❗️Ад 3 да 4,5 гадоў пазбаўлення волі: вынесены прысуд трэцяй партыі абвінавачаных па берасцейскіх «беспарадках»

Суддзя Святаслаў Каліна прысудзіў наступныя тэрміны:

📍Антон Сотнікаў — 4,5 года калоніі;
📍Раман Гваздзёлка, Вадзім Жылінскі, Дзяніс Жук, Юрый Кузьміч — 4 гады калоніі;
📍Мікіта Ганчароў, Дзмітрый Тур — 3,5 года калоніі;
📍Дзмітрый Князеў, Дзмітрый Панько, Максім Шатохін (няпоўнагадовы) — 3 гады калоніі.

Усе асуджаныя адміністрацыяй брэсцкага СІЗА прызнаныя «схільнымі да экстрэмізму» і пастаўленыя на прафілактычны ўлік.

Падрабязнасці 👉 bit.ly/3k5pSK7

‼️«Я крычаў, задыхаючыся ў чорным пакеце, а яны смяяліся», — Сцяпан Латыпаў распавёў у апошнім слове пра збіццё і катаванні

12 жніўня палітзняволены жыхар «Плошчы Пераменаў» Сцяпан Латыпаў выступіў з моцным апошнім словам. Ён распавёў пра сваю сям'ю, рэпрэсаванага прадзеда ў 1937 годзе, пра сваёй затрыманне 15 верасня мінулага года, як яго збівалі сілавікі, як ён рыхтаваўся да суіцыду і што чакае ад прысуду. Пракурор запрасіў для Сцяпана 8,5 гадоў калоніі.

🔹Пра затрыманне і збіццё

«Я крычаў, задыхаючыся ў чорным пакеце, а яны смяяліся. Казалі: "Вучым алфавіт, зараз пытаем літару "Аааа" і пачнем вучыць "Б". Казалі: "Не крычы, твая Ціханоўская не пачуе", але я працягваў крычаць. Я крычаў і думаў, вельмі добра, што ўзялі мяне, мала хто з суседзяў у Беларусі вытрымае гэта.

Калі было асабліва балюча, я ўспамінаў словы маці, яна вучыла мяне гаварыць сабе: «Я маленькі-маленькі вожык, мне зусім не балюча». І гэта ў нейкае імгненне дапамагала мне. Але яны [сілавікі] вельмі вопытныя, мяне пастаянна называлі па імені, і ў мяне не атрымлівалася адключацца ніяк»

🔹Пра спробу суіцыду ў судзе

«Было балюча. Вар'яцка балюча і страшна. Мэтай ставіў перарэзаць хоць адну з сонных артэрый. З левага боку прарэзаць не ўдалося, але затое з правага, дзякуючы ўхілу налева, атрымалася разрэзаць... І адчуў пальцамі цяпло. Нават атрымалася зачапіць артэрыю, але ад хвалявання я пацягнуў далей, замест таго, каб паглыбляцца па трахеі...

Потым тузануў за нагу канваір, я стукнуўся галавой і ўпаў. Было балюча, страшна і вельмі сорамна. Вельмі сорамна, таму што спроба выйшла няўдалай. І тое, што ёсць шмат спосабаў абараніць сваіх блізкіх і суседзяў, якіх я ў той момант не ўбачыў»

🔹Пра страх за блізкіх

«Жах, які мне давялося выпрабаваць, апраўдвае вельмі многае. Калі заканчваецца страх за сябе, пачынаецца страх за блізкіх. Чалавек у масцы прыходзіў пасля аперацыі. Мне здавалася, што ён казаў некалькі гадзін — гэта былі толькі пагрозы і абразы. Я ведаю, што нічога не здолею з гэтым зрабіць і нават не магу да канца вызваліцца ад страху, але ў маіх сілах хаця бы паспрабаваць не баяцца».

