ከትግራይ ልዩ ኃይል የመጡ የሽብር ቡድኑ አባላት በቁጥጥር ሥር ዋሉ

ሰኔ 25/2014 (ዋልታ) ከትግራይ ልዩ ኃይል የመጡ የሽብር ቡድኑ አባላት በቁጥጥር ሥር መዋላቸውን የአዲስ አበባ ከተማ አስተዳደር አስታወቀ።

የሽብር ቡድኑ ሁለት አባላት አቃቂ ቃሊቲ ክፍለ ከተማ ቱሉ ዲምቱ አካባቢ 11:00 ሰዓት ላይ በቁጥጥር ሥር እንዲውሉ መደረጉን የከንቲባ ጽሕፈት ቤት መረጃ አመላክቷል።

በቁጥጥር ሥር የዋሉት ዘመን ገ/እግዚአብሔር (የጥበቃ መምሪያ አባል የነበረ የፈንጂ ባለሙያ) እንዲሁም ገ/ኪዳን ገ/ጻድቅ የልዩ ኃይሉ አባል መሆናቸውን ጽሕፈት ቤቱ ገልጿል።

አሁን ላይም በሽብር ቡድኑ አባላት ላይ ከፌዴራል ፖሊስ ጋር በመሆን ምርመራ መጀመሩንም አስታውቋል።

ለፈጣን መረጃዎች፦
ፌስቡክ https://bit.ly/3Ma7QTW

ኮሚሸኑ የቅድመ ዝግጅት ሥራዎችን አጠናቅቆ ወደ ዝግጅት ምዕራፍ መግባቱን አስታወቀ

ሰኔ 26/2014 (ዋልታ) የአገራዊ ምክክር ኮሚሸን የቅድመ ዝግጅት ምዕራፍ ሥራዎችን አጠናቅቆ ወደ ዝግጅት ምዕራፍ መግባቱን የኮሚሽኑ ሰብሳቢ መስፍን አርዓያ (ፕ/ር) ገለጹ።

ኮሚሽኑ በሕዝብ ተወካዮች ምክር ቤት በአዋጅ ተቋቁሞ የኮሚሽኑ ሰብሳቢና አመራሮች ከተሾሙለት በኋላ በይፋ ወደ ቅድመ ዝግጅት ሥራ መግባቱ ይታወቃል።

በዚህም ኮሚሽኑ ከመንግሥት ኃላፊዎች፣ ከክልል ርዕሰ መስተዳድሮች፣ ከሃይማኖት አባቶች፣ ከፖለቲካ ፓርቲዎችና ከተለያዩ የኅብረተሰብ ክፍሎች ጋር ትውውቅ አድርጓል።

በቅድመ ዝግጅት ምዕራፍ ኮሚሽኑን የማደራጀት ሥራዎች የተከናወኑ ሲሆን የድርጊት መርኃ ግብር በማውጣትም ወደ ዝግጅት ምዕራፍ የሚያስገቡ ሥራዎችን አከናውኗል።

የአገራዊ ምክክር ኮሚሽን ሰብሳቢ መስፍን አርዓያ (ፕ/ር) ኮሚሽኑ በአሁኑ ወቅት የቅድመ ዝግጅት ሥራዎችን አጠናቆ ወደ ዝግጅት ምዕራፍ መግባቱን ተናግረዋል።

በዝግጅት ምዕራፉም ለሥራ የሚያስፈልገውን በጀትና ስትራቴጂክ እቅድ ዝግጅት በማጠናቀቅ ላይ ሲሆን በአጭር ጊዜ በሕዝብ ተወካዮች ምክር ቤት አጸድቆ ወደ ሥራ እንደሚገባ ጠቅሰዋል።

በዚሁ ምዕራፍ በአገራዊ ምክክሩ ሂደት የሚዘጋጁ የውይይት መድረኮችን የሚመሩና የሚያወያዩ ግለሰቦችንና ባለድርሻ አካላትን የመምረጥና ስልጠና የመስጠት ተግባራት እንደሚከናወኑ ጠቅሰዋል።

https://www.facebook.com/wmccwaltamediaandcommunicationcorporate/photos/a.489214534492666/5570234093057326/?type=3&app=fbl