https://youtu.be/MPkCcWFuS-Q


متعوب وعلي وكبران انه الدافن عوافي الله
گلت ساعة دفنهه احاه اموت وياهه وين الله
چنت لمن ارد تعبان تريحني بگواك الله
………
دفنت الضحكه نص الليل
دفنت وياهه خلگ وحيل
وتبده اعلى الگبر عمري
…….
ال اتحبه وتدفنه اشلون
نعمه وضل عليه اعيون
رجعت وبالگلب كسري
————————————————
انه ايسموني ابو الحيلين رجعت وامشي بالگوه
انه ايصيحوني راعي الباب ادور عن متن تچوه
اليلاگيني ايصفن ويگول علي لا هو مو هوه
……..
عن الضحكه انكتب صومي
وعلي ثگلت تره اهدومي
امشيب واكسر الخاطر
……..
دليلي ايچوي بضلوعي
ومطر ماتسكت ادموعي
عاشگ وانه هم شاعر
—————————————————
وبعد ياهو اليلاگيني بضحكته من اطب للدار
العصر محلاهه عالتنور من توگف تشب النار
ارد وتحطلي زاده الله اشتهيتك ياخبزهه الحار
……..
اذا سفرتهه مدتهه
گبل زاد الله ضحكتهه
وتهنى ياعلي اتگلي
…….
زغيره ويا ندارتهه
لذيذه الخبزه من عدهه
عليهه مدري شتخلي
————————————————-
احسهه امنه وچبيرتنه التتانيني گبل لتنام
عليهه من البچي والنوح كلساعه ابدل الثام
اشوفن عمري ضل يركض احس روحي گصير ايام
……..
احس كلش ركد شوفي
وصل شيب الله لزلوفي
ونزل عاللحيه اشوفنه
……
احس ماله طعم كلشي
وتخون اجدامي من امشي
خلص هذا العمر چنه

واثق التميمي

ولزينب غربه لم تفارقها حتى موتها



هدتني الأيام …… وتاليهه بالشام
آنه الغريبه ابموتهه
ومحد حمل تابوتهه
تاليهه بالشام
________________
أجتاف ماكو للجنازه
ياعازة الخوان عازه
أجر زلم بس كلهه غربه
السجاد شيسوي توازه
..
نعش العزيز اعليه يضل تتعارك امتون
ولا متن فرفحلي واجه وعود آنه ام عون
…
بفاتحتي اتمنه چنت يگضونهه اثنين
عباس يتلگه الزلم گدامه الحسين
…
عباس بالباب …… امنگب انگاب
زينب يشح زاتوتهه…….. محد حمل تابوتهه

…………………………………………
هو الينازع وكت موته
يرتاح من ايشوف اخوته
المايلگه اخو يمه چبيره
شوغاته تطلع ويه صوته
….
العد راسه مايلگه اخو كلش چبيره
صديت بس ماكو عرف من العشيره
مو يم هلي راح اندفن هاي المصيبه
حگهم يسموني الخلگ بأسم الغريبه
…..
تاليهه بأم عون ……..غربه اليشيعون
هاشم چثيره ابيوتهه …….. محد حمل تابوتهه
……………………………………………
مهضومه منه وكلش اهواي
ماي الله عنده اطلابه وياي ؟؟
عنه انمنع بالطف سكتنه
بتغسيلي ليش اتعطل الماي
…
عطشانه اموتن چن هلي هنيال بختي
الماي العلى حسين انمنع يحرم يشفتي

طف كربله وطف السبي وطف الدواوين
هــاياهضم حد موتتي تتركني چا وين
…
شو كلهه غربه ……. گلبي تطلبه ؟؟
غربتهه حته بصوتهه….. محد حمل تابوتهه
………………………………………..
كل واحد يمرني بزياره
اوصيك بدموع اتجاره
مر كربله واكرمني صوغه
اترابات من گبر الغياره
….
احسين ابو عطر الزچي نشتمه چنه
من عطره هيل الله زعل چيف احلى منه
..
وعباس غطه اعله المسچ وضيعله صيته
ولترابه كل واحد يشم خيعون ريته

اه ياعطرهم …… مشتاگه اشمهم
مشتاكه تشتم خوتهه…… محد حمل تابوتهه

واثق التميمي

خدام الحسين ع اتمنى تنشرون القناة حته تستفاد كل خدمة الحسين ع والك جزء بالثواب وهنيئا لكم الخدمه

شور كعده


صعبه …. صعبه
احنه من باچر يسمونه اليتامه
انه واخواني انتباچه امجابلينك
صعبه ….. صعبه
انته التبچي الزلم واهل الكلافه
هسه ماتكدر تحرك حته عينك

من اجيلك چنت تشبگني بحنان
وآخ يحرورة شبگتك كلهه امان
چنت تضحك من اگول اشلونك

انه عطشانه لشبگتك موش ماي
هسه حظنك مايلمني وكلفه هاي
وليش بويه مدمعه هيچ اعيونك

چنهه صارت من صدگ
أحنه لازم نفترگ
يابو المحنه ……. يابو المحنه

…………………………
غربه ….. غربه
هو اليودع ابوه اشتلگه حاله
تنچفي البرزخ تحسه بنص دليله

غربه غربه
من تشوف ايده اعله ظهره لاتلومه
حته الهدوم العليه ايحس ثگيله

العايش وماعنده ابو ابلايه حياة
وحگه من تلتم عليه التايهات
ودوم تطلگ بالدموع اعيونه

