Сёньня ў судзе Вілейскага раёну адбудзецца судовае паседжаньне аб адміністрацыйным правапарушэнні па справе сябры Партыі БНФ Аляксея Сюдака.

Але паглядзіце як подленька і тут адбываецца. СМС адправілі ў 10 гадзін, што суд адбудзецца ў 15.00.

Гэта адмыслова, каб Сюдак ня змог з’явіцца ў суд і не паспеў наняць сабе адваката.

Прыходзьце ў суд падтрымаць! (З сабой мець пашпарт і маску).

#вілейка #вялейка #вилейка #вилейский #вилейскийрайон #вілейскі #вілейскіраён #суд #сюдак

Вілейскі актывіст Аляксей Сюдак, якога суддзя Ахметава пакарала 10 суткамі адміністрацыйнага арышту за кармленьне галубоў на Цэнтральнай плошчы г.Вілейка, адбыў 3 сутак пакараньня і апынуўся на волі.
Падрабязнасьці пазьней :-)

#вілейка #вялейка #вилейка #Сюдак

Многія пыталіся ў Аляксея Сюдака пра тыя суткі, што яму прысудзіў суд за кармленьне галубоў на Цэнтральнай плошчы Вілейкі, чаму ён выйшаў праз 3 сутак, а не праз 10, якія яму прысудзілі...
Вось аповед:
http://vilejka2020.tilda.ws

#вілейка #вялейка #вилейка #сюдак #вилейский #РОВД #вілейскі #РАУС #милиция

Вілейскі актывіст Аляксей Сюдак атрымаў пастанову Мінскага абласнога суду на сваю скаргу на рашэньне Вілейскага суду, які пакараў яго 10 суткамі адміністрацыйнага арышту за знаходжанне на Цэнтральнай плошчы г.Вілейка, кармленьне галубоў і размовы з жыхарамі гораду.

Мінскі суд, як і чакалася, пакінуў рашэньне Вілейскага суду ў моцы.

Цяпер Аляксей Сюдак будзе пісаць скаргу ў Вярхоўны суд, а потым зьвяртаецца ў Камітэт па правах чалавека ААН.

Спадарства, нашая зброя - праўда, галоснасьць і салідарнасьць!

#вілейка #вялейка #вилейка #суд #выборы2020 #выборы #выбары #выбары2020 #Ціханоўскі #сюдак #вілейскі #Вілейскіраён #вилейский #Вилейскийрайон

Кіраўнік Вілейскай суполкі Партыі БНФ, сябра Сойму партыі БНФ Аляксей Сюдак зараз знаходзіцца ў Следчым камітэце ў якасьці сьведкі па справе. (Але са сьведкі заўсёды можна стаць падазраваным 😉)

Пералік артыкулаў уражвае:
🌚 293 "Масавыя беспарадкі"
🌚 342 "Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх"
🌚 364 "Гвалт альбо пагроза прымянення гвалту ў дачыненні супрацоўніка органаў унутраных спраў"
🌚 191 "Перашкода ажыццяўленню выбарчых правоў, права на ўдзел у рэферэндуме, альбо рэалізацыі права заканадаўчай ініцыятывы грамадзян, альбо рабоце Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, выбарчых камісій, камісій па рэферэндуме, камісій па правядзенні галасавання аб адкліканні дэпутата"
🌚 369 "Абраза прадстаўніка ўлады"
🌚 295 "Незаконныя дзеянні ў дачыненні агнястрэльнай зброі, боепрыпасаў і выбуховых рэчываў"
🌚 130 "Распальванне расавай, нацыянальнай, рэлігійнай альбо іншай сацыяльнай варожасці альбо варажнречы, рэабілітацыя нацызму"

#вилейка #вялейка #вілейка #сюдак #БНФ

На апошнім тыдні ў Вілейцы адбыліся дзьве падзеі, на якія я, як прадстаўнік Партыі БНФ , якая заўсёды стаяла на абароне інтарэсаў беларускага народу і проста грамадзянін, вымушаны адрэагаваць.

1. У Вілейцы на дзяўчыну склалі адміністрацыйны пратакол і выклікалі ў суд, за вывешаны ў вакне сваёй кватэры бел-чырвона-белы сьцяг, палічыўшы, што гэта несанкцыянаваны пікет.

2. Пасьля выступу Лукашэнкі пра тое, што трэба працаўладкаваць ўсіх "пратэстуноў", каб на пратэсты не выходзілі, некаторым вілейчанам, і мне ў тым ліку, прыйшлі лісты з Вілейскага райвыканкаму з запрашэньнем на камісію па працаўладкаваньню.

