Па пастанове пракурора Віцебскай вобласці абмежаваны доступ да сайту «Вольнае Глыбокае»

Хроніка палітычнага пераследу 👉 bit.ly/3pcthLb

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

🍁«Не забыцца пакласці каштан у карман», — палітвязень Максім Знак пра любоў да восені

Палітзняволены Максім Знак, якога в верасні асудзілі да 10 гадоў калоніі, даслаў на волю кранальную восеньскую вестачку:

«“Як жа можна восень не любіць?“ У мяне нават такая песня была. Як можна сядзець дома ў пледзе з гарбатай? Для гэтага ёсць вечар! А ў дзень трэба слухаць, як падае лісце, потым ісці і слухаць як яно пяе на сваёй шапатлівай мове. А яшчэ яно рознакаляровае! Як вогнішча — імклівае і чырвона-залатое. Паштоўку дасылаю адпаведную! Не забыцца пакласці каштан у карман :)».

💌Падтрымайце Максіма паштоўкамі і лістамі салідарнасці: СІЗА-1. 220030, г. Мінск, вул. Валадарскага, 2,
Знаку Максіму Аляксандравічу

Допыты па «справе Вясны» працягваюцца

Сёння на допыт у Следчы камітэт у якасці сведкі па «справе Вясны» выклікалі рэдактара аршанскага партала orsha.eu і праваабаронцу Ігара Казмерчака. Яму аддалі раней вынятыя падчас ператрусаў банкаўскія карты, але тэлефоны яму так і не вярнулі.

Нагадаем, Казмерчака ўжо затрымлівалі 8 ліпеня, тады ў яго дома прайшоў ператрус. Праз трое сутак журналіста выпусцілі з СІЗА. Таксама ператрус у яго адбыўся 14 ліпеня падчас масавых ператрусаў па ўсёй Беларусі ў праваабаронцаў і актывістаў.

Хроніка палітычнага пераследу 👉 bit.ly/3pcthLb

​​Жанчыне прысудзілі два гады пазбаўлення волі з адтэрміноўкай за абразу Лукашэнкі

19 кастрычніка ў судзе Клічаўскага раёна разгледжана крымінальная справа па абвінавачванні жыхаркі Бабруйска, 28-гадовай Дзіяны Гушчы ў публічнай абразе прэзідэнта (ч. 1 арт. 368 КК).

Паводле абвінавачвання, Дыяна Гушча 27 кастрычніка 2020 года ў тэлеграм-супольнасці «Клічаў-чат» абразіла Аляксандра Лукашэнку — пад публікацыяй з выявай Лукашэнкі і тэкстам: «Гэта што, нармальна, калі натоўп п'яны, звар'яцелы, праколаты наркотыкамі, пракураны і прапіты, сотні чалавек рынуліся ў гэтыя раёны. Што трэба было рабіць міліцыі?! Гэта быў мой загад, каб засцерагчы людзей. Пачалі выкрываць кватэры, рынуліся туды, давялося з кватэр выцягваць гэтых наркаманаў» з дапамогай свайго мабільнага тэлефона пакінула каментар: «Няма такіх слоў у маім лексіконе, якое б падышло гэтаму падонку».

Дыяна Гушча патлумачыла, што пакінула каментар на эмоцыях, віну ва ўчыненым злачынстве прызнала ў поўным аб'ёме.

Падчас спрэчак пракурор Мікалай Белавусаў запрасіў для Дыяны Гушчы пакаранне ў выглядзе двух гадоў пазбаўлення волі з адтэрміноўкай выканання пакарання на два гады, а таксама папрасіў ўскласці на абвінавачваную наступныя абавязкі:
• не выязджаць па асабістых справах на тэрмін больш за 1 месяц за межы месца знаходжання;
• перыядычна адзначацца ў міліцыі;
• знаходзіцца з 22:00 да 6:00 па месцы жыхарства;
• забараніць наведваць забаўляльныя ўстановы.

У выніку суддзя Ларыса Корза пастанавіла: прызначыць абвінавачанай два гады пазбаўлення волі з адтэрміноўкай выканання пакарання на два гады, устанавіць забарону дзеянняў, якую запрасіў дзяржаўны абвінаваўца, мабільны тэлефон канфіскаваць у даход дзяржавы як сродак здзяйснення злачынства.