حچاية الها انته ابنمن تچوي حيل
تذكره ويحس روحه سعفه بلايه حيل
ومنهه ترجف هالحچايه متونه

هو والماكو سوه
سعفه ويهزه الهوى

يابو المحنه ……….. يابو المحنه

……………………………..،،،،،،،

هالله …… هالله
تگعد اگبال التحبه وانته تدري
هاي اخر ساعه راح تشوفه انته
هالله …… هالله
تبقه محتار اشتسوي وهي ساعه
تگضي هالساعه عليك وانت سكته

تشوفه يتشاهد لچن عينه عليك
وانته سكته اگبال بس ترجف اديك
سكته واسوالف چثيره بعينك

تختنگ خنگه اشكبرهه بلايه صوت
وروحك اتحسه تگلك ارد اموت
بلحضه تتمنه ترد الطينك

تلگه بعيونك نهر
محد ايوصف القهر
يابو المحنه ……. يابو المحنه
…………………………………..
هيه ….. هيه
عادت الينطگ يصيح آخ بويه
ويرگض ايحشم ابوه اعله اليطگه
هيه ….. هيه
يمسح ادموعه ويگله عميه عيني
يلمه حيل بكل حنانه ايضل يشبگه

الينطگ وماعنده ابو هو الفقير
ولو يلوح الغيم چفه يضل گصير
حته لو يمه چثيره اخوانه

الخال والد هذا ياهو البالله گال
انه شو عندي چثير من الخوال
والف خال ومانسد امچانه

اليعرف بگلبي شنًًو
هو المفارگ ابو

يابو المحنه ……. يابو المحنه

الشاعر
واثق التميمي

ثكيل للامام علي ع


ألبيت من دون الأبو موحش يصير
مگبره ولمن تطب عينك تدير
تلگه بس الذكريات
الچم عزيز من اهلي مات
آخ گلبي ….. آخ گلبي
…………………………………
بارده ولا أم وابو
وحظن مامش بيه دفو
من هذيچ الليله انه بردانه
عين ماخذهه البچي
وعين متروسه حچي
والثنين الشوفتك عطشانه
ارد اموت … بلايه صوت ….. موتي چن موت الشمع
امشي وين ؟…. والحسين …. اگبالي ويناشغ دمع
المغرب ايلم الحچي ويبدي النياح
ايأذن اذان الدمع وكض الصفاح
هنه ذني التايهات
جم عزيز منهلي مات
آخ گلبي …… آخ گلبي
…………………………………………….
بيت اهلنه ايلمنه چان
(وآخ )ياذاك الحنان
والعمام اتسير وذيچ السوالف
اشمحله لمتهم هلي
وگاعد بنصهم علي
علي ضحكتنه التحليهه الشفايف
علي چان … رب حنان … وين مايگعد دفو
علي صار … للزغار …. ابو للماعنده ابو
علي بس هو الصدگ لله الگليط
يملك الدنيه لچن عايش بسيط
علي هو اصل الحياة
جم عزيز منهلي مات
آخ گلبي ….. آخ گلبي
……………………………………………
بويه ها لمن متت
مصخ زاد الله وبهت
چان وياك الاكل بويه شحلاته
چنه من نلتم سوه
يصبح اعذيبي الهوى
وشملذهه امن الأبو يگابل بناته
الگعده ليل ….بيهه هيل لو علي ايسولف عليك
ومن تنام …. چن حمام ايده محطوطه اعله اديك
من يحظنك تغفه وتحس بحنان
والنسيم ايضل يمر من كل مكان
تغفه باحلى الأمنيات
الچم عزيز من اهل مات
آخ گلبي …… آخ گلبي
…………………………………………………..
شعنده عيد الله يجي
ولابسين اسود هلي
العيد من دون الابو ياناس غربه
كلمن الضاگ اليتم
اتعوره چلمه وينلچم
العيدك مبارك سهم وتلوح گلبه
صباح عيد … مايريد … غير بس حظن الابو
المات ابو …. وشيعوووو .. يعرف بگلبه شنو

يكعد لحد الصبح ويرفض ينام
وحيله چن گطره مطر تمشي اعله جام
چفون عينه امورمات
جم عزيز من اهلي مات
آخ گلبي ….. آخ گلبي


واثق التميمي

شور گعده


علي بويه ….علي بويه ….علي بويه ….. علي بويه

رمضان چي شهر الكرم والسيف نص بالك خطر
ومن شفته صايم يرتجي عزبته وبراسك فطر
وي طبرتك كلشي انقسم دين الله نصين انشطر
گلب امي چنه اشتاگلك ولجيتك ياما نطر

چنهه طلبت الله گالت يمي جيبه
ربي گلبي هواي مشتاگ لحبيبه

هو بلا علي كلشي
يوگف مايضل يمشي
علي بويه ….علي بويه ….علي بويه ….. علي بويه
……………………………………………….
واحدنه بالعيد الصبح يركض لبوه لحجرته
يبوسه اعله راسه ويبتسم وايمشط يضل لحيته
ولو فتح اعيونه وگعد يشبگنه ساعة فزته
بالعيد باچر لو رحت راح الگه بس اوسادته

