دعم انستكرام فقط شباب زيادة المتابعين للبيجات والصفحات الشخصية 🔥🔥

احب هذي الآية ( وخلق الأنسان ضعيفاً )
الآية هذي مو ادانة للأنسان ، تعريف اله
الله يكول اصل الانسان مو القوة أصلة الضعف
فلسفة الأنسان ضعفه هو اليخلي يحب ، ويرحم ويتعاون
الأنسان لو امتلك القوة الكاملة محد يحتاج الثاني بعد
الي يخليك تروح لصديقك وكت الحزن مو لأنك قوي بس لأنك ضعيف ومكسور سابقاً مثله .
حتى العلم الي نفتخر بي هو وليد ضعفنا ، اخترعنا الدوه لأن نتمرض وبنينا البيوت لأن نخاف من البرد والحر
فالآية هذي تكلك لا تخجل من ضعفك ، هذا مو عيبك هذا سر وجودك .
الضعف هو اليصنع انسانيتك

كل عام وانا بخير 🔥🤍

شنو الوضع طمنونا صح اكو قصف بالمحافظات؟

ماكو شي اسمه نهاية سعيدة، لأن الحياة أصلاً ما تمشي بهالشكل كل ما تكول ارتحت تبدي قصة جديدة أو تعب جديد السعادة مو نهاية نوصللها ونبقى بيها، السعادة مجرد لحظات حلوة تجي بنص التعب والضغط والخذلان حتى تخلينا نكمل لهذا لا تنتظر حياة كاملة ولا أيام مثالية، عيش أي لحظة تضحكك، تريح بالك، أو تخليك تحس انك بخير، لأن يمكن هاي اللحظات القليلة هي كل السعادة اللي نكدر نحصلها بهالدنيا

مو كل واحد ساكت مرتاح، ومو كل واحد يضحك سعيد أكو ناس تضحك حتى تخفي وجعها، وتحجي طبيعي حتى محد يعرف شكد متعبة من الداخل.

أحياناً الإنسان يوصل لمرحلة يحارب بيها ألف فكرة براسه بنفس الوقت، ويظل ثابت كدام الناس وكأن ماكو شي مو لأنّه قوي بكل الأحوال، لكن لأنّه ما عنده خيار غير يكمل.

ويمكن أصعب شعور من تحس نفسك منهك من كلشي، بس تبقى مكمل لأن محد راح يشيل عنك هالحمل.

لهذا أقسى الحروب هي الحروب اللي تصير بينك وبين نفسك لأن محد يشوفها، ومحد يعرف شكد أخذت من روحك حتى تطلع منها واكف على رجليك

"مو كل معركة إلها صوت... أكو معارك تذبح صاحبها وهو ساكت."

من عرف قيمته، ما ظل ينتظر تقدير من أحد
لأن الإنسان من يعرف شكد يسوى، يبطل يركض ورا رضا الناس، ويبطل يزعل إذا أحد تجاهله أو ما عطاه المكانة اللي يستحقها هو يعرف نفسه أكثر من أي شخص ثاني، ويعرف شكد تعب، وشكد ضحّى، وشكد تجاوز من صعوبات حتى يوصل للمكان اللي هو بيه

مو كل الناس راح تكدر تعبك، ومو كل الناس راح تشوف قيمتك أكو ناس مهما سويتلهم يبقون يشوفونك بعين مصالحهم، وأكو ناس ما يعرفون قيمة الشي إلا من يخسروه

لهذا لا تربط سعادتك بكلام الناس، ولا تخلي ثقتك بنفسك تعتمد على مدحهم أو اهتمامهم إذا مدحوك لا تغتر، وإذا تجاهلوك لا تنكسر.

قيمتك مو من تقدير الناس إلك، قيمتك من معرفتك لنفسك، ومن احترامك إلها حتى بغياب الجميع.


"من عرف قيمته، عاش مرفوع الرأس... ومن انتظر تقدير الناس، ظل أسير آرائهم طول عمره."

الانسان الي يكون مكبوت ومضطهد وبداخله اكو شعور مستمر بالدونية والنقص او العجز ، يتولد شعور بداخله مؤذي بمرور الوقت وهالشي يخلي يعاني من مشاكل نفسية وألم يدفعه الى إيذاء اي شخص يقابله بحياته
وهالشي بعلم النفس اسمه (التماهي مع المعتدي)
وهاي الحالة (الية دفاعية) تصير من الشخص يتعرض لأذى ومايگدر ياخذ حقه يتولد بداخله شعور بالضعف والعجز تخلي يتبنى افكار الشخص المؤذي ، فـيصير مؤذي مثله حتى يخفف من مشاعره هاي ، ومثل ما تأذى - يأذي.
ونفوت بدوامة اسمها Cycle of Abuse
لهذا نشوف اكو ناس مؤذية بدون سبب
او تسوي ويانه تصرفات بدون ما نكون مسويلهم شي.

