Птушка года - факт № 6 з 15-ці.

🦆 Ведаеш, як спявае варона?

🎶 Апроч знакамітага каркання, вароны выдаюць яшчэ каля 70 сігналаў. Але як ва ўсіх воранавых, у іх ёсць яшчэ і ціхая песня.

#дзікіфакт Вароны не спяваюць гучна, каб прывабіць партнёра на адлегласці. Замест гэтага яны спяваюць ціха — і з блізкай адлегласці — падчас заляцанняў, з багатай сумессю ціхага буркавання, хрыплых гукаў, рыкаў, паклонаў і ўзаемнага прыціскання дзюбай.

❓ А табе даводзілася бачыць такія паводзіны ў варон?

Мілая шчочка ў вароны, праўда? ☺️❤️

🎥 Відэа Уладзіміра Бондара.

#птушкагода #птушка2024года #шэраяварона

Птушка года: факт № 7 з 15. 🦆

Правярай, ці ведаў_ла ты гэта аб шэрай вароне! 😉

#дзікіфакт Песня вароны асаблівая для сваёй сацыяльнай групы.

🎶 Даследаванні груп у няволі паказалі, што кожная група выпрацоўвае адметныя гукавыя элементы, якія становяцца своеасаблівай культурнай традыцыяй — дыялектам — па якім вароны пазнаюць адна адну.

📷 Фота Іны Шкурко, @ptushkafota

#птушка2024года #шэраяварона

Ціў! Правярай, хто што прапусціў.

Падборка самага цікавага за студзень:

🌱 Гонар беларускай навукі: нашы вучоныя адкрылі свету 33 новыя віды раслін. Яны апісаны ў новым томе кнігі "Флора Беларусі".

🥵 Гарачыя навіны: якія кліматычныя рэкорды былі ў Беларусі ў 2023 годзе.

🐦 Расказваем, дзе шукаць прыгажуноў гілёў.

🧑‍💻 Парада: як адарваць дзіця ад гаджэтаў і зацікавіць дзікай прыродай.

🦅 Драпежнік-арнітафаг атакуе птушыную сталоўку ў Вуглянах.

❓ Чаму ірга каласістая – шкодная расліна, і што рабіць, калі яна ўжо расце на тваім падворку?

🦆 А цікавыя факты пра разумніцу і прыгажуню шэрую варону знойдзеш па хэштэгу #птушка2024года.

🦆 Птушка года: факт № 8 з 15.

#дзікіфакт Шэрыя вароны жывуць да 16 гадоў. Размах іх крылаў да 1 метру. А важаць яны ў сярэднім паўкіло.

👉 Факты пра шэрую варону збіраем па хэштэгу #птушка2024года.

📷 Фота Алёны Ціхановіч.

Калі ты таксама хочаш дзяліцца з намі сваімі птушынымі фотаздымкамі або проста любіш разглядаць прыгожыя фота птушак, далучайся да чату "Птушкі з фотастужкі", @ptushkafota.

Птушка года: факт № 9 з 15.

🦆 Шэрая варона – такая знаёмая кожнаму птушка. Многія ведаюць, што вароны – вельмі разумныя стварэнні. Але чаму?

#дзікіфакт Мозг некаторых варон прапарцыянальна большы за чалавечы. Навукоўцы параўноўваюць інтэлект варон з інтэлектам сямігадовага дзіцяці.

Крумкачы (вОроны), вароны і папугаі маюць самыя вялікія суадносіны памераў мозгу і цела сярод птушак. У іх значна больш высокая шчыльнасць нейронаў у пярэднім мозгу, чым у прыматаў. Тэарэтычна, наяўнасць большай колькасці нейронаў прыводзіць да лепшага кагнітыўнага мыслення.

❓ А ты ведаў_ла гэта пра шэрую варону?

👉 Больш цікавых фактаў пра яе знойдзеш па хэштэгу #птушка2024года

📷 Фота Іны Шкурко.

Птушка года: факт № 11 з 15.

🦆 Многія вароны ўмеюць ускрываць грэцкія арэхі там, дзе яны растуць. Маладыя птушкі вучацца ў старэйшых.

Грэцкія арэхі высаджаны ўжо амаль па ўсёй Беларусі, але яшчэ не ўсюды вароны і гракі навучыліся іх ускрываць. Шэрыя вароны кідаюць арэхі на асфальт з вышыні, каб ён трэснуў.