آخ والماعنده ابو يضل عيده غربه
ال ( عيدك امبارك )سهم وتلوح گلبه

جبل وانهد على امتونه
ومطر ماتسكت اعيونه
علي بويه ….علي بويه ….علي بويه ….. علي بويه
……………………………………………………
لو واحد امگاود ابو لو فاتو بصفي اختنگ
اتذكرك واشبع بچي هم نعمه گلبي ايضل يدگ
ينفتگ گلبي وينلچم وابنار فرگاك احترگ
والفتگ يتخيط لچن شيسوي ال بگلبه الفتگ

چنت المگاود احبه وحيل اريده
وگمت ماحبه واكرهه بروحة ايده

الدنيه بلا ابو ظلمه
شحال الماكو حته امه
علي بويه ….علي بويه ….علي بويه ….. علي بويه
…………………………………………………………
عالسفره لو چان الأبو زاد الله تكثر لذته
ايوزع ويگسم يضل بس دوم ينسه حصته
مانشبع احنه من الخبز نشبع گبل من ضحكته
فارگنه والنعمه امصخت واللگمه صارت باهته

الابو عالسفره شحلاته يلمنه كلنه
يگعد وتنطش ضحكته ابين اهلنه

العمر هذا تره بكبره
ابدله بساعه من عمره
علي بويه ….علي بويه ….علي بويه ….. علي بويه
………………………………………………………..
هي الحياة ابلا ابو لذتهه وياه تنفگد
شما يكبر ايحس باليتم شما تمشي الايام وترد
محلاته من اكشخ چنت ويگلي بويه تنحسد
والخال والد مو صدگ ياخال للوالد يسد
………
((البويه ))عالماعنده ابو چلمه ثگيله
من تنحچي يرجف يضل ويبيد حيله

عمام هواي ويانه
وابد ماسدو امچانه

واثق التميمي

شور وگفه


وآه ويلاه …. ياهو ايعين المهدي بعلي

هالليله موعد بكائك
بدموعك اكتب ولائك
وي البچي اتخيل اجه
مهدينه يحظر عزائك
……
لابس سواد وعينه تصب
متعوب اجانه كاطع درب
راعي المصاب ويمك بچه
كون بلطمتك تلچم گلب
……..
نزل دمعتك جمره اعله خدك
ودمعك تحشمه يصير اعله گدك
واصرخ يدين التارس.رگبتي
بمجلس اموتن بلكت واسدك

وآه ويلاه …. ياهو ايعين المهدي بعلي ………………………………………………
بنص گبرك اتهد غربتك
شمعه وتضوي دمعتك
لگبرك يجي حيدر علي
وثمنهه انته بصفنتك
……
سكت نكير وقط ماحچه
خادمنه هذا اعليه انتچه
ماخلي واحد يگرب اله
يحضر مجالس يامه بچه
…..
هذا ثمنهه وابكيفك انته
اتضج ابكائك لو تبچي سكته
اليلطم احسده وهنياله اگولن
عود آنه شاعر رغم الكتبته

وآه ويلاه …. ياهو ايعين المهدي بعلي

………………………………………………………
ارزقني ربي المجالس
وبس لليحبهم اجالس
من تدعي الله بهالدعاء
وتتسمى راح بعابس
…….
هاي المجالس هيه الصدگ
تخلي بعشگهم گلبك يدگ
عيش بغرامك طول العمر
وي المجالس قصه عشگ
……..
هيم بعشگهه وسخر حياتك
واحسبه انته سادس صلاتك
ابن المجالس راح اتسمى
وتتسمى مخلص بس صفي ذاتك

وآه ويلاه …. ياهو ايعين المهدي بعلي

……………………………………………
عيش الجنون بهيامك
دمعك يكمل غرامك
بس الأهم من المهم
بالك تزعل امامك
……
عايش غريب وماندري وين
اتفرحه وتسره امن اتسوي زين
بالك تجرحه بذنبك حرام
مردن دليله اجروح الحسين
……..
كون لغربته دمعك تسيله
جروح اهله كلفه ومردن دليله
عايش غريب وماعنده صاحب
حمول اعله گلبه كلش ثگيله

وآه ويلاه …. ياهو ايعين المهدي بعلي


واثق التميمي

عدل الثوب اووزره ………كفو كفو مسلم
بس چنه سبع الگنطره …. كفو كفو مسلم

مسلم هيبة الساده
ياهو اعليه يتماده
گام ايچتل القاده
گالو چن علي حيدر

حط الرايه بمتونه
وگامت تجدح اعيونه
والقاده اطلبت عونه
گالو چن علي حيدر

جحاجيح وتلگاهه
راس براس طگاههً
ابيوت الكوفه هزاهه
وگالو چن علي حيدر
….
مثل الثوب گام وفتگهم
ويشردون منه ولحگهم
ويخافون من عنده حگهم
والشرد منهم نعذره ……..كفو كفو مسلم
……………………………………………..
عود اتجمعوً كلهم
خاف الواگف اولهم
بس بعينه صدلهم
گالو چن علي حيدر

عشره بعشره ضل يكتل
وطوعه اگباله واتهلهل
وين الحوك ضل يچفل
گالو چن علي حيدر

تعب حته عزرائيل
راح وحشم اسرافيل
حته ايعد ال امچاتيل
گالو چن علي حيدر
….
فوگ الراس لو شد غترته
من ابعيد تكتل خزته
من عباس ماخذ شمرته
عالموت وگفهم سره ………كفو كفو مسلم
………………………………………….
يروح ايهوس ابنصهم
وتگضه الرجفه قائدهم
صفار ايطگه واحدهم
گالو چن علي حيدر

