Дзікая прырода побач
2.88K subscribers
2.57K photos
197 videos
2 files
1.28K links
ТАА "Дзікая прырода" 🌳🐺🐤

🌿 Навіны дзікай прыроды і птушкавання
🦡 Барсук Ясь запрашае цябе ў "Дзікі клуб"
🤲 Наш прыбытак ідзе на ахову дзікай прыроды Беларусі

Людзі - для дзікай прыроды, дзікая прырода - для людзей!
Download Telegram
This media is not supported in your browser
VIEW IN TELEGRAM
Рэдкая птушка можа прыляцець да цябе на кармушку!

Так здарылася з Кацярынай Крупянковай з Брэста, да якой на кармушку завітала малая чачотка. 🤩

Малая чачотка (Carduelis flammea cabaret) – гэта падвід звычайнай чачоткі, які сустракаецца ў Беларусі падчас зімоўкі. Некаторыя вучоныя лічаць яе асобным відам.

#дзікіфакт Раней яны гнездаваліся толькі на Брытанскіх астравах і ў Альпах. Але зараз гэтая форма распаўсюджваецца на ўсход і загнездавалася нават на поўдні Польшчы.

🐦 Малая чачотка адрозніваецца ад іншых падвідаў чачоткі меншым памерам, моцнай рыжай афарбоўкай верхняй часткі цела, інтэнсіўным вохрыстым налётам па баках жывата і грудзей (у самак і самцоў-першагодкаў). У старых самцоў гэтай формы шчокі і грудзі маюць насычанае вінна-ружовае адценне. Бывае цяжка яе вылучыць сярод соцень звычайных чачотак.

Якія рэдкія госці прыляталі да цябе на кармушку?

Падзяліся гэтым відэа з сябрамі! 🙌

🎥 Дзякуем за відэа Кацярыне Крупянковай.
Птушыныя хаўтуры?

🐦 Мы ўжо з вамі ведаем, што ў шэрых варон вельмі развіты інтэлект. Ёсць у гэтых птушак і свае рытуалы.

#дзікіфакт Калі варона памірае, яе родзічы і суседзі могуць сабрацца на «хаўтуры». Выгляд мёртвай вароны звычайна прыцягвае чараду суродзічаў. Падчас развітання вароны амаль ніколі не датыкаюцца да мёртвай птушкі. Лічыцца, што так яны спрабуюць даведацца аб магчымых новых пагрозах.

👉 Цікавыя факты пра шэрую варону чытай па хэштэгу #птушка2024года

📷 Фота з чату "Птушкі з фотастужкі".

Калі ты таксама хочаш дзяліцца з намі сваімі птушынымі фотаздымкамі або проста любіш разглядаць прыгожыя фота птушак, далучайся да чату @ptushkafota.
Птушка года: факт № 11 з 15.

🦆 Многія вароны ўмеюць ускрываць грэцкія арэхі там, дзе яны растуць. Маладыя птушкі вучацца ў старэйшых.

Грэцкія арэхі высаджаны ўжо амаль па ўсёй Беларусі, але яшчэ не ўсюды вароны і гракі навучыліся іх ускрываць. Шэрыя вароны кідаюць арэхі на асфальт з вышыні, каб ён трэснуў.

У некаторых гарадах Японіі вароны навучыліся выкарыстоўваць святлафоры на скрыжаваннях і пешаходных пераходах. Яны забіраюць ласыя кавалачкі ці разбіты арэх, калі машыны спыняюцца на чырвонае.

☝🏻 Калі табе здарыцца назіраць, як шэрыя вароны паводзяцца з арэхамі, дасылай свае паведамленні ў Тэлеграм-чат, прысвечаны птушцы года @ptushkahoda. Мы будзем збіраць паведамленні аб такіх назіраннях, каб скласці карту пражывання самых прасунутых варон!

Больш цікавых фактаў пра шэрую варону шукай па хэштэгу #птушка2024года

📷 Фота Кацярыны Вараб’ёвай.

#дзікіфакт
Please open Telegram to view this post
VIEW IN TELEGRAM
А ты ведаў_ла, што самкі драпежных птушак і соў часцей за ўсё буйнейшыя за самцоў?

На фота пара шулякоў-галубятнікаў (ястреб-тетеревятник). У гэтых птушак самкі могуць важыць да 45% больш за самцоў.

