У Мінску па «тэрарыстычным» артыкуле судзяць 21-гадовага Дзмітрыя Гудзеева — яму пагражае да 12 гадоў калоніі

З 25 траўня ў Мінскім гарадскім судзе разглядаецца справа Дзмітрыя Гудзеева. Хлопцу інкрымінавана ч. 2 арт. 290-5 КК (Арганізацыя дзейнасці тэрарыстычнай арганізацыі і ўдзел у дзейнасці такой арганізацыі) і ч. 3 арт. 361-1 КК (Стварэнне экстрэмісцкага фармавання або ўдзел у ім). Працэс вядзе Наталля Бугук. У чым менавіта абвінавачваюць Гудзеева — праваабаронцам невядома.

Дзмітрыю 21 год і, мяркуючы па яго сацсетках, у мінулым траўні ён скончыў тэрміновую службу ў вайсковай частцы 3214 у Мінску. У траўні хлопца дадалі ў «тэрарыстычны спіс» КДБ. Яму пагражае ад 8 да 12 гадоў калоніі.

Паводле інфармацыі крыніц, падчас брутальнага затрымання Дзмітрый быў моцна збіты.

Калі вам вядомыя акалічнасці справы ці вы можаце распавесці нам пра Дзмітрыя — калі ласка, напішыце на @Viasnainfo

💌Падтрымайце вязня: СІЗА-1, 220030, Мінск, Валадарскага, 2, Гудзееў Дзмітрый Алегавіч
💻Напісаць анлайн

З'явілася інфармацыя аб затрыманнях на аграсядзібе «Стулы»

Гаворка можа ісці аб як мінімум 5 затрыманых. Папярэдне, людзі знаходзяцца ў пружанскім РАУС і чакаюць суда ў панядзелак па «экстрэмісцкім» артыкуле.

Паводле непацверджанай інфармацыі, затрыманні маглі прайсці падчас ці пасля батлеечнага спектакля, якія ладзяць на аграсядзібе.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

🇵🇱Беларусы Варшавы выйшлі на акцыю салідарнасці з палітвязнямі

📨Адрасы і спіс усіх палітвязняў, якім можна даслаць паштоўку або ліст
💻Напісаць анлайн 👉 bit.ly/3PIOcjz
⁉️Як яшчэ падтрымаць палітзняволеных?

Актывіст і былы палітвязень Ілля Міронаў з'ехаў з Беларусі і знаходзіцца ў Вільні

Пра гэта ён паведаміў на сваёй старонцы ў Facebook.

«Паспяхова эвакуяваўся ў бяспечнае месца, за што вялізная падзяка Беларускай Радзе культуры за дапамогу! Усім вам дзякуй за словы падтрымкі!».

Ілля — валанцёр з Гомеля, асуджаны да 1,5 гадоў зняволення па «справе Зельцэра». Міронаў вядомы тым, што напісаў больш за 3000 лістоў палітвязням. Ён таксама актыўна пісаў скаргі на прапагандыстаў, спрабуючы прыцягнуць іх да адказнасці. Апошнім часам яго некалькі разоў адпраўлялі на суткі.

Сілавікі прыйшлі дадому да магілеўскага актывіста Сяргея Гіркіна — мужчына ўжо 5 гадоў жыве за мяжой

Стала вядома, што на мінулым тыдні сілавікі прыйшлі ў кватэру, дзе Гіркін жыў да ад'езду з Беларусі, і распытвалі ягонага брата пра тое, дзе Сяргей зараз знаходзіцца і ці збіраецца вяртацца ў краіну.

Як мяркуе сам мужчына, гэта можа звязана з яго актыўнасцю ў Facebook, а таксама з тым, што ў мінулым годзе судом Кастрычніцкага раёна Магілёва яму быў абмежаваны выезд за межы Беларусі.

❗️У Светлагорску затрыманыя пяцёра супрацоўнікаў тэлеканалу «Ранак»

Дакладная прычына затрымання невядомая. Ёсць інфармацыя, што затрыманнем кіраваў гомельскі ГУБАЗіК і супрацоўнікаў сёння будуць судзіць паводле арт. 19.11 КаАП (распаўсюд экстрэмісцкіх матэрыялаў).

Паводле словаў крыніцы, працаўнікоў медыя затрымалі за падпіскі на суполку «Светлік Светлагорск» у «Аднакласніках» (не ўнесеная ў спіс «экстрэмісцкіх»).

Сапраўднай прычынай для затрымання мог стаць сюжэт пра выбух на Светлагорскім ЦКК, у якім загінула тры чалавекі, піша @viasnaHomel.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Стала вядома, што затрымалі 8 супрацоўнікаў тэлеканалу «Ранак»

Як піша @viasnaHomel, затрыманых завуць Андрэй Ліпскі, Павел Рабко, Марына Бычкоўская, Крысціна (прозвішча невядомае) і яшчэ адна дзяўчына, імя якой невядома - яе адпусцілі, бо дзяўчына цяжарная.

