19-гадовая палітзняволеная Аніта Бакуновіч пасля суда спрабавала збегчы ў Літву — яе затрымалі сілавікі, а прапагандысты знялі цэлы фільм

На дзяржаўных каналах выйшаў фільм, у якім паказалі момант спробы 19-гадовай палітзняволенай Аніты Бакуновіч нелегальна перасекчы мяжу з Літвой. Дзеянні дзяўчыны здымалі адразу нелькі камер з зямлі і паветра.

У канцы чэрвеня Аніту асудзілі да двух гадоў «хатняй хіміі» паводле арт. 342 Крымінальнага кодэкса за ўдзел у паслявыбарчых акцыях пратэсту.

💌Падтрымайце дзяўчыну: СІЗА-1, 220030, Мінск, Валадарскага, 2, , Аніта Алегаўна Бакуновіч
💻Напісаць анлайн 👉 bit.ly/3PIOcjz

🔹Як пераследуюць сям'ю палітзняволенай Аніты Бакуновіч

🎉Павіншуйце берасцейца Івана Соўпеля з Днём народзінаў

Палітвязня асудзілі па крымінальнай справе аб масавых беспарадках (ч. 2 арт. 293 КК) за падзеі 10 жніўня 2020 года ў Брэсце. Іван быў на волі пад падпіскай аб нявыездзе, але 22 сакавіка 2021 яго выклікалі да следчага і там затрымалі. Меру стрымання змянілі на ўтрыманне пад вартай.

8 лістапада 2021 года ў судзе Ленінскага раёна Брэста яму прызначылі 4 гады калоніі ўзмоцненага рэжыму. З 19 студзеня ён адбывае тэрмін у бабруйскай калоніі.

15 снежня палітвязень адзначае 29-годдзе ў зняволенні.

💌Павіншуйце Івана тэлеграмамі, паштоўкамі і лістамі салідарнасці па адрасе: ПК № 2, 213800, г. Бабруйск, вул. Сікорскага, 1, Іван Андрэевіч Соўпель
💻Напісаць анлайн 👉 bit.ly/3PIOcjz

📍Экскурсаводку Аксану Манкевіч пачнуць судзіць 19 снежня

24-гадовую экскурсаводку Аксану Манкевіч затрымалі 14 верасня ў Мінску ў межах крымінальнай справы аб групавых дзеяннях, груба парушаючых грамадскі парадак (арт. 342 КК). На праўладных каналах з’явілася «пакаяльнае» відэа з Аксанай, на якім дзяўчына кажа, што «прымала ўдзел у масавых мерапрыемствах у 2020 годзе, а таксама выходзіла на дарогу з БЧБ-сцягам».

Справу дзяўчыны пачнуць разглядаць 19 снежня ў судзе Цэнтральнага раёна Мінска. Працэс будзе весці суддзя Вікторыя Шабуня.

Паводле пастановы ўрада ад 7 снежня, з новага года экскурсаводамі не змогуць працаваць тыя, каго судзілі па «пратэсных» крымінальных артыкулах або маюць адміністрацыйныя рашэнні паводле арт. 19.11 КаАП і арт. 24.22 КаАП.

💌Падтрымайце Аксану грашовымі пераводамі, пасылкамі з рознымі прыемнымі дробязямі, тэлеграмамі і лістамі: СІЗА-1, 220030, г. Мінск, вул. Валадарскага, 2, Аксана Іванаўна Манкевіч
💻 Напісаць анлайн 👉 bit.ly/3PIOcjz

💔"Бацькоўскіх правоў пазбавілі наўпрост у калоніі", — былая зняволеная распавяла пра Алену Маўшук

46-гадовую Алену Маўшук утрымліваюць за кратамі ўжо 28 месяцаў. Былая зняволеная распавяла навіны пра Алену:

"Вы проста ўявіць сабе не можаце, што робяць з яго [Сяргея Маўшука] жонкай у калоніі. Пакуль знаходзілася там, падтрымлівала, як магла, бацькоўскіх правоў пазбавілі наўпрост у калоніі, за самыя дробныя правіннасці — ШІЗА. Два месяцы знаходзіліся ў адной з ёй лакальным участку, Лена навучылася ўсміхацца. Мне так трывожна за яе. Лістоў ад не блізкіх сваякоў нас усіх пазбавілі з 17 лютага. Проста кажуць: "Табе не пішуць".

Усміхаюцца проста ў вочы і робяць што хочуць. Гэта страшна! Гэта вельмі страшна! Гэта вельмі цяжка маральна, у спробе "зламаць", усе сродкі добрыя. Лене ад мужа таксама часцяком не аддавалі лісты. Дзеці прыязджалі на спатканне. Камунікуюць па Скайпе".

💌Адрас для падтрымкі: ПК №24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць, Алене Уладзіміраўне Маўшук

❗️Палітвязня Ігара Аліневіча ў лістападзе змяшчалі ў ШІЗА

Пра гэта паведаміла ягоная маці:

"В начале ноября опять пропали письма от Игоря. Мои опасения подтвердились — опять штрафной изолятор. На этот раз — вся камера попала. 25 ноября пришло короткое письмо и опять молчание. Наверное, опять..."

Нагадаем, актывіста анархічнага руху Ігара Аліневіча, асуджанага да 20 гадоў калоніі ўзмоцненага рэжыму, этапавалі з мазырскай калоніі ў жодзінскую турму 11 жніўня. Пасля гэтага яго неаднаразова змяшчалі ў ШІЗА. На знак пратэсту ён трымаў галадоўку.

💌Падтрымайце Ігара лістамі салідарнасці, тэлеграмамі і паштоўкамі:
Турма № 8. 222163, г. Жодзіна, вул. Савецкая, 22А
Ігару Уладзіміравічу Аліневічу
💻Напісаць анлайн 👉 bit.ly/3PIOcjz

📍На волю выйшаў палітзняволены актывіст «Страны для жизни»

Як паведамляе @vicspring, актывіст «Страны для жизни» і каманды Святланы Ціханоўскай Алег Баразна цалкам адбыў тэрмін і выйшаў на волю з папраўчай калоніі № 2.

Алега асудзілі на 2 гады і 3 месяцы паводле ч. 1 арт. 328 Крымінальнага кодэкса (Незаконны абарот наркатычных сродкаў без мэты збыту). Падставай для ўвагі сілавікоў стала менавіта грамадская актыўнасць Алега Баразны, а ягоныя дзеянні ў адносінах да наркотыкаў, за выключэннем выяўленых і вынятых у яго 0,0057 г марыхуаны, не былі даказаныя. Вядома, што сілавікі за імі сачылі з восені 2020 года.