አቶ ቻላቸው ጌጡ ለአቶ አብዱል ሰመድ መሃመድ መልሰዋል‼

የአማራ ክልል ትምህርት ቢሮ ባለሙያ በስህተት ወደ ባንክ ሒሳብ ቁጥራቸው የገባውን 8 ነጥብ 4 ሚሊዬን ብር ለባለቤቱ መለሱ፡፡

የአማራ ክልል ትምህርት ቢሮ ባለሙያ የሆኑት አቶ ቻላቸው ጌጡ በስህተት ወደ ባንክ ሒሳብ ቁጥራቸው የገባውን 8 ነጥብ 4 ሚሊዬን ብር በታማኝነት ለባለቤቱ መልሰዋል፡፡

ህዳር 13 ቀን 2018 ዓመተ ምህረት ከአዋሽ ባንክ አቶ አብዱል ሰመድ መሃመድ የተባሉ ደንበኛ ወደ አሮሚያ ህብረት ስራ ባንክ ለአቶ መሃመድ ኢብራሂም 8 ነጥብ 4 ሚሊዬን ብር እንዲላክላቸው ጥያቄ ቢያቀርቡም ገንዘቡ በስህተት ወደ አቶ ቻላቸው ጌጡ አካውንት ገቢ ሆኗል፡፡

አቶ ቻላቸው ጌጡ በስህተት ወደ ሒሳብ ቁጥራቸው የገባውን ገንዘብ በታማኝነት ለባለቤቱ ተመላሽ በማድረግ አርዓያነት ያለው ተግባር ፈጽመዋል፡፡ (ትምህርት ቢሮ)
#ዋሱመሐመድ
አሁናዊ ፈጣን መረጃዎችን ለማግኘት የቴሌግራም ቻናሉን join በማድረግ በቀላሉ ይከታተሉ፣ሊንክ
https://t.me/+WNLm9dbzuIlp9DF4
https://t.me/+WNLm9dbzuIlp9DF4
https://t.me/+WNLm9dbzuIlp9DF4

በሀገራችን ተጨባጭ ሁኔታ ይሄ ታፔላ የማቆም ዘመቻ በኋላ የብሽሽቅ መነሻ እንዳይሆን ያሰጋል።እነዚህ ነገሮች እጅግ የተከበሩና ስስ በመሆናቸው በተፈቀደላቸው ቦታ ተወስነው ተከብረው ተወደው ቢቀመጡ መልካም ነው።

የቤተ እምነቶቹን መገኛ አቅጣጫ የሚጠቁሙ ታፔላዎች ብቻ በቂ ናቸው።እየቆየ ሲሄድ ከተሞች "ሰሉ አለ ነብይ"(የአሏህ ሰላም በአንቱ ላይ ይስፈን!)የሚል እጅግ የተከበረ ቃል ያረፈበትን ታፔላ በደንብ ማስከበር አነሳለሁ ቢሉ መቀያየሙ ይመጣል።አንዱ የወረቀት ማስታወቂያ አምጥቶ ቢለጥፍበት ራሱን የቻለ ሌላ ነገር ነው።እፀዳዳበታለሁ የሚልም ይመጣል።የእኔ እምነት ታፔላ ከፊት በትልቁ መቆም አለበት የሚልም ይከተላል።ስለዚህ ጉዳዩን ከአባቶችና ከወንድሞች ጋር ተነጋግሮ መስመር ማስያዙ መልካም ይመስለኛል።

በውስጥ ከመጡልኝ አስተያየቶች መካከል:-

📌"ከእምነት ቦታው ርቆ ደህንነቱ ባልተረጋገጠ ቦታ የረሱልን(ሶ.ዐ.ወ) ክብር የሚያስደፍር አከባቢ ማስቀመጥ ኋላ ክብራቸው ሲነካ ዝም የሚል አማኝ የለም ግን ማን ሊጠየቅ ነው? የኦለማዎች ፈትዋ ቢጠየቅ የተሻለ ነው።ተገቢ አይደለም"

📌"ታፔላው በኛ ሀገር ተጨባጭ ከጥቅሙ ጉዳቱ ያመዝናል።እንደ ሳዑዲ ባሉ ሀገሮች ግን የበለጠ ውበት አለው። ይሄ ቀርቶብን ሌሎች መሠረታዊ መብቶቻችንን ማስከበር ላይ በህብረት ብንሠራ ይሻላል።"

