Па ініцыятыве пракуратуры Telegram-чаты і каналы «БДУ 97%», «Полоцк Новополоцк Страна Для Жизни Чат Свободу Сергею Тихановскому», «ВОЛА↑», а таксама старонка «ВКонтакте» «Алексей Жовнер» прызнаныя эсктрэмісцкімі.

"Устаноўлена, што ў іх утрымліваліся заклікі да масавых беспарадкаў і хуліганскіх дзеянняў, актаў вандалізму, перашкодзе законнай дзейнасці дзяржаўных органаў і іх дыскрэдытацыі, прымянення гвалту ў дачыненні да супрацоўнікаў праваахоўных органаў, а таксама інфармацыя абразлівага характару, якая распальвае сацыяльную варожасць і варожасць", — тлумачаць такое рашэнне ў ведамстве.

Хроніка палітычнага пераследу 11 жніўня 👉 bit.ly/3CGwFSC

⚡️Вялізарныя суткі і штрафы: як судзілі затрыманых за ўскладанне кветак каля мемарыялу Тарайкоўскага

У судзе Фрунзенскага раёна 11 жніўня разглядзелі справы трох мінчукоў. Іх затрымалі каля мемарыялу Тарайкоўскага 10 жніўня — на гадавіну гібелі Аляксандра.

⚖️Першай учора затрымалі 40-гадовую Наталлю Шэкаву. У жанчыны ёсць непаўнагадовае дзіця, але замест трох гадзін, як таго патрабуе закон, яе пратрымалі за кратамі ноч да суда. Падставай для затрымання стала «несанкцыянаванае пікетаванне шляхам ускладаня кветак» каля народнага мемарыялу. Суддзі Чыж Наталля распавяла, што ў яе не было ніякіх палітычных матываў, а толькі — чалавечыя. Па словах жанчыны, яна гуляла каля месца гібелі Тарайкоўскага, успомніла падзеі мінулага года і вырашыла пакласці кветкі на тым месцы. Суддзя Юлія Чыж расцаніла гэты учынак, як пікетаванне і пакарала жанчыну па арт. 24.23 КаАП штрафам у памеры 2900 рублёў (100 базавых велічыняў).

⚖️На тым жа месцы каля 17:03 затрымалі 20-гадовага Аляксея Латошу. У віну хлопцу ставіцца таксама ўскладанне кветак каля мемарыялу. Аляксей пацвердзіў, што ў памяць аб загінулым уваткнуў кветкі ў слуп. Але адрузу пасля гэтага яго затрымалі людзі ў цывільным. Суддзя Чыж цікавілася, чаму ён зрабіў гэта менавіта каля метро, а не могілках. Хлопец дадаў, што ў яго ёсць малое дзіцё, таму ён шкадуе аб учыненым і хоча быць зараз з імі, а не за кратамі. Вынік — 13 сутак.

⚖️Каля 19:55 каля мемарыялу затрымалі 23-гадовага Кастуся Цаўлоўскага. Прычына — ускладанне адной квекі каля выхаду з метро. Сваю віну хлопец адмаўляе, бо не ведаў, што ўскладанне кветак расцэньваецца, як «несанкцыянаванае пікетаванне». Ён патлумачыў, што зрабіў гэта, каб ушанаваць памяць об загінулым, а не для выказвання сваіх палітычных ітарэсаў. Суддзя зноў запытала, чаму Кастусь зрабіў гэта не на могілках. У выніку, суддзя Юлія Чыж пакарала хлопца па арт. 24.23 КаАП 30-сутачным арыштам.

❗️Як паведамілі праваабаронцам "Вясны", сёння адбываецца "зачыстка" дэлегатаў платформы "Сход". У СМІ паведамляецца пра затрыманні і ператрусы ў мінімум пяці чалавек.

Паведамляецца пра ператрус у былога амбасадара Беларусі ў Славакіі Ігара Ляшчэні. Пасля выбараў ён асудзіў гвалт і пакінуў пасаду. Ляшчэня адзін з дэлегатаў платформы «Сход».

Акрамя Ляшчэні сёння праводзяцца ператрусы адразу ў некалькіх дэлегатаў сходу: Алены Радаман, Юрыя Пісарчука, Уладзіміра Каралёва, Уладзіміра Мельніка. На сувязь не выходзяць Радзіслаў Фяцісаў, Наталля Абрашына-Жадаева, Арцём Чапель, піша @euroradio.

