🪖 海外戰事消息

俄烏戰爭於今晨再出現重大變化，消息指一直幫緊俄佬打烏克蘭嘅瓦格納私人軍事服務公司(華格納集團)，懷疑早前因為營地被俄軍襲擊造成傷亡(覺得組織成為俄佬CONDOM)，負責人普利戈津於今晨向俄軍宣戰，並聲稱已經佔領了頓河畔羅斯托夫市的南部軍區總部。

而俄羅斯期後亦宣佈瓦格納集團發動武裝叛亂，首都莫斯科進入高度戒備狀態。

🆙 消息指華格納集團現已推進至莫斯科以南約340公里，俄羅斯亦將佢地嘅政府行政專機轉移至聖彼得堡(未知普京是否有隨機轉移)

利申: 關於更多最新戰事消息，請留意 #香港軍事台 或相關軍事頻道

🤔氣象巴打隨筆

俄羅斯自2014年2月入侵克里米亞至今，已造成數以萬計嘅士兵同平民死亡，難民數量更數以百萬計。

氣象巴打認為今次華格納集團成為俄佬CONDOM嘅事係唔值得同情嘅，因為國際間華格納集團呢類私人軍事服務公司(傭兵組織)，好多時會因為金錢而進行武裝行動，更不時做出違反國際人道法嘅行為。就好似華格納集團今次係幫俄佬入侵烏克蘭咁，所以國際間係好應該檢討下呢類私人軍事服務公司係咪應該仲有存在嘅意義。

另一方面，發動入侵烏克蘭嘅俄羅斯就更不值同情，為權利與擁有而發動入侵戰爭，不理平民死活嘅國度，最終只會自取滅亡。

在 #BEYOND 一曲 AMANI 中出現過呢幾句: 權利與擁有的鬥爭，愚昧與偏見的爭鬥，若這裡戰爭到最後，怎會是和平。

氣象巴打希望事件真的可以儘快平息，讓平民同兒童回復正常生活。

#AMANI
#無助與冰凍的眼睛
#流淚看天際帶悲憤
#是控訴戰爭到最後
#傷痛是兒童

⚠️ 災害注意情報(海外)

▪️ 華格納集團宣佈會停止在俄羅斯境內行動。
▪️ 仍須密切留意當地事態發展。
▪️ 如你正身處莫斯科，請仍需作出以下措施:
▪️請選定建築物內較堅固安全的地方，必要時可以暫避。
▪️預備一個逃生袋，袋內應存有乾糧，食水，證件等
▪️儘早確認前往使領館路線，有需要時可前往求助。

🔺 需要特別留意嘅係，戰爭唔同打風，個風消散咗就係消散咗。但戰爭唔同，話停戰唔等於真正停戰，隨時可能玩突襲!
🔺 所以假如可以嘅話，應考慮暫時離開當地。如非必要，香港人亦應避免前往俄羅斯。

🧐 關於更多最新戰事消息，請留意 #香港軍事台 /相關軍事頻道/當地媒體

🆕 2023年06月25日 02時40分 更新

#民眾防護系統
#災害注意