37-гадоваму кіроўцу з Кобрына прысудзілі год калоніі за каментар пра Лукашэнку

У судзе Кобрынскага раёну 2 кастрычніка асудзілі Сяргея Шымко паводле ч. 1 арт. 368 (абраза Лукашэнкі) Крымінальнага кодэкса. Суддзя Таццяна Каберская прызначыла Сяргею адзін год калоніі ва ўмовах агульнага рэжыму.

Судовае пасяджэнне мела выязны фармат. Кобрынца абвінавацілі ў тым, што ён 21 кастрычніка 2021 года пакінуў інтэрнэт-каментар у бок Лукашэнкі ў адным з тэлеграм-чатаў.

Сяргею 37 гадоў, ён працаваў кіроўцам у міжнароднай кампаніі.

Чытаць па спасылцы 👉 https://spring96.org/be/news/113109

❗️Палітзняволенага Міхаіла Лапунова пяты раз запар асудзілі да адміністрацыйнага арышту — ён за кратамі ўжо 71 дзень

Апошні тэрмін яго чацвёртага адміністрацыйнага арышту павінен быў скончыцца 9 кастрычніка, але замест волі Міхаіл чарговы раз быў асуджаны па частцы 2 артыкула 19.11 КаАП РБ («Распаўсюд экстрэмісцкіх матэрыялаў»).

Суддзя Алеся Осіпава прызначыла яму 15 сутак адміністрацыйнага арышту, піша @ViasnaHomel.

Міхаіл быў затрыманы 8 жніўня і з таго часу бесперапынна знаходзіцца за кратамі.

Сын Міхаіла – Мікіта Залатароў – адзін з наймалодшых затрыманых у выніку пратэстаў 2020 года. Агульны тэрмін пакарання для яго склаў 4 гады і 6 месяцаў выхаваўчай калоніі.

💌Падтрымаць палітвязня: ІЧУ УУС Гомельскага райвыканкама. 246027, Гомель, Міжгародняя, 26, Міхаіл Рыгоравіч Лапуноў
💻Напісаць анлайн

Беларусу прызначылі штраф у 3330 рублёў за фота ў майцы з «Пагоняй» у Tinder

Гэта сітуацыя адбылася ў Верхнядзвінску, піша @vitebsk_info. Мясцовыя міліцыянты ўбачылі ў дадатку для знаёмстваў фота мужчыны ў майцы з Пагоняй і склалі на яго пратакол паводле арт. 24.23 КаАП (парушэнне парадку арганізацыі і правядзення масавых мерапрыемстваў).

Суддзя мясцовага суда Таццяна Кукліна аштрафавала мужчыну на 3330 рублёў, а саму майку загадала знішчыць.

Жыхара Наваполацка арыштавалі на 30 сутак за "экстрэмісцкія" падпіскі і фота з БЧБ-сцягам

Дальнабойшчыка Дзмітрыя Тарбеева затрымалі супрацоўнікі ГУБАЗіКу 10 кастрычніка ў Наваполацку. У ягоным тэлефоне на старонцы ў Instagram сілавікі знайшлі падпіскі на "Радыё Свабоду", "Белсат" і "Краіну для жыцця", а таксама фота з бел-чырвона-белымі сцягамі.

За гэта супраць яго склалі адразу два адміністрацыйныя пратаколы: па арт. 19.11 КаАП (распаўсюд экстрэмісцкіх матэрыялаў), а таксама па арт. 24.23 КаАП (несанкцыянаванае пікетаванне). Па інфармацыі @vitebsk_info, 11 кастрычніка над Тарбеевым адбыўся суд. Дзмітрый сваю віну прызнаў, але адмовіўся даваць паказанні.

Суддзя Зінаіда Балаболава прызнала Тарбеева вінаватым і асудзіла да 30 сутак арышту.

«Асацыяцыя Беларускага Бiзнесу за Мяжой» прызнаная «экстрэмісцкім фармаваннем»

Адпаведнае рашэнне прынятае КДБ 13 кастрычніка.

Асобна ў рашэнні КДБ пазначаны людзі, якія нібыта кіруюць асацыяцыяй — Яўген Буры і Марына Гірын.

❗️У Слуцку вынесены смяротны прысуд

У Слуцку Мінскі абласны суд у выязным пасяджэнні разглядзеў крымінальную справу супраць бацькоў Аляксандра і Анастасіі Таратутаў за забойства іх трохгадовага дзіцяці.

