አብዝሃኛዎቻችን "ማጣት" የሚለውን የምንገልፀው ገንዘብ (ሀብትን) ማጣት በሚል ነው ። ይህንንም ማጣት ከአላህ የተላከ ፈተና ወይ ደግሞ የአላህ ተወዳጅ ባለመሆኑ ያጣን የሚመስለን ብዙ ነን ። ይህ ፈፅሞ ስህተት ነው ። ነገሩ ይህ አይደለም ። አንድ ሰው በዱኒያ ሳለ ገንዘብ ሊያገኝም ሊያጣም ይችላል ። ይህ በአላህ ዘንድ የተወደደም የተጠላም ለመሆኑ ምስክር ሊሆን አይችልም ። የአላህ ወዳጆች ፣ ነብያቶች በድህነትም በሀብትም አልፈዋል ። ድሃ በነበሩ ሰዓት አላህ ጠላኝ  አላሉም ። በሀብታቸው ሰዓትም የአላህ ውዴታ ነው ብለው አልተኩራሩበትም ። ብዙ የአላህ ጠላቶች በሀብት ተንበሽብሸዋል ፣ የአላህ ወዳጅ ሆነውም በድህነት አረንቋ ውስጥ ያሉ ፣ የታረዙ ፣ የተቸገሩ ፣ የተራቡም እጅግ በጣም ብዙ ናቸው ። ለገንዘብና ለቁስ ያለን የተጋነነ ምልከታ ሚዛኖችን ሁሉ ወደ እርሱ እንድናስጠጋ አደረገን እንጂ ገናና ሀብታም ሆነው አላህ የሌላቸው ቁጥር ስፍር የላቸውም ። በገንዘባቸው አላህን አላገኙበትም ፣ ሂዳያን አልገዙበትም ፣ እስልምናን አልተቸሩበትም ። ከዚህ አንፃር ደግሞ ገንዘብ ያለ ኢስላም ምንም ነው ምንም!  ሁሉም ከኢስላም በኋላ ነው ። ኢስላም የተሰጠው ሰው የእስልምናን ኒዕማ ሊያውቅ ግድ ይለዋል ።ይህን  ያወቀ ደግሞ በሁሉ ነገር ቢፈተንም አላህ መርጦ ኢስላምን ስለሰጠው ያመሰግናል ። ይህ ነው ምስጋና ። ይህ ነው መቸር ። አላህን ያገኘ ምን አጣ  ? አላህን  ያጣስ ምን አገኘ ?!

አልሐምዱሊላሂ አላ ኒዕመቲል ኢስላም❤

©𝑎𝑏𝑑..

اللهم صل وسلم وزد وبارك على سيدنا وحبيبنا ونبينا محمد صلى الله عليه وعلى آله وصحبه
አብዝሃኛዎቻችን በምድር እና በሰማይ ተወዳጅነትን የምታገኙበት…መልካም ስራቸው ከሚበዛላቸው ፣ ለወንጀላቸው መሀርታን አግኘተው በጀነት ከሚበሰሩት ሰዎች መሀል የምንሆንበት ወዶ በላካቸው እና  እዝነቱን በእርሳቸው ባሳየን ወዱ ነብያችን የበዛ ሰለዋት ምናወርድበት በሱራህ አልካህፍ በዱዓእ በሰላት በቲላዋ በተሳኩ ምኞቶች በጀባሩ ራህመት የታጀበ የተዋበ ምርጥዬ ጁምዐን ተመኘሁ🤎

ጀሀነም የሚገባው ወደ ጀሀነም ጀነት የሚገባውም ወደ ጀነት ከገባ በኋላ አንድ ተጣሪ እንዲህ ሲል ይጣራል!

አንተ ሙሐመድ! ተደሰተክ ወይ?

እርሳቸው እንዲህ ይለሉ«ጌታዬ! ወላሂ አልተደሰትኩም። ከኡመቶቼ እሳት ውስጥ የቀረ አለ»

አላህም ለመላኢኮች «ቅንጣት ታክል ኢማን በቀልቡ ያለውን ሁሉ ከእሳት አውጡ» በማለት ያዛቸዋል። ከዚያም ጀሀነም በሯ ይከፈትና የተወሰነው የሙስሊሙ ክፍል ወጥቶ ወደ ጀነት ይተማል።

አላህ በድጋሚ «ሙሐመድ ሆይ! ተደሰትክ?» ይላቸዋል።

«ጌታዬ ባንተ እምላለሁ! አሁንም ከህዝቦቼ የቀሩ አሉ» ብለው ያለቅሳሉ!

