Палітвязня Рамана Пратасевіча перавялі ў СІЗА КДБ.

Таксама вядома, што ў ягонай сястры прынялі першую перадачу, але забралі адтуль кнігу.

Адвакат Ягора Антон Гашынскі растлумачыў «Рускай службе BBC», што крымінальную справу супраць Дуднікава ўзбудзілі з-за таго, што ён агучваў ролікі для беларускай апазіцыі.

Аб якіх канкрэтна роліках ідзе гаворка, адвакат ня ведае. І высветліць пакуль не можа — Гашынскі ўступіў у справу яшчэ 14 траўня, але да Дуднікава яго дагэтуль не пускаюць.

Па словах адваката, малады чалавек ужо даў прызнальныя паказанні на відэа. Адвакат Гашынскі настойвае на абсурднасці абвінавачванняў:

«Гэта тое ж самае, што пасадзіць у турму таксіста за тое, што ён падвёз апазіцыянера. Ён чыста тэхнічны работнік, займаўся агучкай ролікаў, якія рабіла апазіцыя пасля жнівеньскіх пратэстаў 2020 года».

Журналістку «Народнай Волі» затрымалі за рэпартаж каля суда па «справе студэнтаў».

Учора была затрыманая студэнтка журфака і журналістка «Народнай Волі» Глафіра Жук. Яна паспела паведаміць бацькам, што яе вязуць у Маскоўскае РУУС за тое, што 14 траўня яна прыйшла да Дома Правасуддзя, дзе пачынаўся разгляд «Справы студэнтаў», паведамляе @zhurffuck. Глафіра была ў той дзень каля суда па працы, яе матэрыял выйшаў на сайце выдання.

Дзяўчыну затрымалі за два дні да яе дня народзінаў.

❗️У Гродне затрымалі галоўнага рэдактара Hrodna.life Аляксея Шоту.

Затрыманне адбылося ля дома журналіста, паведамляе @bajby

​​🙏«Я зноўку стала любіць жыццё». Беларусы пачалі масава падтрымліваюць хворую на анкалогію пенсіянерку, што напісала перадсмяротны ліст

Нагадаем, Людмілу Хлусевіч будуць судзіць за абразлівы каментар пра міліцыянта. За апошнія паўгода пенсіянерка з анкалагічнаю хваробаю перажыла ператрус, каля 10 допытаў, правяранне ў адной крымінальнай справе і абвінавачванне ў другой. У чаканні суда жанчына напісала цыдулку на выпадак сваёй заўчаснай смерці.

Пасля публікацыя навіны ўзнялася хваля салідарнасці і падтрымкі: беларусы пачалі дапамагаць жанчыне прадуктамі, грашыма, лістамі і паштоўкамі. Ёсць прапановы бясплатнай псіхалагічнай дапамогі.

Людміла дзякуе ўсім за дапамогу.

«Мае неабыякавыя, даражэнькія людзі, атрымала вашыя лісты, дзякуй вам вялікі. Я зноўку стала любіць жыццё, дзякуючы такім людзям як вы. Вы мне далі сілу выйсці з цемры на святло. Лічу, што дабро пераможа зло. Шчырая павага і нізкі вам паклон».

📨 Падтрымаць пенсіянерку:
- Рэчыца, вул. Інтэрнацыянальная, д. 3 кв.13, 247483, Хлусевіч Людміла Віктараўна
- Перавесці грошы ёй на картку: 6711 7600 2420 7108, instant card, 07/23.

