#頻友心聲

我完全明白同認同，但又唔敢講太多嘢，免得俾人話人血！本身都有做小手工藝品俾黃店賣，想幫多啲手足補返少少生活費，所以真係唔敢標價太高，只想多人買就好，手工藝品最大值錢係人手做、創意及背後理念，香港一早已經冇晒輕工業及其產品，要靠買入淘寶貨做產品基礎係明白嘅，但就要視乎賣出嘅定價，其實係咪可以調低啲、合理啲呢，我諗呢方面佢哋係可以再深思一下或調整一下

寄賣產品係黃店目的都係想幫手足，可以嘅話盡量同商業產品處理方法分開少少會好啲，除非真係純商業產品，例如黃口罩，佢地唔需要標榜背後捐咗幾多去星火/612，係明碼實價，以合理價錢黎賣。我諗荃扣里可能都係定價方面處理得有少少唔夠好啫，問題應該不大卦！（純粹個人意見，不喜勿插）

重申講一次 #不割𥱊，不分化，不內鬥