شافو راكب الشگره
وراسه امعصب ابغتره
وسيفه امعلگ ابخصره
گالو چن علي حيدر

مسلم چنه عباسه
اليمره وبالردن جاسه
ايتلمس يرجع ابراسه
گالو چن علي حيدر

آل حسين ونسه بعرگهم
خله الگاع غصه ابرگبهم
المكتولين غير السحگهم
والطاح طگته ابمنحره ……….كفو كفو مسلم
…………………………………………
زلم ودولي گللهم
حسبه ساعه اچتلهم
شرط محد برد منهم
گالو چن علي حيدر

ودوله ثلث ميه
ضحك ويگلهم اشويه
عليهم كافي عوچيه
كالو چن علي حيدر

لچتلكم روحي مشتاگه
تعالو وخلنه نتلاگه
وخيرهم رجف ساگه
گالو جن علي حيدر

والدروب سدهه برگبهم
وبالاسماء صاح وطلبهم
ومن الخوف رجف گلبهم
والرگب يمه امطشره ….. كفو كفو مسلم


واثق التميمي

متعوب وعلي وكبران انه الدافن عوافي الله
گلت ساعة دفنهه احاه اموت وياهه وين الله
چنت لمن ارد تعبان تريحني بگواك الله
………
دفنت الضحكه نص الليل
دفنت وياهه خلگ وحيل
وتبده اعلى الگبر عمري
…….
ال اتحبه وتدفنه اشلون
نعمه وضل عليه اعيون
رجعت وبالگلب كسري
————————————————
انه ايسموني ابو الحيلين رجعت وامشي بالگوه
انه ايصيحوني راعي الباب ادور عن متن تچوه
اليلاگيني ايصفن ويگول علي لا هو مو هوه
……..
عن الضحكه انكتب صومي
وعلي ثگلت تره اهدومي
امشيب واكسر الخاطر
……..
دليلي ايچوي بضلوعي
ومطر ماتسكت ادموعي
عاشگ وانه هم شاعر
—————————————————
وبعد ياهو اليلاگيني بضحكته من اطب للدار
العصر محلاهه عالتنور من توگف تشب النار
ارد وتحطلي زاده الله اشتهيتك ياخبزهه الحار
……..
اذا سفرتهه مدتهه
گبل زاد الله ضحكتهه
وتهنى ياعلي اتگلي
…….
زغيره ويا ندارتهه
لذيذه الخبزه من عدهه
عليهه مدري شتخلي
————————————————-
احسهه امنه وچبيرتنه التتانيني گبل لتنام
عليهه من البچي والنوح كلساعه ابدل الثام
اشوفن عمري ضل يركض احس روحي گصير ايام
……..
احس كلش ركد شوفي
وصل شيب الله لزلوفي
ونزل عاللحيه اشوفنه
……
احس ماله طعم كلشي
وتخون اجدامي من امشي
خلص هذا العمر چنه

واثق التميمي

أذن اذان البيه عشگ
واتبين الحب من صدگ
صوت الگلوب السولفت
بسم العشگ گامت تدگ
…
عابس ركض حافي
ابنيه وگلب صافي
صاح انه من متعافي
بالطف شمر هدمه
وصاح انه مجنون
..
يضحك برز وسط الزلم
ويباوع لحبيبه
ابشر انه منذور الك
ياراس الك اجيبه
امعلعل گلب جبت العمر
وانته الصرت طبيبه

يحسين بس انته الصدگ
محبوب يالتسوه العشگ

……………………………………………..
هوس حبيب ابخيمته
فرع وطلعت شيبته
حسين انتخه ولمن سمع
شد الظهر بعمامته .
……
ابگلبه العشگ ينبض
امفرع طلع يركض
طلابه وما أظن اتفض
جمع ربعه گلهم
واتهل العيون
…
ياربعي زينب خايفه
نترك تظن عشگنه
خل نمشي وبنص الخيم
يمهه ونذب عگلنه
لو عشنه واحترگت خيم
شنهي اليطم فشلنه
……
احسين وحده بكربله
وانعيش لو متنه اله
……………………………………………
مولاتي خل عندچ علم
منذوره الچ هاي الزلم
لو متنه نرجو المعذره
حرگ الخيم شفته بحلك
….
باچر تشب خيمه
اتركضين بالهيمه
غير السبي وضيمه
وبيكم زلم غربه
مولاتي يحدون
……
يمدللت عباس اخوچ
وانتي اعز خواته
من الشمس جاب الدرب
ايفييلچ ابعباته
سب وركض باجر وراچ
ومخازر الشماته
والسوگ والنوگ الهزل
غير الحجي الماينحمل
……………………………………………
وبشام وانتي بلا اخو
وديوان وشيوخه لفو
مجتوفه والراس بطشت
وينسب اخوخ وي الأبو
….
راس التحبينه
اگبالچ امخلينه
يمج تصد عينه
بعينه تره يگلچ
يازينب اشلون
….
باچر تره حته النسه
تتشمت ابناتچ
واتخوزر اعيون الزلم
وانتي بطرگ عباتچ
مو من عطش راح الحچي
يبست هضم لهاتچ
….
والناس واطبول التدگ
نعمه ويضل گلبچ يدگ
……………….