📄 Што пачытаць у нядзелю? Сабралі для вас самыя цікавыя матэрыялы «Вясны» за тыдзень:

🔹У Мінску 18-гадовы хлопец скончыў жыццё самагубствам праз пераслед за масавыя беспарадкі

🔹Палітвязню Вадзіму Гурману патрэбная медычная дапамога

🔹Былы міліцыянт Кулакоўскі праглынуў лыжку, каб да яго выклікалі лекара на Акрэсціна

🔹Блог Алеся Бяляцкага: Сьмерць палітычнага зьняволенага Вітольда Ашурка

🔹«Мама, мне вельмі сорамна, што я тут». Маці Дзмітрыя Гопты сустрэлася з сынам у калоніі

🔹Дзяржорганы ігнаруюць катаванні і бесчалавечнае абыходжанне ў ІЧУ

🔹Ад 4 да 7 гадоў калоніі. У Магілёве вынеслі прысуды Севярынцу, блогеру Казлову і актывістам «Еўрапейскай Беларусі»

🔹«Ён закаханы хлапчук, а не падрыхтовец паўстанняў». 20-гадовага расейца абвінавачваюць у арганізацыі пратэстаў у Мінску

Да журналіста Змітра Яненкі раніцай прыйшлі сілавікі.

Жонцы журналіста паведамілі, што яго вязуць у ГУУС Мінгарвыканкама у сувязі з падатковай праверкай дзейнасці інфармагенцыі БелаПАН, — паведаміла БАЖ жонка журналіста.

Аператыўна паведаміць пра затрыманне можна ў нашым тэлеграм-боце 👉 @viasna_bot

Палітвязню Дзмітрыю Фурманаву працягнулі тэрмін утрымання ў карцары да 8 чэрвеня

❗️Агулам Дзмітрый правядзе ў ім 21 дзень

Крыніца: @strana_official

📨 Падтрымаць Дзмітрыя:
- Турма №1. 230023, г. Гродна, вул. Кірова, 1, Дзмітрый Аляксандравіч Фурманаў
💻 Напісаць анлайн 👉 bit.ly/3jwJMLn

У судзе па «справе студэнтаў» абвешчаны перапынак да 10-га чэрвеня.

@dumkame паведамляе, што ў студэнта БДУ Ягора Канецкага і яго сукамерніка быў выяўлены каранавірус.

​​«Беларусь будзе саўпраўднай краінай для жыцця». Фігуранты «справы Ціханоўскага» ў Гродне выступілі з апошнімі словамі ў судзе

У Гродне амаль пяць месяцаў судзяць траіх фігурантаў «справы Ціханоўскага»: палітвязня Дзмітрыя Фурманава, Яўгена Разнічэнку і Уладзімір Кнігу. Іх усіх абвінавачваюць у актыўным удзеле ў дзеяннях, якія груба парушаюць грамадскі парадак 29 траўня ў Гродне (ч.1 арт. 342 КК). Акрамя гэтага, Разнічэнку і Кнігу абвінавачваюць у гвалтоўных дзеяннях у дачыненні да міліцыянтаў (арт. 364 КК). Пракурор запрасіў для іх пакаранне ад 2 да 4 гадоў калоніі.

Сёння палітвязні выступілі з апошнімі словамі.

📍Дзмітрый Фурманаў:
«...Але відавочна, што ўсяму дрэннаму прыходзіць скананне. Так і гэткі антыграмадскі рэжым пераменецца, і на ягонае месца прыйдуць файныя беларусы, якія пачнуць з адраджэння нацыянальных каштоўнасцяў, павышэння ўзроўня жыцця грамадзян Рэспублікі Беларусь. Гэта будзе новы час, калі мы зноў будзем ганарыцца сваёй дзяржавай, міліцыяй, следчымі органамі, пракуратурай, судовымі ўстановамі, прафесійнымі хаўрусамі ды, нарэшце, сваёй беларускай мовай, гімнам, сцягам, гербам».

📍Яўген Разнічэнка:
«Сёння ў гэтай зале вырашаецца лёс невінаватага чалавека. Доўгі час я не мог зразумець выраз, які быў напісаны шмат гадоў таму: "Хочаш сесці ў турму — едзь у Беларусь". Але, калі лёс прымусіў мяне вярнуцца на Радзіму, то я зразумеў сапраўднае яго значэнне».

📍Уладзімір Кніга:
«Скажу коратка, што падзеі 29 траўня 2020 года — загадзя спланаваная правакацыя сілавымі ведамствамі Рэспублікі Беларусь. Усе факты вы самі прыводзілі — ў матэрыялах справы, відэа. Удакладняць не буду, людзі самі зрабілі свае высновы, таму толькі ЖЫВЕ БЕЛАРУСЬ!».

