🎥30 гадоў барацьбы за правы жанчын у Іране

Прававая ініцыятыва расказвае гісторыю Наргіз Махамадзі — праваабаронцы, журналісткі, лаўрэаткі Нобелеўскай прэміі міру 2023 года і палітычнай зняволенай з Ірана.

У 2016 годзе Наргіз была прысуджаная да 16 гадоў турэмнага зняволення. У турме яна выступала супраць катаванняў і сэксуальнага гвалту, які прымяняецца да палітычных зняволеных — жанчын у іранскіх турмах. Адтуль яна таксама падтрымала пратэсты 2022 года і арганізавала некалькі акцый салідарнасці сярод зняволеных, за што ўлады зрабілі яшчэ больш строгімі ўмовы яе зняволення.

https://www.youtube.com/watch?v=wu56WbGodow

Сілавікі затрымалі жыхара Бярозы

Сцвярджаецца, што ён пакідаў каментары пра Лукашэнку, Пуціна і вайну ва Украіне.

У відэа сілавікоў бачны нумар шэрагу буса, на якім, меркавана, яны і прыехалі на затрыманне — АР 5935-1.

🔗Хроніка палітычнага пераследу

🎥«Фіялетавыя слёзы»: фільм «Вясны» пра былую палітзняволеную Дар'ю Кароль

Са жніўня 2020 года палітычны пераслед у Беларусі зазналі больш за 8000 жанчын. Па крымінальных артыкулах было асуджана не меней за 1030 жанчын, з іх мінімум 242 — да калоніі. На дадзены момант у месцах няволі ўтрымліваецца 170 палітзняволеных жанчын.

«Вясна» падрыхтавала фільм пра былую палітзняволеную Дар'ю Кароль, якую ўтрымлівалі на «Валадарцы» за ўдзел у акцыях пратэсту чатыры месяцы. Яна распавяла сваю гісторыю ў засценках Музея праклятых жаўнераў і палітычных вязняў часоў Польскай народнай рэспублікі ў Варшаве. Яго ўмовы вельмі падобныя на мінскі СІЗА-1.

На прыкладзе асабістай гісторыі Дар'і вы даведаецеся, у якіх умовах утрымліваюцца палітзняволеныя жанчыны ў Беларусі, што яны перажываюць і з якімі пачуццямі пераносяць гэтае цяжкае выпрабаванне.

https://www.youtube.com/watch?v=AJbO4XjKN7Q

❗️Патрабуем рэабілітацыі асуджаных удзельнікаў мірных сходаў — праваабаронцы надалі статус «былы палітвязень» 20 беларусам

Праваабарончая супольнасць Беларусі сёння прыняла вялікую заяву, у якой запатрабавала поўную рэабілітацыю адразу 20 чалавек, асуджаных за удзел у мірных сходах.

Па розных прычынах гэтыя людзі не мелі статуса палітзняволеных падчас свайго зняволення, але, негледзячы на гэта, праваабаронцы ў заяве надаюць ім статус «былых палітвязняў».

Чытаць па спасылцы 👉 https://spring96.org/be/news/114827

🔹«Мы аднаўляем справядлівасць». Праваабаронцы растлумачылі вялікую заяву аб наданні статусаў «былых палітвязняў»

⁉️Для таго, каб інфармацыя пра чалавека трапіла ў спіс «былых палітвязняў», яму самому ці яго блізкім трэба звярнуцца ў «Вясну» (@ViasnaSOS, @Viasnainfo) і распавесці пра сваю справу

У Жлобіне затрыманыя і адміністрацыйна асуджаныя не менш за чатыры чалавекі

Гэта прадпрымальнік Дзмітрый Панамароў, пенсіянерка Марыя Леоненка, Леанід Лісны і Іна Волкава.

Пакуль што праваабаронцам вядомы толькі вырак адносна Дзмітрыя Панамарова — мужчыну арыштавалі на 10 сутак.

Крыніца: «Гомельская вясна»

На беларуска-латвійскай мяжы ў дальнабойніка знайшлі «экстрэмізм» у тэлефоне — мужчыну аштрафавалі

Старшыня суда суддзя суда Верхнядзвінскага раёна Віктар Баліка 7 сакавіка за распаўсюд «экстрэмізму» ў сацыяльных сетках аштрафаваў на 1200 рублёў кіроўцу-дальнабойшчыка Сяргея Нікіціна. Адміністрацыйная справа была разгледжана без удзелу мужчыны.

У судзе высветлілася, што Сяргей, знаходзячыся на тэрыторыі Міжнароднага аўтамабільнага пункту пропуску «Грыгораўшчына» ў сацыяльнай сетцы «Аднакласнікі» размясціў інфармацыйную прадукцыю з сайта «Хартыя-97», які раней быў унесены ў рэспубліканскі спіс экстрэмісцкіх матэрыялаў.

Крыніца: Віцебская Вясна

✊Як можна падтрымаць палітвязняў?

Амаль штодзённа па ўсёй Беларусі працягваюцца затрыманні беларусаў па крымінальных справах. За кратамі знаходзяцца тысячы чалавек, якія маюць патрэбу ў дапамозе і падтрымцы.

Мы заклікаем вас працягваць падтрымліваць кожнага і кожную, хто сутыкнуўся з палітычным пераследам. Дасылайце словы падтрымкі праз лісты і тэлеграмы, рабіце грашовыя пераводы, дасылайце пасылкі з прыемнымі дробязямі. Памятайце, што сіла беларусаў — у салідарнасці!

🌿Карысныя спасылкі па падтрымцы:

Практычны дапаможнік па перадачах для вязняў ад “Вясны”

"Наша сіла — у салідарнасці!" Вялікі дайджэст па дапамозе палітвязням

"Хачу напісаць вязню!" Распавядаем, як гэта зрабіць

Як рабіць грашовы перавод?

"Гэта надзвычай цудоўная падтрымка". Распавядаем пра пасылкі салідарнасці палітвязням

👨‍👩‍👧‍👧Падтрымаць фінансава сем'і палітзняволеных

📨Адрасы і спіс усіх палітвязняў, якім можна даслаць паштоўку або ліст

💳Падтрымаць «Вясну» на Patreon

🎧Навошта нам гэта трэба? Спецсезон падкаста «Вясна прыйдзе»

Праваабарончы падкаст «Вясна прыйдзе» запускае новы спецыяльны сезон. Цягам дзесяці эпізодаў мы даследуем гісторыю праваабаронцаў і паразмаўляем пра ўразлівыя групы.

• Навошта адныя людзі дапамагаюць іншым?
• Адкуль ідзе прага да справядлівасці?
• Хто агулам належыць да ўразлівых груп? І якое ў іх становішча?

А яшчэ падкаст «Вясна прыйдзе» шукае новых герояў. Калі вы хочаце распавесці сваю гісторыю пра тое, як вы сутыкнуліся з парушэннем сваіх правоў, то напішыце нам пра гэта: viasnapryjdzie96@gmail.com ці запоўніце нашу анкету.

https://youtu.be/a371Sjf92MU