У некаторых гарадах Японіі вароны навучыліся выкарыстоўваць святлафоры на скрыжаваннях і пешаходных пераходах. Яны забіраюць ласыя кавалачкі ці разбіты арэх, калі машыны спыняюцца на чырвонае.

☝🏻 Калі табе здарыцца назіраць, як шэрыя вароны паводзяцца з арэхамі, дасылай свае паведамленні ў Тэлеграм-чат, прысвечаны птушцы года @ptushkahoda. Мы будзем збіраць паведамленні аб такіх назіраннях, каб скласці карту пражывання самых прасунутых варон!

Больш цікавых фактаў пра шэрую варону шукай па хэштэгу #птушка2024года

📷 Фота Кацярыны Вараб’ёвай.

#дзікіфакт

Птушка года: факт № 12 з 15.

#дзікіфакт: Шэрыя вароны могуць запомніць твар чалавека і затаіць крыўду.

🦆 У адным эксперыменце вароны запомнілі чалавека, які іх лавіў. І праз некаторы час яго пераследавалі ўжо ўсе навакольныя вароны. Птушкі не забылі ягоны твар нават праз некалькі гадоў, а таксама перадалі сваё стаўленне новым пакаленням. Таму не крыўдзі шэрых варон!

👉🏻 Сябра, мы падрыхтавалі ў гэтым годзе шмат актыўнасцяў, звязаных з шэрай варонай. Глядзі ўвесь спіс па спасылцы https://birdingbelarus.by/dikij-blog/znakomaya-neznakomka-pomogite-uznat-bolshe-o-pticze-goda-seroj-vorone

Выбірай, якая актыўнасць цікавая менавіта табе і далучайся! Твой удзел дапаможа людзям паглядзець на гэтую цікавую разумную птушку па-новаму. Анонсы варушнякоў будзем публікаваць у нашых сацсетках. 🙌🏻

Іншыя цікавыя факты пра шэрых варон шукай па хэштэгу #птушка2024года

📷 Фота Анастасіі Скачэк, @ptushkafota

Лаві падборку самага цікавага за сакавік! ❤️

🔹 Важныя прыродаахоўныя навіны: нашы неверагодныя дасягненні ў ахове дзікай прыроды, забалочванне ў Белавежскай пушчы
🔹 Незвычайныя назіранні: наш чорны бусел знайшоўся ў Партугаліі, варона-гібрыд у Мінску
🔹 Назірай за птушкамі анлайн: падглядай за сямейным жыццём сокалаў-пустэльг у Брэсце, сачы за прылётам вялікіх арляцоў (больших подорликов)
🔹 Парада: як зрабіць дамок для птушак сваімі рукамі
🔹 Гарачыя навіны: тэмпература на Зямлі б’е рэкорды
🔹 Правер сябе: ці добра ты ведаеш вераб’ёў?

🦆 Птушка года: цікавыя факты пра яе чытай па хэштэгу #птушка2024года

Глядзі спіс актыўнасцяў з птушкай года і выбірай для сябе самыя цікавыя.

Далучайся ў Тэлеграм-чат “Птушка года” 👉 @ptushkahoda

🦡 У “Дзікім клубе” ужо прайшлі дзве дзікія лекцыі – пра цікавыя факты аб запаведніках і нацпарках Беларусі і пра міграцыю нашых птушак. Усе лекцыі магчыма паглядзець у запісы.

На дзікіх афлайн-сустрэчах у клубе мы пачалі вывучаць галасы птушак, ужо вывучылі 10 галасоў птушак, якія прыляцелі.

Далучайся да "Дзікага клуба"! Сваім удзелам у клубе ты падтрымліваеш ахову дзікай прыроды Беларусі, бо ўвесь прыбытак мы накіроўваем на прыродаахоўныя мэты ❤️

Яшчэ хутка плануем выпусціць новы дроп маек і торб, зладзім вясновы чэмпіянат па фотабёрдынгу. І гэта яшчэ не ўсё! Заставайся на сувязі і сачы за навінамі 🤗

❓ А ты ведаеш, як вароны бароняць сваю тэрыторыю?

Птушка года: факт № 13 з 15.