Апошнія словы цалкам 👉 bit.ly/3vCMHJw

⚡️⚡️Жыхара «Лебядзінага» арыштавалі на 15 сутак за падняты кулак уверх пад вокліч іншых «Жыве Беларусь» у кампаніі сяброў на базе адпачынку ў Ратамцы

32-гадовага Сяргея Шостыра затрымалі ўвечары 28 траўня ў «Лебядзіным» каля яго дома. Мужчыну абвінавацілі ў пікетаванні 10 красавіка ў групе людзей у Ратамцы. Па пратаколе, мужчына уздымаў руку ўверх, а астатнія крычалі «Жыве Беларусь».

31 траўня справу Сяргея па арт. 24.23 КаАП разглядзеў суддзя Дзмітрый Карсюк у судзе Цэнтральнага раёна.

Па словах затрыманага, 10 красавіка ён знаходзіўся з сябрамі на базе адпачынку ў Ратамцы. Яны гатавалі ежу і спявалі песні, а ўвечары раз'ехаліся па дамах. Сяргей растлумачыў, што яны знаходзілі на агароджанай тэрыторыі і не бралі ўдзел у пікеце, таму ён адмаўляе сваю віну.

На судзе стала вядома, што Шостыр не азнаёмлены з матэрыяламі справы. У іх ёсць скрыншот з відэазапісу і скрыншот з групы "Лебядзіны 97", якія і сталі доказам віны. У судзе прадэманстравалі відыёзапіс з месца адпачынку, які доўжыўся каля пяці секунд. Мужчына раней яго не бачыў. На відэа відаць, што Сяргей падняў кулак уверх. Таксама чуваць, як у канцы хтосьці кажа «Жыве Беларусь».

🤡Нягледзячы на агароджу, сведка-міліцыянт сцвярджае, што з дзесяці метраў здолеў разглядзець твары ўдзельнікаў. Міліцыянт растлумачыў, што ў той момант не спынілі магчымае правапарушэнне, бо там была вялікая колькасць удзельнікаў, каля 40 чалавек, у тым ліку і непаўнагадовыя. Таксама сведка растлумачыў, як пікетаваў Шостыр: «Ён знаходзіўся сярод іншых людзей. Ну і ўздымаў руку ўверх». Ён так і не ўспомніў, як выглядае ўваход у базу адпачынку, але дакладна памятае, што трапіў туды свабодна.

⚖У выніку, суддзя Карсюк палічыў віну Сяргея цалкам даказанай і арыштаваў яго на 15 сутак арышту.

У Жабінцы за абразу Лукашэнкі мясцовага жыхара асудзілі да двух гадоў «хатняй хіміі»

50-гадова Аляксандра Яраша прызналі вінаватым у «абразе прэзідэнта»: нібыта ён «размясціў у адным з Telegram-каналаў паведамленне абразлівага характару, у якім утрымлівалася відавочна негатыўная ацэнка асобы кіраўніка дзяржавы».

Падрабязнасці 👉 bit.ly/2SDNTxE

Роўна год таму быў затрыманы Мікалай Статкевіч

Палітык быў затрыманы 31 траўня 2020 года па дарозе на Камароўскі рынак у Мінску, дзе ён збіраўся наведаць перадвыбарчы пікет Святланы Ціханоўскай. Пазней быў арыштаваны на 15 сутак. 15 чэрвеня прайшоў яшчэ адзін суд над палітыкам, які пакараў яго яшчэ 15 суткамі.

30 чэрвеня Мікалай Статкевіч павінен быў выйсці на волю пасля 30 сутак адміністрацыйнага арышту, аднак напярэдадні ўвечары жонцы Статкевіча Марыне Адамовіч патэлефанаваў следчы і паведаміў, што палітык падазраецца ў здзяйсненні злачынства па ч. 1 арт. 342 КК РБ («арганізацыя ці ўдзел у групавых дзеяннях, якія груба парушаюць грамадскі парадак»). 15 снежня Мікалаю прад'явілі новае абвінавачванне па ч. 1 арт. 293 КК РБ — «падрыхтоўка да ўдзелу ў масавых беспарадках».

