📍У праваабаронцы Уладзіміра Целяпуна праводзяць ператрусы на лецішчы і ў кватэры

Сталі вядомыя падрабязнасці ператрусу ў мазырскага праваабаронцы Уладзіміра Целяпуна. Раніцай супрацоўнікі міліцыі правялі вобшук на лецішцы Уладзіміра, а цяпер паехалі на яго кватэру. Тэхніку пасля ператрусу не забіраюць, а толькі значкі «Вясны», кнігі, паштоўкі і плакаты.

Прадстаўнікі якога ведамства праводзяць ператрус — пакуль невядома.

Хроніка палітычнага пераследу 👉 https://bit.ly/3los2pE (З Беларусі – праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

‼️Адбываецца ператрус у Васіля Палякова — гомельскага палітыка і грамадскага дзеяча АГП

«Аб’яднаная Грамадзянская Партыя» на сваёй старонцы ў Facebook паведаміла, што зараз праходзіць ператрус у Васіля Палякова з Гомеля.

📌Нагадаем, 8 ліпеня Васіля затрымлівалі ў межах крымінальнай справы па арт. 289 (акт тэрарызму). Тыдзень яго ўтрымлівалі ў гомельскім ІЧУ. 15 ліпеня яго адпусцілі на волю.

Гомельскую журналістку Ларысу Шчыракову дапыталі ў ДФР пасля ператрусу

Сталі вядомыя падрабязнасці ператрусу ў гомельскай журналісткі Ларысы Шчыраковай. Да яе прыйшлі супрацоўнікі Дэпартамента фінансавых расследаванняў. Ператрус пачаўся ў 7:15 і доўжыўся прыкладна паўтары гадзіны.

У выніку ў журналісткі забралі тэлефон, фота і відэа абсталяванне, назапашвальнікі інфармацыі (вінчэстары, флэшкі). Пасля ператрусу, яе дапыталі ў ДФР. Ларыса Шчыракова адмовілася сведчыць супраць сябе, паведамляе "Гомельская вясна". Падрабязнасці справы, у рамках якога прайшоў ператрус, яна не паведамляе, так як вусна была папярэджана аб адказнасці за разгалошванне матэрыялаў следства.

Хроніка палітычнага пераследу 👉 https://bit.ly/3los2pE (З Беларусі – праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

🔻Раніцай 1 снежня прайшоў ператрус у гарадзенскай журналісткі Надзеі Віцінай. Яна затрыманая як сведка «па нейкай справе, у якім фігуруе яе асабістая перапіска».

🔻У Брэсце раніцай супрацоўнікі міліцыі прыйшлі да Алены Жушма.

🔻Таксама вядома пра ператрус у рэчыцкага актывіста Алега Карбалевіча. Сілавікі забралі яго кампутар, а яго павезлі ў РАУС.

Хроніка палітычнага пераследу 👉 https://bit.ly/3los2pE (З Беларусі – праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Яшчэ два палітвязні паедуць у калонію

29 лістапада суд Маладзечна і Маладзечанскага раёна вынес прысуд палітвязням Аляксею Чашуну і Уладзіславу Тамашэвічу. Іх абвінавацілі ў абразе дзяржаўных сімвалаў (арт. 370 Крымінальнага кодэксу).

Юнакі былі затрыманыя 7 верасня гэтага года і да суда ўтрымліваліся ў следчай турме №8 у Жодзіна.

Справу разглядала суддзя Вольга Дубовік. Вядома, што Аляксея і Уладзіслава абвінавацілі ў тым, што яны падпалілі дзяржаўны сцяг, размешчаны каля адной з крам сяла Чырвонае Маладзечанскага раёна.

У выніку суддзя Дубовік прысудзіла абодвум па аднаму году зняволення ў калоніі агульнага рэжыму. Вядома, што дзяржабвінаваўца прасіў для аднаго 3 месяцы арышту, а для другога - 1 год хатняй хіміі. Але суддзя вынесла больш жорсткае пакаранне.

⚖️У Брэсце распачаўся суд над 11-ай групай фігурантаў «справы карагодаў»

Сёння ў судзе Маскоўскага раёна Брэста распачаўся працэс над яшчэ 11-ю фігурантамі «справы карагодаў». Іх судзіць Таццяна Лаўрэнюк.

