" የነዳጅ ዋጋ ኢትዮጵያን በ1 ወር ውስጥ ብቻ 10 ቢሊዮን ብር አክስሯታል " - አቶ ታደሰ ኃለለማርያም

በሩሲያ እና በዩክሬን ጦርነት ምክንያት በዓለም አቀፍ ደረጃ የጨመረው የነዳጅ ዋጋ በ1 ወር ውስጥ ብቻ ኢትዮጵያን 10 ቢሊዮን ብር እንዳከሰራት ተገለጸ፡፡

የኢትዮጵያ ነዳጅ ድርጅት ፤ የነዳጅ ዋጋ በበርሜል ይሸጥበት ከነበረው 60 እና 70 ዶላር ወደ 140 ዶላር ማሻቀቡ፣ ኢትዮጵያ 10 ቢሊዮን ብር ተጨማሪ ወጪ እንዳስወጣት ወይም እንዳከሰራት አመልክቷል።

የድርጅት ዋና ሥራ አስፈጻሚ አቶ ታደሰ ኃይለ ማርያም ለሪፖተር ጋዜጣ በሰጡት ቃል ፤ እንደ ሌሎቹ አገሮች ሁሉ የዓለም አቀፍ የነዳጅ ዋጋ ጭማሪ ኢትዮጵያንም ዋጋ እያስከፈላት ነው ብለዋል።

በአንድ ወር ብቻ 10 ቢሊዮ ብር እንድታጣ ምክንያት መሆኑ እና ይህም ትልቅ ጉዳት መሆኑን ገልፀዋል።

" በወርኃዊ የነዳጅ ወጪዋም ወደ 250 ሚሊዮ ዶላር ከፍ እንዲል አስገድዷል " ያሉት አቶ ታደሰ ይህም መንግሥት ይህንን ልዩነት በመሸፈን በዓለም ዝቅተኛ በተባለ ዋጋ ነዳጅ እየተሸጠ የሚገኝ መሆኑንም ለማወቅ ተችሏል ብለዋል።

በዓለም አቀፍ ደረጃ የነዳጅ ዋጋ መጨመር የበለፀጉ አገሮችን ጭምር እየፈተነ የሚገኝ ሲሆን እንደ ፈረንሣይ ያሉ አገሮች በነዳጅ ዋጋ ላይ ጭማሪ በማድረግ ህብረተሰቡ ነዳጅን ቆጥቦ እንዲጠቀም ሁሉ ማወጃቸውን አቶ ታደሰ አስታውሰው በኢትዮጵያ ነዳጅ ጭማሪ ባይደረግም ህብረተሰቡ በቁጠባ የመጠቀም ባህሉን ማዳበር አለበት ብለዋል፡፡

ኢትዮጵያ አሁን ነዳጅ በምታስገባበት ዋጋ መሠረት ለገበያ ቢቀርብ የአንድ ሌትር የቤንዚን ዋጋ 76 ብር መሸጥ የነበረበት መሆኑንም የአቶ ታደሰ ገልፃ የሚያስረዳ ሲሆን አሁን ላይ ግን የአንድ ሌትር ቤንዚን ዋጋ 31 ብር ከ74 ሳንቲም እየተሸጠ ይገኛል።

ምንጭ፦ ሪፖርተር ጋዜጣ

ትናንት መጋቢት 24 ቀን 2014 ዓ.ም
በዶዶታ ወረዳ እና ጌራ ከተማ አቅራቢያ በተፈፀመው የምሰሶ አካላት ዝርፊያ 2 ምሰሶዎች በመውደቃቸው የተነሳ አሰላ ከተማን ጨምሮ በዙሪያው ባሉ አካባቢዎች በከፊል ኤሌክትሪክ ተቋርጧል፡፡

የኢትዮጵያ ኤሌክትሪክ ኃይል የጥገና ቡድን ዝርፊያ ወደተፈፀመበት አካባቢ የተንቀሳቀሰ ሲሆን ጥገናውን በፍጥነት ለመጀመር የሚያስችል አሰሳ እያካሄደ ነው ተብሏል።

ጥገናው ከሳምንት ያላነሰ ጊዜ ሊወስድ እንደሚችል ተገምቷል፡፡

ከቅርብ ጊዜ ወዲህ የኃይል ተሸካሚ ምሰሶዎች ዝርፊያ እየተደጋገመ ሲሆን ይህም ለኃይል መቋረጥ ምክንያት እየሆነ ነው፡፡

ህብረተሰቡ በኤሌክትሪክ መሰረተልማት ላይ ዝርፊያ የሚፈጽሙ ግለሰቦችን ሲመለከት በአቅራቢያው ለሚገኙ የፀጥታ አካላት እንዲያሳውቅ የኢትዮጵያ ኤሌክትሪክ ኃይል አሳስቧል።

ምንጭ፦ የኢትዮጵያ ኤሌክትሪክ ኃይል

በምስራቅ ሐረርጌ ዞን ቁምቢ ወረዳ በትራፊክ አደጋ የ6 ሰዎች ሕይወት ማለፉን የዞኑ ፖሊስ አስታወቀ።

የዞኑ ፖሊስ ኮሚሽን የኮሙኒኬሽንና ሚዲያ ዲቪዥን ኃላፊ ኢንስፔክተር ቶሎሳ ጐሹ እንደገለጹት፥ ዛሬ ረፋድ አራት ሰዓት አካባቢ የሠሌዳ ቁጥሩ ኮድ 3 -75091 ኦሮ የጭነት አይሱዙ የጭነት መኪና ከጎሎኦዳ ወረዳ ወደ ቁምቢ ወረዳ የተለያዩ ሸቀጦች እና 20 ሰዎችን ጭኖ ሲሄድ ተገልብጧል፣በአደጋው የስድስት ሰዎች ሕይወት ወዲያው ሲያልፍ በ12 ሰዎች ላይ ደግሞ ከፍተኛ ጉዳት በመድረሱ ለተጨማሪ ከፍተኛ ሕክምና ወደ በደኖ ሆስፒታል ተወስደዋል ብለዋል።አደጋው ከአቅም በላይ በመጫን እና በከፍተኛ ፍጥነት ምክንያት መድረሱንም ተናግረዋል።አሽከርካሪው ለጊዜው ከአባባቢው መሰወሩንና በወረዳው ፖሊስ አባላት ክትትል እየተደረገበት መሆኑን ገለፀዋል።

