❗️На 13:10 вядома пра больш чым 40 ліквідаваных арганізацый грамадзянскай супольнасці:

🔻«Цэнтр прававой трансфармацыі»
🔻«Офіс еўрапейскай экспертызы І камунікацый»
🔻«Human Constanta»
🔻Цэнтр экалагічных рашэнняў
🔻Цэнтр развіцця эфектыўнай камунікацыі «Жывая Бібліятэка»
🔻Медыяплатформа «Имена»
🔻Youth Labor Rights
🔻European Youth Parliament
🔻Press Club Belarus
🔻Інфармацыйна-культурніцкі цэнтр ІніцыАрт (Наваполацк)
🔻Сацыяльна-інфармацыйная ўстанова «ТаймАкт»
🔻Нацыянальны моладзевы савет «РАДА»
🔻Офіс па правах людзей з інваліднасцю
🔻Цэнтр даследаванняў і прагнозаў развіцця «Еўрапейскі дыялог» (дырэктар — Анатоль Лябедзька)
🔻Офіс прасоўвання ініцыятыў
🔻Арт Сядзіба
🔻Цэнтр рэгіянальнага развіцця ГДФ
🔻Цэнтр урбаністычных праектаў і ініцыятыў «Прастора»
🔻Майстэрня сацыяльнага кіно
🔻«Мова Нанова»
🔻"Бізнес школа ІПМ"
🔻Установа "Гарадское развіццё", займалася тэмай здароўя мужчын у Беларусі
🔻«Тэрыторыя правоў»
🔻Кансультатыўна-асветніцкая ўстанова па ахове прыроды «Экаасяроддзе»
🔻Асветніцкая ўстанова «Сацыяльныя інтэрвэнцыі»
🔻Інфармацыйна-асветніцкая ўстанова «Амарока»
🔻Рэгіянальны цэнтар экспэртызы «Экадэмія»
🔻Культурна-асветніцкая ўстанова «Садзейнічанне культурнаму развіццю гарадоў»
🔻Культурна-асветніцкая ўстанова «Крэсы»
🔻Культурна-асветніцкая ўстанова па працы з насельніцтвам і самаразвіцці «Агульная Будучыня»
🔻Інфармацыйна-асветніцкая ўстанова «Пенсійны выпадак»
🔻Цэнтр сацыяльнай дапамогі і падтрымкі груп рызыкі «Стымул да поспеху»
🔻Прыватная інфармацыйна-асветніцкая ўстанова «Ноктуам»
🔻Прыватная культурна-асветніцкая ўстанова «Веданта вада»
🔻«Магілёўскі моладзевы цэнтр»
🔻Сацыяльна-асветніцкая ўстанова ў галіне гісторыка-культурнай спадчыны «Уновіс-ФОРУМ»
🔻Прыватная культурна-асьветніцкая ўстанова «Гендэрны адказ»
🔻Праваабаронча-асьветніцкая ўстанова ў галіне экалягічных і маёмасных правоў «Ваколіца»
🔻Прыватная культурна-асьветніцкая ўстанова «Лідэр новай эпохі»
🔻Цэнтар аматараў жывёл «ЛАВБРЫЛ»
🔻Культурна-асьветнiцкая ўстанова «АСЕТ»

Спіс абнаўляецца 👉 bit.ly/2UFDfrx

Сярод іншых, сёння была ліквідаваная інфармацыйна-кансультацыйная ўстанова «Тэрыторыя правоў».

Яна адкрылася ў 2018 годзе і бясплатна прадстаўляла праваабарончым арганізацыям і ініцыятывам, а таксама іншым арганізацыям, якія займаліся абаронай уразлівых груп, пляцоўку для правядзення круглых сталоў, семінараў, сустрэчаў, дыскусіяў на тэму правоў чалавека.