Як паведамляюць брэсцкія праваабаронцы, абвінавачаны Міхаіл Любчук не з’явіўся ў суд — яго абвясцілі ў вышук. Але ў гэтай групе вырашылі судзіць 23-гадовага палітвязня Віктара Кухарчука, які ўтрымліваецца ў брэсцкім СІЗА з 27 кастрычніка.

📍Па «справе карагодаў» ужо асуджана 102 чалавекі. Агулам ім прысудзілі:
- 82,5 года «хіміі»;
- 71 год «хатняй хіміі»;
- 12 гадоў і 2 месяцы калоніі.

❗️Васіль Палякоў пасля ператрусу знаходзіцца на волі. Зараз ён дома, тэлефон яго забралі.

Як паведамляе «Віцебская вясна», сёння затрымалі былога палітвязня Міхаіла Жамчужнага. У яго на 1 снежня быў прызначаны суд з нагоды зменаў патрабаванняў прэвентыўнага нагляду.

За абразу намесніка камандзіра АМАП у Гродна асудзілі жыхара Мінска

Суд Кастрычніцкага раёна Гродна 30 лістапада разгледзеў крымінальную справу ў дачыненні да 38-гадовага аўтаслесара з Мінска Яўгена Гоманава. Яго абвінавацілі ў абразе прадстаўніка ўлады па арт. 369 Крымінальнага кодэкса.

Паводле абвінавачання, Гоманаў у тэлеграм-канале "Карнікі Беларусі" пад публікацыяй з фота намесніка камандзіра АМАП УУС Гродзенскага аблвыканкама па ідэалагічнай працы і кадравым забеспячэнні Сяргея Жучкова пакінуў каментар "г*вно, а не людзі".

Мужчыне прысудзілі абмежаванне волі тэрмінам на 2 гады 6 месяцаў з накіраваннем у папраўчую ўстанову адкрытага тыпу ("хімія").

Больш падрабязна тут (з Беларусі - праз VPN)👉👉👉https://cutt.ly/VYq8wvd

‼️Супрацоўнікі УДФР КДК па Магілёўскай вобласці таксама каля сямі раніцы правялі ператрус у праваабаронцы Барыса Бухеля.

Затым яго адвезлі на допыт у якасці сведкі. У дадзены момант ён на волі, у яго ўзялі падпіску аб неразгалошванні.

🔻Затрыманую раніцай у Гродне журналістку Надзею Віціну вызвалілі.

🔻У Брэсце таксама сілавікі прыйшлі да Вольгі Малайчык. Таксама на сувязь не выходзяць мінімум тры чалавекі.

🔻Таксама ў Брэсце да пенсіянеркі Алены Гнаўк зноў прыйшла міліцыя, у яе збіраюцца забраць тэхніку і тэлефон. Па словах Гнаўк, падставай для агляду стаў яе відэаролік у абарону курдскай сям’і.

Хроніка палітычнага пераследу 👉 https://bit.ly/3los2pE (З Беларусі – праз VPN)

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

❗️За лістапад па «пратэсных» крымінальных справах асуджана не менш за 143 чалавекі

«Вясна» прыводзіць несуцяшальныя дадзеныя маніторынгу судовых працэсаў у лістападзе:

🔹Па «пратэсных» крымінальных справах асуджана не менш за 143 чалавекі — 47,73% з якіх асуджаныя за ўдзел у мінулагодніх акцыях пратэсту па артыкулах 342 КК ці 293 Крымінальнага кодэкса;
🔹Ім агулам прысудзілі 156 гадоў і 5 дзён пазбаўлення волі, 91 год «хіміі» і 101,5 год «хатняй хіміі»;
🔹Сярод асуджаных 23 жанчыны.

🔻Судовая сістэма ў пераважнай большасці выпадкаў разглядае самыя рэзанансныя палітычна матываваныя крымінальныя справы ў закрытым ад грамадскасці рэжыме.

🔻Актыўна выкарыстоўваюцца ўнесеныя сёлета змены ў Крымінальны кодэкс у частцы павелічэння жорсткасці пакаранняў за шэраг складаў злачынстваў. Да фігурантаў спраў аб абразе прадстаўнікоў улады і здзеку з дзяржаўных сімвалаў ужываецца ўзяцце пад варту да суда.

Усе вынікі за месяц👉👉👉https://cutt.ly/bYwroU4

Міхаіл Жамчужны на волі.