👩‍⚕️Лекарку з 30-гадовым стажам звольнілі за некалькі гадзінаў да затрымання. Распавядаем пра палітзняволеную Наталлю Нікіціну

Па «справе Зельцара» затрымалі ўжо каля 200 чалавек. Сярод іх — 51-гадовая доктарка з Мінска Наталля Нікіціна, якую затрымалі проста на працоўным месцы ў Мінскім цэнтры дзіцячай псіхіятрыі і псіхатэрапіі, дзе яна працавала псіхіятрам. Але за некалькі гадзінаў да затрымання прыйшло паведамленне аб яе звальненні. Жанчыну раней двойчы затрымлівалі падчас пратэстаў 2020 года — у снежні яе з сардэчным прыступам даставілі з РУУС у лякарню. Зараз ужо больш за тры тыдні Наталлю ўтрымліваюць у жодзінскай турме.

«Удзень яна напісала, што яе звольнілі тым жа днём, а ўвечары не прыйшла дадому. Калегі сказалі, што затрымалі яе проста на працы»

🗣Маці Наталлі распавяла гісторыю дачкі

💌Падтрымаць жанчыну:
- Следчая турма №8, 222163, Жодзіна, Савецкая, 22А, Наталля Уладзіміраўна Нікіціна
💻 Напісаць анлайн 👉 bit.ly/3jwJML

🔹Распавесці сваю гісторыю журналістам «Вясны» — @spring96info

💔«Ёй было важна пачуць, што яе ніхто не кінуў, яе чакаюць». Упершыню за год Марфа Рабкова сустрэлася з мужам у СІЗА

Упершыню за год палітзняволеная валанцёрка «Вясны» Марфа Рабкова сустрэлася з мужам у СІЗА-1. У інтэрв'ю «Свабодзе» Вадзім Жаромскі расказаў, чаму ягоная жонка не падпісала прашэнне аб памілаванні, пра што нельга гаварыць на спатканнях у турме, як Марфа перажывае смерць бацькі і калі чакаецца суд.

💌Падтрымаць «вясноўцаў»:
- СІЗА-1, 220030, г. Мінск, вул. Валадарскага, 2 (Алесь Бяляцкі, Валянцін Стэфановіч, Уладзімір Лабковіч, Марфа Рабкова, Андрэй Чапюк)
- СІЗА-3, 246003, г. Гомель, вул. Кніжная, 1А (Леанід Судаленка, Таццяна Ласіца)
💻 Напісаць анлайн 👉 bit.ly/3jwJMLn

У фотакарэспандэнта «Новага Часу» Дзмітрыя Дзмітрыева адбыўся ператрус

Увечары 19 кастрычніка ў фотакарэспандэнта «Новага Часу» Дзмітрыя Дзмітрыева прайшоў ператрус. Сілавікі забралі ўсю тэхніку, піша @novychas

Як распавёў Дзмітрый, падставай для ператрусу стала справа аб пагрозах намесніку начальніка Савецкага РУУС. Год таму, падчас чарговых «сутак» на Акрэсціна, Дзмітрыя па ёй дапытваў КДБ.

Хроніка палітычнага пераследу 👉 bit.ly/3pcthLb

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

⁉️Чаму важна перадаваць перадачы на Акрэсціна для затрыманых па адміністрацыйных справах?

На працягу года адміністрацыя ІЧУ і ЦІПа на Акрэсціна робіць усё магчымае, каб пагоршыць умовы ўтрымання для «палітычных». Арыштантам не выдаюць ні матрацаў, ні бялізны, іх не водзяць на шпацыр і ў душ. Перадачы і лісты таксама забароненыя. Камеры на Акрэсціна перапоўненыя: у чатырохмесных камерах звычайна знаходзяцца адразу 15-20 чалавек. І гэта негледзячы на тое, што большасць з арыштантаў па выхадзе з ізалятара хварэе на COVID-19. Акрамя гэтага, ужо вядома пра трох загінулых ад каранавіруса, якія заразіліся ім пакуль адбывалі «суткі». «Вясна назірае» тлумачыць, што неабходна перадаваць на Акрэсціна і ў якіх выпадках прымаюць перадачы.