Апошняе слова цалкам 👉 bit.ly/37Dqsc4

❗️Аляксей Кудзін і Андрэй Сакалоўскі прызнаныя палітвязнямі

Аляксей — баксёр, якога прызналі вінаватым паводле ч. 2 арт. 363 КК («супраціў супрацоўніку органаў унутраных спраў або іншай асобе, якая ахоўвае грамадскі парадак, спалучаны з ужываннем гвалту або з пагрозай яго прымянення»). Следства палічыла, што падчас жнівеньскай акцыі пратэсту ў Маладзечна Аляксей нанёс удары двум міліцыянтам. Яму прысудзілі 2,5 года калоніі.

Андрэй — быў асуджаны на 3 гады калоніі. Яго вінавацілі па некалькіх артыкулах Крымінальнага кодэксу. Нібыта ён «знаходзіўся ў счэпцы, аказаў відавочнае непадпарадкаванне супрацоўнікам АМАПа і меў намер прычыніць боль 11 пацярпелым амапаўцам».

Чаму праваабарончыя арганізацыі лічаць іх справы палітычна матываванымі 👉 bit.ly/37DNNdK

📍Па стане на 12 жніўня ў Беларусі 631 палітвязень

Міністэрства інфармацыі заблакавала сайт "Удобный город - petitions.by" з-за трох петыцый і заявы аб прызнанні Каардынацыйнага Савета.

Прадстаўнікі сайта апублікавалі ў тэлеграм-канале загад Мінінфарма аб абмежаванні доступу да іх рэсурсу, дзе ўказана, што прычынай блакіроўкі сталі:

• петыцыя "Аб унясенні зменаў у Кодэкс Рэспублікі Беларусь аб адміністрацыйных правапарушэннях у частцы ўзмацнення адказнасці паводле арт. 23.34. і 23.4";
• петыцыя "Прызнаць выбары прэзідэнта Рэспублікі Беларусь несапраўднымі";
• петыцыя "Апублікаваць тэкст новай Канстытуцыі і правесці расследаванне ў дачыненні да старшыні ЦВК";
• заява "Аб прызнанні Каардынацыйнага савета".

Паводле Мінінфарм, тэкст і матэрыялы дадзеных петыцый нібыта могуць нанесці шкоду нацыянальным інтарэсам краіны, а сам сайт petitions.by з'яўляецца "пляцоўкай для ініцыявання збору подпісаў пад петыцыямі пратэстнага характару, накіраваных на дэстабілізацыю абстаноўкі ў Рэспубліцы Беларусь".

Хроніка палітычнага пераследу 12 жніўня 👉 bit.ly/3iG1eQH

🆘 Дапамога фігурантам «справы карагодаў»

📍 Андрэй і Паліна Ляшко — фігуранты брэсцкай «карагоднай справы». У ходзе следства высветлілася, што Паліна цяжарная, аднак гэта не спыніла следчых ад прад'яўлення абвінавачванняў, правядзення 4 ператрусаў, а затым высялення з інтэрната, дзе сям'я была зарэгістраваная і пражывала. У чэрвені іх асудзілі на 1,5 года «хіміі» і «хатняй хіміі» адпаведна.

❗️Сям'я звярнулася па дапамогу:

«Разумеючы ўвесь жах сітуацыі, мы адважыліся на крайнюю меру і праз лясы і балоты патрапілі на тэрыторыю Украіны, каб выратаваць сваю сям'ю. На бягучы момант мы спрабуем легалізавацца на тэрыторыі Украіны. Сродкаў да існавання ў нас амаль няма, жонка на 8-м месяцы цяжарнасці, а пасля перажытага ёсць шанец, што народзіць яна значна раней, чым плануецца. Малодшая дачка ў верасні павінна пайсці ў сад, а сын у школу, у першы клас. Але дзе і як гэта будзе мы не ведаем. Як і не ведаем дзе народзіцца наша дзіця.

Але самае галоўнае мы на волі і разам».

💵Падтрымаць фінансава сям'ю Ляшко

«Табе піздз*ц». Мінчука асудзілі да 4 гадоў «хіміі» за пагрозы Прыдыбайлу і распальванне варожасці да рускіх

48-гадовага мінчука Святаслава Лепешава да чатырох гадоў «хіміі» за пагрозу забойствам расійскаму прапагандысту Канстанціну Прыдыбайлу (арт. 186 КК) і распальванне нацыянальнай варожасці ў адносінах да рускіх (арт. 130 КК).