Кіраўніка тэлеканалу выклікалі ў райвыканкам.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Санітарку глыбоцкай лякарні арыштавалі на 12 сутак за захоўванне ў тэлефоне выявы герба «Пагоня»

Суддзя суда Глыбоцкага раёна Аляксандр Аляксеенка 29 траўня пастанавіў арыштаваць Наталлю Міцько на 5 сутак за распаўсюд у сацыяльных сетках «экстрэмісцкіх» матэрыялаў і на 7 сутак за пікетаванне ў інтэрнэце.

Прычынай такога пакарання стаў факт выяўлення ў тэлефоне санітаркі выявы «… вершніка на кані са шчытом і мячом (пагоня) на бел-чырвона-белым фоне».

Дадзеную інфармацыю знайшлі работнікі глыбоцкага РАУС, на падставе якой былі складзеныя два пратаколы аб адміністрацыйным правапарушэнні, піша «Віцебская Вясна».

У Беларусі дазволяць заводзіць крымінальныя справы супраць мёртвых па дзесяці артыкулах

Сярод іх:

• падрыхтоўка або вядзенне агрэсіўнай вайны (арт. 122 КК);
• акт міжнароднага тэрарызму (арт. 126 КК);
• генацыд (арт. 127 КК);
• злачынствы супраць бяспекі чалавецтва (арт. 128 КК);
• вытворчасць, назапашванне або распаўсюд забароненых сродкаў вядзення вайны (арт. 129 КК);
• экацыд (арт. 131 КК);
• прымяненне зброі масавага паражэння (арт. 134 КК);
• парушэнне законаў і звычаяў вайны (арт. 135 КК);
• злачынныя парушэнні нормаў міжнароднага гуманітарнага права падчас узброеных канфліктаў (арт. 136 КК);
• бяздзейнасць або адданне злачыннага загада падчас узброенага канфлікту (арт. 137 КК).

Памерлым абвінавачаным па такіх справах будзе давацца адвакат. Адмовіцца ад яго паслуг будзе нельга (нават калі гэтага захочуць сваякі абвінавачанага, прызнаныя яго прадстаўнікамі), піша «Зеркало».

🎉Павіншуйце палітвязня Артура Жвірыдоўскага з Днём народзінаў

Артур — жыхар Астраўца, асуджаны на 3 гады калоніі па двух артыкулах Крымінальнага кодэксу: ч. 1 арт. 339 (хуліганства) і арт. 370 (знявага дзяржаўных сімвалаў). Яго абвінавацілі ў тым, што ён уначы ў чэрвені 2021 года вывесіў бел-чырвона-белы сцяг на адной са школ Астраўца, а таксама намаляваў на камені тры БЧБ-паласы. Акрамя гэтага, зняў чырвона-зялёны сцяг з будынку адной з дзяржаўных установаў раённага цэнтру.

Сёння палітвязень адзначае 35-годдзе ў бабруйскай калоніі. Дашліце яму віншаванні праз лісты, паштоўкі або тэлеграмы.

💌Адрас для віншаванняў: ПК №2, 213800, г. Бабруйск, вул. Сікорскага, 1, Артур Анатольевіч Жвірыдоўскі
💻Напісаць анлайн

📝Беларусь: спыніць жорсткае абыходжанне з Марыяй Калеснікавай

Больш за двадцать міжнародных і беларускіх праваабарончых арганізацый выступілі супраць жорсткага абыходжання з палітзняволенай Марыяй Калеснікавай.

«Улады Беларусі павінны даць інфармацыю аб стане здароўя Калеснікавай, тэрмінова забяспечыць ёй доступ да лекараў па яе выбары, вярнуць ёй сувязь з сям'ёй і забяспечыць доступ да адваката, заявілі праваабарончыя групы.

Неабходна спыніць палітычна матываваны крымінальны пераслед і вызваліць усіх тых, хто пазбаўлены волі выключна за рэалізацыю сваіх асноўных свабод».

Заява цалкам 👉 spring96.org/be/news/111942

💌Падтрымайце Марыю лістамі і тэлеграмамі: ПК №4. 246035, Гомель, Антошкіна, 3, Калеснікавай Марыі Аляксандраўне
💻Напісаць анлайн 👉 bit.ly/3PIOcjz

У Беларусі новае «экстрэмісцкае фармаванне» — партал «Зеркало»

Адпаведнае рашэнне прынятае МУС 9 чэрвеня.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У «Спіс экстрэмістаў» дадалі яшчэ 11 прозвішчаў — цяпер у ім 2901 чалавек

9 чэрвеня МУС зрабіла традыцыйны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі былога журналіста «прэзідэнцкага пула» Дзмітрыя Семчанку, а таксама грамадзянку Расіі Аляксандру Хомчанку, якую асудзілі на год калоніі за рэпост публікацыі з выявай надмагільнай пліты Лукашэнкі.

