🎉Праваабаронца Алесь Бяляцкі ўганараваны «Залатымі лаўрамі»

У Палацы Прымаса ў Варшаве 19 верасня адбылося ўручэнне прэміі «Złoty Laur – 2023» (Залатыя лаўры), якая прысвойваюцца асобам, установам і кампаніям за іх выдатную грамадскую і сацыяльна-культурную дзейнасць. Прэмія мае 9 розных намінацый у самых розных галінах.

Сёлетнім лаўрэатам ў намінацыі «Асоба года» стаў Алесь Бяляцкі — беларускі праваабаронца, заснавальнік «Вясны», лаўрэат Нобелеўскай прэміі міру, які быў засуджаны да 10 гадоў турмы. Узнагароду для Алеся атрымала праваабаронца Алена Лапцёнак, а Павел Латушка выступіў на ўрачыстай цырымоніі.

«Арганізатары адзначылі, што прэмія ўручаная Алесю Бяляцкаму "за непахісную і бескампрамісную барацьбу за свабоду, дэмакратыю і грамадзянскія правы ў Беларусі, а таксама за шматгадовыя намаганні па пабудове грамадзянскай супольнасці з правам крытыкі ўладаў, магчымасцю пратэставаць і выказваць сваё меркаванне"».

Чытаць па спасылцы 👉 https://spring96.org/be/news/112822

✊Дапамога ў адаптацыі былой палітзняволенай па «справе студэнтаў» Настаcсі Булыбенцы

Анастасія — былая студэнтка БНТУ, якую адлічылі падчас восеньскіх акцый пратэсту ў Беларусі. Пазней дзяўчыну асудзілі да 2,5 гадоў калоніі. Яна цалкам адбыла свой тэрмін і ў мінулым лістападзе выйшла на волю.

Пасля вызвалення Анастасія атрымала забарону на выезд, здымаючы якую, была затрыманая яшчэ на 30 сутак. Толькі пасля гэтага яна змагла з'ехаць з Беларусі.

«Мне трэба знайсці сябе ў гэтым свеце, навучыцца жыць нанова, паспрабаваць нешта новае і, вядома, вучыцца нечаму спецыялізаванаму, каб працаваць».

Падтрымаць дзяўчыну на BYSOL

Затрымалі вядомую гомельскую актывістку Святлану Кароль

Стала вядома, што зараз у ІЧУ Гомеля знаходзіцца вядомая велаактывістка Святлана Кароль. Імаверна, яе затрымалі на тры дні. Падрабязнасці яе справы пакуль невядомыя, піша @flagshtok.

❗️Фігурантаў «справы Рабочага руху» перавялі ў калоніі

У Гомельскім абласным судзе 17 лютага вынеслі прысуд па «справе Рабочага Руху». Дзесяць палітзняволеных былі асуджаныя на тэрміны ад 11 да 15 гадоў калоніі. Стала вядома, што ўсіх палітвязняў ужо перавялі ў калоніі.

💌Падтрымайце іх лістамі салідарнасці і паштоўкамі:
- ПК № 4, 246035, г. Гомель, вул. Антошкіна, 3, Ганна Аляксееўна Аблаб
- ПК № 15, 213105, Магілёў, п/а Вейна, Слаўгарадская шаша 183, Сяргей Сяргеевіч Шэлест, Аляксандр Сяргеевіч Капшуль
- ПК № 2, 213800, Бабруйск, Сікорскага, 1, Андрэй Уладзіміравіч Пагерыла, Уладзімір Іванавіч Жураўка
- ПК № 1, 211440, г. Наваполацк, вул. Тэхнічная, 8, Валянцін Валянцінавіч Цераневіч, Аляксандр Паўлавіч Гашнікаў
- ПК № 3, 211322, Віцебская вобласць, п. Віцьба, Сяргей Ільіч Дзюба
- ПК № 17, 213004, г. Шклоў, вул. 1-я Заводская, 8, Ігар Сямёнавіч Мінц
- ПК № 22, 225295, Брэсцкая вобласць, г. Івацэвічы, ст. Даманава, а/с 20, Сяргей Міхайлавіч Шамецька
💻Напісаць анлайн

Прысуд па справе Юрыя Гараўскага будзе вынесены на наступным тыдні ў пісьмовай форме — вусна яго агалошваць не будуць

Сёння з апошнім словам выступіў сам Юрый, піша @novychas.