📸 Дзесятая Нацыянальная прэмія беларускіх праваабаронцаў 2018 года

Спіс арганізацый, якія былі ліквідаваныя 👉 bit.ly/2UFDfrx

Крымінальную справу супраць Ігара Казмерчака спынілі

Нагадаем, аршанскі актывіст і рэдактар незалежнага сайта orsha.eu быў падазраваным па крымінальнай справе паводле артыкула 341 (апаганьванне будынкаў і псаванне маёмасці). У межах гэтай справы 8-га ліпеня ў Ігара Казмерчака правялі ператрус, забралі аргтэхніку, а яго самога змясцілі на 72 гадзіны ў ізалятар часовага ўтрымання.

Пра тое, што справа спыненая, актывіст даведаўся з ліста, дасланага з міліцыі. Такі самы ліст атрымалі рэгіянальны актывіст з рйцэнтра Дуброўна Міхаіл Чамурака і, верагодна, аршанец Раман, з якім Ігар пазнаёміўся ў ІЧУ падчас трохсуткавага зняволення. Усе трое былі затрыманыя ў межах адной і той самай справы і правялі за кратамі па 72 гадзіны, паведамляе Радыё Рацыя.

❗️Затрымалі фатографку Ксенію Галубовіч падчас здымак у дзіцячым хоспісе.

Пра гэта @novychas паведамілі відавочцы.

Upd. Дома ў яе адбываецца ператрус. Пра гэта яна паведаміла сябрам.

Аператыўна паведаміць пра затрыманне можна ў нашым тэлеграм-боце 👉 @viasna_bot

⚡️"Чаплялася за адзенне супрацоўніка". Мінчанку арыштавалі за непадпарадкаванне ў момант, калі яе рукі былі за спіной у кайданках

23 ліпеня ў судзе Цэнтральнага раёна разглядзелі справу 57-гадовай Марыны Петражыцкай. Яе справу вёў суддзя Дзмітрый Карсюк.

Па пратаколу Марыну затрымалі 22 ліпеня ў 21:05 на тэрыторыі Цэнтральнага РУУСа. Яе абвінавацілі ў непадпарадкаванні супрацоўнікам міліцыі, бо нібыта яна ўпіралася нагамі і чаплялася за адзенне супрацоўніка. Жанчына з пратаколам не пагадзілася, бо яна сцвярджае, што ў 21:15 яна была яшчэ ў будынку КДБ на вул. Казлова, 6, куды яе прывезлі пасля ператрусу дома. Яна звяртае ўвагу суда, што наогул не магла аказваць непадпарадкаванне, бо ўвесь час яе рукі былі за спіной у кайданках.

На допыце сведка-міліцыянт заявіў, што "ім паступіла інфармацыя аб магчымам удзеле Марыны ў несанкцыянаваным масавым мерапрыемстве". Ён сцвярджае, што пры затрыманні прадставіўся і назваў жанчыне прычыну.

Пытанне адвакаткі наконт даты і часу "магчымага ўдзелу ў мерапрыемстве" суддзя Дзмітрый Карсюк зняў.

Дыялог суддзі са сведкай:
– Ва што была апранутая Петражыцкая?
– Як і зараз: у блузку ў кветачкі і ў штаны чорнага колеру.

🤡Падчас працэсу сведка-міліцыянт апрануў балаклаву і кепку. Перад адказам на пытанне адвакаткі было чуваць, як сведке нехта (!!!) падказваў:
– Петражыцкая была ў кайданках?
– (выразна чуваць "пасля") Гэта было пасля таго, як яна аказала непадпарадкаванне.

Па словах самой Марыны, да службовай машыны, на якой яе адвезлі ў РУУС, яе суправаджаў маёр КДБ, а кайданкі знялі толькі ў будынку РУУСа. Сведка ж гэта адмаўляе, бо ён не бачыў на месцы затрымання супрацоўніка КДБ і не памятае, што па тым адрасе знаходзіцца будынак КДБ.

⚖Адвакатка падчас працэсу заявіла адвод суддзі, бо ён прама ці ўскосна зацікаўлены ў выніку справы. Але суддзя Карсюк, вядома, адхіліў яго. У выніку, суддзя пакараў Марыну Петражыцкую 15-сутачным арыштам.

Фатографку Ксенію Галубовіч павезлі на Акрэсціна пасля ператрусу на кватэры. За што яе затрымалі – не вядома.