Ён паведаміў у 13.30, што толькі што выйшаў з допыту. У яго прайшоў ператрус.

«Паказанняў ніякіх не даваў. Беражыце сябе. Менск шукае арганізатараў і фінансістаў пратэстаў», - паведаміў Жамчужны.

🔻Брэсцкая друкарня адмовілася друкаваць газету «Ганцавіцкі час» у 2022 годзе

Як паведамляе «Першы рыгіён», дамова «Ганцавіцкага часа» на паліграфічныя паслугі брэсцкай друкарні сканчаваюцца ў канцы 2021 года. Пасля гэта друкарня не працягвае дамову з выданнем. Пра гэта рэдакцыю апавясцілі 30 лістапада па электроннай пошце.

Намесніца дырэктара брэсцкай друкарні Ірына Іванісік растлумачыла прычыну: «У нас загрузка мяняецца».

Як адзначыў галоўны рэдактар выдання Пётр Гузаеўскі, 20 гадоў "Ганцавіцкі час" сумленна выконвае сваю працу на карысць чытачоў у раёне і далёка за яго межамі:

«Мы спрабавалі дапамагчы многім людзям, і гэта спрацавала: падымалі актуальныя праблемы, трымалі чытачоў у курсе падзеяў, якія адбываліся ў Ганцавіцкім раёне і не толькі. Мы аб'ектыўна асвятлялі падзеі і пісалі гісторыю раёна. Дзякуй усім, хто падтрымліваў і давяраў нам».

‼️У Рэчыцы знікла сувязь з кіраўніком мясцовай суполкі КХП БНФ Аляксандрам Рыбчанковым.

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

🕊 Былая кіраўніца прытулка для жанчын "Радзіслава" Вольга Гарбунова даслала ліст з-за кратаў. У ім яна адзначае, што робіць усё, каб захаваць сябе.

"Убачыла паштоўку з вакзалам і так расплакалася :) Ён у кіламетры ад мяне знаходзіцца, столькі людзей я там забрала і адвезла ў прытулак, столькі падарожжаў маіх там пачыналася.

Заўсёды марыла пабываць у "Мінскім замку", думала, што, як і ў іншых гарадах Еўропы, тут закрыюць турму і зробяць музей, і я змагу тут пабываць. Але сусвет вырашыла інакш :) У маім вакне бачныя трохі 2,5 вежы, адна амаль разбурана цалкам. Мне здаецца, што нам яшчэ далёка да поўнага ўсведамлення, што гэта за месца ў нашай гісторыі.

Хацелася б напісаць, што я ў парадку, не хвалюйцеся, усё будзе добра зусім хутка, але падобна я не настолькі моцная і смелая, як я пра сябе думала раней.

Дзякуй, што вы на сувязі са мной. Гэта і сапраўды вельмі вялікая падтрымка для меня ў гэтыя цёмныя часы. Абдымаю! Воля Гоа".

💌 Падтрымаць Вольгу лістамі салідарнасці:
СІЗА-1. 220030, г. Мінск, вул. Валадарскага, 2
Гарбуновай Вользе

‼️Палітзняволеную Вольгу Класкоўскую перавялі з калоніі ў СІЗА-7 па новай крымінальнай справе. За кратамі ў яе пагоршыўся стан здароўя

Маці палітзняволенай Вольгі Класкоўскай паведаміла, што ў гэтыя выходныя яе дачку этапавалі з гомельскай жаночай калоніі ў брэсцкі СІЗА-7. Перавялі жанчыну для правядзення следчых дзеянняў па новай крымінальнай справе. Справу ўзбудзілі паводле арт. 369 КК за каментар у сацыяльных сетках, у якім Вольга нібыта абразіла міліцыянта з Брэста. Гэты каментар быў размешчаны яшчэ да яе арышту.

🔻Маці Вольгі кажа, што дачка дрэнна сябе адчувае. Зрок пагаршаецца: перад вачамі мутна і лётаюць «мошкі». Вольга ўжо пачала лячэнне і п'е вітаміны. За ўвесь час у няволі Класкоўскую неаднаразова закідвалі ў карцар і ў памяшканне камернага тыпу. З-за дрэнных умоваў утрымання да палітзняволеная вярнуліся старыя хваробы: ацёкі ног, болі ў пазваночніку і ў галаве. Бацькам з сакавіка адмаўляюць у спатканнях з дачкой. Акрамя гэтага, першую перадачу ў калонію ў іх атрымалася перадаць толькі ў ліпені, а другую перад этапам у Брэст выслалі пасылкай.