🔹Кожны дзень у ЦІПе на Акрэсціна можна перадаваць лекі для затрыманых. Як кажуць, былыя арыштанты, «прымуць іх ці не — залежыць ад настрою дзяжурных». Але спрабаваць трэба. Лекавая передача, як і звычайная, перадаецца праз заяву, на якім у графе «назва» трэба пазначыць «лекі». Калі ў чалавека ёсць нейкае захворванне, якое патрабуе піць лекі па рацэпту, то гэты рацэпт або яго копію абавязкова трэба передаць з перадачай. Звычайныя лекі распакоўваць не трэба і лепш перадаваць з інструкцыяй. Іх трэба пакласці ў празрысты пакет і абавязкова дадаць запіску з прозвішчам, імем, імем па бацьку і датай народзінаў затрыманага. Лекі адразу да арыштантаў не трапляюць — іх выдае фельчар Акрэсціна. Калі арыштанту трэба перадаць акуляры, лінзы і раствор да іх, то лепш мець пры сабе выпіску з медыцынскай карткі ці прызначэнне лекара на выпадак, калі папросяць даказаць патрэбу. З таблетак перадаваць можна аспірын, парацэтамол, антыбіётыкі, ібупрафен, лекі ад горла і кашлю, а таксама ад ціску і г.д. Варта памятаць, што ў камерах сядзяць шмат людзей, якім таксама могуць спатрэбіцца лекі, таму перадавайце як мага больш.

🔹Цяпер перадачу магчыма атрымаць, калі на затрыманага складаюць новы пратакол. Пасля «вызвалення» некаторых вязуць у РУУС, каб скласці новы пратакол і зноў адправіць на «суткі». На гэты час ім аддаюць усе рэчы і нават перадачы. Таму ў чалавека ёсць магчымасць трапіць у камеру з цёплымі рэчамі, ежай і сродкамі гігіены на «другі заезд». Вось як гэта апісвае былы арыштант:

«Тым не менш, сваякам ёсць сэнс перадаваць перадачу хоць бы адзін раз з неабходным адзеннем, невялікай колькасцю печыва, сухафруктаў і вады, сродкамі гігіены і наборам лекаў, бо калі чалавека павязуць афармляць на паўторны тэрмін, то ў яго будзе магчымасць пераапрануцца і паесці (у РУУС ніхто нікога карміць не будзе), а бутэльку з вадой можна будзе ўзяць з сабой – гэта досыць каштоўны прадмет, як бы смешна гэта не гучала».

🔹Акрамя гэтага, неабходна перадаваць цёплыя рэчы, якія «можна выкарыстоўваць у якасці матрацаў ці падушак», бо нары складаюцца з металічных рэек, размешчаных уздоўж і папярок, якія ўтвараюць дзіркі памерам 10*25 сантыметраў прыблізна. Таму ні сядзець, ні ляжаць на іх немагчыма, а на целе ад іх застаюцца сінякі.

❗️Калі вашых родных, затрыманых «па справе Зельцара», перавялі ў іншыя месцы зняволення — калі ласка, паведамляйце пра гэта «Вясне»

Праваабаронцы «Вясны» просяць паведамляць, калі вашыя блізкія, затрыманыя па справе каментароў у сацсетках пра гібель IT-спецыяліста Андрэя Зельцара і супрацоўніка КДБ Дзмітрыя Федасюка, былі пераведзеныя ў іншыя месцы зняволення ці ім былі прад'яўленыя новыя абвінавачванні.

🔹Калі ласка, паведамляйце пра гэта на @ViasnaSOS, @SosViasna, @spring96info, у бот @Viasna_bot ці на электронную пошту viasna@spring96.org

🔻На волю пасля 15-сутачнага арышту не выйшла 20-гадовая Сафія Маргунова. Яе затрымалі пасля спробы патрапіць на разгляд апеляцыйнай скаргі па «справе студэнтаў» у Мінгарсудзе. На Сафію склалі пратакол па ч. 1 арт. 24.23 КаАП і арыштавалі на 15 сутак, якія яна адбывала ў ЦІП на Акрэсціна. Сёння яе «суткі» скончыліся, але яе перазатрымалі і склалі новы пратакол. Над дзяўчынай чакаецца новы суд.

🔻У Магілёве затрыманы Дзмітрый Тоўсцік — яго забралі з працы. Як мяркуецца, затрыманне рабіў ГУБАЗіК. Прычына затрымання невядомая.

🔻Следчы гомельскага СК хоча 20 кастрычніка дапытаць у Светлагорску мясцовага актывіста Анатоля Кнігу пра праваабаронцу «Вясны» Алену Маслюкову.