📌"ሲቀጥል ሌሎች ቢያደርጉት የሚከፋንን ነገር ለእኛ ሲሆን ሊያስደስተኝ አይችልም መቆም ያለበት ጉዳይ ነው።"

📌"በጣም የሚያስጠላ ነገር ነው ክብራቸውን ከፍ አደረግን ብለን በማንም ልናዘልፉቸው ነው። መቆም አለበት ይህኔ በ ቀን አንድ ግዜ ስማቸውን ሳያነሳ የሚውል ነው ሲለጥፍ የሚውለው።"

📌" ይሄ አካሄድ ወደ ፊትም ሙስሊሙ ከሌላ አማኝ ጋር ተዋዶና ተከባብሮ እንዳይኖር ለፍረጃ የሚያነሳሳ ነው ይታረም"

📌"ታፔላላይ ፃፉ አይደለም የተባለው በምላሳችሁ በሉ እንጅ አሏሁመሶሊ ወሰሊም አላሰይዲና ሙሀመድ"

📌"በእንቶ ፋንቶ ጊዜ አናባክን።ከሀገራችን ተጨባጭ ሁኔታ ብዙም አንገብጋቢ አይመስለኝም።"

📌"አንዳንዶቻችን ሀገራችን የብዙ እምነት መገኛ መሆኗን መዘንጋት ተገቢ አይደለም።ዝቅታ የሚሰማው ካለ ራሱ ላይ በመስራት ነው ከፍታውን ማምጣት የሚችለው።" የሚሉ በርካታ አስተያየቶች ከእናንተ ተልከው ተመልክቻለሁ የተወሰኑት ናቸው የቀረቡት።

ቤተእምነቶች ሁሉ እየተነሱ በየከተሞች መግቢያ እምነታችንን ይገልፅልናል የሚሉትን ነገር የሚሰቅሉ ከሆነ የፉክክሩ ነገር ወዳልተፈለገ አቅጣጫ ይወስደዋልና ኦለማዎችና ኡስታዞች መፍትሄ ስጡበት።
#ዋሱመሐመድ
አሁናዊ ፈጣን መረጃዎችን ለማግኘት የቴሌግራም ቻናሉን join በማድረግ በቀላሉ ይከታተሉ፣ሊንክ
https://t.me/+WNLm9dbzuIlp9DF4
https://t.me/+WNLm9dbzuIlp9DF4
https://t.me/+WNLm9dbzuIlp9DF4

በነዳጅ ምርቶች ላይ የሚጣል የ30 በመቶ ግብር እንደማይኖር ተነገረ‼

የነዳጅና ኢነርጂ ባለሥልጣን ከታኅሳስ ወር 2018 ዓ.ም. ጀምሮ በነዳጅ ምርቶች ላይ የሚተገበር የ30 በመቶ ግብር እንደማይኖር አስታውቋል።

ከታኅሳስ ወር 2018 ዓ.ም. ጀምሮ በነዳጅ ምርቶች ላይ የ30 በመቶ ግብር ይጣላል የሚል መረጃ በማኅበራዊ ሚዲያዎች ላይ ሲዘዋወር መቆየቱን የነዳጅና ኢነርጂ ባለሥልጣን ዋና ዳይሬክተር ዶ/ር ደስታው መኳንንት ተናግረዋል።

በመሆኑም ይህ ሲዘዋዋር የነበረው መረጃ ሐሰተኛ መሆኑን ገልፀው ፣ከታኅሳስ ወር 2018 ዓ.ም. ጀምሮ በነዳጅ ምርቶች ላይ የሚተገበር የ30 በመቶ ግብር አይኖርም ብለዋል።

የገንዘብ ሚኒስቴርን ጨምሮ በጉዳዩ ላይ በየትኛውም የመንግሥት አካል የተሰጠ መግለጫ እንደሌለ ማረጋገጣቸውን የገለጹት ዋና ዳይሬክተሩ፣ ይጣላል የተባለው ግብር በማኅበራዊ ሚዲያው ላይ የተፈጠረ እንጂ፣ የነዳጅና ኢነርጂ ባለሥልጣንም የሚያውቀው ከዚህ ወር ጀምሮ የሚጣል ምንም ዓይነት የግብር ጭማሪ እንደማይደረግና መንግሥትም ይህን የማድረግ ዕሳቤ እንደሌለው ተናግረዋል ሲል ሪፖርተር ጋዜጣ ዘግቧል።