አላህም ለመላእክቱ «አይኑ የትንኝ ራስ የምታክል እንባም ብትሆን እኔን ፈርታ ያነባችን ሁሉ አውጡ» በማለት ያዛል። ከዚያም «ያ ሙሐመድ! አሁንስ ተደሰትክ?» ይላቸዋል።

«ወላሂ አልተደሰትኩም። አሁንም ከኡመቴ የቀሩ ሰዎች አሉ። ይላሉ ረሱላችን ﷺ »
አላህ ለመላኢኮች «ላኢላሀ ኢለላህ፣ ሙሐመዱን ረሱሉላህ ያለውን በጠቅላላ ከጀሀነም አውጧቸው» በማለት ያዛል። ጀሀነም በሮቿ ተከፍተው ሁሉም ወደ መስካሪዎች ጎራ ይነጉዳሉ።

ከወርቅና ከሉል በተሰራ ግንብ ውስጥ ይነዳሉ። ባማረ መዓዛ ይታወዳሉ። ውስጥ የነበሩት የጀነት ሰዎች የተበለጡ እስኪመስላቸው ድረስ እነዚህ ሰዎች ውብ ይሆናሉ። ከዚያም ወደ ጀናህ እንዲገቡ ይደረጋል። ይሄኔ ለመጨረሻ ጊዜና ለዘልዓለም ጀሀነም ትዘጋለች!!

በዚህ ወቅት ነው እንግዲህ፦
« ﺭُّﺑَﻤَﺎ ﻳَﻮَﺩُّ ﺍﻟَّﺬِﻳﻦَ ﻛَﻔَﺮُﻭﺍ ﻟَﻮْ ﻛَﺎﻧُﻮﺍ ﻣُﺴْﻠِﻤِﻴﻦَ

እነዚያ የካዱት (በትንሣኤ ቀን) ሙስሊሞች በኾኑ ኖሩ በብዛት ይመኛሉ፡፡ (ሱረቱ አል-ሒጅር- 2)

አላህ የርሳቸውን ሸፈዓ የምናገኝ ያድርገን!!
ሰሉ ዐለል ሐቢብ!!

ለመላው ሙስሊም ወንድሞችና እህቶች እንኳን ለ1445ተኛው የኢድ አል-አድሀ በዓል በሰላም አደረሳችሁ፥ ዒድ ሙባረክ

تقبل الله منا ومنكم صالح الأعمال
وعيد مبارك
أعاده الله عليكم وأنتم في صحة وعافية وإيمان
✨🌓🌒🌘🌒🌘🌒🌘🌒🌘🌒🌘🌗✨

ዱንያ በሀዘን በሀሳብ እና በጨንቀት አቆራምዳን ሳለ ዒድ መጥቶ ደስታን አላብሶ ያቆራመደንን ሀዘን ሀሳብ እና ጭንቀት ገሸሽ ያደርገዋል። ልክ ፀሀይ ወጥታ አበባ እንደምትፈካው የዒድ ደስታም ልባችንን ያፈካል። አላህ ለባርያዎቹ ግዜያቸውን  በሀጅ በፆም በዱዐእ እና በዒባዳ… ካሳለፉ ኋላ ሽልማት ወ ስጦታ መስጠትን ይፈልጋል። ታድያ ይሄኔ ዒድ ደስታን ይዞ ባርያዎች ላይ ፆም ሀጅ እና የተለያዩ የዒባዳ አይነቶች… ያሳረፈባቸውን አካላዊ ጫና ሊያስረሳቸው አካሎ አካቦ ይመጣል።
አላህ ደስታን አመት ከአመት ያከናንባችሁ።
ዒዱኩም ሙባረክ ተቀበለላሁ ሚና ወሚንኩን ሷሊሀል አዕማል❤

ዒዳችሁ አላህን በማላቅ በማሞገስ እና በማመስገን የደመቀ በምስጋና የተዋበ ያድርግላችሁ

الله أكبر الله أكبر الله أكبر لا إله إلا الله  الله أكبر الله أكبر ولله الحمد …

🌙ለመላው የእስምና እምነት ተከታዮች እንኳን ለዒድ አል አድሃ (አረፋ) በዓል በሰላም አደረሳችሁ!

ዒድ ሙባረክ!!

Hordoftoota amantii Islaama hundaaf Baga Ayyaana ID Al Adahatiif Nagaan Isin Gahe

Ayyaana Gaarii

Happy Eid al-Adha to all Muslims!

Eid Mubarek

አሰላሙአለይኩም ወራህመቱላሂ ወበረካቱሁ። ለጉንችሬ ማህበረሰብ በሙሉ የፊታችን እሁድ መስከረም 05/2017  በጉንችሬ አል አቅሳ መስጂድ ልዩ የክረምት የልጆች ቂርዓት ማጠቃለያ ፕሮግራም ተዘጋጅቷል። በእለቱም የተለያዩ ዝግጅቶች ይሰናዳሉ እንዲሁም የመስጂዱን የግንባታ ሂደት ጉብኝትና የማ/ሰቡ አስተያየቶች ይደመጣሉ ። ሰለዚህ በእለቱ 2:30 ጀምሮ ሁላችሁም እንድትገኙ በአክብሮት እንጠይቃለን
®የመስጂዱ ኮሚቴ