19 кастрычніка суддзя прызнаў іх вінаватымі і прызначыў Анастасіі 25 гадоў калоніі ва ўмовах строгага рэжыму, а Аляксандру — смяротнае пакаранне шляхам расстрэлу. Менавіта такое пакаранне запрасіў пракурор.

Як распавяла праваабаронцам «Вясны» былая сукамерніца Анастасіі Таратуты, пасля затрымання ў слуцкім аддзеле Следчага камітэта яе білі аголеным электрапровадам з патрабаваннем даць прызнальныя паказанні.

Паводле словаў сукамерніцы Анастасіі, пасля таго, як Аляксандр пачаў збіваць дзіцёнка, яна звярталася ў міліцыю, але яго толькі аштрафавалі. У 2023 годзе яна раілася з супрацоўнікамі сацыяльнай службы аб разводзе, але тыя раілі «захаваць сям'ю».

Падрабязнасці 👉 https://dp.spring96.org/be/news/113111

🗣Каардынатар кампаніі «Праваабаронцы супраць смяротнага пакарання ў Беларусі» Андрэй Палуда пракаментаваў смяротны прысуд, вынесены 19 кастрычніка:

«Справа з катаваннямі і забойствам маленькага хлопчыка яго бацькамі выклікала буру эмоцый у грамадстве. І гэта абсалютна зразумелая рэакцыя. Такія рэчы ў цывілізаваным свеце не мусяць адбывацца.

Я не кажу, што за такія рэчы не мусіць быць пакарання. Пакаранне мусіць быць абавязкова — і мусіць быць строгім і непазбежным. Павінна быць правасуддзе. Але правасуддзе мусіць быць без забойства, якое нічога не вырашае. Яно не нясе ніякай прафілактычнай мэты, як вельмі часта можна пачуць.

Нагадаю, зусім нядаўна, расстралялі Віктара Скрундзіка — таксама жыхара Слуцкага раёну — ці спыніла гэта ў сваіх дзеяннях Аляксандра Таратуту? Мы бачым, што не. Праблема нашмат глыбей і яна не вырашаецца "хірургічным шляхам" у выглядзе чарговага смяротнага прысуду. Гэта чарговае забойства за забойства».

🔹У Слуцку вынесены смяротны прысуд

❗️Палітзняволенаму актывісту Змітру Дашкевічу прызначылі яшчэ адзін год калоніі

У судзе Барысаўскага раёна 19 кастрычніка вынеслі прысуд палітзняволенаму Змітру Дашкевічу. Нагадаем, актывіста разам з жонкай Настай абвінавацілі ва ўдзеле ў акцыі пратэсту 23 жніўня 2020 года. 14 ліпеня 2022 года Змітру прызначылі 1,5 года калоніі, а Насце — 3 гады «хатняй хіміі».

Палітзняволены актывіст павінен быў выйсці на волю з папраўчай калоніі № 14 па заканчэнні тэрміну 11 ліпеня. Але адразу па выхадзе яго затрымалі ў межах новай крымінальнай справы па арт. 411 КК — «Злоснае непадпарадкаванне патрабаванням адміністрацыі калоніі».

Суддзя Таццяна Дзеравянка прызначыла палітвязню яшчэ адзін год калоніі ва ўмовах строгага рэжыму.

Чытаць па спасылцы 👉 https://spring96.org/be/news/113113

💌Падтрымаць Змітра грашовымі пераводамі, пасылкамі і тэлеграмамі: Следчая турма № 8. 222163, Жодзіна, Савецкая, Зміцер Вячаслававіч Дашкевіч
💻Напісаць анлайн

Супраць жыхаркі Гомеля распачалі крымінальную справу за «распальванне варожасці» за каментар у Instagram

Як паведамляе «Гомельская Вясна», Наталлю Маркушэнка вінавацяць паводле ч. 1 арт. 130 КК.

Нагодай для крымінальнай справы стаў каментар жанчыны у Instagram наступнага зместу: «Белорусское руководство ничего не будет делать против РАШИСТОВ!!! Оно ж ими кормится!!!!». Менавіта гэты выраз палічылі «распальваючым варожасць».

Унука легенды футбольнага мінскага «Дынама» будуць судзіць па крымінальнай справе

1 лістапада ў судзе Заводскага раёна Мінска будзе разглядацца справа ў дачыненні да Артура Мустыгіна і Ягора Прытуліка. Ім інкрымінаваны «народны» арт. 342 КК. Судовы працэс прызначаны весці суддзя Дзмітрый Лукашэвіч.

