唔可以比隻🦌走咗去！
健康碼到底係啲乜？會唔會賣你私隱？民記幫大家做咗整合，大家都要睇清楚，了解港共政府推緊嘅到底係🦌定係🐎

🆘「病毒警報」同「升級版港康碼」一旦成事，加埋全民檢測，就等同「中共健康碼」🥶! 港共將會全面掌握香港人DNA同行蹤資料！

🤥🤥香港人，你係咪仲要用私隱買方便？

#健康碼
#步步監控
——————————————

🔈民間記者會現有官方帳號：

Official webpage: www.citizenspc.org
TG channel: t.me/citizenspresscon
FB: fb.me/hkercpc
IG: www.instagram.com/citizenspresscon
YouTube: https://bit.ly/2OVdv6T
Twitter: www.twitter.com/citizenspc

健康碼仍然係戰場。

香港人好辛苦，每一日都有好多議題跟。譬如依幾日大家關心12港人送中同教師清算，就已經跟到死。

除左依兩單大事外，其實四日前陳肇始提到「正研究設法律框架，在疫情反彈時要求做強制檢測」，亦係香港人必須持續跟進既大事。

以林鄭政府既過往一年既說辭同做法，當有官員話正研究法律框架，就好大機會落實執行。換言之，「強制檢測法」好可能會不日上線，最嚴重係全民強制檢測。即使一開始未去到「全民」的範圍，但當法律框架訂好左，到時就好似而家 599G 咁，條文隨時點伸點縮都得、朝令夕改，彈死勁高，限制自由無得香港人 say no。

據書生預測，「強制檢測法」會有以下的內容同形式：

(1). 政府應該會引用「緊急衛生條例」立法，因為用慣用熟，而且較難受到司法覆核挑戰。用此條例立的法律亦可以隨時按「需要」（政府心情）更改。絕對係不二之選。

(2). 政府應該會係條文內（表面）承諾保障私隱權，但實質應該都係會搵中國機構負責檢測同保存 DNA 數據，一來是因爲香港人政府的確無咁多資源做，二來亦唔會搵私人機構做，原因自然大家都知。做法同之前既全民自願檢測差唔多。

(3). 「強制」的意義應該有四個可能執行面向。

一是唔檢測的私人公司就得唔到政府的福利優待（例如申請唔到抗疫基金）。依方面主要係針對公司去逼員工檢測。其實之前已經有個別（中資）公司強迫員工檢測。在新法例下，公司的員工應該會被要求參與強檢，唔肯的話，就可能會被公司舉報或炒魷魚。順便建立埋篤灰機制。

二是政府認為高危的行業應該會被強制送檢，唔遵從既可能會被罰錢、吊銷牌照、或有執法部門上門強制抓檢。

三是健康碼的建立。其實已經有唔少建制團體要求政府「強檢+健康碼」雙管齊下執行，禁止無健康碼的人出進公共場所和公司。所以強檢好大機會會同健康碼一齊出爐。政府應該會先係公司、食肆和政治機構執行健康碼，再慢慢伸展開去。等大家覺得健康碼成為日常，就可以推而廣之，將其日常化，好似中國咁。

四是，若然需要全民強檢時，最可能係強制要住宿大廈增設健康碼機，有健康碼的人（同時證明係「綠色」健康）才可以出入，違反條例的保安或業主立案法團就會被罰錢甚至坐監。

所以我地千其唔好掉以輕心。中國內地已經開始將健康碼更加日常化。香港人想唔想陷入數據煉獄中，就睇大家關注和反抗的決心了。

https://www.facebook.com/makeinterestingreading/photos/a.2054575688144748/2787230191545957/

【可能係全港最精彩齊全的健康碼文章系列】
➤健康碼仲恐怖過國安法：https://bit.ly/31OMR2S
➤可以點抵抗：https://bit.ly/3kMR0wE
➤健康碼英文文宣：https://bit.ly/2QfuT45
➤書生與醫生聯名作者文章刊於 HKFP：https://bit.ly/2EmMX9M
➤書生的傳媒朋友英語專文報道：https://bit.ly/2CNsfPQ