Да допіса далучыны апошні Пералік грамадзян, якія маюць дачыненне да экстрэмісцкай дзейнасці

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

✊Паспейце падтрымаць журналіста Генадзя Мажэйку да апеляцыі

Палітзняволенаму журналісту «Камсамольскай праўды» ставілі ў віну два артыкулы Крымінальнага кодэкса: распальванне сацыяльнай варожасці (арт. 130 КК) і абразк Лукашэнкі (арт. 368 КК). Вядома, што справу аб абразе вылучылі ў асобную вытворчасць.

23 сакавіка суддзя Тацяна Фалькоўская прызначыла яму тры гады зняволення. Вярхоўны суд разгледзіць 16 чэрвеня апеляцыйную скаргу палітвязня. Рашэнне будзе прымаць суддзя Уладзімір Чаравач.

Да гэтага часу кожны чалавек можа падтрымаць Генадзя пасылкамі, грашовымі пераводамі і тэлеграмамі.

Былы палітвязень пасля вызвалення распавёў падрабязнасці затрымання Генадзя

💌Падтрымаць журналіста: СІЗА-1, 220030, г. Мінск, вул. Валадарскага, 2, Генадзь Мікалаевіч Мажэйка
💻Напісаць анлайн

У Расіі затрымалі бацьку Уладзіслава Лагуценкі, якому нядаўна прызначылі 2,5 года «хатняй хіміі»

Як паведамляе @MAYDAYMog, меркавана, яму ставяць у віну ўдзел у акцыях пратэсту ў Мінску ў 2020 годзе.

Сам Уладзіслаў Лагуценка 30 траўня быў асуджаны судом Круглянскага раёна на 2,5 гады абмежавання волі без накіравання ў ПУАТ па арт. 342 КК. Разам з ім па гэтай крымінальнай справе праходзілі яшчэ два чалавекі — Аліна Горава і Аляксей Цыганаў.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Мужчыну затрымалі за «экстрэмісцкія татуіроўкі» і загадалі «перабіць» іх — ён гэтага не зрабіў, за што быў затрыманы зноў

Як паведамляюць праўладныя тэлеграм-каналы, цяпёр ён «зноў адправіцца на суткі».

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

Па пастанове пракурора Брэсцкай вобласці абмежаваны доступ да інтэрнэт-рэсурсу flirck.cоm

Падставай для прыняцця гэтага рашэння сталі шматлікія парушэнні названым рэсурсам Закона Рэспублікі Беларусь «Аб сродках масавай інфармацыі» (далей – Закон аб СМІ).

Так, на партале неаднаразова друкавалася Інфармацыя, якая відавочна негатыўна характарызавала грамадска-палітычную сітуацыю ў краіне пасля завяршэння выбарчай кампаніі і дыскрэдытавала дзейнасць дзяржаўных і праваахоўных органаў.

Верагодна дзяржаўныя крыніцы памыліліся і гаворка ідзе пра фотахостынг Flickr.com — але адзначым, што ён дагэтуль без праблем адкрываецца ў Беларусі.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У Віцебску сілавікі затрымалі шэсць чалавек

Відэа з імі апублікаваў праўладны тэлеграм-канал. Сілавікі сцвярджаюць, што мясцовыя жыхары былі затрыманыя праз каментары ў сацсетках і падпіскі на «экстрэмісцкія» рэсурсы.

На відэа адна з затрыманых кажа, што выкарыстоўвала на працоўным месцы кубак з гербам «Пагоня» і надпісам «Жыве Беларусь», таму і была затрыманая.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

У Мінску, папярэдне, украінец напаў на трансгендэрную дзяўчыну за сцяжок Украіны побач са сцяжком ЛГБТ+

Як піша @tghouseby, мужчына абразіў яе, нанёс некалькі ўдараў і паваліў на зямлю. Нападнік сказаў, што дзяўчына абразіла Украіну, змясціўшы сцяжкі побач. Пацярпелая выказала здагадку, што мужчына быў украінцам, бо ў размове ён некалькі разоў называў Украіну сваёй краінай.

Пазней стала вядома, што дзяўчыну затрымалі, яна знаходзіцца ў Фрунзенскім РАУС. Як паведамілі яе сябры, затрымалі дзяўчыну нібыта за пратэсную дзейнасць. Падрабязнасці высвятляюцца.

🔗Хроніка палітычнага пераследу 12 чэрвеня
🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»

🤡У Салігорску мужчыну затрымалі за «публічную дэманстрацыю экстрэмісцкай сімволікі» — сілавікі пахваліліся тым, што дома ў затрыманага знайшлі сцягі Канады і Польшчы

Праўладныя тэлеграм-каналы апублікавалі «пакаяльнае відэа» з жыхаром Салігорску. Паводле яго, мужчына на сваёй машыне размясціў налепку з гербам «Пагоня».

Сілавікі таксама паказалі фотаздымкі таго, што затрыманы нібыта захоўваў дома — сярод іншага, гэта сцяг Канады і Польшчы.

🗣Паведаміць пра затрыманне
⚖️Атрымаць бясплатную юрыдычную кансультацыю
✍️Звязацца з журналістамі «Вясны»