🌺🐦 Віншуем з 8 сакавіка тых, хто святкуе! І няважна, хто ў вашай пары буйнейшы памерам, галоўнае, каб у ёй былі мір і згода!

📷 Фота з сайта o-prirode ru.

#дзікіфакт
Птушка года: факт № 12 з 15.

#дзікіфакт: Шэрыя вароны могуць запомніць твар чалавека і затаіць крыўду.

🦆 У адным эксперыменце вароны запомнілі чалавека, які іх лавіў. І праз некаторы час яго пераследавалі ўжо ўсе навакольныя вароны. Птушкі не забылі ягоны твар нават праз некалькі гадоў, а таксама перадалі сваё стаўленне новым пакаленням. Таму не крыўдзі шэрых варон!

👉🏻 Сябра, мы падрыхтавалі ў гэтым годзе шмат актыўнасцяў, звязаных з шэрай варонай. Глядзі ўвесь спіс па спасылцы https://birdingbelarus.by/dikij-blog/znakomaya-neznakomka-pomogite-uznat-bolshe-o-pticze-goda-seroj-vorone

Выбірай, якая актыўнасць цікавая менавіта табе і далучайся! Твой удзел дапаможа людзям паглядзець на гэтую цікавую разумную птушку па-новаму. Анонсы варушнякоў будзем публікаваць у нашых сацсетках. 🙌🏻

Іншыя цікавыя факты пра шэрых варон шукай па хэштэгу #птушка2024года

📷 Фота Анастасіі Скачэк, @ptushkafota
Please open Telegram to view this post
VIEW IN TELEGRAM
А ты ведаеш, як вароны бароняць сваю тэрыторыю?

Птушка года: факт № 13 з 15.

#дзікіфакт: Шэрыя вароны аб'ядноўваюцца ў чароды, каб адагнаць драпежнікаў са сваёй тэрыторыі.

🦆 У крумкачовых шмат ворагаў – гэта драпежныя птушкі, совы, лісы і куніцы. Адмысловым крыкам вароны прыцягваюць да драпежніка суродзічаў. Яны пікіруюць і наносяць удары дзюбамі. Як правіла, вароны праганяюць драпежніка, калі не задзяўблі яго да смерці.

Дакладна так робяць і многія дробныя птушкі, калі адчуваюць небяспеку для гнязда з боку вароны. Яны аб'ядноўваюцца ў чараду і праганяюць варону нападамі, крыкамі і дажджом з памёту.

Часам шэрыя вароны аб’ядноўваюцца, каб адагнаць драпежную птушку ці лісу ад здабычы.

👉 Калі табе трапіцца шэрая варона з незвычайнымі паводзінамі, здымай фота ці відэа і дасылай у Тэлеграм-чат “Птушка года” @ptushkahoda

Больш цікавых фактаў пра сырую варону чытай па хэштэгу #птушка2024года

📷 Дзякуем за фота Валеру Пясецкаму.
Please open Telegram to view this post
VIEW IN TELEGRAM
А ты можаш кантраляваць свае жаданні? Вось варона можа!

Птушка года: факт № 14 з 15.

#Дзікіфакт: Вароны ўмеюць кантраляваць свае жаданні. Эксперымент паказаў, што ручныя вароны чакалі і не з'ядалі атрыманы пачастунак, калі ім было абяцана ў абмен нешта смачнейшае пазней.

👉 Больш цікавых фактаў пра шэрую варону чытай па хэштэгу #птушка2024года.

Дзяліся сваімі назіраннямі цікавых паводзінаў шэрых варон у Тэлеграм-чаце “Птушка года” @ptushkahoda

📷 Дзякуем за фота Таццяне Алешка 🙌
А ты ведаў_ла, колькі ў Беларусі крумкачовых птушак?

Птушка года: факт № 15 з 15.

🦆 Акрамя шэрай вароны ў Беларусі гняздуюцца іншыя крумкачовыя птушкі: крумкач (ворон), грак, сарока, каўка (галка), сойка, арэхаўка (кедровка).

#дзікіфакт: Крумкач – гэта іншы від птушак, ён не можа стварыць пару з шэрай варонай.

Шукай цікавыя факты пра шэрую варону па хэштэгу #птушка2024года

Далучайся да Тэлеграм-чату "Птушка года". Там зараз адзін з удзельнікаў кожны дзень дзеліцца новымі відэа з гнязда вароны з птушанятамі. Гэта амаль што стрым! Паспей паназіраць за іх сямейным жыццём, пакуль вараняняты не пакінулі гняздо @ptushkahoda

Вызначыш, хто з птушак на якім фота?