#書生百用 #健康碼

(1). 全民「唔裝 app 唔掃 code」：一定要全民唔合作。

(2). 黃店不合作運動：黃店一定唔可以要求顧客掃code ，有店鋪執行就立即剔除「黃店名單」。

(3). 全世界投訴批評、輿論繼續升溫。

(4). 不入商場不消費。

(5). 戰略思維的改革：任何抵制行動都是愈早實行，成功機會愈大。

香港人要記住，「極權社會下的抵抗」就係「盡可能提升極權的管治成本，做到一分就一分，才可能有機會令圍牆承受不住而倒下」。

詳情參閱： https://www.facebook.com/2054342341501416/posts/2830613987207577/?d=n
Credit:書生百用 #安心出行 #健康碼 #五大方法

政府強制要求 599F 指定的所有場所（包括所有餐廳）都要在 12 月 3 日前向政府申請「安心出行」，收到二維碼後更要在當眼地方展示碼。

書生講左五個月，健康碼「信用系統」終於殺到埋身。而家係第一步，先強制各地公共場所安裝，第二步就係試探商家和市民反應，第三步就係時機成熟，強制市民用「安心出行」先可以進出場所。

三步曲一旦完成，香港人就永遠都會活係「數據監控系統」之中。我地而家可以做既係全力抵制政府第二步。假如第二步都輸埋，就只剩下第三步最後的反抗。

書生會先講坊間幾個主流抵抗「健康碼」的方法點解容易失效（部分內容來自 612 reminder） ，最後會講而家點抵制第二和三步。

▍為何坊間的抵制方法長遠難以成功

先旨聲明，書生唔係認為以下方法完全唔 work，但唔係而家執行；甚至而家就先行依幾步，反而可能會弱化左反抗陣營的力量和聲浪（下文詳解）。

❌用鬼機＋太空卡

如 612 reminder 所言，依招短期內可以奏效，但只要政府推「實名制」 SIM 卡就立即報廢。當然你可以照用「次用手機」去掃CODE ，政府因而收集唔到「主用手機」的數據，但最重要的出入數據、與咩人接觸的數據都能夠收集。

最大問題係，依招係「認可」及「使用」左健康碼，而唔係反對它。一旦健康碼走到第三步，制度確立成熟後，實名制信用系統就會隨之而來，到時政府只要為每個人的「健康」打分，「唔夠分」就唔比進出公共場所，你仍然都係身陷「獄牢」之中。

❌ 轉用Nokia 3310、謊稱／真係無智能手機

好多人以為政府強制要全民都用智能手機係無可能的任務，但只要睇返中國建立信用系統的方法就會知道，政權根本唔駛立法強制要全民用智能手機。

相反，只要人民的生活愈來愈依賴智能手機、只要所有公共場所都需要應用程序（包括消費、進出所有公共場所、公司），人民就會「自動（被迫）」轉用智能手機，依點連「老人」都唔例外。

何況政府可以反過來先用「老人少用智能手機」為由，豁免老人強制使用「安心出行」，或者先針對非老人常去的場所強制進出（例如 599F 指定的場所就係後生仔中年人常去必去的地方），再給予老人資助，直至全民皆同步用智能手機為止。

都係果句，最緊要係只要健康碼三步曲完成，即使你買 nokia 3310 帶出街，話無智能手機都無用，因為結果就係直接唔比你入去。總之生活上迫使你唔用智能手機就生存唔到為止。

❌ 收集各地既二維碼，再亂掃／專掃藍店

如 612 reminder所言，「亂掃／專掃藍店」依招最直接明顯的缺點係，一旦掃既地方真係咁岩中招（有人染病），就搬石砸腳先被政權抓起來。

長遠而言，依招亦好快無效，因為政府可以立法，要求用家必須「如實申報」，否則一旦被發現胡亂掃 CODE ，就犯「虛假聲明」法律或新立的健康碼法。最後大家見要坐監，又係乖乖地掃。唔乖唔合作的，就遲早被更多新型監控系統所發現（例如具監控的智能燈柱、對照進入住所或公司的出入時間等數據推算是否亂掃）。