Мужчына ўбачыў у інтэрнэце нумар тэлефона Прыдыбайла, патэлефанаваў яму і сказаў: «Табе піздз*ц». Падчас суда стала вядома, што ў мэтах бяспекі прапагандыста тады перавезлі ў амбасаду Расіі ў Мінску. Пацярпелы Прыдыбайла заявіў грамадзянскі пазоў у выглядзе 3 000 рублёў за «маральныя пакуты». Следчыя таксама знайшлі перапіскі Лепешава на парталах «Обсуждай» і «Спрашивай», дзе ён пісаў, напрыклад, такія выразы як «добры маскаль – мёртвы маскаль».

«Вясна» распавядае пра працэс, які доўжыўся больш за два месяцы 👉 bit.ly/3xL2uWV

Рыгор Кастусёў, у якога падазраюць анкалогію, атрымаў магчымасць прайсці абследаванне.

Па словах яго адвакаткі Інэсы Аленскай, палітык па-ранейшаму "знаходзіцца ў СІЗА КДБ, але яго па меры неабходнасці возяць да медыкаў", піша @euroradio.

Пры гэтым яна таксама расказала, што Кастусёў адчувае сябе кепска, пастаянна скардзіцца на стан здароўя, не можа спаць начамі.

Лідар БНФ Рыгор Кастусёў быў затрыманы 12 красавіка 2021 года. Ён разам з Аляксандрам Фядутам і юрыстам з ЗША Юрыем Зянковічам — фігурант крымінальнай справы аб "змове з мэтай захопу ўлады неканстытуцыйным шляхам".

Праз 10 сутак пасля брутальнага затрымання не выйшлі на волю музыкі з гурта Irdorath і іх сябры.

Уладзімір Калач, Надзея Калач, Пятро Марчанка, Юлія Марчанка (Юніцкая), Антон Шніп, Зміцер Шыманскі і Павел Шмыга (UPD. Ён не быў затрыманы) застаюцца за кратамі да суда. Месца ўтрымання пакуль невядомае, піша @by_culture

Іх абвінавачваюць паводле артыкула 342 КК (арганізацыя дзеянняў, якія груба парушаюць грамадскі парадак) за выступленне падчас масавых шэсцяў у Мінску ў жніўні 2020 года.

🔹Пераслед гурта IRDORATH і іх сяброў: 12 чалавек арыштаваныя па крымінальных і адміністрацыйных справах, чатыры — аштрафаваныя

У судзе Ленінскага раёна разглядзелі крымінальную справу ў дачыненні да Дзмітрыя Сарагаўца, якога вінавацілі ў абразе прадстаўніка ўлады па арт. 369 Крымінальнага кодэкса.

Абвінавачаны 14 траўня 2020 года пакінуў каментар пад фотаздымкам начальніка ўпраўлення аховы правапарадку Бабруйскага гарвыканкама Сяргея Рудзько, замешчаным у сацыяльнай сетцы «Аднакласнікі» на старонцы Вольгі Карач, наступнага зместу: «Ублюдкаў трэба ведаць у… тварам гэта назваць язык не паварочваецца».

13 жніўня суддзя Юлія Шут палічыла віну Дзмітрыя Сарагаўца даказанай і прызначыла яму пакаранне ў выглядзе абмежавання волі без накіравання ў папраўчую ўстанову адкрытага тыпу («хатняя хімія») тэрмінам на 2 гады.

7 жніўня падчас дзяжурства ў РНПЦ псіхічнага здароўя быў арыштаваны лекар па прозвішчы Якавенка, паведамляе @belhalat_by

У телеграм-канале перадаюць, што доктара вывелі прама з прыёмнага пакою ў кайданках і павезлі ў РАУС, потым на Акрэсціна, дзе ў панядзелак адбыўся суд па Skype.

У выніку доктара асудзілі на 15 сутак адміністрацыйнага арышту. Прычына затрымання невядомая.