واثق التميمي

شور گعده السيده زينب تصف حال الحسين ع لابي الفضل ع بعد ان عاد من مصرعه



يالعفت اخوك الوحده
اعيونه تسولف غربه
رد منك ً ويمطر تعب
ويچفي الدمع ويصبه
شامت حچه احچايه ومشه
بس بيهه عور گلبه
……
مو چلمه تسوه رمح
معناهه يكسر ظهر
من گله مالك اخو
اشيعنيلك انت النهر ؟؟
…….
بهالجلمه هدم حيله
دنگ مدمعه ايسيله
گمت ابمتني اتچيله
___________________________
مو سهله شيخ وينتچي
ومحني وتصب اعيونه
بكل خطوه يعثر من اجه
مدري اشحصل للمتونه
ردالي منك بالهضم
ولون الگطن مو لونه
……
لمن ًوصلني گلت
مو هذا اخوي الكلف
حگچ زينب تره
تضيعين يختي العرف
…….
الحنين وبالحظن دافي
وأسمه ايونس اشفافي
تركته اعله النهر غافي
__________________________
مايحچي بس ساكت وگف
اينگط دموع الثامه
شال ايده وعيونه حمر
ومن راسه ذب لعمامه
اشر على الهامه وشهگ
عباس گسمو هامه
……..
ماصارت وتنعقل
بالصيف دنيه ظهر
واحد يلزمه الوفه
عطشان وبصف نهر
………
ماسواهه ابد واحد
عطشان بنهر بارد
ماضاگه وبقه معاند

________________________
طب خيمتك گوه وبچه
وطيح عمود الخيمه
طفي انتهه وطفچن بده
من طاح راعي الشيمه
حضري بناتچ للركض
باچر وراچن هيمه
……
من يگضي ليل الخيم
بمصباحه يبدي السبي
كل ثوب اسود يضل
خيطنه حدر العبي
……
لن باچر يشتمونچ
خاطر من يطگونچ
الثوب ايساعد امتونچ
___________________________

نسألكم التوفيق ودوام هذةِ النعمه
كتبت هذةِ القصيده ليس لاجل الثواب
وانما كتبت فقط لأدخال السرور ع قلب روح نرجس صاحب الزمان عچ

ها يالمدللني اجيت آنه اعتذر
امدنگ الراس اعله بابك منكسر
قصرت اي ياحسين
بس اعرفنك حنين
حبيبي ….. حبيبي
………………………………………………
امحدب من اذنوبي اجيتك چن عثگ
وگلبي مخنوگ ابفشلته وما يدگ
عاشگ انه اشگد اگولن والصدك
انه واحد فشله يحچي اعله العشگ
…..
گمت اشك بگلبي اظن غيرك خذاه
آنه لو عاشگ متت چا بالعزاء
گلبي وين وانته وين
بس اعرفنك حنين
حبيبي ……. حبيبي
…………………………………………………..
اعترف من البدايه چانت اول فشلتي
الناس تحتار ابخدمتك وانه احير ابكشختي
للمواكب والمجالس ونسه چانت روحتي
چنت عن دربك بعيد وهسه حانت ردتي
……
راضي شتسوي انته بيه ابلا ندم
اقبلني فدوه وحطني خادم للخدم
انه من المذنبين
بس اعرفنك حنين
حبيبي …….. حبيبي
…………………………………………………
ثاني فشله بالمجالس كون طاريك يجي
هذا اليدگ اعله راسه وهذا اليسولف بچي
وانه صلفه اعيوني حيل ومايهز كلبي الحچي
الناس توگف كلهه تلطم وآنه گاعد منتچي
…….
امعزب اوگف بالفواتح للغرب
لكن ابفاتحتك اگعد من اطب
بلا بواچي ولا ونين
بس اعرفنك حنين
حبيبي …… حبيبي
…………………………………………………..
الٌـ يحبك كون زلمه والوصل حد العشگ
يختنگ لو شاف خيمه وينفتگ گلبه فتگ
ومن تشوف النوگ عينه گلبه يوگف مايدگ
اليبچي لو خلص محرم هذا اليحبك صدگ
…….
اليركض اركاض لعزائك من يصير
هذا البگلبه عشگ عندك چبير
انه غرتني السنين
بس اعرفنك حنين

واثق التميمي

شد راسه وتعنى الحيد
وكض رسن المطهم بيد
كشخه الرايه بمتونه
…….
عاركهم بلايه اسيوف
والوادم كتلهه الخوف
تكتل خزرة عيونه

طب الهم بلايه انگاب
ضل يمشي ويطشر ارگاب
والقائد طلب عونه
(( خيرهم شارد بهدومه))
……………………………………………….
شاهين ويريد ايصيد
حاچه القائد من ابعيد
ميه ميه وديلي
….
صاح حسين يا عباس
بسك لاتخلص الناس
منهم خويه خليلي
…..
فر وجهه ويحاچي احسين
طاحو خويه بس ميتين (٢٠٠)
بيهم ونست حيلي
(( برگبهم خل ابرد سيفي))
…………………………………….
اطلابه عنده گلبه ايفور
ضل بيهم يطگ وايدور
شنهي ايفض الطلابه
…
طب يشبهه هبوب الريح
كل واحد يمره ايطيح
مدمي ابگصته اصوابه
….
نرضه بعطوه مامعقول
موش احنه الندور افصول
زاعل سيفه واگرابه