📌Нагадаем, 22 снежня Вольгу асудзілі да 2 гадоў калоніі па ч.1 арт. 342 Крымінальнага Кодэкса за перакрыццё руху транспарту ў Серабранцы ў Мінску.

💌Падтрымайце Вольгу лістамі салідарнасці і паштоўкамі: СІЗА-7, 224030, г. Брэст, вул. Савецкіх памежнікаў, 37
Класкоўскай Вользе Аляксандраўне

"Усяго толькі выехаў на ровары — і цяпер пагражае 7 гадоў калоніі". Гісторыі палітвязня з Віцебска Паўла Сакалова

Паўла затрымалі сёлета 20 верасня. Цяпер мужчына знаходзіцца ў СІЗА №2 у Віцебску па абвінавачванні ў стварэнні экстрэмісцкага фармавання паводле арт. 361-1 Крымінальнага кодэкса Беларусі.

"Вясна" паразмаўляла з жонкай палітвязня Наталляй пра яго пераслед і цяперашні стан.

"Я вярталася з працы... Заходжу ў дом, а там усё перарыта. Яны пералезлі праз плот і выламалі дзверы. Павел нават не паспеў толкам нічога зразумець. З дома забралі некалькі дзясяткаў прадметаў. У тым ліку ўсю тэхніку. Знайшлі бчб-бранзалет і раздрукаваную "Пагоню" (незадоўга да гэтага Павел намаляваў яе ў праграме CorelDRAW). Забралі іх як забароненыя прадметы. Канфіскавалі нават прынтар, на якім Павел раздрукаваў тую самую "Пагоню", каб высветліць, ці займаўся ён распаўсюдам забароненых матэрыялаў".

Чытайце гісторыю Паўла цалкам па спасылцы (у Беларусі - праз VPN)👉👉👉https://cutt.ly/rYw3jKa

❗️Крычаўскі журналіст Сяргей Няроўны выйшаў на волю пасля допыту. У яго правялі два ператрусы.

Крыніца: @bajby

🐝Пчаляр-паэт Мікола Папека даслаў на волю новы верш

Палітзняволены пчаляр-паэт Мікалай Папека з Пружанаў, асуджаны да двух гадоў «хіміі» па «справе карагодаў», якія адбывае ў Мазыры, даслаў на волю ліст, у якім распавядае пра сваю працу і дзеліцца новым вершам:

«Пісаць надта няма калі і няма зашішка, вольнага месца. Усё неабходнае для жыцця тут ёсць, толькі няма старых сяброў ды знаёмых і маёй пчалярні, маіх заняткаў для сэрца, якіх у мяне было шмат. Але і тут спасцігаю шмат новага і шмат новых знаёмых і праяў жыцця… Праца таксама не з благіх, бо працую ў яслях-садзіку. Абслугоўваю жаночы батальён і дзетак.

Дасылаю сёння зкляпаны верш-выпадак з майго жыцця.

Падзіў

Заходжу ў чаргу,
занятую сябрам-хімікам.
Наперад жанчына ва ўзросце.
Нешта яна бурчыць…
Калі ласка! Не трэба!
Мы спазняемся ў турму.
А Вам вольна да хаты.
Багу!..
У жанчыны ў вачах спадзеў».

💌Падтрымаць Мікалая: Папраўчая ўстанова адкрытага тыпу №21, 247760, г. Мазыр, бульвар Юнасці, 24, Мікалай Мікалаевіч Папека

Самое страшное, что есть в мире, — это дети в тюрьме. Самое мерзкое, что есть в мире, — это режимы, сажающие детей за политические взгляды.

Число политзаключенных-детей в Беларуси уменьшается. Сейчас за решеткой восемь подростков, а раньше было 11. Просто троим уже в тюрьме исполнилось 18.

Их всех посадили за участие в акциях протеста (одного — за администрирование телеграм-канала).

Только борьба всего мира за их свободу может помочь. По отдельности уже не получится. Собкор «Новой» рассказывает об этих ребятах и просит написать им письма в колонию ➡️ http://amp.gs/jYKa0