ሰውን ሁሉ በእርግጥ በልፋት ውስጥ ኾኖ ፈጠርነው እንዲል ቃሉ
ህይወት በድካም የተሞላች ናት። የላቀ ደረጃ ላይ የመድረስ ራዕይ ሰንቀን፥ ተፍ ተፍ እንላለን። አዲስ ነገር ለማወቅ፥ ለመማርና ከሌሎች ልምድ ለመቅሰም እንጥራለን። ገቢን ለማሳደግ ደከመኝ ሰለችኝ ሳንልና ስራ ሳንመርጥ እንጠገርራለን። ወጪ ለመቀነስ ፍላጎትና አምሮትን እንገድባለን። የራይድ ላለማውጣት ታክሲ በመሰለፍ፥ ቅርብ ቦታዎችን ደግሞ በቸርኬ እናደራዋለን። ባስ፥ ሀይገር ሳናማርጥ ተጋፍተን እንጓዛለን። የምሳ ወጪ ለመቆጠብ ሲነጋ ከቤት ሽክፈህ ትወጣለህ፥ ካልሆነ በእርጥብ ወይም በሙዝ ትሸውደዋለህ። የልብሰ በጀትም በቦንዳ ይታላፈል።

የራሰን፥ የቤተስብን፥ የጓደኞችን ህይወት ለማሻሻል ከዛም አልፎ ለማህበረሰብ ጥሩ ነገር ለማበርከት እናልማለን። አንድ ቀን፥ ሳምንት፥ ወር፥ አመት ሳይሆን አመታት ተጠግርረናል። ግና ጠብ አላለም፥የተለወጠ ነገር የለም። አንዳንዴ ከህልምህ እየራቅክ እንጂ ወደ ህልምህ እየቀረብክ እንዳልሆነ ይሰማሃል። ደሞ "ለማይሞላ ኑሮ" የሚል ተሰፋ አስቆራጭ የውስጥ ድምጽ ይጠራሃል። አሁንስ ደከመኝ፥ በቃኝ እያልክ ከራሰህ ጋር ሙግት ትገጥማለህ። የእውነትም ይደክማል። ጉልበትህ፥ ወኔህ አብረው ይከዱሃል። ህይወት ሽንቁር እንደበዛበት ጣሪያ በያቅጣጫው ያፈስብሃል። አንዱን ስትደፍን ሌላ ቦታ ይቀደዳል። "ለምን እኔን ብቻ" የሚል ስሞታ ወደ ጌታህ ታቀርባለህ። ጌታህም "እኔ የሰሪዎችን ልፋት ሳልመነዳ ከንቱ የማሰቀር አይደለሁም" ይልሃል። ወረፋህን እስኪደረስ ነው እያለ ነው። ቁም ነገሩ በልፋትና ጥረት ወረፋህ(ሰልፍ) ላይ መቆየት ነው። አንድ ቀን ተራው ይደርሰናል። ከሰልፉ መውጣትም ሆነ ሰልፍ ለመስበር ( አቋራጭ) መሞከር መጨረሻው የዜሮ ብዜት ነው።

ማልኮም ግላድዌል የተባለ ልሂቅ " tipping point" የሚል እሳቤ አለው። መስፈንጠሪያ እንደማለት ነው። ሰሚ ያላገኘው ሃሳብ፥ ገበያ መሳብ ያልቻለው ምርት፥ የደንበኛ ትኩረት ያላገኘው አገልግሎት በአንድ  አጋጣሚ ወይም ክስትት ሊተኮስ ይችላል። ድካምህ፥ ልፋትህ፥ ጥረትህ የራሱ የሆነ treshold አለው። ይህን እስኪያልፍ ያለፋል። ከዛ በኃላ ግን ይተኮሳል። እንደ ወረርሽኝ ይዛመታል። እናቁመው ብንል እንኳ አናቆመውም። ይህ ኹነት በማልኮም ግላድዌል ቋንቋ " tipping point" ሲሆን በሰማያዊው ቋንቋ "ወረፋ" ነው።

#ወረፋህን_ጠብቅ!!

©𝑎𝑏𝑑..

اللهم صل وسلم وزد وبارك على سيدنا وحبيبنا ونبينا محمد صلى الله عليه وعلى آله وصحبه أجمعين
መልካም ስራቸው ከሚበዛላቸው፣ ጊዜያቸውን ከሚጠቀሙት፣ በኸይር ከሚያሳልፉት፣ ለወንጀላቸው መሀርታን ከሚያገኙት፣ በጀነት ከሚበሰሩት ሰዎች መሀል የምንሆንበት ወዶ በላካቸው እና  እዝነቱን በእርሳቸው ባሳየን ወዱ ነብያችን የበዛ ሰለዋት ምናወርድበት በሱራህ አልካህፍ በዱዓእ በቲላዋ በተሳኩ ምኞቶች በጀባሩ ራህመት የታጀበ የተዋበ ምርጥዬ ጁምዐን ተመኘሁ🤎🤎🤎

https://t.me/+l1T0ZqZkHUBiZGE0 @ayubkasim53