Хроніка палітычнага пераследу 11 жніўня 👉 bit.ly/3CGwFSC

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Праваабаронцам "Вясны" стала вядома, што раніцай супрацоўнікі ГУБАЗіК па Гомельскай вобласці прыходзілі па месцы прапіскі журналіста-фрылансера і актывіста Аляксандра Вялітчанкі.

Аднак дома нікога не засталі. Тады маці Аляксандра, якая знаходзіцца ў працоўным адпачынку, патэлефанавалі з працы і ў тэрміновым парадку выклікалі на размову да ідэолага прадпрыемства.

Калі жанчына прыйшла на працу, там яе сустрэлі два супрацоўнікі, пасля чаго адвезлі дадому і правялі вобшук. У паперы на правядзенне ператрусу значылася не менш за пяць артыкулаў крымінальнага кодэкса. У выніку быў канфіскаваны адзін стары ноутбук.

Таксама супрацоўнікі цікавіліся, дзе знаходзіцца Аляксандр Вялітчанка, сказалі маці, што ён пададзены ў крымінальны вышук.

Напрыканцы, жанчыне далі на подпіс паперу, у якой значылася, што супрацоўнікі паводзілі сябе карэктна і дзейнічалі ў межах закона.

Хроніка палітычнага пераследу 11 жніўня 👉 bit.ly/3CGwFSC

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

❗️«Зачыстка» дэлегатаў платформы «Сход». З 55 дэлегатаў у Мінску пра факты пераследу сёння вядома ў адносінах паловы з іх.

❌Не выходзяць на сувязь:
- Алексей Блажэвіч
- Яўген Пратасеня

🔦Прайшлі (праходзяць) ператрусы ў:
- Ігара Ляшчэні
- Алены Радаман
- Юрыя Пісарчука
- Уладзіміра Каралёва
- Уладзіміра Мельніка (вызвалілі)
- Аляксея Багушэвіча
- Максіма Жукава (вызвалілі)
- Васіль Лапацін (вызалілі)
- Івана Бялецкага
- Алены Патаповіч
- Паўла Якуты
- Вольгі Казановіч
- Дзяніса Садоўскага (вызвалілі)
- Аляксея Адамовіча (вызвалілі)
- Кацярыны Вургун (Ворша, вызвалілі)
- Аляксей Плавінскі (вызвалілі)
- Сяргея Ванінскага (вызвалілі)
- Аляксея Дзеравягі (вызвалілі)
- Наталлі Абрашына-Жадаева (вызвалілі)
- Радзіслаў Фяцісаў (вызвалілі)
- Аляксандра Малашыва
- Ігара Новіка (Нясвіж, вызвалілі)
- Мікалая Стрэха

📞Тэлефанавалі міліцыянты:
- Максіму Лімонаву
- Паўлу Самусеву

Хроніка палітычнага пераследу 11 жніўня 👉 bit.ly/3CGwFSC

Аператыўна паведаміць пра пераслед можна ў нашым тэлеграм-боце 👉 @viasna_bot

⚡️⚡️⚡️Пракурор просіць пакараць палітзняволенага жыхара «Плошчы Пераменаў» Сцяпана Латыпава 8,5 гадамі калоніі і штрафам у 300 базавых

У сераду, 11 жніўня, па справе над Сцяпанам Латыпавым адбываюцца спрэчкі бакоў. Пракурор Уладзімір Рабаў просіць прызнаць Латыпава вінаватым па трох артыкулах Крымінальнага кодэкса:
◦ ч. 1 і ч. 2 арт. 342 КК (арганізацыя і фінансаванне групавых дзеянняў, якія груба парушаюць грамадскі парадак);
• ч. 2 арт. 363 КК (супраціў супрацоўнікам органаў унутраных спраў);
• ч. 4 арт. 209 (махлярства, здзейсненае ў асабліва буйным памеры).

Пракурор запрасіў у суда пакаранне для палітвязня ў выглядзе пазбаўлення волі тэрмінам на восем гадоў і шэсць месяцаў калоніі ва ўмовах узмоцненага рэжыму і штрафа ў памеры 300 базавых велічыняў. Справу разглядае Аляксандр Волк.

Нагадаем, Сцяпан не прызнаў віну ні па ніводным артыкуле.

Падрабязнасці 👉 bit.ly/3fRRot0

Вольгу Класкоўскую змясцілі ў памяшканне камернага тыпу

З 3 жніўня палітзняволеная Вольга Класкоўская на 3 месяцы змешчаная ў памяшканне камернага тыпу праз «сістэматычнае парушэнне правілаў унутранага распарадку». Зараз ёй забароненыя ўсе сустрэчы і тэлефонныя званкі (выключэнне – камунікаванне з адвакатам).