الندم دوم يجي متأخر

مو لأن الإنسان ما يعرف الصح من الغلط، لكن لأن أغلب الناس ما تحس بقيمة الشي الا من يضيع من ايدها ما يعرفون قيمة الشخص الوفي الا من يرحل، ولا قيمة الفرصة الا من تنتهي، ولا قيمة الكلام الجارح الا من يشوفون أثره بقلب غيرهم

أحياناً نتصرف بعصبية، أو نهمل شخص نحبه، أو نكسر خاطر إنسان كان صادق ويانه، ونعتقد أن الوقت بعده موجود حتى نصلح كلشي بس مو كل الأبواب تبقى مفتوحة، ومو كل الأشخاص ينتظرون اعتذارنا للأبد

وأصعب أنواع الندم مو الندم على شي سويناه... إنما الندم على شي كان بإيدنا نحافظ عليه وخسرناه بإيدنا

لذلك قبل لا تجرح، فكر وقبل لا تبتعد، فكر وقبل لا تخسر شخص أو فرصة، تذكر أن بعض الأشياء إذا راحت، ما ترجع مهما كثر الندم بعدها

لأن الندم ما يغير الماضي... هو بس يعلمنا قيمة الشي بعد ما نفقده

"دوم الندم يجي متأخر... ولهذا محد يتألم من أخطائه أكثر من صاحبها."

كل الناس المعروفين بالتاريخ
الانساني قد يكونون معروفين بأقوالهم
وأفعالهم ما عدا العباس عليه السلام
تخلد بالتاريخ بأفعاله بحيث من نبحث بالتاريخ ماكو هواي سوالف عند العباس
مع أنه عالم متأله بس اكو هواي أفعال
العباس رجل الأفعال
شخصية غريبة وصادم ومتعبة ومؤذية
ساكت.. بس يحجيلك التاريخ أفعاله
ساكت ويحرجك لأن يذكرك بنقصك من تسولف هواي وتطبق شوية

العباس وما أدراك ما العباس
الامام جعفر الصادق عليه السلام
جان يكول

"كان عمّي العبّاس بن علي، نافذ البصيرة
صلب الايمان"

مرات التعامل بنرجسية سلوك مناسب لبعض الشخصيات ، حتى تحافظ على نفسك بهذا المجتمع مايصير كل انسان تعامله بتواضع ، مرات البساطة الزايدة أسوأ من الحقارة
اكو ناس نفسياً وعقلياً مايكدرون يستوعبون التواضع ودائماً الأحترام يستفزهم .
الذكي ماينفع تصيرله شخصية وحده يعامل بيها الكل
الذكي عنده عقل يعامل كل شخصية باللي يناسبها
ولكل مقام مقال

من اغرب الاحاسيس الي شفتها بليلة العاشر ، عدم الاحساس بالزمن تروح منك فكره ان المعركه صارت قبل الف سنه وان كلشي انتهى وان الامام الحسين عليه السلام استشهد . اكو اشياء تهزك و اكو شي بداخلنه غامض ياكدلنه ان المعركة بعدها مصايره ،وان الامام الحسين راح يقاتل باجر ..وياخذ قلوبنا وهو يتقدم نحو الجيش، وهو يتألم لفقد الاصحاب، وهو يعطش، وهو غريب بين جيش جرار سنكون معك غدا . سنحارب معك ولن نصدق انك مبضع بالسيوف. وسيرافقنا هذا الاحساس حتى العام القادم، والاعوام القادمة وكل العمر الذي يفنى من اجلك.

#يا_حسين

اكو فد خرافة قديمة تحجي عن ملك جان عنده سجن بوسط مدينته
وكل ما يشوف الناس بدت تتململ وتتذمر من الجوع والفقر، يطلع للحراس ويكلهم:
"جيبوا لي عشرة من اللي بداخل القصر واحبسوهم علنا".
الناس من تشوف المسؤولين ينحبسون، تطلع للشوارع تهوس وتصفك وتكول: "أخيراً الملك صار عادل وحاسب الظالمين". والملك يباوع من شباك قصره ويضحك، لأن يدري ذوله العشرة مجرد "أدوات" خلص شغلهم أو صاروا عبء عليه، فقرر يتخلص منهم ويغطي بيهم على فشله، والناس المساكين يرجعون لبيوتهم فرحانين، وينسون إن العطش بعده ببيوتهم والفقر بعده يأكل بيهم، ومحد سأل نفسه: ليش الملك ما انطانا خبز بدل ما يسجن وزرائه؟
مدري عليمن جبناها 😂