لين مرّه من حدى المرات لدت يمّي
‏غترتي في حضني ومدري وين الطاقيّه

‏قالت محمد وقلت عروق قلبي سمّي
‏قالت محمد وقلت العـز ياطاريّـه

اسكني بين الضلوع الكايدات وزمّي
‏وانحري قلبي بحد السيف والشبريه

والله لو انها جمرةٍ حمرا يخالطها شعاع
اني قبل لاعرف مدى تاثيرها ضميتها

هذا غلاها كل يوم وكل ليله في ارتفاع
يعني غلاها جابه الله لي كذا واغليتها .

تصبح على خير لو الخير في بُعدي
ولعل نفسي الكريمه تعوف وتفارق

لا صار قلبك على اللهفات مو قدي
بفارق اللي معاه الشوق مو فارق

باكر بصحى وأتمم وعدي .. وعهدي
تصحى ومالي مكان بصبحك الشارق .

له عهود قلبي تالي الوقت وماضيه
ما بدل مكانه لو يقفي ويجفاني

بعود على العزله واردد قصيدي فيه
وهو لو قسى وقته بيرجع ويلقاني .

ضايقً من فراق وضايقً من تجافي
اتقوى وانا حالي دنى من مطيحه

يكذب اللي يقول ان المفارق عوافي
لا يحس بشعور ولا يعرف النصيحه .

ذاك الزمن راح يوم الحزن لا جابك
‏ماترجع إلّا وهمّ الصدر متفرّج
‏
‏ظهرت من ذمّتي في ذمّة احبابك
‏أنا من اليوم مثل الناس "متفرّج" .

خليتني غصبٍ عن القلب اخليك
واقاطعك واجفاك واصد عنك

وهذا وانا قلبي للحين يغليك
لكن سمحت وطابت النفس منك .