🎥 Пабачыць вясну. Асабістае Міколы Статкевіча | Увидеть весну. Фильм о политике Николае Статкевиче

📨 Падтрымаць палітвязня:
- СІЗА-3. 246003, г. Гомель, вул. Кніжная, 1А, Мікалай Віктаравіч Статкевіч
💻 Напісаць анлайн 👉 bit.ly/3jwJMLn

Палітвязня Ліпеня асудзілі яшчэ па адной крымінальнай справе за абразы міліцыянтаў

31 мая адбыўся разгляд яшчэ адной крымінальнай справы ў дачыненні да палітвязня Аляксея Ліпеня. Ён ужо асуджаны на 5 гадоў «хіміі» паводле артыкулаў 369 КК РБ (Публічная абраза прадстаўніка ўлады) і 364 КК РБ (Пагроза ўжывання гвалту ў дачыненні да супрацоўніка АУС).

Новая крымінальная справа была звязана з абразлівымі каментарамі Аляксея пад пастамі пра міліцыянтаў у телеграм-канале «Карнікі Беларусі».

Суддзя Дзмітрый Астапенка асудзіў мужчыну на 2,5 года «хіміі». Гэта пакаранне «паглынаецца» больш строгім пакараннем па папярэдняй справе. Такім чынам, Аляксею трэба адбыць раней прысуджаныя пяць гадоў «хіміі».

Падрабязнасці 👉 bit.ly/2R6VS5R

Галоўная рэдактарка ​​і журналістка TUT.BY абвінавачваюцца ў саўдзеле ў нявыплаце падаткаў.

Сёння Мінскі гарадскі суд у закрытым рэжыме разгледзеў скаргу на змяшчэнне пад варту галоўнай рэдактаркі TUT.BY Марыны Золатавай і журналісткі партала Алены Талкачовай. Стала вядома, што іх абвінавачваюць у саўдзеле ва ўхіленні ад выплаты падаткаў у асабліва буйным памеры – санкцыя артыкула прадугледжвае да 5 гадоў "хіміі" ці ад 3 да 7 гадоў пазбаўлення волі .

Суд пакінуў у сіле меру стрымання ў выглядзе заключэння пад варту.

Усяго па справе TUT.BY затрымана 15 чалавек.

Хроніка палітычнага пераследу 31 траўня 👉 bit.ly/3fVVKi0

За слова "узурпатар" у адрас Лукашэнкі жыхара Баранавічаў асудзілі на 2 гады "хатняй хіміі"

47-гадовага Вячаслава Кульбу абвінавачвалі ў "публічнай абразе прэзідэнта" – нібыта ён у кнізе заўваг і прапаноў АЗС напісаў: "Скаргаў няма. Не разумею калектыў вашай АЗС, які падтрымлівае рэжым узурпатара Лукашэнкі".

Мужчына сказаў, што напісаў тэкст, бо адчуў пах няякаснага бензіну.

"З майго пункту гледжання, дзеючы прэзідэнт такі добры гаспадарнік, што, магчыма, ён мог бы пракантраляваць якасць бензіну".

Падрабязнасці 👉 bit.ly/3ySUhlp

🇷🇺Пяць расейцаў, якіх утрымліваюць па «палітычных артыкулах» у беларускіх СІЗА. Распавядаем, што вядома пра іх цяпер

❗️У беларускіх следчых ізалятарах цяпер па «палітычных артыкулах» утрымліваецца мінімум пяць грамадзян Расійскай Федэрацыі.

Іх затрымалі ў сувязі з пратэстамі, якія ўспыхнулі ў Беларусі падчас і пасля электаральнай прэзідэнцкай кампаніі-2020. Усе абвінавачваюцца па розных крымінальных артыкулах, але пры гэтым усе праходзяць па арт. 342 КК (арганізацыя ці актыўны ўдзел у групавых дзеяннях, якія груба парушаюць грамадскі парадак):

🔹 Ягор Дуднікаў і Сафія Сапега, якіх утрымліваюць у СІЗА КДБ;
🔹Актывісты «Страна для жизни» Андрэй Новікаў і Дзмітрый Папоў;
🔹Асуджаны на адзін год калоніі па брэсцкай «справе карагодаў» Даніла Чамаданаў.