(( والعال اعلينه انكص راسه ))
……………………………………
ضل يخطب ابنصهم گال
مابيكم يصح ريال
لازم سيفه گدامي
….
الـ مثلي فلا ينلام
ماشد بالطلابه احزام
شيلت زينب احزامي
…..
انه اعله العرك شبيت
سبع الگنطر اتسميت
وانه اباول ايامي
(( واليوم اطبگ ذيچ بهايه ))

واثق التميمي

أخبر حبيب الرجال
قد حان وقت النزال
لبسو القلوب ع الدروع
وتسارعو للقتال
….
صعدو اعله اخيولهم شدوهه الحزم
الحرب عدهم ونسه يانعمه الزلم
صوت واحد صاحو ابشر ياحبيب
نذر هاي ارواحنه انذرت للخيم
….
حچو ..واتواعدو ..چان الحچي اشمحلاته
عشگ .. ينبض نبض .. واحدهم بنص ذاته
كفو … شيخ الزلم .. فرع واجه بشيباته

والشيخ ذب اعمامته
ومحلاهه طلعت شيبته
وبچفًوفه هوس بالعلم
والزلم كلهه حيته
…..
من شال العلم … وحشمهه الزلم … وتلهب غضب عينه
بالحب مبتلي …. گال انه وهلي …. فدوه لابو سكينه
…………………………………………..
فيهم تقدم عابس
ينادي هل من منافس
كـ عريس عند زفافه
متبسماً ليس عابس
….
امبين من اعيونه اتجنن من صدگ
اتقدم وكل خطوه يخطيهه عشگ
صاح احرگو روحي وخل تلهب لهب
كون خيمة زينب باچر تحترگ
….
طلع … عابس ركض .. وماخله حته اهدومه
رعد … مثل المطر … خله الجثث بالحومه
هني … موت العطش … كلمن يموت بيومه

مجنون جنني العشگ
ولحسين بس گلبي يدگ
فزعنه الحسين ًونخه
هالدنيه نحرگهه حرگ
……………………………………………………….
نحنو خلقنا لغايه
بيض قلوب والنوايا
اختارنا رب الحسين
فلا نهاب المنايا
……

احنه الله اختارنه خص لكربله
فدوه هاي ارواحنه انرخصه اله
نعشگ وكل واحد من جاله الخبر
اجه شايل سيفه وماودع هله
……
اله … ربك حكم …. ضمنا وذخرنا لعاشر
هوى … حسين وضوه … يسحگه ويطشره الحافر
عمر … خلص تعب …. نضوگ السعاده بأجر
……
بالضاهر احنه ننكتل
بس احنه واحدنه عدل
زرع احنه وشما گطعو
بالگاع نرجع ننشتل
…………………………………………………….
تاريخنا يبقى قائم
يغذي جيل القادم
لن يندثر تارخينا
حتى ظهور القائم
………
اجيال تطلع واحنه الهم درس
لن كتبنا افعلنا بتضحيت النفس
باچر اليقرانه نقنعه ويفتهم
لموت لجل احسينه احلى من العرس
………
الذي … رايد يحب … عابس يدرسه اباله
وبعد … لازم يحس … هذا العشگ چتاله
واذا … حصل رضا … هذا صدگ هنياله
………
هو اليحبهم من صدگ
يعشگ مجالسهم عشگ
لو خيمه بدروبه لگه
ايورث دليله ويحترگ

الخدم فتحت دارها
و تنتظر زوارهه

علگو راية الملگه وكتبو اعله الرايه
اگلوب والبيبان كلهه امشرعه للمشايه
الزاير بحلگه اشملذهه من يگلي الخادم
عندي هاي من السوالف والله احلى حچايه
…
الزاير اليدخل الديره
تخدمه كل اهل العشيره
…
ازغارهه وبكبارهه ……. تنتظر زوارهه
………………………………………………
الزاير اليجبل علينه ينچوي من الملگه
چنه اخونه امفارگينه سنين من انشبگه
الصبح من يمشي ونودعه تصير مثل الفاتحه
يشمر اعگاله ابوي وثوبه اله ايشگه
…….
من البواچي يروح صوته
چنه واحد من اخوته
…
الخدم هاي اسرارهه …………تنتظر زوارهه
………………………………………………….
شفت شايب گوه يمشي وحيل عنده اشويه
لوگعد تصعب گعدته وگومته بعوچيه
الشمس باگت لون ثوبه وگتله المن تمشي
هسه البعمرك امهندم لابس الخاچيه
….
گالي ودمعته ابعينه
حسين بويه امسلبينه
….
روحي شنهي اعذارهه …….. تنتظر زوارهه
…………………………………………………
آنه ابچيله وانوحن والدمع مو كافي
وبالطم عشرة محرم حيل اتعب اچتافي
انه لو عاشگ واحبه وهو اعز من روحي
كون اعطش روحي گوه وانه اذبل اشفافي
….
العاشگ وصاحب قضيه
خيمة اخته الهاشميه
..
بگلبه تلهب نارهه ……. تنتظر زوارهه