Даслаў свае прапановы і пытаньні старшыні Вілейскага райвыканкаму Бегунцу А.П і начальніку Вілейскага РАЎС Бендасаву А.У.

Сябра Сойму Партыі БНФ Аляксей Сюдак,
жыхар г.Вілейка

#Вілейка #Вялейка #Вилейка #Сюдак #БНФ

Учора, 22 студзеня, вілейчанін, сябра Сойму Партыі БНФ Аляксей Сюдак быў зноў выкліканы і апытаны супрацоўнікам крымінальнага вышуку Вілейскага РАУС.

Аляксей Сюдак: "Некалькі месяцаў таму ў мяне адбыўся агляд дому супрацоўнікамі Вілейскага РАУС і была забраная ўся кампутарная тэхніка і сродкі сувязі на экспертызу, каб высьветліць ці зьяўляюся я адміністратарам telegram-канала "Это Вилейка, детка". Мяне тады ўжо апытвалі наконт маёй датычнасьці да вілейскіх тэлеграм-каналаў. Пасля экспертызы мне вярнулі ўсе рэчы і выдалі паперу, што крымінальная справа супраць мяне не заводзіцца, бо няма доказаў маёй віны.

Учора супрацоўнік крымінальнага вышуку зноў задаваў мне пытаньні наконт "Это Вілейка, детка" і майго дачыненьня да гэтага тэлеграм-каналу. Я паведаміў, што не зьяўляюся ні стваральнікам, ні адміністратарам каналаў "Это Вілейка, детка" і "Вілейка для жизни".

Таксама апытвалі мяне пра маю працу, заробкі, банкаўскія карткі і пра паступленьні грашовых сродкаў на іх.

А яшчэ мне задаваліся пытаньні наконт майго выступу ў вілейскім парку культуры і адпачынку ў жніўні 2020 году, калі я прапанаваў людзям ўшанаваць памяць забітага "сілавікамі" мірнага пратэстоўца Аляксандра Тарайкоўскага хвілінай маўчаньня І ўскласьці кветкі да яго партрэта.

Як я разумею, супрацоўнікі Вілейскага РАУС маюць заданьне знайсьці чалавека ці людзей, якія стварылі і кіруюць Telegram-каналам "Это Вилейка, детка" і ўзбудзіць супраць іх крымінальную справу. Таму ў дачыненьні да некалькіх вілейчан праводзіцца такая праверка."

#вилейка #вялейка #вілейка #БНФ #тарайкоўскі #тарайковский #сюдак

Вілейчаніну Аляксею Сюдаку прыйшоў ліст з Вілейскага РАУС у якім паведамляецца, што па выніках дадатковай праверкі па яго датычнасьці да тэлеграм-канала "Это Вилейка, детка", прынята рашэньне не ўзбуджаць крымінальную справу.

Аляксей Сюдак: "Ня гледзячы на тое, што ужо прайшло некалькі праверак і некалькі разоў не ўзбуджаліся крымінальныя справы, я разумею, што мяне могуць арыштаваць у любы момант. І нажаль, гэта залежыць не ад вілейскіх міліцыянераў. Будзе загад з Менску - пасадзяць. Як гэта зрабілі ў Лідзе. Там майго сябру, Вітольда Ашурака, які таксама ўваходзіць ў Сойм Партыі БНФ, асудзілі на 5 гадоў зняволеньня.

Але я нават калі мне будзе пагражаць турма, я ня зьеду з Беларусі, хоць у мяне і ёсьць такая магчымасьць. Так атрымалася, што мой стрыечны дзед вызваляў ад нацыстаў польскі горад Ольштын. Яго там пакінулі ў камендатуры, ён ажаніўся там і ў яго нарадзілася 3 сыноў і дачка - мае стрыечныя дзядзькі і цётка. Адзін з гэтых дзядзькаў ўдзельнічаў у руху "Салідарнасьць" і нават адседзеў некалькі год у турме пры камуністах.
Адзін з маіх сваякоў з Польшчы мае прадпрыемства, дзе працуе больш 200 чалавек. У апошні іх прыезд да нас у госьці ён сказаў: "Аляксей, я разумею, што ты патрэбны сваёй краіне, але калі ты будзеш бачыць рэальную пагрозу - прыязджай. Я забясьпечу цябе і жытлом і добрай працай".
Тым ня меньш, я ня зьехаў ні ў 2006 г., ні ў 2010 г., і ня зьеду зараз.