同樣，依招其實係「認可」及「使用」左健康碼，而唔係反對它。

❌ 用模仿「安心出行」的假 APP 呃場所保安

原則上可能成功一兩次，但只要多人咁用，依招好快曝光，到時政府一定加入認證方法及更多限制，例如要求保安更嚴格檢驗應用程式的真偽。最緊要政府只要時常更新「安心出行」認證方法，甚至變成好似「身份證」咁，依招好快失效。同埋政府可以用「不誠實使用電腦」或立新法拘捕。

＊＊＊＊

香港人可能從來無經歷過極權數據監控社會，太睇小政府係點一步步建立信用系統。只要健康碼三步曲完成，政府就可以慢慢「按照所需和實際情況」，不斷立法及更新應用程序的認證、功能和涵蓋範圍；以上抵制方法好快就失效。

歸根究底，上面方法的問題係太過聚焦於「個人抵制」，不能一鼓作氣「全民抵制」，甚至現時先行可能反過來削弱全民抵制聲浪輿論，部分方法亦變相認可及使用「健康碼」。以上招數可能係未來健康碼完成時避到一時，但唔係「現時」就用黎抵制健康碼建立的好方法。

所以要抵抗，就要全民團結全體抵制，尤其係三步曲完全完成前抵抗到底，因為「任何抵抗都係愈早實行，成功機會愈高」。

好多人覺得書生之前篇文講既四個抵抗方法無咩用，畢竟林鄭政府死要強推仍然會強推到，「咪又係死」。沒錯，極權的確可以強推，但唔代表反抗等於「無用」，只係要睇「大家夠唔夠團結，有無決心作出最大的不合作運動和抵抗」，只要政權建立健康碼的成本極高，仍然有機會勒停依隻瘋馬。

＊＊＊＊

書生再講多次「抗衡健康碼」的「五大方法缺一不可」：

(1). 全民「唔裝 app 唔掃 code」：一定要全民唔合作。12 月 3 日後，全民仍然誓死「唔裝 app 唔掃 code」，要令到「安心出行」既使用數字醜樣到底，令政府更猶豫強推的成效。

(2). 黃店不合作運動：黃店一定唔可以要求顧客掃code ，有店鋪執行就立即剔除「黃店名單」。即使政府行到強制掃 code 出入的地步，黃店亦要企硬唔合作「hea 做」、「扮睇唔到，照比顧客進入」。除非政府強制立法店鋪負責人睇漏一個就必須受懲罰，但依一步必定引來更大反彈。

(3). 全世界投訴批評、輿論繼續升溫：全世界（包括黃店老闆、工會、員工）都要加強輿論，批評、投訴依個機制有幾麻煩、無實用性，令到經營成本極高，亦對防疫無效。總之，繼續說明依個「安心出行」侵犯私隱兼無實用性！並一傳十，十傳百！講比所有人都知。

(4). 不入商場不消費：假如政府強行第三步，強制立法進出場所必須健康碼；全民必須有決心一段時期內不進出任何大型商場、不進內消費，令到商場變成死城，先可能迫令大商家都要退一步諗一諗，建議政府暫時擱置取消。

(5). 戰略思維的改革：沒錯，依個垃圾林鄭政府可以完全不理民情，繼續強推健康碼。但我地唔可以睇小自己力量。記住，任何抵制行動都是愈早實行，成功機會愈大，只要政府愈早期遇到愈大阻力，即使要繼續強推，亦需要付出更巨大的成本同代價，隨時因急進出錯牌而引起更大反彈。相反，一旦成個系統的相關技術、執行細節和立法方針日漸成熟，到時先想抵抗就愈加困難，追悔來遲。