Крыніца: @belsat

‼️Ніна Лабковіч выйшла на волю

Нагадаем, да юрыста «Вясны» Уладзя Лабковіча і дырэктаркі аб'яднання інвестараў Angels Band Ніны Лабковіч раніцай 14 ліпеня прыйшлі з ператрусам прадстаўнікі ДФР, пасля чаго Уладзя і Ніну арыштавалі.

Дома ў іх заставаліся трое непаўнагадовых дзяцей.

Уладзь Лабковіч застаецца за кратамі.

❗️Патрабуем спыніць кампанію па знішчэнню арганізацый грамадзянскай супольнасці

Праваабарончыя арганізацыі Беларусі выступілі з заявай, у якой выказалі свой рашучы пратэст супраць кампаніі па ціску і пераследу арганізацый грамадзянскай супольнасці, кіраўнікоў і актывістаў арганізацый і ініцыятыў, якая працягваецца ў краіне.

«Мы заклікаем міжнародныя арганізацыі публічна выказаць сваю ацэнку дзеянням уладаў, выкарыстоўваць усе магчымыя спосабы для аказання ўплыву на змяненне сітуацыі, якая склалася, а таксама працягваць аказваць падтрымку арганізацыям грамадзянскай супольнасці Беларусі».

Заява цалкам 👉 bit.ly/37b5d1b

Супраць 64-гадовай актывісткі з Брэста ўзбудзілі крымінальную справу за абразу прэзідэнта

Супраць брэсцкай актывісткі Алены Гнаўк, якую 2,5 месяцы таму асудзілі да 2 гадоў «хатняй хіміі» па «справе карагодаў», распачалі крымінальную справу за «абразу прэзідэнта».

Як распавяла сама Алена, на разглядзе «справы карагодаў», дзе яна выступала ў якасці абвінавачванай, яна сказала: «9 жніўня мінулага года ўладу захапіў не зусім здаровы псіхічна чалавек...».

Пенсіянерцы можа пагражаць пакаранне ў выглядзе пазбаўлення волі тэрмінам да чатырох гадоў.

Падрабязнасці 👉 bit.ly/3iFyI0n

Выйшла на волю журналістка @belsat Ганна Галёта.

16 ліпеня раніцай у яе адбыўся ператрус — яе затрымалі паводле 293 артыкулу КК.

Ганна вядзе на «Белсаце» праграму-антыфэйк «Лукавыя навіны».

👨‍⚖️Месяц суда па «справе Ціханоўскага». Што вядома пра суддзю, які судзіць адразу шэсць палітвязняў?

У будынку гомельскага СІЗА ўжо месяц у закрытым рэжыме праходзіць суд над шасцю палітвязнямі: Сяргеем Ціханоўскім, Ігарам Лосікам, Мікалаем Статкевічам, Уладзімірам Цыгановічам, Арцёмам Сакавым і Дзмітрыем Паповым.

Вядома, што прысуд палітвязням вынесе суддзя Гомельскага абласнога суду Мікалай Бакуноў.

🔹Адмяніў штраф журналісту «Белсата»;
🔹Тэрмін прызначэння ў абласным судзе заканчваецца 15 лістапада;
🔹Першае «палітычнае» рашэнне вынес у Жлобіне 10 гадоў таму.

Распавядаем усё, што вядома з адкрытых крыніц, пра суддзю па «справе Ціханоўскага» 👉 bit.ly/3wZVVzu

❗️"Усім было зразумела хто і навошта вывесіў фашысцкі, на маю думку, сцяг". Мінчука арыштавалі за сцяг на ўваходзе ў кладоўку

51-гадовага Дзмітрыя Асеева затрымалі на працы 23 ліпеня. Амаль праз пару гадзін яго справу ўжо разглядаў суддзя Цэнтральнага раёна Дзмітрый Карсюк.