📷 Дзякуем за фота Віталю Некрашэвічу, Аляксею Вайцянкову, Іне Шкурко, Валеру Пясецкаму, Аксане Суботка.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Што свіргулі (стрижи) здольныя рабіць у палёце?

🐦 Сёння – Сусветны дзень свіргуля. Трымай #дзікіфакт пра гэтую неверагодную птушку.

Свіргулі амаль усё жыццё праводзяць у паветры: у палёце яны палююць на насякомых, п’юць, ловяць будаўнічы матэрыял для гнязда, спяць і нават любяцца.

Здараецца і так, што свіргуль апынаецца на зямлі: напрыклад, на вялікай хуткасці сутыкнуўся з перашкодай, або птушаня няўдала ўпала з даху. Свіргулі ў адрозненне ад большасці птушак не кормяць птушанят пасля таго, як яны пакінулі гняздо.

Як дапамагчы свіргулю, які ўпаў, і пры гэтым не пашкодзіць яму?

👉 Прачытай памятку, захавай сабе, падзяліся з сябрамі.
Калі б птушкі маглі выбіраць сабе прафесію, то папаўзень дакладна быў бы тынкоўшчыкам. 😁

🐦 Звычайны папаўзень гняздуецца ў дуплах, але сам іх не дзяўбе. Ён займае дуплы, або штучныя дуплянкі.

#дзікіфакт: Калі адтуліна лятка занадта вялікая для папаўзня, ён замазвае яе глінай, змяшанай са сліной, і застаўляе ляток дакладна пад сябе, дыяметрам 3,5 см. Толькі паглядзі, як акуратна ён гэта робіць! У асобных выпадках такая “шпаклёўка” пакрывае прылеглыя да дупла ўчасткі кары і нават частку “кватэры” знутры.

А ты бачыў_ла гняздо папаўзня?

👉 Яшчэ адзін дзікі факт пра папаўзня знойдзеш у размалёўцы ад арнітолагаў “Птушкі ля кармушкі”. Хто ўжо расфарбаваў папаўзня? Пакажыце ў каментарах, будзем любавацца разам.

Размалёўка на дзвюх мовах, пра кожную птушку ёсць цікавы факт. Шчыльная бумага вельмі прыемная навобмацак. Такая размалёўка падыдзе і дзецям, і дарослым – гэта і рэлакс і спазнанне новага.

Заказаць камплект з трох розных размалёвак можна ў нас на сайце.

📷 Фота Віталя Некрашэвіча, Анастасіі Сяргеевай.
Толькі паглядзі, якія колеры! 🤩

🐦 Шчурка-пчалаедка выглядае як райская птушка. І гэтую прыгажосць магчыма ўбачыць у Беларусі. Від уключаны ў нацыянальную Чырвоную кнігу.

#дзікіфакт: Шчурка-пчалаедка не дарма носіць свае імя. У яе рацыёне акрамя іншых насякомых ёсць пчолы і восы. Перад тым, як з’есці пчалу ці асу, шчурка-пчалаедка адрывае джала, а потым заглынае здабычу.

У нас можна набыць значок-пін на адзенне з гэтай прыгажуняй, які выглядае вельмі натуралістычна. Прыбытак ад продажу ідзе на ахову дзікай прыроды.

А табе пашанцавала ўбачыць шчурку-пчалаедку?

📷 Дзякуем за фота Віктару Выскварку і Валеру Пясецкаму.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
Навошта яны гэта робяць? 😯

Цікавае відэа зняў наш падпісчык Ягор Іваноў. На ім вялікая коўра (чомга) корміць сваё птушаня… уласнымі пёрамі! Але для чаго?

Цікава, што яшчэ ацтэкі ў 16 стагоддзі лічылі, што коўры ядуць у асноўным свае пёры і часам рыбу.

#дзікіфакт Вялікая коўра час ад часу глытае ўласныя пёры, а таксама корміць імі сваіх птушанят. Коўры ядуць рыбу, у тым ліку калючых акунёў і яршоў, якія патэнцыйна могуць пашкодзіць кішэчнік.