«Паважаны суд. Вы зараз будзеце прымаць рашэнне. Калі вы вынесеце суровае рашэнне, больш ніхто ў свеце не будзе паведамляць пра злачынствы ўлады. Я прашу прабачэння ў блізкіх і сваякоў загінулых, разлічваю на справядлівае пакаранне швейцарскага суда».

Нагадаем, у Швейцарыі 19 верасня пачалі судзіць экс-байца беларускага САХРа Юрыя Гараўскага, які ў 2019 годзе публічна заявіў аб сваёй датычнасці да выкрадання апазіцыйных палітыкаў. Працэс пачаўся ў судзе кантона Санкт-Гален. Пракурор запрасіў для экс-спецназаўца па справе зніклых апанентаў Лукашэнкі 3 гады зняволення — два з якіх — умоўна.

🔹«Усяго толькі быў салдатам, які выконваў загад». У Швейцарыі працягнуўся суд над беларускім экс-спецназаўцам

Хапун на Гомельшчыне — затрымана як мінімум 9 чалавек

Затрыманні адбыліся ў Гомелі, Жлобіне, Рэчыцы. На «пакаяльных відэа» людзі «прызнаюцца» ў падпісках на «экстрэмісцкія» каналы і ў тым, што яны пакідалі ў іх каментары. Адна з затрыманых кажа, што нібыта здымала перасоўванне расійскай вайсковай тэхнікі.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Мінчука асудзілі на два гады «хатняй хіміі» за абразу прадстаўніка ўлады

У судзе Кастрычніцкага раёна Мінска 29 жніўня асудзілі Андрэя Праташчыка паводле арт. 369 КК (Абраза прадстаўніка ўлады). Суддзя Алена Жывіца прызначыла Андрэю два гады абмежавання волі без накіравання ў папраўчую ўстанову адкрытага тыпу («хатняй хіміі») і штраф памерам 200 базавых велічыняў (7400 рублёў).

Андрэй мае вышэйшую адукацыю, працуе дырэктарам у адкрытым акцыянерным таварыстве і гадуе непоўнагадовае дзіця.

Чытаць па спасылцы 👉 https://spring96.org/be/news/112827

📍Палітзняволенага журналіста Яўгена Меркіса этапавалі ў шклоўскую калонію

Гомельскі краязнаўца і журналіст быў затрыманы 13 верасня 2022 года. Палітвязня абвінавацілі ў стварэнні экстрэмісцкага фармавання альбо ўдзеле ў ім (ч. 3 арт. 361-1 КК), а таксама ў садзейнічанні экстрэмісцкай дзейнасці (ч. 1 і 2 арт. 361-4 КК). Справу Меркіса ў закрытым рэжыме разглядаў суддзя Аляксей Хлышчанкоў. Адкрытым зрабілі толькі агалошванне выраку. 30 траўня Гомельскі абласны суд прысудзіў Яўгену 4 гады пазбаўлення волі ва ўмовах узмоцненага рэжыму.

Паводле прапагандыстаў, Яўген адпраўляў тэлеграм-каналам звесткі аб перасоўванні вайсковай тэхнікі. Таксама яны паведамляюць, што Меркіс працаваў для тэлеканала Белсат, які ўлады прызналі экстрэмісцкім.

Па інфармацыі БАЖ, 9 верасня Яўгена этапавалі ў папраўчую калонію № 17.