香港人要記住，「極權社會下的抵抗」就係「盡可能提升極權的管治成本，做到一分就一分，才可能有機會令圍牆承受不住而倒下」。

＊＊＊＊

書生唔少朋友都話「健康碼係最後底線」，一完成真係無可能唔移民。但係，香港人經歷了一年多抗爭，真係唔可以咁快放棄。尤其是唔可以被政府行得咁順，覺得「仲未有事，走得切就得」。因為健康碼信用系統可以快速完成，一年都唔駛。

所有手足歸位！唔係要大家街頭拼命，但仍然要頑強抵抗。

#書生百用 #安心出行 #健康碼
https://www.facebook.com/makeinterestingreading/photos/a.2054575691478081/2830697310532578/

//初七將成最後抵抗信用系統的關鍵。

政府繼要求年初七 (18 日) 起，每間餐廳必須要求客人掃「安心出行」（或登記個人資料）才可進入，同樣的強制措施亦在三月起於所有政府大樓或辦公室實行。

政權愈來愈進取，自然是因為最近「安心出行」的下載量不斷上升。這正應驗了書生早前之言，一旦大家下載了「安心出行」，不論用「鬼機+太空卡」或「亂掃藍店」等坊間對策應對，亦已提供「認受性」和「數據」給政府（更別忘記遲點會推「手機號碼實名制」）。

歸根究底，我們把自己看得太弱小，把政府看得太強大。政府要由「安心出行」建立成正式的「健康碼信用系統」，從來並無大家想像中那麼容易。它至少要滿足以下幾項條件： ……//

全文請看：
https://www.patreon.com/posts/47576566

#書生百用 #安心全行 #健康碼 #初七 #請廣傳

轉發的

初七將成最後抵抗信用系統的關鍵。

政府繼要求年初七 (18 日) 起，每間餐廳必須要求客人掃「安心出行」（或登記個人資料）才可進入，同樣的強制措施亦在三月起於所有政府大樓或辦公室實行。

政權愈來愈進取，自然是因為最近「安心出行」的下載量不斷上升。這正應驗了書生早前之言，一旦大家下載了「安心出行」，不論用「鬼機+太空卡」或「亂掃藍店」等坊間對策應對，亦已提供「認受性」和「數據」給政府（更別忘記遲點會推「手機號碼實名制」）。

歸根究底，我們把自己看得太弱小，把政府看得太強大。政府要由「安心出行」建立成正式的「健康碼信用系統」，從來並無大家想像中那麼容易。它至少要滿足以下幾項條件：

(1). 任何系統一開始都是充滿粗疏缺漏。所以政府必須收集大量市民的使用數據，包括使用方式及習慣、所回報的 BUG，然後分析改進、「優化」系統，直至它能達至完美監控為止。這其實需要長時間及大量人口實驗。「安心出行」由上年 8 月推行至今，仍然未能成大氣候，亦因為過去數月不少市民堅持不安裝的緣故。

(2). 因此，由「安心出行」到「信用系統」，政府必須有最起碼的用戶基本盤。現時「安心出行」的下載量是 70 萬，佔約香港人口 10 %，數字雖然龐大，但對比起其他國家防疫追蹤系統仍不算特別高。大家只要足夠團結，完全不下載不使用，政府要建立（及完善）信用系統的成本仍然相當高企。

(3). 政府要建立強力的信用系統，必須把「安心出行」應用到生活各層面，令市民不論出入何處、在哪消費飲食、上班上課，生活已無法再擺脫「安心出行」，才算真正成功。而政府必定是「漸進式」地擴展其應用範圍，因為它需要考慮擴展領域的成本及阻力。今日政府先在自己最可控的政府大樓，和公共（市場）領域上人民必須吃喝的「餐廳」作為場所試點，亦是這緣故。

(4). 因此，如果我們能守住在「餐廳」上堅持不用「安心出行」，形成市民和業界阻力，那麼政府要進一步把它應用到其他公共（市場）領域上，就更為困難。反過來說，一旦我們在「餐廳」先失守缺堤，往後要阻止政府擴展它到其他地方（下一步一定是商場街市）的成本就會極高，接近無可能。