Гэта прынцыповае рашэньне. Я застануся ў Беларусі з маім народам нават у турме.

Землякі, але калі мяне зьняволяць, я хачу каб вы ведалі - усё сваё жыцьцё я дзейнічаў толькі на карысьць Бацькаўшчыны і беларускага народу.

І калі мяне арыштуюць, і будуць вам паказваць па БТ зброю, наркотыкі ці даляры за канапай у мяне дома - ня верце. Я не ўжываю наркотыкі, мне не пералічваюць грошы з-за мяжы "амерыканцы" і я не захоўваю зброю.

Мая зброя - праўда, галоснасьць, салідарнасьць.

Мы пераможам!
Жыве Беларусь!"

#вилейка #вялейка #вілейка #сюдак #бнф #ашурак

24 чэрвеня 2017 г. Рух Салідарнасці “Разам” распачаў традыцыйны марафон ушанавання памяці вязняў турмаў, забітых карнікамі НКВД у 1941 г. у першыя дні вайны.

Тады з Менску ў Вілейку выправілася дэлегацыя з 10 сябраў Руху.

Па дарозе на Вілейшчыну ў мястэчку Краснае ўдзельнікі акцыі наведалі магілу “апошняга каліноўца” – Ігната Абрамовіча (1839-1944 гг.), які апошнім з беларусаў-удзельнікаў паўстання 1863-1864 гг. пайшоў з жыцця.

Першым месцам ўшанавання былі крыжы памяці ва ўрочышчы Красны Беражок пад Вілейкай, дзе 28 кастрычніка 1950 г. быў расстраляны Расціслаў Лапіцкі – арганізатар і кіраўнік антыкамуністычнага падпольнага моладзевага руху на Мядзельшчыне і Смаргоншчыне ў 1948-1950 гадах.

У Вілейцы на гарадзкіх могілках удзельнікі марафону ўсклалі вянок ад Руху Салідарнасці “Разам” да мемарыяла ахвярам палітычных рэпрэсіяў.

Акцыя працягнулася у вёсцы Касута каля крыжа, усталяванага ў памяць забітых злачынным бальшавіцкім рэжымам. Таксама ўдзельнікі акцыі, напярэдадні Дня Канстытуцыі Украіны, які адзначаецца 27 чэрвеня, каля памятнага камяня аддалі даніну павагі ўраджэнцу гэтай вёскі Піліпу Орліку – аўтару Пактаў і Канстытуцыі правоў і вольнасцяў Войска Запарожскага 1710 г.

На кожным памятным месцы, незважаючы на моцную залеву, святар Беларускай Аўтакефальнай Праваслаўнай Царквы айцец Вікенцій служыў кароткія службы за спачын душаў забітых.

Выступалі сустаршыня Руху Салідарнасці “Разам” Алена Талстая, сябры Сойму Руху палітык Вячаслаў Сіўчык, паэт і бард Зміцер Захарэвіч, сябра Сойму Партыі БНФ Аляксей Сюдак, былы старшыня Цнянскай рады БНФ Савецкага раёну г. Менска Сяргей Андросаў, і актывіст АГП з Вілейкі Уладзімер Малярчук.

Аляксей Сюдак распавёў пра гісторыю ўсталявання помнікаў і крыжоў у памяць Расціслава Лапіцкага, якія неаднойчы руйнаваліся сённяшней уладай, але кожны раз аднаўляліся вілейскімі актывістамі.

Таксама ён распавядаў пра лёс вязняў Вілейскай турмы, пра ўрочышча каля вёскі Касута, дзе ўсталяваныя крыжы ў памяць расстраляных там вязняў, пра перазахаванне парэшткаў расстраляных на гарадскіх могілках, і пра дарогу смерці з Вілейкі на Барысаў, якую ён прайшоў у пошуках сведкаў трагедыі тых часоў.

Вячаслаў Сіўчык нагадаў пра лёс, які напаткаў вязняў турмаў напачатку вайны між нацысцкай Германіяй і Савецкім Саюзам
На кожным месцы ўшанавання лунаў бела-чырвона-белы сцяг, ускладаліся кветкі, запальваліся знічы, напрыканцы ўшанавання гучаў гімн “Магутны Божа”.

Мы памятаем!

Жыве Беларусь!

#вілейка #вялейка #касута #лапіцкі #вилейка #орлик #лапицкий #косута #рух #разам #салідарнасць #НКВД #НКУС #Сіўчык #Сюдак #Малярчук #БАПЦ