🪶 Такім чынам, коўры пачалі выкарыстоўваць свае пёры як спосаб запаволіць страваванне. Пасля таго, як птушка іх праглынае, пёры трапляюць у страўнік, які складаецца з трох частак – спачатку ў камеру захоўвання, потым у сам страўнік і, нарэшце, у трэцюю частку. Пёры ўтвараюць шчыльныя шары і, здаецца, запавольваюць праходжанне ежы дастаткова доўга, каб ежа магла быць бяспечна разрэджана.

Затым вострыя косткі выплёўваюцца з пёравымі шарыкамі, прыкладна так, як у соў і іншых драпежных птушак. Коўра можа выкінуць да шасці пёравых мячыкаў за вечар.

Ну што за дзіўныя і прыгожыя птушкі гэтыя вялікія коўры! 😍

🎥 Дзякуем за відэа Ягору Іванову.
🐦 Ку-ку! Зязюля добра вядома тым, што падкідвае свае яйкі ў гнёзды іншых птушак.

#дзікіфакт: Каб падкінуць сваё яйка ў чужое гняздо, зязюлі патрэбна ўсяго 10-16 секунд. Падкінутыя яйкі часта супадаюць па колеры з яйкамі гаспадароў гнязда.

🥚 Птушкі, у гняздо якім падкінулі яйка, рэагуюць на яго па-рознаму: адны выкідваюць яго, другія закладваюць яго слоем будаўнічага матэрыялу і робяць новую кладку. А ёсць і тыя, якія не звяртаюць на яго ўвагі і спакойна наседжваць яго разам са сваімі.

Самка зязюлі за адзін сезон можа адкласці ад 10 да 25 яек, але з кожных 5 падкінутых яек вырастае толькі адно птушаня. 🐣

📷 На фота Алёны Ціхановіч балотная чаротаўка сіліцца прагнаць зязюлю.

Калі ты таксама хочаш дзяліцца з намі сваімі птушынымі фотаздымкамі або проста любіш разглядаць прыгожыя фота птушак, далучайся да чату "Птушкі з фотастужкі" @ptushkafota
This media is not supported in your browser
VIEW IN TELEGRAM
🤩 Толькі паглядзі, якая спрытная рыбачка!

Убачыць чаплю-лазяніка (малую выпь) няпроста – гэта скрытная птушка. Яна гняздуецца ў густых зарасцях па берагах невялікіх мелкаводных азёр, сажалак, забалочаных тарфянікаў, і актыўнічае ў асноўным ноччу. Птушкару Віктару Выскварку давялося вельмі рупліва падрыхтавацца, каб зняць паляванне чаплі на рыбку.

#дзікіфакт Чапля-лазянік – самая маленькая з нашых чапляў. Даўжыня яе цела 33-38 см – яна менш за варону!

У Беларусі гэты від уключаны ў нацыянальную Чырвоную кнігу.

🎥 Дзякуем Віктару Выскварку за цудоўнае відэа.

Калі ты таксама хочаш дзяліцца з намі сваімі птушынымі фота ці відэа, далучайся да чату "Птушкі з фотастужкі" @ptushkafota
This media is not supported in your browser
VIEW IN TELEGRAM
Як справы ў беларускіх суслікаў?

Зараз у іх ідзе час падрыхтоўкі да зімовай спячкі – трэба назапасіць як мага больш тлушчу, каб хапіла да вясны. 😴

#дзікіфакт Суслікі харчуюцца зялёнымі часткамі раслін, насеннем, цыбулінамі і каранямі, з задавальненнем паядаюць травеньскіх хрушчоў і іх лічынак.

Першымі ў спячку кладуцца дарослыя самцы, большая частка самцоў ужо спіць, потым – самкі, а маладыя суслікі – апошнімі, бо ім патрэбна больш часу. Яны актыўна паядаюць насенне траў, якое больш каларыйнае за лісце.

🎥 На відэа Аляксандра Вінчэўскага малады суслік ласуецца насеннем раслін.
Чаму буслы так рана адлятаюць?

У Еўропу, у тым ліку да нас у Беларусь, дарослыя буслы прылятаюць з Афрыкі, каб размнажацца. Калі размнажэнне паспяхова скончылася, буслы адлятаюць на месцы зімоўкі. Чакаць ім тут нічога не трэба – наадварот, ранні адлёт павышае шанец на добрую міграцыю.

♨️ Рэч у тым, што буслы мігруюць з дапамогай тэрмікаў – патокаў нагрэтага ад зямлі паветра, якое падымаецца ўгору. Адлегласць паміж імі можа дасягаць дзясяткаў ці сотняў кіламетраў. Тэрмік падымае чараду птушак угору і яна лунае ўніз у напрамку Афрыкі да наступнага тэрміка. Буслам застаецца толькі распасцерці крылы.