Пра гэта яна паведаміла ў лісце.

«Тут трохі лягчэй, чым у ШЫЗА, — распавяла яна. — Дазваляецца пісаціь і атрымоўваць лісты, чытаць кнігі, ёсць расчоска і крэмы. Прагулка — у дворыку 30 хвілін штодзенна, на ноч даюць матрац, падушку і пасцельную бялізну. Тут яшчэ дазваляецца атаварвацца на 58 рублёў у месяц, але самі туды не ходзім, а аддаем спіс, і прадукты прыносяць у камеру. Паліць можна толькі раз у дзень падчас прагулкі. Каву на жаль, сваю таксама нельга тут рабіць, а толькі тую, што набываеш тут у атаварцы».

📨 Падтрымаць Вольгу:
-ПК №4. 246035, г. Гомель, вул. Антошкіна, 3, Вользе Аляксандраўне Класкоўскай

Падрабязнасці 👉 bit.ly/3sc2JJA

Мінюст пазбавіў ліцэнзій шэраг адвакатаў.

Гэта Вольга Карпушонак, Яўген Маслоў і Юлія Князь, піша @euroradio.

Акрамя таго, кваліфікацыйная камісія вырашыіла, што адваката Дзмітрыя Лаеўскага, якога выключылі з мінскай калегіі адвакатаў, трэба пазбавіць ліцэнзіі «за сістэматычнае (два і больш разоў на працягу 12 месяцаў запар) парушэнне патрабаванняў і ўмоў ажыццяўлення адвакацкай дзейнасці, устаноўленых заканадаўствам».

❗️У Беларусі +3 новыя палітвязні.

Гэта Аляксей Коршун, Яўген Сямёнаў ды Ягор Міхайлаў.

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/3jIBlip

Спіс усіх палітвязняў Беларусі і іх гісторыі 👉 bit.ly/306kkW9

Былы амбасадар Беларусі ў Славаччыне Ігар Ляшчэня знаходзіцца на Акрэсціна

Нагадаем, учора ў яго адбыўся ператрус.

Крыніца: @radiosvaboda

Беларусы патрабавалі праверыць жорсткія ўмовы ўтрымання на Акрэсціна — пракуратура пакінула зварот без разгляду

У канцы ліпеня «Вясна» апублікавала фотаздымкі, зробленыя ў ЦІП на Акрэсціна. На кадрах бачна, што камера перапоўненая, людзі спяць на стале і на падлозе, пасцельнай бялізны ў іх няма.

Беларусы склалі пэтыцыю і патрабавалі праверыць, ці сапраўды ў ЦІПе ў камерах ўсё выглядае так, як на фота, і прыняць меры. Петыцыя адправілася ў пракуратуру Мінска, і вось на зварот паступіў адказ.

«Паколькі пры падачы звароту не прадстаўлены якія-небудзь дакументы, якія пацвярджаюць паўнамоцтвы на прадстаўленне інтарэсаў тых адміністрацыйна арыштаваных грамадзян, хто змяшчаецца ў ЦІП ГУУС Мінгарвыканкама, зварот пакінуты без разгляду па сутнасці.

Грамадзяне, чые правы і інтарэсы парушаныя пры ўтрыманні ў названай установе, маюць права самастойна звяртацца з адпаведнымі заявамі ва ўстаноўленым заканадаўствам парадку».

🥀«У 3:35 Саша памёр». Роўна год таму загінуў Аляксандр Віхор

25-гадовы Аляксандр Віхор памёр у ноч з 11 на 12 жніўня ў рэанімацыі бальніцы Гомеля, куды яго прывезлі з СІЗА пасля неаднаразовых збіванняў увечары пасля затрымання. Афіцыйная прычына смерці — «захворванні сардэчна-сасудзістай сістэмы, якія раптам абвастрыліся».

Сёння мы ўспамінаем нашу размову з гамяльчуком Радзівонам Бегляком, якога 11 жніўня сілавікі этапавалі ў адным «стакане» спецтранспарту АМАПу з Аляксандрам. Мужчына распавёў, як паводзіў сябе хлопец у апошнія гадзіны жыцця, што рабілі пры гэтым сілавікі і што адбывалася з Віхорам у гэты час

«У яго ад гэтага стрэсу пачаўся нервовы зрыў, ён не зусім сябе адэкватна вёў, іх не слухаўся. І калі ён павярнуўся і пачаў нешта там... клікаць маму і нешта там, каб яго выпусцілі. Тады да яго падляцелі і пачалі яго біць так, што гэта было проста жэсць... Па-мойму, былі два чалавекі з дубінкамі, якія збівалі яго з усёй сілы»

✍️Журналісткі і СМІ з Беларусі ўзялі ўсё прэміі Free Media Awards.