所以，初七之後將成關鍵中的關鍵。它決定了未來香港是否會出現信用系統。這絕不是說笑。

＊＊＊＊

所謂「牛唔飲水唔撳得牛頭低」。今年牛年，希望大家能做個不低頭的牛，堅持抵抗，不要妄自菲薄，先自我放棄。

新加坡有個防疫追蹤程式，叫「TraceTogether」。一開始政府亦是以「只用在防疫」為名，呼召市民放心安裝。到現時新加坡有 8 成市民安裝 TraceTogether，而且這系統已成熟到所有生活細節都必須使用它，政府改了口徑，指警察有權使用這程式所收集的數據，以作「嚴重刑事調查案件」之用。

有不少新加坡市民認為政府出爾反爾，相當不滿，甚至在社交網絡上揚言要刪除 TraceTogether，但監控系統早已成熟完善，生活已無法擺脫程式，想拒絕也拒絕不了。正式授權警察使用的新法案亦在早前正式通過。

有那麼鄰近相似的威權政府給我們借鏡，難道我們還不醒過來？還以為「安心出行」真的會在疫情過後自動消失？以現時林鄭政府的信譽，大家心裡面自然有個答案。

＊＊＊＊＊

書生再次分享「抗衡健康碼」的「五大方法，缺一不可」：

(1). 全民「唔裝 app 唔掃 code」：一定要全民唔合作，誓死「唔裝 app 唔掃 code」，要令到「安心出行」的認受性降到最低，同時令政府沒有更多數據完善應用技術。

另外，政府提供「登記個人資料」的選項，其實亦說明它確實需要控制成本和擔心阻力，現還在試水溫。因此，愈多人為求方便用「安心出行」，我們就愈危險。相反，「登記個人資料」雖亦有風險，但內頭有很多細節可以做，總比安裝「安心出行」安全。

(2). 黃店不合作運動：黃店一定唔可以要求或鼓勵顧客必須掃 code ，有店鋪執行就立即剔除「黃店名單」。黃店亦不核對任何顧客所登記的個人資料。

(3). 全世界投訴批評、輿論繼續升溫：全世界（包括黃店老闆、工會、員工）都要加強輿論，批評、投訴依個機制有幾麻煩、無實用性，令到經營成本極高，亦對防疫無效。總之，繼續說明依個「安心出行」侵犯私隱兼無實用性！並一傳十，十傳百！講比所有人都知。

(4). 不入商場不消費：假如政府強行推多步，強制立法進出任何場所都必須健康碼；全民必須有決心一段時期內不進出任何大型商場、不進內消費，令到商場變成死城，先可能迫令大商家都要退一步諗一諗，建議政府暫時擱置取消。

(5). 戰略思維的改革：沒錯，依個垃圾林鄭政府可以完全不理民情，繼續強推健康碼。但我地唔可以睇小自己力量。記住，任何抵制行動都是愈早實行，成功機會愈大，只要政府愈早期遇到愈大阻力，即使要繼續強推，亦需要付出更巨大的成本同代價，隨時因急進出錯牌而引起更大反彈。

相反，一旦成個系統的相關技術、執行細節和立法方針日漸成熟，到時先想抵抗就愈加困難，追悔來遲。

香港人要記住，「極權社會下的抵抗」就係「盡可能提升極權的管治成本，做到一分就一分，才可能有機會令圍牆承受不住而倒下」。

【可能係全港最精彩齊全的健康碼文章系列】
➤健康碼仲恐怖過國安法：https://bit.ly/31OMR2S
➤健康碼信用系統是什麼回事：https://bit.ly/3kMR0wE
➤健康碼英文文宣：https://bit.ly/2QfuT45
➤書生與醫生聯名作者文章刊於 HKFP：https://bit.ly/2EmMX9M
➤書生的傳媒朋友英語專文報道：https://bit.ly/2CNsfPQ
➤為什麼坊間個人對策沒用： https://bit.ly/2NqTxkf

