Tələbələrimiz Xəzər dənizində tədqiqatlar aparırlar

📌 Qərbi Kaspi Universitetinin Yüksək Texnologiyalar və İnnovativ Mühəndislik Məktəbinin “Biologiya” və “Su bioejtiyatları və akvakultura” ixtisasları üzrə təhsil alan üçüncü kurs tələbələri Təbiət elmləri kafedrasının müəllimləri – b.ü.f.d. M.Hümbətov və K.Əhmədova ilə birlikdə Universitetin Şirvan Milli Parkında yerləşən Xəzər Dənizi Problemləri Elmi-Tədqiqat Mərkəzinə ekspedisiyada olublar.

Ekspedisiyanın məqsədi Xəzər dənizindən planktona və bentosa aid hidrobioloji materialların toplanması, Milli parkın ərazisində yayılmış həşəratların və ilbizlərin toplanması olub.

Hidrobioloji materiallar həm canlı halda, həm də spirtdə fiksə edilib, sonrakı işlənmələr üçün Qərbi Kaspi Universitetinin Hidrobiologiya laboratoriyasına gətirilib.
İlk müşahidələr zamanı nümunələrdə həşərat sürfələri, yanüzən xərçənglər, krevetka, yosunlar və plankton qeydə alınıb.