#дзікіфакт: Шэрыя вароны аб'ядноўваюцца ў чароды, каб адагнаць драпежнікаў са сваёй тэрыторыі.

🦆 У крумкачовых шмат ворагаў – гэта драпежныя птушкі, совы, лісы і куніцы. Адмысловым крыкам вароны прыцягваюць да драпежніка суродзічаў. Яны пікіруюць і наносяць удары дзюбамі. Як правіла, вароны праганяюць драпежніка, калі не задзяўблі яго да смерці.

Дакладна так робяць і многія дробныя птушкі, калі адчуваюць небяспеку для гнязда з боку вароны. Яны аб'ядноўваюцца ў чараду і праганяюць варону нападамі, крыкамі і дажджом з памёту.

Часам шэрыя вароны аб’ядноўваюцца, каб адагнаць драпежную птушку ці лісу ад здабычы.

👉 Калі табе трапіцца шэрая варона з незвычайнымі паводзінамі, здымай фота ці відэа і дасылай у Тэлеграм-чат “Птушка года” @ptushkahoda

Больш цікавых фактаў пра сырую варону чытай па хэштэгу #птушка2024года

📷 Дзякуем за фота Валеру Пясецкаму.

⚡️ Калі хочаш зрабіць унёсак у вывучэнне Птушкі года – запрашаем на птушыную прагулку з арнітолагам Аляксандрам Вінчэўскім!

🪺 Для цябе Аляксандр правядзе майстар-клас па падліку гнёздаў шэрых варон і сарок. Будзем вучыцца картаваць іх. Патрэбны зыходныя дадзеныя, каб праверыць, ці выцясняюць вароны сарок з гарадоў. Спадзяёмся, што ты зможаш паўтарыць падлікі потым у сваім мікрараёне.

Вясна бяжыць хутка, праз тыдзень варон на гнёздах будзе не разгледзець. Методыку на днях апублікуем, але лепш паспрабаваць з дасведчаным чалавекам.

🔍 Калі ёсць бінокль – бяры.

✅ Збіраемся заўтра а 18:00 у нашым офісе на вул. Парніковай, 11, памяшканне 4. Удзел бясплатны.

Калі ты не паспееш да гэтага часу, можаш далучыцца пазней – звані па нумары +375447046996

📷 Фота Аимаина хикари, Wikimedia Commons CC BY-NC-SA.

#птушка2024года

Падборка самага цікавага за красавік. Правярай, хто што прапусціў! 🐦

🔹Важныя прыродаахоўныя парады: як зрабіць домік для кажаноў сваімі рукамі; што рабіць, калі бачыш палы травы; куды звяртацца, калі ў тваім горадзе саджаюць чырвоныя дубы; чым замяніць штучныя кветкі на Радуніцу
🔹Гарачыя навіны: дзівосы і страты нашых вялікіх арляцоў
🔹Назірай за птушкамі анлайн: падборка стрымаў з птушыных гнёздаў

🦆 Птушка года:
▪️дапамажы нам падлічыць гнёзды шэрых варон
▪️выбірай сабе цікавыя актыўнасці з птушкай года
▪️дзяліся цікавымі назіраннямі варон ў чаце “Птушка года” @ptushkahoda
▪️цікавыя факты пра варону глядзі па хэштэгу #птушка2024года

👕 Яшчэ мы запусцілі дзікі мерч з птушкай года. Дзякуем усім пакупнікам! Зараз мы апрацоўваем вашы заказы і ўсё адправім да 6-га траўня.

📷🕊 Мы правялі вясновы нацыянальны чэмпіянат па фотабёрдынгу – хутка абвесцім вынікі.

А вас просім зараз прагаласаваць за найлепшае фота чэмпіянату!

🦡 У “Дзікім клубе” акрамя анлайн-лекцый праходзяць яшчэ афлайн-сустрэчы. Зараз мы на гэтых сустрэчах вывучаем галасы птушак.

Далучайся да "Дзікага клуба"! Сваім удзелам у клубе ты падтрымліваеш ахову дзікай прыроды Беларусі, бо ўвесь прыбытак мы накіроўваем на прыродаахоўныя мэты ❤️

А калі табе няма з кім пагаманіць пра птушак ці патрэбна дапамога ў вызначэнні птушак, смела пішы ў @ptushkachat 🐣