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

🕊Палітзняволеная праваабаронца Марфа Рабкова даслала верш з-за кратаў

Каардынатарка Валанцёрскай службы "Вясны" Марфа Рабкова, якую ўжо 13 месяцаў утрымліваюць пад вартай, даслала ў лісце мужу Вадзіму Жаромскаму свой верш:

«Говорят, что когда мы молчим
Это ангел тишины пролетает над нами
А я кричу, кричу, кричу
Но крик мой безмолвный.
Кричу о боли и тоске,
Кричу о том, чего никто не слышит.
Ты сердце моё возьми
Сожми
Брызнет кровь
Мёртвым не болит, а я жива.
Ангел тишины, где же ты?
Дай мне знак, утешь, согрей.
Ангел тишины, ты здесь?
Ты слышишь, я кричу!
Но нет, ты лишь тень,
Тень отлетающей души.
Она смирилась, а я нет
Кричу, пока кричу, нет сил
Уснуть мне в тишине,
Мой ангел, где же ты?
Я иду, я терпелива, я здесь
Пока живу, пока болит,
Пока кричу, кричу, кричу…»

💌Падтрымайце Марфу: СИЗО-1. 220030, г. Минск, ул. Володарского, 2
💻 Напісаць анлайн 👉 bit.ly/3jwJMLn

❗️Перасталі выходзіць на сувязь супрацоўнікі газеты «Новы Час».

У прыватнасці, ад раніцы няма сувязі з галоўным рэдактарам Аксанай Колб, журналістам, намеснікам рэдактара Сяргеем Пульшой, піша @bajby.

Калегі журналістаў пакуль не маюць пацверджання затрыманняў, але кажуць «падазраем горшае».

Раніцай былі паведамленні пра затрыманне ў бізнэс-цэнтры «Парус» у Мінску, дзе і мецсіцца рэдакцыя «Новага Часу»

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

❗️Стала вядома, што галоўную рэдактарку "Новы Час" Аксану Колб забралі ў Следчы камітэт. Сутнасць прэтэнзій пакуль невядомая.

У намесніка рэдактара Сяргея Пульшы быў ператрус дома. Пасля гэтага сілавікі разам з Сяргеем паехалі ў рэдакцыю "Новага Часу", піша @bajby

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

❗️Сёння стала вядома, што супраць вілейскага актывіста Андрэя Кудзіка ўзбуджаная крымінальная справа па ч. 1 арт. 342 Крымінальнага кодэкса (удзел у дзеяннях, якія груба парушаюць грамадскі парадак). Ён змешчаны ў ІЧУ на Акрэсціна. Да гэтага часу з 9 жніўня яго ўтрымлівалі на "сутках" ў ізалятарах Смалявіч і Вілейкі.

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Намесніка рэдактаркі «Новага Часу» Сяргея Пульшу вызвалілі.

Паведамляецца, што з ім «скончылі следчыя дзеянні». Ён на свабодзе, піша @bajby

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

Дысцыплінарную вытворчасць распачалі ў дачыненні да яшчэ аднаго абаронцы Віктара Бабарыкі — Яўгена Пыльчанкі.

Ён адхілены ад адвакацкай дзейнасці.

❗️Сведчаць пацярпелыя: «Пакуль ён ірваў на мне адзенне, біў і абражаў, я стрымана спытвала, чаму ён дазваляе так паводзіць сябе»

Год назад, Аляксандру (імя змененае) затрымалі, калі яна хавалася з сяброўкамі ў пад'ездзе пасля разгону мірнага маршу ў Мінску, ледзь не задушылі ўласнай хусткай, пашкодзілі плячо. Дзяўчына распавяла сваю гісторыю затрымання «Вясне».

«Я сядзела ў шоку, з камяком у горле, не разумеючы, чаму адзін дарослы мужчына мяне б'е, а іншы спакойна глядзіць на гэта. Чаму на кожным сваім допыце я казала, што мяне душылі, а з мяне пацяшаюцца: "Ну не задушылі ж"»

Гісторыя дзяўчыны цалкам

📍Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у СІЗА, парушэннем правоў чалавека — калі ласка, пішыце на:

Telegram: @ViasnaDOC | Email: viasnadoc@spring96.org

«Но вы же всё понимаете, правильно?». Сяргей Пульша пракаментаваў сваё сённяшняе затрыманне

Намеснік рэдактаркі «Новага Часу» Сяргей Пульша напісаў на сваёй старонцы ў Facebook пра сваё сённяшняе затрыманне.

«Я на свободе, под жёсткой подпиской о неразглашении, поэтому я не могу сказать, какие действия производились у меня дома и в офисе "Нового часа". Из техники у меня остался телефон, который отдали минут 5 назад.

Но вы же всё понимаете, правильно?»

