اعذريني يوم اقابل طعونك بـ ارتياح
كيف لا والجرح مملوح والطاعن مليح

زمّليني من هواجيس الغياب الاّ إرادي
ان ذبحني طاري الفرقا وش انتي مستفيده .

اناظر وجهك بـ عين وشعور ولهفه وترحاب
على وجهك .. حياةٍ تستحق ان اتأملها

جيتك ابي ارتاح من همي وحزني
وزودت جرحي جروح ماقدر انساها

ادور اسباب واقول يمكن الخطا مني
اقلب الصفحات لكن عجزت القاها

احاول امسسك الدمع ولكن ينفلت مني
حتى دموعي تبي من العيين فرقاها .

لين مرّه من حدى المرات لدت يمّي
‏غترتي في حضني ومدري وين الطاقيّه

‏قالت محمد وقلت عروق قلبي سمّي
‏قالت محمد وقلت العـز ياطاريّـه

اسكني بين الضلوع الكايدات وزمّي
‏وانحري قلبي بحد السيف والشبريه

والله لو انها جمرةٍ حمرا يخالطها شعاع
اني قبل لاعرف مدى تاثيرها ضميتها

هذا غلاها كل يوم وكل ليله في ارتفاع
يعني غلاها جابه الله لي كذا واغليتها .

تصبح على خير لو الخير في بُعدي
ولعل نفسي الكريمه تعوف وتفارق

لا صار قلبك على اللهفات مو قدي
بفارق اللي معاه الشوق مو فارق

باكر بصحى وأتمم وعدي .. وعهدي
تصحى ومالي مكان بصبحك الشارق .