واثق التميمي

يله شد احزامك وامشي بالمشايه
حلوه بين اجفوفك من ترف الرايه
يالفروضك خمسه لازم اتصليهه
اربعين الغالي فرض سادس هايه
……..
فرض بس عل عاشگين
وبعشگهم هايمين
گلوبهم مابيهه غير
كربله واسم الحسين
….
اتواسي انت بمشيك
الباتن بنص هيمه
اتذكر بكل خطوه
الضلن ابلا خيمه
….
مشايا مشايا ….مايتعبنه الدرب
مشايا مشايا ….يسهل اعلينه الصعب
مشايا مشايا … لحسين محبوب الگلب
_______________________________
بحزن لازم تمشي كون اسود ثوبك
هذا تعبك يسوه ايطيح من اذنوبك
الشمس تاكل وجهك ولو تغير لونك
حلوه وانت امسومر توصل لمحبوك
…….
لو وصلت انته الضريح
اوصل لشباچه طيح
بصوت عاشگ بالصحن
ياحبيبي احسين صيح
….
وي حبيبك باچر
من يصير الملگه
وتحظن لشباچه
بحرگه كون تتشبگه
….
مشايه مشايه …. حسين اجوك احبابك
مشايه مشايه …. واكفين ابابك
مشايه مشايه …. حاضنين اترابك
._________________________________
عيش دور المسبي ووادم ايشتمونك
امچتف اتحس روحك وسوط فوك امتونك
ومن تمر ابخيمه زينب اتذكرهه
ولو شفتلك ناگه خل تصب اعيونك
…..
خاف عن بالك يروح
سبي زينب والجروح
انته تمشي ويالضعن
بهايه عيش وانته نوح
…..
دوم حطهه ابالك
زينب وحيرتهه
تنطگ وتتشتم
وماكو يمهه اخوتهه
……
مشايه مشايه …. خاف يسكت نوحك
مشايه مشايه ….ويالضعن حس روحك
مشايه مشايه …. بيهه كثر اجروحك
______________________________

الملگه مال الخادم تحسه ياخذ تعبك
من يجيك ابلهفه وباشتياق ايشبگك
وال (هلا)) شمحلاها والك فاتح بيته
البيت گلك بيتك ًومثل اخوه ايحسبك
……
ايتاني جيتك من بعيد
شوفتك چن عنده عيد
يگلك ابشر من تصيح
تطلب انته اشما تريد
……
وبالدرب يالزاير
ملك چنك تمشي
الوادم ايخدمونك
وفرولك كلشي
….
مشايه مشايه … دللتنه الوادم
مشايه مشايه … خادم بصف خادم
مشايه مشايه … المامشالك نادم
_________________________________

واثق التميمي

مر بيه على اخواني
اريد اشويه احاچيهم
ماعطلك يحادينه
مبارك بس اغطيهم
يحادي والشمس تچوي
لاتخرب معانيهم
…….
يحادي بداعت اخوانك مر بيه على اخواني
انه ادري باخوي احسين هسه لجيتي امتاني
اشمن بالهوى وماضيع اخيي وعطره نيشاني
…..
العيون … ترف لهلي ومشتاگه العيون
يتانون …. اهل البخت كلهم يتانون
والمتون … ماتنشبگ تعبانه المتون
……………………………………….
يحادي وخاف اعطلنك
اروحن بس لخوي احسين
حته لولدي ماروحن
بس بحسين اكحل العين
ولد بطني يعذروني
ولو همه الولد غالين
…….
اجزي اولادي واعبرهم واصب ادموع حراگه
ولد بطني عليه اعزاز لكن روحي مشتاگه
اذب روحي اعله اخوي حسين وانه من على الناگه
……..
يعتبون …. بزر البطن خلهم يعتبون
يرحون …. للخال من فدوات يرحون
يعًرفون … حسين العزيز الكل يعرفون
…………………………………………………………
يحادي بداعت اعيالك
يم اخواني نوخ النوگ
نخليهم بلايه اوداع
لاهاي وعلي متلوگ
حنن گلبك اشويه
مو باچر ورانه السوگ
……
يحادينه ورانه اهواي سوگ وطبت الديوان
شتايم والحچي ايفشل واحنه بلا زلم واخوان
بس عدنه العليل وشوف من كثر الهضم تعبان
…..
يگولون …ها بينت كلهم يگولون
ويشتمون …واتشمتو بينه ويشتمون
يدورون … بسوگ الفشل بينه يدورون
……………………………………..
يحادينه ورانه الشام
اليصير هناك مامعقول
نطب هناك نلگه الناس
فرحانه وتدگ اطبول
شماته هناك فرحانه
العزيز حسين جي مكتول
……..
الشماته اعله السطوح اتصير وتگاطف علينه حجار
الچبيره انگول تتحمل بيهن كلبي مايحتار
بس يالحادي محتاره انه عندي بنات ازغار
……
بدينه …. نشگف حجر باچر بدينه
عبينه … فيي الشمس تصبح عبينه
ولينه .. راس برمح ننظر ولينه



