‼️Аўдыё тых самых словаў Сцяпана Латыпава, пасля якіх ён паспрабаваў перарэзаць сабе горла.

«Отец! После свидания ко мне пришел ГУБОП. Пообещал, что если я не признаю вину, у меня будет пресс-хата, уголовные дела против родных и соседей. Пресс-хата у меня была — 51 день. Так что ты готовься»

Дзмітрыя Стахоўскага сёння крэміравалі.

Нагадаем, 18-гадовы падлетак скончыў жыццё самагубствам праз пераслед за масавыя беспарадкі

У каледжы лёгкай прамысловасці і комплекснай лагістыкі, дзе вучыўся хлопец, прадстаўнікі адміністрацыі зайшлі ў клас, выбралі 10 вучняў, прымусілі здаць тэлефоны і павезлі на крэміраванне Дзімы — не тлумачачы куды.

Больш ніхто на крэміраванне патрапіць не змог — ні знаёмым, ні сябрам дату, час і месца не паведамілі.

Што будзе з прахам — невядома.

У Дзімы была прыёмная сям'я ў Італіі, куды ён прыязджаў. Маці знаходзіцца ў шокавым стане пасля навіны пра смерць хлопца.

Яшчэ аднаго асуджанага Гарадзенскі абласны суд замест «хіміі» адправіў у калонію

Жыхару Ваўкавыска Аляксандру Патаповічу змянілі прысуд — замест 2,5 гадоў «хіміі» мужчыне прызначылі 2,5 года калоніі агульнага рэжыму.

Крымінальная справа Аляксандра Патаповіча стала адной з першых палітычных спраў, узбуджаных пасля поствыбарчых пратэстаў, якую пачалі разглядаць у судзе. Мужчыну абвінавачвалі ў тым, што ён паспрабаваў наехаць на двух супрацоўнікаў ваўкавыскай міліцыі. Аляксандра асудзілі на 2,5 года «хіміі», аднак пракуратура палічыла гэты прысуд занадта мяккім.

Падрабязнасці 👉 bit.ly/3yVBUMo

«Кажа, не важна, які тэрмін дадуць, важна, каб іх памяталі і чакалі». Што бацька Сцяпана Латыпава расказваў пра сваю сустрэчу з сынам вясной

— Ён выглядаў нармальна, бадзёра — калі дарэчы такое слова ў адносінах да гэтага месца. Нават жартаваў трошкі. У ізалятары вісіць памятка, пра што можна і нельга казаць, так што падрабязнасці яго справы і побыту мы не абмяркоўвалі. Ведаю толькі, што спачатку ён сядзеў у больш зручнай камеры, потым трапіў у тую, дзе больш людзей, там паляць. Сцяпан не курыць, але я яму перадаваў неяк цыгарэты па яго просьбе — чуў, дзякуючы гэтаму неяк дамаўляюцца з сакамернікамі, каб разам ўжывацца.

— Ён не шкадуе аб мінулым, аб тым, што адбывалася на «Плошчы пераменаў» восенню?

— Я такой інфармацыі ад яго не атрымліваў. Адзінае, што пры нашай сустрэчы прагучала: што на іх [«палітычных» зняволеных] аказваецца вялікі псіхалагічны ціск. Ім кажуць, што яны злачынцы, крымінальнікі, але ён ведае, што пацярпеў за іншае. Кажа, не важна, які тэрмін дадуць, важна, каб іх памяталі і чакалі.

Сцяпана Латыпава прааперавалі.

«Пашкоджанняў жыццёва важных органаў не выяўлена. Пакуль у наркозе на штучнай вентыляцыі лёгкіх. Стан здавальняючы. Плануецца шпіталізацыя», — піша @belhalat_by.

❗️ У Беларусі +5 новых палітвязняў.

Гэта Руслан Валюк, Арцем Кандрацьеў, Дзмітры Лукашэвіч, Андрэй Шарэнда ды Сяргей Рудзінскі.