Артур — трэнера юніёрскага «Дынама-Мінск» і унук Міхаіла Мустыгіна, аднаго з самых знакамітых футбалістаў у гісторыі беларускага футбола. Яго затрымалі 5 жніўня і на «пакаяльным відэа» прымусілі «прызнаецца» ў тым, што ён нібыта ўдзельнічаў у паслявыбарчай акцыі пратэсту, а таксама дасылаў інфармацыю ў чат-бот ініцыятывы «Голас».

Беларускі ГУБАЗіК стаіць на абароне інтарэсаў Расіі — трое беларусаў затрыманыя за каментары ў падтрымку Украіны

ГУБАЗіК адсправаздачыўся аб затрыманні траіх супрацоўнікаў «Белспецэнерга» — паводле відэа сілавікоў, беларусы пісалі каментары ў падтрымку Украіны і з асуджэннем расійскай агрэсіі, а таксама расклейвалі антываенныя ўлёткі. Таксама яны нібыта былі падпісаныя на «экстрэмісцкія» каналы і суполкі.

ГУБАЗіК назваў затрыманых «пранацысцкімі заўкраінскімі экстрэмістамі з бчб-аватаркамі, якія часам агітавалі за дэструктыў супраць сваёй краіны».

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць пастанову суда
✍️Звязацца з журналістамі «Вясны»

✊Еўрапейскія дыпламаты прыйшлі да будынка Вярхоўнага суда, каб выказаць салідарнасць з Віктарам Бабарыкам

У Вярхоўным судзе Рэспублікі Беларусь на сёння прызначана пасяджэнне па справе Бабарыкі, які быў асуджаны да 14 гадоў пазбаўлення волі.

«Прадстаўніца Пасольства Германіі ў Мінску разам з прадстаўнікамі іншых дыпмісій у Беларусі прыйшлі сёння да будынка суда да пачатку пасяджэння, каб выказаць сваю салідарнасць з Віктарам.

Ад Бабарыкі няма вестак ужо шмат месяцаў. Апошняй навінай стала тое, што ў канцы красавіка 2023 года ён быў змешчаны ў бальніцу ў Наваполацку, а да гэтага на працягу доўгага часу знаходзіўся ў небяспечных для здароўя турэмных умовах.

Федэральны ўрад Германіі патрабуе вызвалення палітвязняў у Беларусі», — гаворыцца ў заяве нямецкіх дыпламатаў.

⚖️У Маладзечне да 12 сутак арышту асудзілі Юрыя Гарадзінскага

Вядома, што мужчыну затрымалі яшчэ на выходных. У панядзелак, 16 кастрычніка, над Гарадзінскім адбыўся суд, вынікам якога стаў 12-сутачны арышт. Дакладнай прычыны затрыманьня невядома, але блізкія мяркуюць, што яго асудзілі паводле арт. 24.23 КаАП (несанкцыянаванае пікетаванне).

У Старых Дарогах пачаўся чарговы суд над пенсіянерам Васілём Дземідовічам

Яго абвінавачваюць паводле арт. 369 КК (абраза прадстаўніка ўлады) і арт. 368 КК (абраза Лукашэнкі). Справу разглядае суддзя Наталля Зык.

Гэта ўжо сёмы суд над пенсіянерам. Агулам яго асудзілі на 7 гадоў пазбаўлення волі, пры гэтым вынік апошніх двух судоў пакуль невядомы. У зняволенні Васіля Іванавіча ўтрымліваюць ужо амаль год і чатыры месяцы.

У сувязі з тым, што палітзняволенага ўнеслі ў «спіс тэрарыстаў», яму нельга рабіць грашовыя пераводы. Апроч гэтага, у Васіля няма сваякоў, якія маглі б яго падтрымаць. Адзначым, што за апошні год пенсіянер перажыў дзясяткі этапаў. Этапуюць палітвязняў у цяжкіх умовах — таму гэта пакідае вельмі дрэнны адбітак на здароўі Васіля.

(Не) апошняе слова Васіля Іванавіча на адным з судоў

Прэмію Сахарава прысудзілі загінулай у Іране Махсе Аміні і пратэснаму руху «Жанчыны, жыццё, свабода»

Махсу Аміні ў верасні 2022 года затрымалі супрацоўнікі паліцыі па абвінавачанні ў няправільным нашэнні хіджабу. З паліцэйскага ўчастка дзяўчыну павезлі ў лякарню, дзе праз некалькі дзён яна памерла. Сваякі Аміні лічаць, што прычынай яе смерці стала збіццё супрацоўнікамі сілавых структур. Пасля яе смерці ў Іране пачаліся пратэсты пад лозунгам «Жанчыны, жыццё, свабода».