#安心出行 #健康碼 #請廣傳 #全民抵抗
書生百用 書生百用2.0
===========
【經營困難，和手足一起贊助書生100蚊】
銀行戶口：783-279938-668，香港恆生銀行， PangChit
PayMe : D232548655/ QRCode: https://goo.gl/jMm6pw
PayPal：paypal.me/bacchuspang
轉數快ID: 4225793
Patreon即將試行其他形式及更深度的內容：https://www.patreon.com/makeinterestingreading

#Admin專欄 #安心出殯只係第一步 #健康碼 #芝麻積分 #安心出殯 #初七安心出殯你準備好未？ @windseasonbro

初七安心出殯你準備好未？你會選擇安裝閹割版APK？選擇喺黃店簽到？定係誓死唔用，反抗？

講起安心出殯，講起健康碼，講起大數據監控，必先講下『中国社會信用體系』，呢個係中国喺2014年提出嘅概念，而當中最出名嘅係2015年，由阿里巴巴開發嘅『芝麻信用』，配合一街嘅閉路電視，實時監控人民嘅生活。官方嘅社會信用評分低會影響買高鐵車票或飛機票、出遊，甚至能否借錢、獲公司聘用、子女能否進入好學校、享用的社會福利等。

簡單嚟講，就係犯法如亂過馬路會被扣信用評分，做某好事會加分，中国支付寶嘅芝麻積分爲五個等級：
一等級：700——950，信用極好
二等級：650——700，信用優秀
三等級：600——650，信用良好
四等級：550——600，信用中等
五等級：350——550，信用較差。

信用等級高會有甜頭，例如可以免費踩共享單車。支付寶嘅芝麻積分嘅信譽能力係直接同生活入面各種事情都有掛鈎，而因為支付寶係實名認證，一旦信用評分非常低，你會喺每方面都受到限制。

支付寶亦係最早推出健康碼嘅平臺，及後騰訊嘅微訊都推出防疫「健康碼」，分有綠、黃、紅三色。

而事實上，安心出行類似健康碼、文明碼嘅概念多過似芝麻信用，但係呢幾樣嘅共同之處都係一樣———監控人民。

而『信用低』／『健康碼黃／紅』會被限制唔可以進入某D場所。

『芝麻信用』、『文明碼』呢Ｄ概念喺當年雨革前後已經喺高登睇到有人開Post講，但到香港真係要實行安心出殯時，香港人先係真真正正面對呢個問題。

我自己唔會安裝安心出殯。
我自己唔會安裝安心出殯。
我自己唔會安裝安心出殯。

如果大家問我，我Prefer唔安裝，如果有人／屋企人一定要安裝嘅，請跟以下步驟：

1⃣ 去旺角先達／深水埗買一部幾百文全新鬼機。
2⃣ 電腦下載閹割版APK，並安裝：https://lihkg.com/thread/2408427/page/1
3⃣長期飛行模式，並唔開藍芽唔連上網唔插電話咭。

千祈唔好因為慳錢用舊手機，因為：
＊就算你用舊手機，即使Format過，都會有你嘅舊資料，當你網上下載安心出殯時，舊資料已被Hack。

千祈唔好以為可以繼續用舊機，用果時飛行模式就得，因為：
＊個Apps喺後臺自動Update嘅時候有可能已經資料送中。

千祈唔好喺公開論壇如連登／公開場合話交換QR Code：
＊政府會話懷疑有人『不誠實使用電腦』Etc.
＊可能會話QR Code都唔能夠確保真實，於是改以藍芽裝置紀錄出行。

如果改全以藍芽裝置紀錄安心出殯，呢單嘢會好大鑊，到時會演變為藍芽監控，甚至係可以控制到有安裝正版安心出殯嘅電話搜尋附近嘅藍芽裝置，加上以電話通訊商配合追蹤，到時基本上避無可避！