💌Падтрымайце палітвязня: ПК № 17, 213004, г. Шклоў, вул. 1-я Заводская, 8, Яўген Аляксандравіч Меркіс
💻 Напісаць анлайн

🇺🇳Да 30 лістапада місія па Беларусі пры УВКПЧ ААН збірае інфармацыю аб парушэннях правоў чалавека ў Беларусі

ААН цікавяць усе выпадкі парушэнняў, пачынаючы з траўня 2020 года. Каб распавесці сваю гісторыю, трэба запоўніць невялічкую анкетку на рускай ці ангельскай мове.

Місія па Беларусі збірае інфармацыю пра стан з правамі чалавека ў Беларусі і справаздачыцца перад міжнароднай супольнасцю. Бачнасць праблемы рэпрэсій у Беларусі зніжаецца, таму важна працягваць распавядасць пра выпадкі парушэнняў правоў чалавека, якія не скончыліся ў 2020 годзе.

Дадатковая ўвага дадаецца гендэрнаму аспекту такіх парушэнняў — сюды падыходзіць, напрыклад, не выдача гігіенічных пракладак падчас менструацыі альбо дадатковы ціск на мужчын праз не адпавяданне мускулінным нормам.

Нашыя юрысты дапамогуць вам распавесці сваю гісторыю рэпрэсій. Звяртайцеся на @zvarot96 ці на zvarot@spring96.org

Гомельскую актывістку Святлану Кароль затрымалі па крымінальнай справе

Пра гэта паведамляе «Гомельская Вясна».

Святлану падазраюць у паклёпе на Лукашэнку (арт. 367 КК). Калі і дзе адбылося затрыманне – невядома. Пенсіянерку і актывістку затрымлівалі ў 2020 годзе за ўдзел у акцыях пратэсту. З таго часу міліцыянты рэгулярна наведваліся да яе з так званымі «прафілактычнымі» гутаркамі ледзь не кожны месяц.

Дома на Святлану чакаюць старэнькая мама і муж з анкалагічнай хваробай, якімі апякуецца жанчына.

🔗Хроніка палітычнага пераследу

Стала вядома дата чарговага суду над Палінай Шарэндай-Панасюк

Суд па справе палітзняволенай пачнецца 2 кастрычніка а 10-й раніцы, піша @viasna_brest. Паліну абвінавачваюць па ч.1 арт.411 КК — злоснае непадпарадкаванне адміністрацыі калоніі. Справа будзе разглядацца ў судзе Рэчыцкага раёна. Пасяджэнне будзе адкрытым.

Паліну на будучым тыдні этапуюць ў рэчыцкае ІЧУ. На сёння яна знаходзіцца ў СІЗА №3 Гомеля. У Паліны на дадзены момант вельмі кепскі стан здароўя. А стасункаў з роднымі няма ўжо паўгады.

Нагадаем, Паліна павінна была выйсці на волю мінулым летам, але яе асудзілі да яшчэ 1 года калоніі. У красавіку супраць жанчыны завялі ўжо новую справу — зноў за «злоснае непадпарадкаванне адміністрацыі калоніі».

🇺🇳«Указ зʼяўляецца часткай наўмыснай палітыкі пакарання беларусаў у выгнанні». ААН выступіла з заявай з нагоды новых пашпартных абмежаванняў

Арганізацыя Абʼяднаных Нацый 20 верасня выступіла з заявай з нагоды забароны на выдачу беларускіх пашпартоў за мяжой.

У ім арганізацыя заклікала дзяржавы-чальцы ААН не дэпартаваць беларусаў па заканчэнні тэрміну дзеяння іх пашпартоў і садзейнічаць атрыманню альтэрнатыўных праязных дакументаў і пасведчанняў асобы, якія гарантуюць беларусам, што не могуць бяспечна вярнуцца на радзіму, доступ да асноўных паслуг і свабоду перамяшчэння.