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/3ySUyVl

Спіс усіх палітвязняў Беларусі 👉 bit.ly/306kkW9

​Намеснік дырэктара "Белсат TV" Аляксей Дзікавіцкі далучыўся да праекту "Паштоўкі ад вясноўкі" і напісаў ліст Алене Маўшук - шматдзетнай маці, якая стала фігуранткай "Пінскай справы", асуджанай да 6 гадоў калоніі агульнага рэжыму.

"Дарагая Алена, дарагая зямлячка!
Хаця Вы крыху маладзейшая за мяне, але раслі мы з Вамі ў Пінску прыкладна ў той самы час, хаця і ніколі, хіба, не былі знаёмыя.
Ведаеце, на сваю першую акцыю я, разам з трыма сваімі аднакласнікамі, выйшаў яшчэ за савецкім часам - 7 лістапада 1990 году, з нацыянальным сцягам і зробленым з прасціны транспарантам “Вялікі Кастрычнік зрабіў нас рабамі!”. Потым перастаў існаваць СССР, а ўсе тыя мае аднакласнікі жывуць цяпер за мяжой, акрамя аднаго, якога, дарэчы, таксама як і Вас, моцна збілі ў родным горадзе праз 30 гадоў. Потым была яшчэ не адна акцыя, кароткая адсідка “на падвале”, а на пачатку 2000-х з’ехаў і я. Памятаю, як мяне не разумелі сябры – навошта, маўляў, гэта ўсэ табе, Лёша, што ты са сцягамі бегаеш – зарабляй, жыві нармальна!
Здараліся моманты, калі і сам я думаў, што б’юся галавой аб сцяну, што нікому мая, нашая “праўда” не патрэбная. Але мінулыі гады і аказалася, што гэта не так – беларусы абудзіліся і выйшлі дамагацца права “людзьмі звацца”, у тым ліку і ў нашым родным Пінску. Ніколі не забуду, як сціснулася маё сэрца, калі ўбачыў вялізны натоўп пінчукоў, якія крочылі па вуліцах нашага з Вамі гораду з вялізным нацыянальным сцягам, метраў можа сто. Там былі і Вы. Значыць, гэтыя гады не прайшлі дарэмна.
Гэтаксама і Вы, калі ласка, ніколі не думайце, што вашая ахвяра – дарэмная. Вам, натуральна, непараўнальна цяжэй цяпер – даўгі вырак, на свабодзе засталіся дзеці, з якімі Вас разлучылі. Але Беларусь, Пінск у якія вы вернецеся (веру, што гэта здарыцца значна раней, чым праз тыя 6 гадоў, якія Вам прысудзілі) будуць зусім іншымі – свабоднымі, справядлівымі і шчаслівымі. А Вашым дзецям ніколі не будзе за Вас сорамна.
Вось тады мы з Вамі, дарагая зямлячка, абавязкова нарэшце пазнаёмімся і сядзем у “Хвілінцы”, у сэрцы нашага роднага гораду, выпіць кавы.
Сілаў Вам. Моцна Вас абдымаю,
Аляксей Дзікавіцкі"

Вы таксама можаце напісаць ліст падтрымкі Алене Уладзіміраўне Маўшук:
СІЗА-6. 225413, г. Баранавічы, вул. Брэсцкая, 258 В

Таксама заклікаем вас пісаць лісты і іншым палітвязням, інфармацыю пра палітвязвяў можна ўзяць на тэматычных сайтах:
1) https://prisoners.spring96.org/be
2) https://politzek.me/friends
3) https://dissidentby.com

#паштоўкіадвясноўкі

Журналіст Дзмітрый Руто на Акрэсціна

Нагадаем, журналіст быў затрыманы раніцай з-за бел-чырвона-белага шаліку ў машыне.

Увечары Руто быў дастаўлены ў ЦІП на Акрэсціна, ён знаходзіцца ў статусе абвінавачанага па адміністратыўнай справе.