Мужчыну абвінавацілі паводле арт. 24.23 КаАП у тым, што ён вывесіў БЧБ-сцяг на ўваходзе ў кладоўку. Пры гэтым, Дзмітрый працуе на станцыі тэхнічнага абслугоўвання, а кладоўка наогул знаходзіцца на другім паверсе. Згодна з рапартам, на сцяг паскардзіўся ў міліцыю "неабыякавы грамадзянін", чыё імя на судзе агучыў суддзя. Сваю віну Дзмітрый адмаўляе, бо не лічыць гэта правапарушэннем. Па словах мужчыны, сцяг нікому не бачны, таму гэта нельга расцэньваць, як пікетаванне.

🤡На суддзе дапыталі і міліцыянта "Аляксандровіча". З паказанняў сведкі:

– Нам паведамілі, што на СТА размешчаны – я нават сцягам гэта не магу назваць – бел-чырвона-белае. Мы адразу зразумелі каму гэта належыць. У Асеева на руцэ быў БЧБ-бранзалет з надпісам "Жыве Беларусь". Усім было зразумела хто і навошта вывесіў фашысцкі, на маю думку, сцяг.

⚖Суддзі Карсюку паказанняў сведкі было дастаткова, таму ён арыштаваў Дзмітрыя на 15 сутак.

⚖️«Абразы» ў сацсетках, тралейбусе і бальніцы. Як беларусаў судзілі па дыфамацыйных артыкулах на мінулым тыдні

Па дадзеных праваабаронцаў, самымі распаўсюджанымі крымінальнымі інструментамі рэпрэсій сёння з’яўляецца пераслед па дыфамацыйных артыкулах: абраза прадстаўнікоў улады, суддзяў, міліцыянтаў, прэзідэнта (арт. 368, 369, 391 КК).

🔹За слова «Дэбіл» — год калоніі;

🔹Жыхар Слуцка «прычыніў прэзідэнту маральныя пакуты і падарваў яго дзелавую рэпутацыю»;

🔹Маці палітвязня прысудзілі два гады «хатняй хіміі».

«Вясна» распавядае, каго і за што за гэты тыдзень асудзілі ў Беларусі па гэтых артыкулах 👉 bit.ly/36Z1rb2

Беларусь знаходзіцца на першым месцы ў Еўропе па колькасці зняволеных на 100.000 чалавек

Гэта вынікае са статыстыкі, апублікаванай стамбульскай Акадэміяй крымінальнага права.

Паказчык Беларусі — 345 зняволеных на 100.000 чалавек. На другім месцы — Турцыя (335 чалавек на 100.000), на трэцім — Расія (331 чалавек на 100.000).

Няма турмы ў Ватыкане. У Сан-Марына ўсяго 6 зняволеных на 100.000, у Манака — 21 чалавек на 100.000.

23 ліпеня ў Берасці мусіў распачацца суд над шостай групай абвінавачаных у «карагоднай справе»

Аднак працэс так і на пачаўся, бо ў адной з абвінавачаных выявіўся станоўчы тэст на каронавірус.

Заўтра, 26 ліпеня, пачнуць судзіць сёмую групу па самай масавай берасцейскай палітычнай справе, піша @belsat

Палітзняволенаму 20-гадоваму студэнту хімфака БДУ Арцёму Баярскаму ў чарговы раз адмовілі змяніць меру стрымання. Пад вартай яго ўтрымліваюць ужо 125 дзён.

Як паведамілі родныя Арцёма, на мінулым тыдні студэнт падаваў скаргу на змену меры стрымання, якую разглядалі ў судзе Партызанскага раёна. Але 19 ліпеня Арцём атрымаў пастанову суда аб адмове. Баярскага абвінавачваюць па ч.1 арт. 361-1 Крымінальнага кодэкса (стварэнне экстрэмісцкага фарміравання) за адміністраванне тэлеграм-чата.

На гэтым тыдні праваабаронцам "Вясны" стала вядома, што ў СІЗА-1 на Арцёма Баярскага аказваецца моцны псіхалагічны ціск з боку сукамернікаў. 

Нагадаем, 25 сакавіка ў телеграм-канале Азаронка з'явілася відэа, на якім Арцём прызнаецца ў адміністраванні пабліка. Як студэнт распавёў адвакату, каб прымусіць яго сказаць гэта на відэа, яго білі дубінкамі па спіне і ягадзіцах.