«Мы заклікаем дзяржавы-чальцы ААН не дэпартаваць беларускіх грамадзян, якія асцерагаюцца пераследаў на той падставе, што тэрмін дзеяння іх пашпартоў скончыўся або яны былі прызнаныя несапраўднымі ў выніку карнага пазбаўлення грамадзянства».

Чытаць па спасылцы 👉 https://spring96.org/be/news/112837

Сілавікі затрымалі гродзенскага айцішніка

На «пакаяльным відэа» мужчына кажа, што нібыта пісаў негатыўныя каментары на адрас Лукашэнкі, службовых асоб, супрацоўнікаў міліцыі, расейскіх вайскоўцаў, а таксама пагражаў людзям, якія падтрымліваюць дзейную ўладу.

Паводле інфармацыі @Grodno_grab, затрыманы — Андрэй Бурдзеня.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

😔Палітвязня Алега Канавалава перавялі на турэмны рэжым

Уладальніка ютуб-канала "Третий регион Беларусь" затрымалі па вяртанні ў Беларусь з Украіны 10 студзеня 2022 года. Палітвязня абвінавацілі ў тым, што ён дэананімізаваў сілавікоў і ўжо пасля ад'езду ва Украіну публікаваў інфармацыю пра іх. Таксама яму ў віну паставілі "цынічныя каментары" пра загінулага супрацоўніка КДБ Дзмітрыя Федасюка і абразу прэзідэнта.

У Гомельскім абласным судзе 7 верасня Алега асудзілі да пяці гадоў пазбаўлення волі ў калоніі ўзмоцненага рэжыму. Адбываць тэрмін яго накіравалі ў шклоўскую калонію № 17.

Вядома, што ў судзе Шклоўскага раёна 18 ліпеня разглядзелі справу палітвязня паводле ч. 2 арт. 411 КК (Злоснае непадпарадкаванне патрабаванням адміністрацыі папраўчай установы). Вынік праваабаронцам пакуль невядомы.

Па інфармацыі "Гомельскай Вясны", палітвязня перавялі на турэмны рэжым у Магілёў.

💌Падтрымаць палітвязня: Турма № 4. 212011, г. Магілёў, вул. Крупскай, 99А, Алег Анатольевіч Канавалаў
💻Напісаць анлайн

🎥Самае важнае з суду над былым байцом «эскадрону смерці» Гараўскім

Якім будзе вырак былому спэцназаўцу Юрыю Гараўскаму ў справе знікненьняў апанэнтаў Лукашэнкі і ці стане суд у Швейцарыі аб палітычных злачынствах у Беларусі пачаткам далейшага крымінальнага пераследу адказных за забойствы?

«Свабода» абмяркоўвае з праваабаронцам «Вясны» Паўлам Сапелкам і былой палітзняволенай Наталляй Хершэ, якія два дні прысутнічалі на судовым працэсе над Гараўскім у Швейцарыі. Судовае пасяджэнне скончанае, вердыкт стане вядомы на наступным тыдні ў пісьмовай форме.

https://youtu.be/_l8ay-fwNFI?si=M8ehVrFa5XICx4FC

Вярхоўны суд ліквідаваў Беларускую сацыял-дэмакратычную партыю (Грамада)

Пра гэта @pozirkonline паведаміў старшыня партыі Ігар Барысаў.

«Гэта не канец, — адзначыў Барысаў у перададзенай відэазаяве. — Пакуль ёсць наш калектыў і людзі, якія вераць у будучую дэмакратычную Беларусь, у яе сацыял-дэмакратычны выбар, мы як фенікс паўстанем з попелу».

Улетку і ў пачатку восені былі пазбаўленыя рэгістрацыі 9 апазіцыйных, праўладных і палітычна неактыўных палітычных структур. 22 верасня ў Вярхоўным судзе будзе разглядацца пазоў пра ліквідацыю Беларускай партыі левых «Справядлівы свет».