ذاك الزمن راح يوم الحزن لا جابك
‏ماترجع إلّا وهمّ الصدر متفرّج
‏
‏ظهرت من ذمّتي في ذمّة احبابك
‏أنا من اليوم مثل الناس "متفرّج" .

خليتني غصبٍ عن القلب اخليك
واقاطعك واجفاك واصد عنك

وهذا وانا قلبي للحين يغليك
لكن سمحت وطابت النفس منك .

عسى لاوصله العلم ويستأنف التفكير
ابي ينشغل فكره من الحين الي بكرى

تمنيت وصله بالفكر ماطلبت كثير
ابا اطري على باله مثل ماعلي يطرى .

من نزاهتها غلاها نزيه من الذنوب
‏جعلني يوم ارتكبها ماعاد اتوبها

‏مادريت ان لعبة الثقل جازت لـ العوب
‏لين مكّنت اسهم الهجر بين جنوبها

‏تدري اني صلف واتوّب اللي مايتوب
‏خل ينفعها دلعها وثقل اسلوبها .

نغلي وكنّا بالغلا مادرينا
‏والله درا عما تكن الضماير
‏
سمحين ونصون الهوّى لاهوينا
‏صلفين لا ثار العجاج وتطاير .

ان كان غيري يحن بك ويروف
عسى القلوب تدوم والله يقربها

ماني بقايل تعال وامد الكفوف
هذا غلط روحي ولازم احاسبها

ولا ينشغل بالك ولا يلحقك خوف
واشواقي ليا جت والله لا كذبها

صحيح قلوبنا عميا ماتشوف
ولكن تحس بخيانة حبايبها .

سيدة قلبي اللي ماخذتني نهابه
واتـنازل لرغبتها محبةٍ وشيمه

قالت الحب اشوفك ودك تصك بابه
قلت قفت ضعون الحب وانتي مقيمه .