اعرفك رايد تروح .. ماكو داعي لكل هاي الحجج والأعذار .. ميحتاج ادورلك زله عليه حته اطلع اني الغلطان .. ولا اكو داعي كل يوم اسويلك مشكله .. حته بس تقنع نفسك وتبررلها انهو الغلط مو منك .. وتنطي لنفسك سبب حته تعوفني .. تريد تروح؟ الله وياك .. لتخليني اتحمل شكك بيه واني اكثر شخص اوفيلك .. ولا اتحمل زعلك لئتفه الاسباب .. ومراح أعاتبك .. ولا اكلك على الي سويته علمود اضل وياك .. وشكد اتأذيت منك .. ولا راح احجيلك على كلام الناس من تروح .. عوفني ولا تهتم الشي .. خلي يرتاح ضميرك .. اني اعرف شلون اواجه كولشي بدونك .. وارجع مثل قبل .. مثل قبل ما اعرفك .. بس خلي ابالك .. بيوم الي تبعد .. لو تندمت الف مره .. ولو بجيت الف دمعه .. مراح تلكاني ولا راح اسمحلك تأذيني مره ثانيه...
مو أي شخص تحجيله همومك بحجه ارتاحيتلة .. خلي نسبة انو يجي يوم ويگلبهن ضدك...
قبل لا تبعد من احد فكر ألف مره شنو وضعك بعد ما تبتعد عنه .. هوه القرار يصير بلحظة ويمكن يعيشك سنين بحزن لو بفرح .. حاول أي قرار تتخذه تكون هادئ ومرتاح .. لأن العصبية والتسرع ما وراها بس الأذية...
التجربه خير برهان .. ابتعدو عن مواقع التواصل وشوفو الوقت شلون يطول ويكون حلو .. الاغلب تگول محمد الايام تركض ركض .. زين بحثتوا عن السبب! .. لا محد بحث .. اذا تركزون تشوفون الريلزات الجاتات وغيرها ماخذه كل وقتكم .. جرب ابتعد وشوف التغيير اللي راح يغير من نفسيتك وطباعك واسلوبك...
مشتاق النفسي القديمة .. الايام اللي جنت بيها شكد بريء وما اعرف شي ولا شايل هموم...
الليل صار طويل وما يخلص بسرعة .. وبهذا الوقت نبقى نفكر بأشياء تخلينه نتعب نفسيًا .. وخاصتًا ذاك اللي جان عنده انسان وفقده...
من تشوف احد مهتم بيك .. حافظ عليه .. لان صدگني اذا خسرته .. راح يجي يوم وتتمنى يوم واحد يرجع حتى تقدر نعمته...
اكدر اصير موزين وأذي الكل بطريقتي .. بس ماريد اصير الإنسان الاكرها...