Прэмія Сахарава была зацверджана Еўрапарламентам у 1988 годзе і ўручаецца асобам, якія «ўнеслі выключны ўклад у барацьбу за правы чалавека па ўсім зямным шары». Яна названа ў гонар савецкага праваабаронцы і дысідэнта Андрэя Сахарава.

У 2004 годзе прэмію атрымала Беларуская асацыяцыя журналістаў, у 2006-ым — Аляксандр Мілінкевіч, а ў 2020-ым — Дэмакратычная апазіцыя Беларусі.

🎉Павіншуйце фігуранта "справы Ціханоўскага" Аляксандра Арановіча з Днём народзінаў

Аляксандр — удзельнік каманды "Страна для жизни", разам з камандай ездзіў па рэгіёнах Беларусі на брэндаваным аўтадоме. Жыў горадзе Старыя Дарогі. Ездзіў на заробкі ў Расію, да рэпрэсій працаваў кіроўцам.

Яго абвінавацілі ў "арганізацыі дзеянняў, што груба парушылі грамадскі парадак" (арт. 342 КК) і "падрыхтоўцы да ўдзелу ў масавых беспарадках" (п. 13 ч. 2 арт. 293 КК) за захоўванне на гарышчы дома ў сваіх бацькоў старой дымавой шашкі. 27 красавіка 2021 года суд прызначыў яму 6 гадоў калоніі.

У Івацэвічах 7 ліпеня адбыўся суд па замене палітвязню рэжыму ўтрымання. Па рашэнні суддзі Васіля Аўрусевіча яго перавялі ў магілёўскую турму.

Сёння Аляксандр адзначае 41-годдзе ў зняволенні.

💌Падтрымайце Аляксандра: Турма № 4. 212011, г. Магілёў, вул. Крупскай, 99А, Арановічу Аляксандру Валянцінавічу
💻Напісаць анлайн

📸19 кастрычніка 1988 года ў Мінску прайшоў устаноўчы сход таварыства «Мартыралёг Беларусі» — грамадскага гісторыка-асветніцкага таварыства памяці ахвяраў камунізму і сталінскіх рэпрэсіяў у Беларусі

У стварэнні таварыства прымаў удзел і праваабаронца Алесь Бяляцкі.

На першым урачыстым паседжанні «Мартыралёгу Беларусі», якое адбылося ў Чырвоным касцёле, быў створаны арганізацыйны камітэт дзеля стварэння Беларускага Народнага Фронту «Адраджэнне» на ўзор ужо створаных тады народных франтоў у Балтыі.

🇺🇦Былому палітвязню Андрэю Кудзіку прызначылі 15 сутак арышту за віншаванне Украіны з Днём Незалежнасці ў TikTok

Пра гэта актывіст паведаміў на сваёй старонцы ў Facebook.

Яго справу 19 кастрычніка ў судзе Вілейскага раёну разглядала суддзя Алена Ахметава. Андрэя абвінавацілі ў тым, што 24 жніўня ён размясціў у сваім TikTok свае фотаздымкі з подпісам «З Днём Незалежнасці, Украіна». Гэта палічылі «несанкцыянаваным пікетаваннем».

Кудзік на судзе віну не прызнаў і распавёў, што ўбачыў 24 жніўня віншаванне Лукашэнкі з Днём Незалежнасці Украіны і таксама вырашыў павіншаваць суседні народ.

У выніку, суддзя Ахметава прызначыла былому палітвязню 15 сутак арышту. Як адзначыў на сваёй старонцы Андрэй, пасля суда яго адпусцілі дамоў.

Магілёўца асудзілі на тры гады калоніі за публікацыю фота Лукашэнкі ў форме СС

У судзе Кастрычніцкага раёну Магілёва асудзілі Арцёма Лапікава паводле арт. 367 (паклёп на Лукашэнку) Крымінальнага кодэкса. Суддзя Жанна Пушкіна прызначыла Арцёму тры гады калоніі ва ўмовах агульнага рэжыму.

Мужчыну затрымалі ў жніўні. Яго абвінавацілі ў публікацыі пасля выбараў у 2020 годзе ў сябе на старонцы ў Instagram фотаздымка Лукашэнкі ў форме СС. Публікацыя суправаджалася вершам, тэкст якога невядомы.

Чытаць па спасылцы 👉 https://spring96.org/be/news/113115