Падтрымайце Арцёма лістамі салідарнасці па адрасе:
- СІЗА-1, вул. Валадарскага, 2, г. Мінск, 220030
Арцёму Юр'евічу Баярскаму

📄 Што пачытаць у нядзелю? Сабралі для вас самыя цікавыя матэрыялы «Вясны» за тыдзень:

🔹 «Камунікацыю з "палітычнымі" не ўхваляюць». Былы зняволены распавёў пра ўмовы для палітвязняў у калоніі «Віцьба»

🔹 Сукамернікі псіхалагічна ціснуць на палітвязня Арцёма Баярскага ў СІЗА

🔹 «Кінуў не менш аднаго каменя». Мінчука асудзілі да шасці гадоў калоніі

🔹 Патрабуем спыніць кампанію па знішчэнню арганізацый грамадзянскай супольнасці

🔹 «Дапамажыце дамагчыся іх вызвалення!» Amnesty International запусціла акцыю тэрміновай дапамогі палітзняволеным вясноўцам

‼️Сям'ю затрымалі супрацоўнікі КДБ, а асудзілі за непадпарадкаванне супрацоўнікам РУУСа

22 ліпеня супрацоўнікі КДБ затрымалі амаль усю сям'ю: 66-гадовую Таццяну Шчасную, 64-гадовага Сяргея Анановіча і 29-гадовага Яна Анановіча. Быў праведзены ператрус у іх кватэры і на лецішчы. Пасля допыту ў КДБ усіх адвезлі ў Савецкае РУУС, дзе склалі пратаколы па арт. 24.3 КаАП. Згодна з пратаколам, яны аказалі непадпарадкаванне супрацоўнікам міліцыі на тэрыторыі РУУСа: упіраліся нагамі і рукамі, адмаўляліся выходзіць з аўтамабіля.

Справы ўсіх членаў сям'і 23 ліпеня разглядзелі суддзі Савецкага раёна Сяргей Шаціла і Аляксандр Волк.

⚖️Яна Анановіча, па яго словах, наогул адразу не затрымлівалі. Супрацоўнікі КДБ прапанавалі прыехаць хлопцу дадому да бацькоў, каб аддаць ім ключы ад кватэры, у якой павінен быў адбыцца ператрус. Пасля ператрусу Яна разам з бацькамі адвезлі ў КДБ, дзе дапыталі ў якасці сведкі, а затым перавезлі ў Савецкае РУУС. Там, па словах сведкі-міліцыянта, ён і "здзейсніў правапарушэнне". Міліцыянт на судзе пацвердзіў непадпарадкаванне. Суддзя Шаціла прызнаў Яна вінаватым і арыштаваў яго на 10 сутак.

⚖️Сяргея Анановіча судзіў таксама суддзя Шаціла. Сваю віну мужчына не прызнаў, бо сцвярджае, што выйшаў са службовай машыны па першаму патрабаванню. У сваіх паказаннях ён пацвердзіў усе словы сына. Сяргей даглядае сваю 86-гадовую маці, якая знаходзіцца ў цяжкім стане з-за кавіда, таму суддзя аштрафаваў Сяргея на 2900 рублёў (100 базавых велічыняў).

⚖️Найбольш жорсткае пакаранне вынеслі Таццяне Шчаснай, справу якой разглядзеў суддзя Аляксандр Волк. Жанчына на судзе заявіла, што гэта ўсё няпраўда і суддзя гэта павінень разумець. Са словаў Таццяны, яна дабраахвотна выйшла са службовай машыны і прайшла ў РУУС. Сведка "Любімаў" на судзе сцвярджаў, што жанчыну затрымалі для "высвятлення асобы", а ва дворыку адмовілася прайсці за ім. Відэакамеры ў двары РУУСа, вядома, не працавалі. У выніку, разглядзеўшы справу за 15 хвілін, суддзя Волк арыштаваў Шчасную на 15 сутак.

Журналістка "Радыё Свабода" Іна Студзінская на волі

Крыніца: @radiosvaboda