በዚህም ‹‹በሐሰተኛ መረጃ የተነሳ ኅብረተሰቡ ላልተገባ ሠልፍና እንግልት እየተዳረገ ይገኛል፤›› ያሉት ዋና ዳይሬክተሩ፣ ያለ ምንም ይፋዊ የመንግሥት ውሳኔ ከወጣው የነዳጅ ዋጋ ውጪ ያለ አግባብ ጭማሪ የሚያደርጉ የነዳጅ አከፋፍይ ኩባንያዎችና ማደያዎች ተጠያቂ እንደሚደረጉም አሳስበዋል።

በአዲስ አበባ ከተማ በመደበኛ ሁኔታ ነዳጅ እየቀረበ መሆኑን ተናገረው፣ ነገር ግን በዚህ ሐሰተኛ መረጃ ምክንያት ፍጆታ ላይ ጭማሪ መፍጠሩን ገልጸዋል።

በዚህም የተናፈሰው መረጃ ስህተት መሆኑን ለነዳጅ ኩባንያዎችና ማደያዎች በተደጋጋሚ እያሳወቁ መሆናቸውን የገለጹት ዶ/ር ደስታው፣ ኩባንያዎች ባልተፈለገ መንገድ ተታለው ከጂቡቲ የተረከቡትን ነዳጅ ላልተገባ ጥቅም የማዋል ዕሳቤ እንዳይፈጠርባቸው ሲሉ አስጠንቅቀዋል።

በሌላ በኩል ሰሞኑን በነዳጅ ምርቶች ላይ 15 በመቶ ተጨማሪ እሴት ታክስ (VAT) እና 15 በመቶ ደግሞ ኤክሳይዝ ቀረጥን ያካተተ አጠቃላይ 30 በመቶ ታክስ ይተገበራል መባሉ ይታወሳል።
#ዋሱመሐመድ
አሁናዊ ፈጣን መረጃዎችን ለማግኘት የቴሌግራም ቻናሉን join በማድረግ በቀላሉ ይከታተሉ፣ሊንክ
https://t.me/+WNLm9dbzuIlp9DF4
https://t.me/+WNLm9dbzuIlp9DF4
https://t.me/+WNLm9dbzuIlp9DF4

ወላይታዎች ደስታቸውን እየገለፁ ነው‼

የወላይታ የዘመን መለወጫ በዓል "ጊፋታ" በተባበሩት መንግሥታት የትምህርት፣ የሳይንስና የባሕል ድርጅት (ዩኔስኮ) በዓለም ቅርስነት ተመዘገበ፡፡

በሕንድ፣ ኒው ዴልሂ እየተካሄደ በሚገኘው 20ኛው የዩኔስኮ የማይዳሰሱ የባሕል ቅርሶች ጥበቃ ኮሚቴ ጉባኤ ላይ ኢትዮጵያ በዓለም ቅርስነት እንዲመዘገብ ያቀረበችው የወላይታ የዘመን መለወጫ በዓል "ጊፋታ" በሰው ልጅ የማይዳሰሱ የባሕል ቅርሶች ዝርዝር ስር ተመዝግቧል።

"ጊፋታ" በወላይታ ዘንድ ትልቅ ስፍራ የሚሰጠው ታላቅ በዓል ሲሆን፣ ከትውልድ ወደ ትውልድ ሲተላለፍ የመጣ የሕዝቡ የማንነት መገለጫ የሆነ የአሮጌው ዓመት ማብቂያና የአዲሱ ዓመት መጀመሪያ የመሸጋገሪያ በዓል ነው፡፡

ጊፋታ እድሜ፣ ጾታ፣ ሃይማኖት ወይም ሌላ ማኅበራዊ ደረጃ ሳይለይ ለሁሉም ሠላም እና ማኅበራዊ ትሥሥር አስተዋጽኦ በማድረግ በዩኔስኮ የተለዩትን ዘርፎች ያካተተ ሁሉን አቀፍ ተግባራትን በማበረታታት የሚከበር በዓል መሆኑ በዓለም ቅርስነት እንዲመዘገብ አስችሎታል።ይህንን ተከትሎ ወላይታዎች ደስታቸውን እየገለፁ ነው‼
#ዋሱመሐመድ
አሁናዊ ፈጣን መረጃዎችን ለማግኘት የቴሌግራም ቻናሉን join በማድረግ በቀላሉ ይከታተሉ፣ሊንክ
https://t.me/+WNLm9dbzuIlp9DF4
https://t.me/+WNLm9dbzuIlp9DF4
https://t.me/+WNLm9dbzuIlp9DF4