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

⚡️Двое осужденных из 5-й партии по "хороводному" делу попытались убежать в Украину, сообщает госТВ. Их жестко задержали, дали штраф по 4 тысячи рублей и все-таки отправили в ИУОТ

ОНТ распространило видеоролик, где фигурируют жители брестчины Онискевич Андрей и Полховский Илья. Этих ребят осудили по так называемому "хороводному" делу к полутора и двум годам ограничения свободы соответственно.

На видео можно заметить, что уже лежащим на земле парням не менее 2 раз наносят удары руками. Далее, держа их на земле, и заведя руки далеко за спиной, их допрашивают на камеру: «[Зачем незаконно пересекал границу?] — Хотел избежать наказания. — Хороводы водили? — Стоял рядом, да», отвечал Онискевич.

В ролике представитель пограничной службы Леонид Шкилевич сообщает, что задержанных уже оштрафовали каждого на 140 базовых величин (4 060 рублей) "за попытку умышленного незаконного пересечения госграницы и за нарушение пограничного режима".

Представитель другой госструктуры, отдела надзорно-исоплнительной деятельности УВД Брестоблисполкома, сообщил также, что Онискевича и Полховского этапируют к месту отбывания наказания "в порядке для осужденных к лишению свободы". 😐

***
☝️ "Хороводное" уголовное дело возбудили после мирной акции протеста 13 сентября 2020 в Бресте (тогда люди водили хоровод на перекрестке дорог, после чего их разогнал водомет). В рамках данного дела на сегодняшний день осуждены 69 человек, некоторым давали наказание вплоть до колонии (Чемоданову Данилу, Артецкому Алексею и Буневич Дмитрию). Сколько еще собираются осудить по этому делу, неизвестно, однако оно уже самое массовое в регионе.

⚡️Палітвязня Івана Вярбіцкага змясцілі ў памяшканне камернага тыпу

Палітзняволенага гальшанца, якога асудзілі да 8 гадоў і 1 месяца калоніі ўзмоцненага рэжыму, змяцілі ў памяшканне камернага тыпу да 5 кастрычніка. Іван Вярбіцкі — мастак і ў адказ на лісты дасылае свае малюнкі.
💌У ПКТ лісты дазволены, таму падтрымайце Івана лістамі і паштоўкамі: ПК №2, 213800, г. Бабруйск, вул. Сікорскага, 1

Таксама з 3 жніўня ў памяшканне камернага тыпу на тры месяцы змясцілі палітзняволеную журналістку Вольгу Класкоўскую.
💌Дашліце ёй паштоўкі і лісты па адрасе: ПК №4, 246035, г. Гомель, вул. Антошкіна, 3

💡Што такое памяшканне камернага тыпу (ПКТ) і што ў ім дазволена:
(ПКТ) — спецыяльнае памяшканне, у якім утрымліваюцца асуджаныя да пазбаўлення волі, пераведзенныя ў парадку спагнання за злосныя парушэнні ўстаноўленнага парадку. У ПКТ асуджаныя маюць права:
🔺Атаварвацца ў турэмнай краме на 1 базавую велічыню ў месяц;
🔺Атрымліваць 1 бандэроль на працягу 6 месяцаў;
🔺Здзяйсняць штодзённы шпацыр працягласцю 30 хвілін.

❗️Матэрыялы Zerkalo.io і яго сацсетак (як і TUT.ВY) прызналі экстрэмісцкімі.

Экстрэмісцкімі матэрыяламі прызнаныя інфармацыйная прадукцыя TUT.ВY і Zerkalo.io (парталаў, а таксама акаўнтаў у Telegram, Viber, Twitter, Вконтакте, Аднакласніках і TikTok), а таксама лагатыпы (лічбавыя вадзяныя знакі) TUT.ВY і Zerkalo.

Цяпер гэты спіс павінен быць унесены ў Рэспубліканскі спіс экстрэмісцкіх матэрыялаў, пасля чаго распаўсюджванне любой прадукцыі TUT.ВY і Zerkalo.io будзе лічыцца адміністрацыйным правапарушэннем.