Via FBC

በኮምቦልቻ ኢንዱስትሪ ፓርክ ለሚሰሩ ባለሀብቶች በመንግስት የሰባት ወራት የሸድ ኪራይ ተሰርዞላቸዋል።አምራች ባለሀብቶቹ ለሰራተኞች የሚከፍሉት ወርሃዊ ደመወዝ ከየትኛውም ተቋም ያነሰ ሲሆን ማሻሻያ እንዲደረግላቸው በተደጋጋሚ ጥያቄ እያቀረቡ ይገኛሉ።አብዝሃኞቹ ሰራተኞች በፓርኩ የእርሻ መሬታቸው የተወሰደባቸውና ከአረብ ሀገራት ተመላሽ ወጣቶች ናቸው።በገቢያቸው ማነስ ምክንያት ለድጋሜ ስደት እየተነሳሱ መሆኑም ታውቋል።

✔ቴሌግራም  Join👇
   https://t.me/wasulife

☞የፌስቡክ ፔጅ like,follow👇
✔https://www.facebook.com/Wasu-Mohammed-Page-115860726917918/

✔https://www.facebook.com/Wasu.Mohammed

✔https://www.facebook.com/wasulife2/

✔ዩቲዩብ ቻናል Subscribe👇

https://www.youtube.com/channel/UCrdWHrcXNEhMfbp1ucgxd1g

✔ኢንስታግራም  Follow👇
https://www.instagram.com/wasumohammed/

✔ቲክ ቶክ Follow👇
https://vm.tiktok.com/JYgPxGF/
tiktok.com/@wasulife

✔ቲዊተር  Follow 👇
https://twitter.com/wasu_mohammed/status/1065568009396326400
===================

ኤርትራ ፤ በኢትዮጵያ ለሚገኘው ኤምባሲዋ ቋሚ ጉዳይ አስፈፃሚ (Chargé d'affairs en pied) መሾሟ ምንም ሌላ የተለየ ትርጉም የለውም አለች።

" አዲሱ ሹመት በቋሚ ጉዳይ አስፈፃሚ ደረጃ (Chargé d'affairs en pied) መሆኑ ምንም ሌላ ትርጉም የለውም " ያለው በአዲስ አበባ የሚገኘው የኤርትራ ኤምባሲ " በመላው አለም የሚሰራበት ጉዳይ ነው " ብሏል።

ኤርትራ በየትኛውም አለም ካላት ኤምባሲ ትልቁ ኢትዮጵያ የሚገኘው መሆኑን የሚገልፀው ኤምባሲድ በመሪዎች ደረጃም ሆነ በህዝብ-ለህዝብ መሀል ያለው ግንኙነት ጠንካራ መሆኑን ገልጿል።

" አዲሱ ተሿሚ ኤርትራን በኢትዮጵያ፣ በአፍሪካ ህብረት እንዲሁም በ UNECA ወክለው ይሰራሉ። " ሲል አሳውቋል።

ኤርትራ ከቀናት በፊት አቶ ቢንያም በርሄን በኢትዮጵያ የኤርትራ ጉዳይ ፈፃሚ (Chargé d'affaire) አድርጋ መሾሟ ይታወሳል።

ሹመቱ አምባሳደር ሰመረ ርዕሶም የስራ ጊዜያቸውን አጠናቀው ከተሰናበቱ በኃላ የመጣ ሲሆን ኤርትራ ከአምባሳደር ይልቅ ለምን የጉዳይ አስፈፃሚ (Chargé d'affaire) እንደመደበች የተገለፀ ነገር አልነበረም።

ዛሬ በኤምባሲዋ በኩል በሰጠችው ማብራሪያ " ምንም የተለየ ትርጉም የለውም " ብላለች።

Via Elias Meseret

<<የ2014 ዓ/ም የማህበራዊ ሳይንስ የ12ኛ ክፍል ተፈታኞች ኢኮኖሚክስ አይሰጥም!>>

ትምህርት ሚኒስቴር

የሚያዚያ ወር የነዳጅ ምርቶች የችርቻሮ መሸጫ ዋጋ ባለበት ይቀጥላል!

የሚያዚያ ወር የቤንዚን እና የናፍጣ ምርቶች የችርቻሮ መሸጫ ዋጋ በመጋቢት ወር ሲሸጥበት በነበረው እንደሚቀጥል የንግድ እና ቀጠናዊ ትስስር ሚኒስቴር አስታወቀ፡፡
 
ነገር ግን የአውሮፕላን ነዳጅ፣ የከባድ ጥቁር ናፍጣ እና ቀላል ጥቁር ናፍጣ የመሸጫ ዋጋ በዓለም አቀፍ ዋጋ መሰረት ተሰልቶ የመጣው ወደ ተጠቃሚው እንዲተላለፍ መወሱን ሚኒስቴሩ በላከው መግለጫ አስታውቋል፡፡

Via: FBC