اداريك عن ضيقك و أحنك من أدنى شي
وأنا ما أتلفت لـ الخواطر و أداريها

ولا أعاتب إلا الساعه اللي تجيبك لي
تجيبك ولا هي الراكده في ثوانيها

أحبك و أنا اللي جميلك علي شوي
قدرت أتناسى ليلة ما أنت ناسيها .

لا تحداني على كثر المحبه
وأنت في دنياي ثالث والديني .

عسى وجهٍ مثل وجهك ملاه النور
‏اشوفه طول عمريّ ضاحك وراضي .

اعذريني يوم اقابل طعونك بـ ارتياح
كيف لا والجرح مملوح والطاعن مليح

زمّليني من هواجيس الغياب الاّ إرادي
ان ذبحني طاري الفرقا وش انتي مستفيده .

اناظر وجهك بـ عين وشعور ولهفه وترحاب
على وجهك .. حياةٍ تستحق ان اتأملها

جيتك ابي ارتاح من همي وحزني
وزودت جرحي جروح ماقدر انساها

ادور اسباب واقول يمكن الخطا مني
اقلب الصفحات لكن عجزت القاها

احاول امسسك الدمع ولكن ينفلت مني
حتى دموعي تبي من العيين فرقاها .

لين مرّه من حدى المرات لدت يمّي
‏غترتي في حضني ومدري وين الطاقيّه

‏قالت محمد وقلت عروق قلبي سمّي
‏قالت محمد وقلت العـز ياطاريّـه

اسكني بين الضلوع الكايدات وزمّي
‏وانحري قلبي بحد السيف والشبريه