سيدة قلبي اللي ماخذتني نهابه
واتـنازل لرغبتها محبةٍ وشيمه

قالت الحب اشوفك ودك تصك بابه
قلت قفت ضعون الحب وانتي مقيمه .

صبرت لين لحقت روحي مضره
وهذا هو آخر ما تبقى .. وبرحل

كنت اتمسك فيك في كل مره
لين اكتشفت التخلي هو الحل .

ولا أنا قلبي من الشحنه توفىّ .

انا والله اني كنت احبك ونفسي فيك
ارحب واهلي واتباشر ليا شفتك

وتكبرت ياصغير عسى ربك يجازيك
يجازيك ولا مايجازيك انا عفتك .

ماني بظالم يوم اقول اقبالها ماهوب بزين
‏الظلم والله كيدها الي كل يوم .. تدبرهه

‏القلب يكسره اللسان ولا تجبره ليدين
‏ماهوب بعظم كل يوم تكسره .. وتجبره .

لو انه يشوف ام العيون الوساع السود
غزالٍ غلاها في ذرى قلبي مخيّم

‏معه زين وجه والجسم فيه نقص وزود
‏لو الود ودي قلتها … بس متشيّم .