له عهود قلبي تالي الوقت وماضيه
ما بدل مكانه لو يقفي ويجفاني

بعود على العزله واردد قصيدي فيه
وهو لو قسى وقته بيرجع ويلقاني .

ضايقً من فراق وضايقً من تجافي
اتقوى وانا حالي دنى من مطيحه

يكذب اللي يقول ان المفارق عوافي
لا يحس بشعور ولا يعرف النصيحه .

ذاك الزمن راح يوم الحزن لا جابك
‏ماترجع إلّا وهمّ الصدر متفرّج
‏
‏ظهرت من ذمّتي في ذمّة احبابك
‏أنا من اليوم مثل الناس "متفرّج" .

خليتني غصبٍ عن القلب اخليك
واقاطعك واجفاك واصد عنك

وهذا وانا قلبي للحين يغليك
لكن سمحت وطابت النفس منك .

عسى لاوصله العلم ويستأنف التفكير
ابي ينشغل فكره من الحين الي بكرى

تمنيت وصله بالفكر ماطلبت كثير
ابا اطري على باله مثل ماعلي يطرى .

من نزاهتها غلاها نزيه من الذنوب
‏جعلني يوم ارتكبها ماعاد اتوبها

‏مادريت ان لعبة الثقل جازت لـ العوب
‏لين مكّنت اسهم الهجر بين جنوبها

‏تدري اني صلف واتوّب اللي مايتوب
‏خل ينفعها دلعها وثقل اسلوبها .

نغلي وكنّا بالغلا مادرينا
‏والله درا عما تكن الضماير
‏
سمحين ونصون الهوّى لاهوينا
‏صلفين لا ثار العجاج وتطاير .