واثق التميمي

وجه يضوي ووسيع اعيون
ازغيرون وعزيز اهلك
چنت اتباهه ع النسوان
ياهي الخلفت مثلك
متونسه واعد ايام
كلت تكبر واعرسلك
………
يمه ….. يمه ….يمه
امحسبه ابعرسك اتحنه واترسلك ورد دارك
وازفك بيدي يمدلل واهلهلك بالمبارك
بمضيف احسين تتجمع عمامك كلهه تتبارك
عبد يمه … يمه يمه ….
……………………………………………………………
چنت اتمنى اشوفنك
شاب وهم الك صحبان
وترافگ ابوك حسين
وتمشي بآخر الخوان
چبير ولازم الدله
وتدور اتگهوي بالديوان
يمه …. يمه ….يمه
……
بس غفله السهم باگاك وما ادري اجاك امنين
يبعدك ماگلت ( بابا) ولا طلعتلك انت اسنون
يالمعاشرني ستشهور بس فگدك يطيح امتون
عبد يمه …يمه يمه
…………………………………………………………
هلك ماسولفو باسمك
يالمدلل يگلولك
اعله شيلك عركه وامزاود
وبخت عنده الذي ينولك
الهضمني ياعبد يمه
سهمهم عابر الطولك
يمه ….. يمه ….. يمه
…..
رگبتگ اصفه من الماي ترفه ومالت امشابگ
مسچ منهه يفوح وهيل واحنه اعليهه نتسابگ
ردوك بسهم مذبوح دامي وللجفن طابگ
عبد يمه … يمه يمه
…………………………………………………………….
اخذ مني السهم يبني
المكان البيه نحب انبوس
ازغير ولحمتك ترفه
وشفت خيل وعليك اتدوس
الكتلني وحيل تعبني
من توصل الشيل الروس
يمه ….. يمه ….. يمه
ترف كلش وابوك حسين يزعل لو هوى جاسك
السهم كلش چبير اعليك الرمح مايگعد ابراسك
لو ضك الرمح يخرب مچان حسين بيه باسك

عبد يمه …. يمه يمه
……………………………………………………………
العليله اتحبك هوايه
واتانينه يوم ابيوم
تتانيك وتعد ايام
وامخيطتلك انته هدوم
ماظل منك اله اثنين
گماطك والمهد مظموم
يمه …… يمه ……. يمه
……..
من مهدك كتر طايح وگماطك كلته النار
وانه بهايه محتاره شگلهه من اطب للدار
عليله وادري بيهه تموت اذا احچي واگلهه اشصار
عبد يمه …. يمه يمه


واثق التميمي

هذا انته صدگ عباس
مامعقوله هذا انته
حاچيني يخو روحي
بسكتك ظهري كسرته
الأخو لو طاح اخوه ايطيح
وثگيله اتصير سالفته
الشيخ الضل بلايه اخوان
تگوم اتعيره طايفته
….
موش آنه اليتچي لروحه لو گام
اجيتك گوه انگل خويه الجدام
ثگيل اعليه احسن حته اللثام
________________________________
اجيتك والحچي امگاطف
حچي الشامت يعورني
يالمالك إخو گلي
واحس بهاي كبرني
ضعت مادري وين آنه
گوم ًوياي دورني
علي الأكبر كسرني وراح
وانت انوب تكسرني
…….
فگدك مو گلب يرادله گلوب
آنه افگد اعزاز اعليه چم دوب
اشگ روحي عليك وموش بس ثوب
________________________________
ماتگعد يخو گلبي
مو عالو باخوك احسين
يشتموني وانه اتعثر
ويگلولي اخيك وين
شفناه عالنهر طايح
بله جفوف وسهم بالعين
بعد ساعه ونهد اعليك
عباسك تجيبه امنين
…….
صاحو باقي وحده بلايه خوان
يتچه اعله سيفه وحيل تعبان
خل نفزع نكتله فرصه عطشان
__________________________________
گلولي بضحك يحسين
غيًور وشيخ طايفتك
نكتلك راح ونسحگك
ونسلبك حته من بشتك
الما شفناهه من اسنين
راح انشوف طول اختك
تسمع ها يبو فاضل
الحچي مو هين وبختك
…….
وبختك انه روحي اعليهه ماخاف
بس امدللتنه راح تنشاف
وتدخل سوگ باچر خويه بچتاف
_____________________________
يخو زينب يخو خيتك
طف باچر على النسوان
يجي واحد يصيح بصوت
طگوهن بلايه اخوان
حرگ خيمه وتراچي اتروح
ماصارت تره بعربان
الماشافو گبل ضلهه
مچتوفه وتطب ديوان
……..
تدري امنين اخيك گلبه مشگوگ
يطبون بخواتك ًوسطت السوگ
شمس والحادي ساعه اينوخ النوگ



واثق التميمي

بسم الله الرحمن الرحيم

م / دعوة

نحن مجموعة متكونة من شعراء المنبر الحسيني

نسعى لاختصار الوقت وللتخفيف عن كاهل رواديدنا الأعزاء في جدولة برامجهم

ولتقديم خدمة غرضها رضا محمد وآل محمد

ولفائدة رواديدنا الأعزاء بالنصوص الحسينية بشكل عام

سنقوم بتوفير ( برنامج منبري متكامل لعشرة ليالي من نصوص وألحانها )

ان شاء الله لفائدة الجميع (جميع الرواديد بدون إستثناء).

فمن لايجد في نفسه حرج من أخذ النصوص

الجاهزة المتوفرة للجميع إسسنا هذه المجموعة

#خدام_المنبر_الحسيني

للإنضمام // https://chat.whatsapp.com/IiuYUVFg3oB2XPbIwLEZMT