千祈唔好喺黃店亂填個人資料：
＊累黃店被罰五萬及監禁六個月
＊屈鳩你『虛假文書』

如果大家問我，我Prefer唔安裝，如果有人／屋企人一定要安裝嘅，請跟以下步驟：

1⃣ 去旺角先達／深水埗買一部幾百文全新鬼機。
2⃣ 電腦下載閹割版APK，並安裝：https://lihkg.com/thread/2408427/page/1
3⃣ 長期飛行模式，並唔開藍芽唔連上網唔插電話咭。

#請廣傳 #暴風雨專欄

其實我好多篇admin專欄都講過類似嘅嘢。

#Admin專欄 #安心出殯最壞打算 #健康碼 @Windseasonbro

過往一年，我已經喺本Channel提過大家政府想透過疫情，利用『安心出殯』，『健康碼』，係最終建立一套『社會信用評分』嘅第一步。

起初剛實行安心出殯嘅時候，有大部分人係用『安心回家』，我係反對嘅(詳情睇返我以往D Admin專欄，不贅)，我係贊成買一部鬼機然後下載安心出殯然後長期較飛行模式，離線使用避開監控，又或者用真實資料寫紙仔，以免連累黃店。

今年五一之前，我已經預料政府會借安心出行大量搞鳩黃店，所以我叫大家盡量轉食外賣。然而，政府無喺果個時間行動，果時大家都不以為然，到隔咗幾個月之後嘅呢兩個月，政府先開始大量打壓黃店，包括Check紙仔、罰『安心回家』，見到有錯漏即位位罰五千黃店又停業又罰款；亦如我所料，預告或會要求安裝藍芽版本嘅安心出殯，並於每個場所安裝探測裝置......

有手足問我，而家點做好，因為佢唔想安裝安心出殯，我嘅答案係，我哋可以做嘅嘢分三個階段:

現階段(仍然有得用QR Code安心出殯嘅時候)：
1) 買部鬼機，求祈搵個地方開公廁Wifi上網，唔好插電話卡之類。
2) Play Store /Apps Store安裝官方安心出殯。
3) 鬼機唔好插卡，長期飛行模式。

下階段(無得用QR Code安心出殯，只可以掃藍芽嘅時候)：
1) 唔好堂食，盡量嗌外賣。

最後一階段（無得用安心出殯，只可以用健康碼，無健康碼就無得入商場、上交通工具嘅時候)：
1) 唔好堂食，盡量嗌外賣。
2) 行路撚，行返公司，行返屋企。
3) 唔食商場舖，改食地舖。

今日割五成，明日割十成（我知道係城非成，但香港好快割十成，１００％），香港人要堅持。雖然有人會話：屌你咩？我行路返唔到公司喎，但我認為，只要大家堅持做其他人眼中無可能嘅嘢（當然唔係叫你哋由沙頭角行去中環，我意思係如果好近，住深水埗到太子返工，請你堅持日日行路）。

今日開始盡量嗌外賣，只有嗌外賣，對家先難以估算，只有盡我哋每一個人每一分力，或者先可以對抗到對家。

當然，更壞情況係：

如果政府要求要上網使用安心出殯（或更新一定要上網先可使用），而見到無開上網嘅電話，即刻罰五千，或者『有合理懷疑你持有兩部電話嘅其中一部電話係偷竊得來，要求你解鎖電話』

比較好嘅做法係：
１）襯而家重有得離線版使用安心出殯就下載。
２）鬼機同真機都要鎖，鎖定螢幕係自己個樣。

呢個只係比較好嘅做法，但與虎謀皮，玩火自焚，畢竟權力喺佢手上，喺唔反抗嘅情況下，我哋做任何嘢都只係花拳繡腿，無乜用。

你又有乜建議？請PM @Windseasonbro 討論下，感謝。

2021年2月16號呢篇admin專欄，就係講2022年2月嘅今日發生嘅健康碼進出商場，而2023年2月下一步係唔係就係香港社會信用系統？

#admin專欄

#投稿

#螢光素酶 係 #疫苗紋身電子身份證 的，與 #檢測棒 無關。

https://t.me/GreatAwakeningHk/5951