Звычайна іх прысуджаюць журналістам адразу з некалькіх краін, аднак у гэтым годзе зроблена выключэнне, піша @dw_belarus.

Прэмію атрымалі журналісткі Кацярына Барысевіч, Кацярына Андрэева, Дар'я Чульцова, Наталля Лубнеўская, партал TUT.ВY і Беларуская асацыяцыя журналістаў.

— Мы прысуджаем усе прэміі для прэсы беларускім журналістам і сродкам масавай інфармацыі ў знак прызнання іх беспрэцэдэнтных намаганняў і мужнасці на працягу гэтага драматычнага года, працу ва ўмовах дыктатуры.

​Журналіст Аляксандр Чарнуха далучыўся да праекту "Паштоўкі ад вясноўкі" і напісаў ліст Ягору Марціновічу.

"Прывітанне, Ягор!

Мы не так добра знаёмыя, як магло б быць. Так, вучыліся разам, некалькі разоў гулялі ў футболу, віталіся пры сустрэчы, але хіба гэта блізкае знаёмства? Але я сапраўды ганаруся і тым, што ёсць - таму што ты сумленны чалавек, а сумленне - гэта тое, што нельга купіць за грошы. Сумленне - гэта тое, да чаго не прымусіш, тое, што з табою навечна. І гэта сапраўдны гонар - мець сумленне.

Гэта як футбольны клуб, які яшчэ зусім зялёным абраў адзін раз і на ўсё жыццё. Хай гэты клуб у цяжкім становішчы, хай гульцы стомленыя і дэматываваныя, хай усё супраць - але ты ўсё роўна будзеш глядзець гульню, шчыра перажываць кожнае імгненне, а пасля будзеш гатовы нават атрымаць у сківіцу, адстойваючы сваё права звацца часткай гэтага клубу.

Сумленне - гэта калі ты ніколі не трапіш з «Манчэсцера» у «Ліверпуль», а з «Рэала» у «Барселону». Сумленне, гэта калі ты ніколі не скажаш публічную абразу пра чалавека, з якім трэніраваўся ў адной дзіцячай секцыі ці нават сядзеў за адным сталом. Сумленне - гэта калі ты будзеш рабіць сваю справу праз боль, праз абставіны, праз не магу. Але ніколі не змаўчыш, калі твае паплечнікі апынуліся ў цяжкім становішчы, калі ты бачыш несправядлівасць. І грошы, статус ці страх тут не пры чым. Ты проста не зможаш па-іншаму. Таму што маеш сумленне.

Я спадзяюся, Ягор, што ўжо вельмі хутка ты зможаш быць разам з сям’ёй - у цябе цудоўная сям’я, якая за цябе шчыра перажывае. Гэта вельмі цяжка - перажываць за сям’ю, што яна перажывае за цябе. Усё абавязкова будзе добра. Клуб па-ранейшаму ў вышэйшай лізе, сумленне па-ранейшаму з табою. А значыць - усё не так дрэнна."

Вы таксама можаце напісаць ліст падтрымкі Ягору Аляксандравічу Марціновічу:
СІЗА-1, 220030, г. Мінск, вул. Валадарскага, 2

Таксама заклікаем вас пісаць лісты і іншым палітвязням, інфармацыю пра палітвязвяў можна ўзяць на тэматычных сайтах:
1) https://prisoners.spring96.org/be
2) https://politzek.me/friends
3) https://dissidentby.com

#паштоўкіадвясноўкі

Царкве «Новае жыццё» пагражаюць крымінальнай адказнасцю за малітвы побач з забраным будынкам

Малітвы каля царквы разглядаюцца як сістэматычныя масавыя мерапрыемствы, за якія можа быць адказнасць аж да крымінальнай, піша «Радыё Свабода»

У 2020 годзе вернікі «Новага жыцьця» пасля выбараў запісалі відэазварот, у якім выказаліся супраць забойстваў, гвалту і катаванняў, ілжывых сведчанняў у судах, маніпуляцый. 17 лютага 2021 году судовыя выканаўцы ўварваліся ў царкву ў суправаджэнні сілавікоў падчас малітвы. Яны апісалі маёмасць, а вернікаў выгналі, пагражаючы арыштам.