Судовае пасяджэнне будзе праходзіць у судзе Кастрычніцкага раёна Мінска. Пра дзень суда не паведамляецца.

Ніхто з абвінавачаных не прылічаў сябе да «радыкалаў» ці «фашыстаў». У судзе па справе антыфашыстаў дапыталі сведак

Працягваецца судовы разгляд па крымінальнай справе ў дачыненні да антыфашыстаў — братоў Тамаза і Цімура Піпія, Віталя Шышлова і Дзяніса Болтуця. Хлопцаў вінавацяць па шэрагу артыкулаў КК.

На пасяджэннях, якія прайшлі 28 траўня і 1 чэрвеня, суд дапытаў сведак і азнаёміўся з першым томам пісьмовых матэрыялаў справы.

«Віталік і гвалт — рэчы несумяшчальныя. Ён можа толькі дапамагаць! І калі ён не можа трымаць дыстанцыю, самаабарона — максімум, на што ён здольны».

Падрабязнасці 👉 bit.ly/3paPwPD

​​❗️«Калі я лёг, то пачуў гук перадзёрнутага затвора пісталета». Расіянін Ягор Дуднікаў распавёў з СІЗА пра сваё затрыманне

У Мінску па падазрэнні ў «арганізацыі групавых дзеянняў, якія груба парушаюць грамадскі парадак» быў затрыманы 20-гадовы грамадзянін Расіі Ягор Дуднікаў. Пазней стала вядома, што крымінальную справу супраць яго распачалі з-за таго, што ён агучваў ролікі для беларускай апазіцыі.

Ягор праз адваката распавёў, як яго затрымлівалі, збівалі, дапытвалі ў СІЗА КДБ і ў чым канкрэтна яго абвінавачваюць.

🔻 «Іх было шмат — я адзін. Я адразу зразумеў "што да чаго": працаваў ГУБАЗ, не шкадуючы рук, — білі нагамі і рукамі пры затрыманні. Крычалі: "Мразь, дабегаўся?" У мяне ўсё ў вачах пацямнела...»;
🔻 «У машыне закінулі на задняе сядзенне, рукі былі пастаянна ў кайданках. Сказалі, што паедуць закопваць мяне. "Саджаць бульбу", — так пажартаваў адзін з іх»;
🔻 «Мяне білі, бо я віну не прызнаваў. Білі жорстка»;
🔻«Сказалі, што калі я буду выдзелывацца, то павязуць у аддзяленне АМАПу, і тады мне ўзгадаюць усе мае словы (у агучаных роліках)»;
🔻«Яны казалі, калі я не буду ісці на кантакт, прыедуць да маёй дзяўчыны, і мала ёй не падасца».

Падрабязнасці 👉 bit.ly/3fJ3XYc

🔹Пяць расейцаў, якіх утрымліваюць па «палітычных артыкулах» у беларускіх СІЗА. Распавядаем, што вядома пра іх цяпер
🔹«Ён закаханы хлапчук, а не падрыхтовец паўстанняў». 20-гадовага расейца абвінавачваюць у арганізацыі пратэстаў у Мінску

Справаздача наконт сітуацыі з правамі чалавека ў Беларусі ў траўні

📍Затрымана як мінімум 332 чалавекі;
📍Маніторынг судовых працэсаў засведчыў шматлікія парушэнні прынцыпаў справядлівага судовага разбяральніцтва і працэсуальных правоў і гарантый абвінавачаных;
📍Наўмысна створаныя адміністрацыямі ЦІП і ІЧУ бесчалавечныя ўмовы ўтрымання, для падвергнутых адміністрацыйнаму арышту за ўдзел у мірных сходах, расцэньваюцца экспертамі як катаванні.

❗️На працягу месяца сітуацыя з правамі чалавека ў краіне працягвала значна пагаршацца.