📍Затрымалі праваабаронцу Human Constanta Насту Лойку.

Паводле інфармацыі арганізацыі, яна цяпер знаходзіцца на допыце ў ДФР. Верагодна, яе забралі з хаты. Прычыны допыту і іншыя абставіны пакуль невядомыя.

📍Раніцай у Бараўлянах прайшлі масавыя затрыманні. Відавочца распавядае, што бачыла бус ў двары, куды сілакі запіхвалі людзей.

Паведамляецца пра затрыманне Ірыны Малей (31.12.1974). Яе затрымалі на вуліцы, калі яна выгульвала сабаку. Ірыну адвезлі ў РАУС, потым прывезлі дадому на ператрус, падчас якога забралі тэхніку. Ірыну зноў забралі.

📍У Жлобіне пачалі пераслед актывісткі Любові Шведавай (Дзятлавай).

Сёння ўвечары яе выклікаюць у СК. Ужо, як мінімум, 12 чалавек-сведак па яе справе апытвалі.

Хроніка палітычнага пераследу 13 жніўня 👉 bit.ly/37Ei8sr

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Як стала вядома праваабаронцам "Вясны" Павел Шмыга на волі, яго не затрымлівалі.

Настаўніка гісторыі гімназіі са Смаргоні Андрэя Пятроўскага, які расказаў вучням на ўроку пра БЧБ-сцяг, будуць судзіць за паклёп на Лукашэнку.

Следчы камітэт паведамляе, што Пятроўскі на ўроку «прадэманстраваў навучэнцам 11-га класа відэаролік з Telegram-канала, які раней быў прызнаны экстрэмісцкім. Фільм змяшчаў заведама паклёпніцкую і ілжывую інфармацыю пра прэзідэнта Беларусі».

❗️Не выходзяць на сувязь Валерыя Крамянеўская і Аляксандра Мішчанка

Яны былі сёння каля суда Мінскага раёна, дзе праходзіць працэс над палітзняволенымі Максімам Знакам і Марыяй Калеснікавай.

UPD. Стала вядома, Што Валерыя затрыманая, наконт Аляксандры пакуль навін няма.

*На фотаздымку Валерыя Крамянеўская

Хроніка палітычнага пераследу 13 жніўня 👉 bit.ly/37Ei8sr

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

⚡️«Калі вы глядзіце гэта відэа — значыць мяне затрымалі».

Праваабаронца Human Constanta Наста Лойка запісала відэазварот на выпадак свайго затрымання.

Нагадаем, сёння Насту забралі на допыт — папярэдне, у ДФР. Прычыны допыту і іншыя абставіны пакуль невядомыя.

⚖️Палітвязень, маці-адзіночка, дызайнерка: каго судзілі па дыфамацыйных артыкулах на гэтым тыдні

Па дадзеных праваабаронцаў, самымі распаўсюджанымі крымінальнымі інструментамі рэпрэсій сёння з’яўляецца пераслед па дыфамацыйных артыкулах: абраза прадстаўнікоў улады, суддзяў, міліцыянтаў, прэзідэнта (арт. 368, 369, 391 КК).

🔹Дызайнерку асудзілі да чатырох гадоў «хатняй хіміі» па трох артыкулах КК, па якіх пацярпелымі выступалі 13 сілавікоў і суддзя;

🔹Паўтара года калоніі за каментар: «Поганая тварь не может быть царем, люцифер в человеческом обличье...»;

🔹Да двух гадоў калоніі за абразы суддзяў і Лукашэнкі асудзілі брэсцкага палітвязня Зарадзея;

🔹У Салігорску да двух гадоў «хатняй хіміі» асудзілі пенсіянерку за каментар пра камянецкага даішніка;

🔹На 120 гадзін грамадскіх прац у Віцебску асудзілі мужчыну за «апаганьванне збудаванняў і пашкоджанне маёмасці».

«Вясна» распавядае, каго і за што за гэты тыдзень асудзілі ў Беларусі па гэтых артыкулах 👉 bit.ly/3CLVoVN