Узгадваем гісторыі пераследу расейцаў беларускімі ўладамі і распавядаем, што з імі адбываецца цяпер 👉 bit.ly/3uDk7qa

⚡️⚡️78-гадовую пенсіянерку аштрафавалі на 4350 рублёў за адзін цюльпан каля мемарыялу Тарайкоўскага

— Якія ў вас падставы не давяраць суду?
— Ніякіх, але і даверу ніякага.

З гэтага дыялогу 31 траўня пачаўся разгляд справы 78-гадовай Галіны Івановай у судзе Фрунзенскага раёна. Судовы працэс вяла суддзя Марыя Ярохіна.

16 траўня пенсіянерку Галіну Іванову затрымалі каля мемарыяла Тарайкоўскага. Жанчыну абвінавацілі «ў пікетаванні, шляхам узняцця рукі ўверх і ўскладання аднаго цюльпана». У рапарце ўчастковага Фрунзенскага РУУСа сказана, што пенсіянерка «ўздымала два пальцы ўверх каля дарогі, ускладала кветкі і махала праязджаючым машынам, чым парушыла закон аб масавых мерапрыемствах». За гэта «правапарушэнне» на жанчыну склалі пратакол па ч.3 арт. 24.23 КаАП, бо гэта ўжо паўторнае затрыманне за год. Мінулым разам Галіну Герасімаўну затрымалі на Маршы пенсіянераў і аштрафавалі на 600 рублёў. Штраф спісалі з яе пенсіі.

Галіна Герасімаўна пракаментавала абвінавачванне:
– Я была адна. На Прытыцкага касілі траву і там я знайшла цюльпан пухнаты. Я такіх прыгожых раней ніколі не бачыла, таму адразу захацела яго дадому забраць, але ён ужо да гэтага часу трохі падсох. У сметнік яго выкінуць рука не паднялася, таму я паклала яго да астатніх кветак каля дарогі і пайшла далей. Але мяне амаль адразу затрымалі. А дарэчы, ці ёсць закон, які забараняе класці кветкі?

🤡Суддзя Ярохіна абурылася пытанню і параіла спытаць у юрыстаў. Міліцыянт на судзе пацвердзіў, што асабіста бачыў, як пенсіянерка каля дарогі спрабавала прыцягнуць да сябе ўвагу кіроўцаў. Галіна Герасімаўна, слухаючы паказанні сведкі, смяялася і не разумела, як ён можа хлусіць, гледзячы ёй у вочы.

⚖Заслухаўшы паказанні сведкі і праглядзеўшы матэрыялы справы, суддзя Марыя Ярохіна прыняла рашэнне аштрафаваць Галіну Іванову на 4350 рублёў (150 базавых).

❗️У Брэсце 25 фігурантаў «справы карагодаў» чакаюць прысудаў. Пракуроры запрасілі ім пакаранне ад 1,5 года «хатняй хіміі» да 1 года калоніі

У судах Брэста паралельна разглядаюцца крымінальныя «справы карагодаў» па ч. 1 арт. 342 КК супраць дзвюх «партый» берасцейцаў за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. На лаве падсудных — 13 і 12 чалавек, сярод якіх шэсць палітзняволеных, якія ўтрымліваюцца ў СІЗА-7.

Ужо адбыліся судовыя спрэчкі, дзе дзяржабвінавачванне запрасіла ім пакаранне — ад 1,5 года «хатняй хіміі» да 1 года калоніі. Цяпер 25 чалавек чакаюць прысуды ў адносінах сябе.

Расказваем, у чым іх абвінавачваюць і якія тэрміны для кожнага запрасілі пракуроры 👉 bit.ly/3i7XFmy

Судовы канвеер па брэсцкай «справе карагодаў». Якія суддзі ў гэтым удзельнічаюць