Падрабязны агляд сітуацыі з правамі чалавека ў Беларусі ў траўні 👉 bit.ly/3vIrvSh

У калоніі на Арцёма Анішчука ўзбудзілі новую «крыміналку», але да яго не пускаюць адваката і пазбавілі спатканняў да жніўня

На асуджанага да двух гадоў пазбаўлення волі фігуранта справы «пяцёркі, якая пашкодзіла машыну жонкі начальніка з Дэпартамента выканання пакаранняў», у Магілёўскай калоніі завялі новую справу за «злоснае непадпарадкаванне патрабаванням адміністрацыі выпраўленчай установы». Папярэдняя прычына — Арцём нібыта парушыў рэжым: двойчы адмовіўся прыбірацца. Але некалькі тыдняў ні родныя, ні адвакат не могуць з ім звязацца, ад самога асуджанага не паступае ніякіх звестак.

❗️Жонка Арцёма Вольга распавяла, што 1 чэрвеня да яе мужа ў магілёўскай калоніі зноў не пусцілі адваката. Гэта ўжо чацвёрты раз. Таксама Вольга расказала, што Арцёма пазбавілі права на спатканні да 21 жніўня. Ён пісаў у лістах жонцы, што перадачы «няхутка яна зможа перадаць».

Падрабязнасці 👉 bit.ly/3fHBTnR

Да Дзяніса Дудзінскага прыйшлі сілавікі, паведамляе @onlinerby

Па словах жыхароў дома, у пад'езд ўвайшлі двое мужчын у цывільным адзенні. Пазней, у пошуках панятых, паведамілі: з фінансавай міліцыі, прыйшлі для правядзення нейкіх дзеянняў да Дудзінскага.

Тэлефоны самога Дзяніса і яго жонкі пакуль не адказваюць.

⚡️«Ён ішоў, спыніўся, выгукнуў некалькі разоў "Жыве Беларусь" і пайшоў далей». Хлопца арыштавалі на 15 сутак за белы бранзалет на руцэ

31-гадовы Аляксандр Клубовіч быў затрыманы днём 29 траўня. На вуліцы Герцэна да хлопца падышлі двое невядомых у цывільным і сазалі, што «Аляксандр падыходзіць пад апісанне». Хлопца адвезлі ў аддзяленне, бо ў яго не было з сабой дакументаў. На руцэ ў Клубовіча быў белы бранзалет, які, на думку хлопца, і стаў прычынай затрымання. Але ў Цэнтральным РУУСе на Клубовіча склалі пратакол па арт. 24.23 КаАП за пікетаванне і лозунг "Жыве Беларусь".

Справу Аляксандра разглядзеў суддзя Цэнтральнага раёна Дзмітрый Карсюк. Па словах сведкі-міліцыянта, правапарушэнне адбылося "вельмі хутка": «Клубовіч ішоў, спыніўся, выгукнуў некалькі разоў "Жыве Беларусь" і пайшоў далей».

Аляксандр растлумачыў суду, што ў гэты момант ішоў у бар да сваёй каманды, з якой у той дзень павінна была прайсці гульня. Суду былі прадастаўлены дакументы, якія пацвярджаюць гэта.

⚖️Адвакат хадайнічаў запатрабаваць відэазапісы з відэарэгістратара сведкі "Александровіча" і з камеры вонкавага назірання бара. Суддзя Карсюк адхіліў, заявіўшы, што сабраных доказаў дастаткова для прыняцця рашэння па справе. Вынік – 15 сутак.

Дырэктарка «Белсату» Агнешка Рамашэўская паведаміла ў сваім Twitter, што тры з пяці зняволеных у Беларусі палякаў былі вывезеныя да Польшчы

Гэта, імаверна, палітзняволеныя Ірэна Бярнацкая, Марына Цішкоўская ды Ганна Панішава.

Вярнуцца ў Беларусі яны цяпер не могуць. На мяжы ім далі падпісаць адпаведныя паперы.

Крыніца: @belsat