Галоўная рэдактарка "Новага Часу" Аксана Колб на волі, піша @bajby

Хроніка палітычнага пераследу 👉 bit.ly/3m52VsJ

🔹Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

🔹Паведаміць пра затрыманне і атрымаць бясплатнае юрыдычнае кансультаванне 👉 @ViasnaSOS, @SosViasna

‼️Больш за 53 500 рублёў спагналі з мінчанкі за «блакіроўку дарог» на двух нядзельных Маршах ў жніўні і верасні 2020 года

У ліпені суд Цэнтральнага раёна асудзіў Анастасію Тарэлка і палітвязня Мікалая Шэметава за арганізацыю і актыўны ўдзел у групавых дзеяннях, што груба парушылі грамадскі парадак падчас нядзельных Маршаў у жніўні і верасні 2020 года. Суддзя Дзмітрый Карсюк пакараў Анастасію Тарэлка абмежаваннем волі без накіравання тэрмінам на тры гады, а палітзняволенага Мікалая Шэметава — пазбаўленнем волі тэрмінам на два гады. Цяпер з 26-гадовай Анастасіі Тарэлка прадпрыемства «Мінсктранс» праз суд хоча спагнаць грошы за «перакрыццё руху транспарта» адразу на пяці нядзельных Маршах, а з Мікалая Шэметава — толькі за Марш 27 верасня.

У судзе Фрунзенскага раёна 21 верасня разглядзелі грамадзянскі пазоў «Мінсктранса» да Анастасіі і Мікалая. Агульны пазоў складае 46 043 рублі 8 капеек — столькі прадпрыемства страціла 27 верасня ад «злачынства» адказнікаў. Але суддзя Фрунзенскага раёна Аляксей Мігурскі пастанавіў перадаць справу Тарэлка і Шэметава ў суд Маскоўскага раёна, каб аб'яднаць з астатнімі пратэстоўцамі. Акрамя гэтага, на думку «Мінсктранса», за яшчэ чатыры Маршы Анастасія паспела спыніць транспарт на агульную суму 76 818 рублёў 1 капейку:
🔹Марш Свабоды, 16 жніўня 2020 — 8 168 рублёў 56 капеек;
🔹Марш новай Беларусі, 23 жніўня — 5 772 рублі 7 капеек;
🔹Марш міру і незалежнасці, 30 жніўня — 9 481 рубель 10 капеек;
🔹Марш Справядлівасці, 20 верасня — 53 396 рублёў 28 капеек.

Групавы пазоў за 16 і 30 жніўня будуць разглядаць у судзе Заводскага раёна ў дачыненні да Тарэлка і іншых асуджаных. А пазоў за 23 жніўня і 20 верасня разглядзелі ўчора, 19 кастрычніка, у судзе Фрунзенскага раёна. Інтарэсы «Мінсктранса» на судзе прадстаўлялі Святлана Бадзькова і начальнік кіравання арганізацыі перавозак Раман Прановіч. Справу вяла суддзя Вольга Красоўская з удзелам пракуроркі Лізаветы Казловай.

🔺Згодна з абвінавачваннем, сума «недаатрыманага прыбытку прадпрыемствам» ад дзеянняў Анстасіі Тарэлка 23 жніўня — 5 839 рублёў 65 капеек за чатыры з паловай гадзіны, а 20 верасня — 47 716 рублёў 7 капеек за дзве гадзіны і дзесяць хвілін. Агульная сума пазову склала 53 555 рублёў 72 капейкі.

Прадстаўнікі «Мінсктранса» на судзе прадаставілі дакументы, якія «ўключаюць у сабе аб'ектыўныя і дакладныя звесткі на аснове атрыманых дадзеных у аўтаматычным рэжыме з адмысловай сістэмы, згодна з якімі, у дадзены перыяд часу сапраўды быў спынены грамадскі транспарт па пэўных маршрутах у следстве незапланаваных мерапрыемстваў».

Як сцвярджаюць прадстаўнікі, сума пазову — гэта «недаатрыманая выгада на аснове аплат за праезд за аналагічны перыяд мінулага году». Усе панесеныя страты ў выглядзе недаатрыманай выгады і даходаў за пэўны час, «прадпрыемства магло атрымаць пры звычайных умовах грамадзянскага абароту, калі б іх права не было парушана ў следстве супрацьпраўных дзеянняў Тарэлка». На судзе Анастасія не пагадзілася з пазовам, бо, па яе словах, падчас Маршаў нават не выходзіла на праезную частку.

⚖️У выніку, 20 кастрычніка суддзя Вольга Красоўская задаволіла пазоў «Мінсктранса» і пастанавіла спагнаць з Анастасіі 53 555 рублёў 72 капейкі. Таксама Тарэлка павінна сплаціць дзяржпошліну ў памеры 2 677 рублёў 78 капеек.