Сёння раніцай быў затрыманы кандыдат у прэзідэнты на выбарах 2020 года Андрэй Дзмітрыеў.

Андрэй з'яўляецца сустаршынёй «Гавары праўду», сябрам аргкамітэта «Нашай Партыі» і дэлегатам «Сходу».

У дадзены момант невядома, з якой прычыны і якой структурай ён затрыманы, а таксама дзе ён знаходзіцца, піша @vybory_smotri

Затрыманы ўчора член Каардынацыйнай Рады Мікалай Стрэха знаходзіцца ў ІЧУ на Акрэсціна, дзе правядзе 14 сутак за адміністрацыйнае правапарушэнне, піша @rada_vision

❗️Ад 3 да 4,5 гадоў пазбаўлення волі: вынесены прысуд трэцяй партыі абвінавачаных па берасцейскіх «беспарадках»

Суддзя Святаслаў Каліна прысудзіў наступныя тэрміны:

📍Антон Сотнікаў — 4,5 года калоніі;
📍Раман Гваздзёлка, Вадзім Жылінскі, Дзяніс Жук, Юрый Кузьміч — 4 гады калоніі;
📍Мікіта Ганчароў, Дзмітрый Тур — 3,5 года калоніі;
📍Дзмітрый Князеў, Дзмітрый Панько, Максім Шатохін (няпоўнагадовы) — 3 гады калоніі.

Усе асуджаныя адміністрацыяй брэсцкага СІЗА прызнаныя «схільнымі да экстрэмізму» і пастаўленыя на прафілактычны ўлік.

Падрабязнасці 👉 bit.ly/3k5pSK7

‼️«Я крычаў, задыхаючыся ў чорным пакеце, а яны смяяліся», — Сцяпан Латыпаў распавёў у апошнім слове пра збіццё і катаванні

12 жніўня палітзняволены жыхар «Плошчы Пераменаў» Сцяпан Латыпаў выступіў з моцным апошнім словам. Ён распавёў пра сваю сям'ю, рэпрэсаванага прадзеда ў 1937 годзе, пра сваёй затрыманне 15 верасня мінулага года, як яго збівалі сілавікі, як ён рыхтаваўся да суіцыду і што чакае ад прысуду. Пракурор запрасіў для Сцяпана 8,5 гадоў калоніі.

🔹Пра затрыманне і збіццё

«Я крычаў, задыхаючыся ў чорным пакеце, а яны смяяліся. Казалі: "Вучым алфавіт, зараз пытаем літару "Аааа" і пачнем вучыць "Б". Казалі: "Не крычы, твая Ціханоўская не пачуе", але я працягваў крычаць. Я крычаў і думаў, вельмі добра, што ўзялі мяне, мала хто з суседзяў у Беларусі вытрымае гэта.

Калі было асабліва балюча, я ўспамінаў словы маці, яна вучыла мяне гаварыць сабе: «Я маленькі-маленькі вожык, мне зусім не балюча». І гэта ў нейкае імгненне дапамагала мне. Але яны [сілавікі] вельмі вопытныя, мяне пастаянна называлі па імені, і ў мяне не атрымлівалася адключацца ніяк»

🔹Пра спробу суіцыду ў судзе

«Было балюча. Вар'яцка балюча і страшна. Мэтай ставіў перарэзаць хоць адну з сонных артэрый. З левага боку прарэзаць не ўдалося, але затое з правага, дзякуючы ўхілу налева, атрымалася разрэзаць... І адчуў пальцамі цяпло. Нават атрымалася зачапіць артэрыю, але ад хвалявання я пацягнуў далей, замест таго, каб паглыбляцца па трахеі...

Потым тузануў за нагу канваір, я стукнуўся галавой і ўпаў. Было балюча, страшна і вельмі сорамна. Вельмі сорамна, таму што спроба выйшла няўдалай. І тое, што ёсць шмат спосабаў абараніць сваіх блізкіх і суседзяў, якіх я ў той момант не ўбачыў»

🔹Пра страх за блізкіх

«Жах, які мне давялося выпрабаваць, апраўдвае вельмі многае. Калі заканчваецца страх за сябе, пачынаецца страх за блізкіх. Чалавек у масцы прыходзіў пасля аперацыі. Мне здавалася, што ён казаў некалькі гадзін — гэта былі толькі пагрозы і абразы. Я ведаю, што нічога не здолею з гэтым зрабіць і нават не магу да канца вызваліцца ад страху, але ў маіх сілах хаця бы паспрабаваць не баяцца».

Апошняе слова цалкам 👉 bit.ly/37Dqsc4