ان كان غيري يحن بك ويروف
عسى القلوب تدوم والله يقربها

ماني بقايل تعال وامد الكفوف
هذا غلط روحي ولازم احاسبها

ولا ينشغل بالك ولا يلحقك خوف
واشواقي ليا جت والله لا كذبها

صحيح قلوبنا عميا ماتشوف
ولكن تحس بخيانة حبايبها .

سيدة قلبي اللي ماخذتني نهابه
واتـنازل لرغبتها محبةٍ وشيمه

قالت الحب اشوفك ودك تصك بابه
قلت قفت ضعون الحب وانتي مقيمه .

صبرت لين لحقت روحي مضره
وهذا هو آخر ما تبقى .. وبرحل

كنت اتمسك فيك في كل مره
لين اكتشفت التخلي هو الحل .

ولا أنا قلبي من الشحنه توفىّ .

انا والله اني كنت احبك ونفسي فيك
ارحب واهلي واتباشر ليا شفتك

وتكبرت ياصغير عسى ربك يجازيك
يجازيك ولا مايجازيك انا عفتك .

ماني بظالم يوم اقول اقبالها ماهوب بزين
‏الظلم والله كيدها الي كل يوم .. تدبرهه

‏القلب يكسره اللسان ولا تجبره ليدين
‏ماهوب بعظم كل يوم تكسره .. وتجبره .

لو انه يشوف ام العيون الوساع السود
غزالٍ غلاها في ذرى قلبي مخيّم

‏معه زين وجه والجسم فيه نقص وزود
‏لو الود ودي قلتها … بس متشيّم .