Здавалася б, крута так ляцець, не трэба траціць сілы, каб махаць крыламі, лунаеш сабе і ўсё. Але ў такога спосабу ёсць і мінусы. Падчас халадоў або дажджу буслы міграваць не могуць. Сядзяць і чакаюць пагоды.
Вось таму яны стараюцца стартаваць як мага раней, бо тады ў іх больш шанцаў, што тэрмікі да самой Афрыкі ім будуць забяспечаныя.

🐦 Такім манерам, лунаючы з дапамогай тэрмікаў, буслы могуць перасоўвацца вельмі хутка. Вось свежая навіна ад бусла на мянушку Шыбкі, пазначанага ў Польшчы перадатчыкам. За 12 дзён пасля пачатку вялікай міграцыі ён дасягнуў Егіпта, пераадолеўшы 3288 кіламетраў!

#дзікіфакт Жураўлі знешне падобныя да буслоў, але яны не сваякі. Жураўлі лятуць у Афрыку клінам. І крыламі яны падчас палёту махаюць, то бок палёт у іх актыўны, і гэта дазваляе ім перасякаць, напрыклад, Чорнае і Міжземнае моры, над якімі буслы праляцець не могуць.

📷 Фота Дзмітрыя Іванова, @ptushkafota.
Пачатак👆🏼

Кожны год арнітолаг Валер Дамброўскі назірае за жыццём гэтай самкі з дапамогай фотапастак ля гнязда. Сабраны даволі добры матэрыял для навуковага артыкула, але бракавала здымкаў, як птушка выглядае ў паветры. Было б добра зразумець, як яе не зблытаць, напрыклад, з малым арляцом.
І вось арнітолагу нядаўна ўдалося ўпершыню пабачыць гэтую самку сваімі вачыма і атрымаць некалькі фота ў палёце.😍

“Зблізку колер ніжніх крыючых крыла, шыі і галавы вельмі адметны - з моцным аранжавым адценнем, нібыта птушка знутры свеціцца, - піша ў сваім акаўнце Фэйсбука Валер. - А вось на значнай адлегласці ён страчвае гэты эфект і выглядае проста светла-бэжавым, зусім як у малога арляца. Так што блытаніна відаў у выпадку назірання дарослага фульвесцэнса вельмі верагодная. Асабліва калі светлым будзе дробны самец вялікага арляца”.

#дзікіфакт: І вялікі, і малы арлец уключаны ў Чырвоную кнігу Беларусі, але вялікі арлец больш рэдкі і яму пагражае глабальнае знікненне. У Беларусі гняздуецца 120-160 пар – і гэта адна з найвялікшых папуляцый гэтага віду ў свеце.

Дзякуем Валеру Дамброўскаму🙌
Media is too big
VIEW IN TELEGRAM
Што гэта з малой белай чапляй, чаму яна так паводзіцца?🧐

Не хвалюйся, гэта звычайныя паводзіны, і гэта зусім не танец, а паляванне!😁

Малыя белыя чаплі (МБЧ) кормяцца на мелкаводдзі – ловяць рыбку, жабак, насякомых, рачкоў, павукоў, малюскаў, дробных рэптылій.

Як і меню, спосабы здабычы ежы ў МБЧ таксама разнастайныя. Яны могуць нерухома стаяць у вадзе, а потым – хоба! – і рыбка, якая праплывала міма, ужо ў дзюбе.

А могуць, як на відэа, бегчы па вадзе з апушчанай дзюбай напагатове. Часам яны пры гэтым распасціраюць крылы.

На відэа ёсць момант, дзе чапля патупвае нагой – гэта якаб патрывожыць дробную рыбу: тая пачынае ўцякаць, і чаплі лёгка яе заўважыць.

#дзікіфакт Часам МБЧ, як і белыя буслы, палююць побач са статкамі: каровы, калі рухаюцца, трывожаць жабак, тыя скачуць - і іх лёгка ўпаляваць. 🐸

МБЧ – рэдкі залётны паўднёвы від у Беларусі, рэгіструецца ў нас амаль штогод. Вельмі падобная па афарбоўцы на вялікую белую чаплю, але сама памерам з вялікага кулёна.

Відэа зняла ў Тураве Іна Субоціна.