Палітвязню Уладзіміру Мацкевічу прад'явілі абвінавачванне ў «арганізацыі дзеянняў, якія груба парушаюць грамадзкі парадак» (342 КК РБ).

Метадолаг і філосаф будзе знаходзіцца пад арыштам не менш за 2 месяцы.

❗️Журналістку БелаПАН Ірыну Турчыну адпусцілі пасля допыту

Паведамляецца, што ў яе забралі тэлефон.

Хроніка палітычнага пераследу 18 жніўня 👉 bit.ly/2Ute4bJ

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Паведамляецца, што валанцёра з Гомеля Іллю Міронава не змаглі асудзіць другі раз за два дні і адправілі справу за дапрацоўку. А валанцёра — назад у ізалятар.

Другое судовае паседжанне па справе затрыманага 17 жніўня гомельскага актывіста і валанцёра Іллі Міронава зноў завяршылася безвынікова. Суддзя адправіў матэрыялы на дапрацоўку. Іллю судзяць за надпіс на майцы "Пішыце лісты". У міліцыі мяркуюць, што такім чынам Ілля праводзіў несанкцыянаваны пікет. На час дапрацоўкі пратаколу Іллю не адпусцілі дадому, а зноў адправілі ў ізалятар часовага ўтрымання, дзе ён правёў ноч.

😢«Я горжусь тобою — ведь лучше папы нет». Родныя Сяргея Ціханоўскага запісалі кранальнае віншаванне з Днём Народзінаў

Сёння палітзняволены Сяргей Ціханоўскі сустракае свой Дзень Народзінаў. Другі год запар ён праводзіць яго за кратамі. Святлана Ціханоўская разам з дзецьмі кранальна павіншавала Сяргея.

📨 Павіншаваць Сяргея:
- СІЗА-3. 246003, г. Гомель, вул. Кніжная, 1А, Сяргей Леанідавіч Ціханоўскі
💻 Напісаць анлайн 👉 bit.ly/3jwJMLn

⚡️Гомельскага актывіста Іллю Міронава арыштавалі на 25 сутак

Суддзя Віктар Казачок пакараў актывіста Іллю Міронава 25-сутачным арыштам па ч.3 арт. 24.23 КаАП. Іллю асудзілі за надпіс на майцы "Пішыце лісты", якую міліцыянты расцанілі як несанкцыянаванае пікетаванне.

❗️Салігорскі шахцёр Алег Кудзёлка арыштаваны на 10 сутак

У верасні 2020 года Алег адмовіўся паднімацца на паверхню з шахты. Учора ён быў затрыманы ў ДАІ, куды прыехаў для абмена пасведчання кіроўцы.

Крыніца: @novychas

Бухгалтарка БелаПАН Кацярына Боева знаходзіцца на Акрэсціна

Паводле ейнага мужа, жанчына знаходзіцца ў статусе падазраванай па артыкуле 342 КК РБ («арганізацыя дзеянняў, якія груба парушаюць грамадскі парадак»), піша @navinyonline

Хроніка палітычнага пераследу 18 жніўня 👉 bit.ly/2Ute4bJ

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Родныя паведамляюць, што былы дырэктар БелаПАН Дзмітрый Наважылаў пасля допыту таксама знаходзіцца ў ІЧУ на Акрэсціна.

Хроніка палітычнага пераследу 18 жніўня 👉 bit.ly/2Ute4bJ

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

❗️Затрымалі брата былога аператыўніка ГУБАЗіК, які выступіў супраць дзеянняў сілавікоў

17 жніўня сілавікі прыйшлі да Міхаіла Лупаносава, брата былога падпалкоўніка ГУБАЗіКа Станістала Лупаносава, які выехаў з Беларусі, асудзіўшы дзеянні былых калег.

Вядома, што Міхаіл быў дырэктарам будаўнічай фірмы. Затрымалі яго супрацоўнікі МУС, па ч.1 арт. 427 КК (службовы падлог). Інкрымінаваныя яму падзеі адбываліся ў 2016 годзе. Цяпер ён знаходзіцца ў ізалятары на Акрэсціна, піша @nashaniva

Улады збірюцца ліквідаваць аб'яднанне прадпрымальнікаў «Перспектыва».

Пра гэта паведаміў кіраўнік «Перспектывы» Анатоль Шумчанка.

«Вясна» збірае спіс арганізацый, якія патрапілі ў махавік рэпрэсій, і распавядае, як у Беларусі закрываюць арганізацыі грамадзянскай супольнасці 👉 bit.ly/3rQXjmO

❗️Дырэктарка і галоўная рэдактарка БелаПАН Ірына Леўшына затрымана на 72 гадзіны.

Яна знаходзіцца на Акрэсціна.

Хроніка палітычнага пераследу 18 жніўня 👉 bit.ly/2Ute4bJ

Аператыўна паведаміць пра затрыманне ці вобшук можна ў нашым тэлеграм-боце 👉 @viasna_bot

Міністэрства юстыцыі ініцыюе ліквідацыю аб’яднання БНФ «Адраджэньне»

У Вярхоўным Судзе Беларусі распачатая справа па іску Міністэрства юстыцыі аб ліквідацыі Грамадскага аб’яднання БНФ “Адраджэньне”.

Падрыхтоўчая сустрэча бакоў па справе прызначаная на 20 жніўня.

«Вясна» збірае спіс арганізацый, якія патрапілі ў махавік рэпрэсій, і распавядае, як у Беларусі закрываюць арганізацыі грамадзянскай супольнасці 👉 bit.ly/3rQXjmO

❗️У Беларусі +7 новых палітвязняў.

Гэта Артур Хацько, Ягор Вяршынін, Арцём Салавей, Арцём Карачун, Дзмітрый Шыманскі, Максім Цішкевіч, Павел Лукаянаў

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/3kbkOnw

Спіс усіх палітвязняў Беларусі і іх гісторыі 👉 bit.ly/306kkW9

Гарадзенскага блогера Вадзіма Ермашука асудзілі на 25 сутак

Яго судзілі ў Шчучынскім раённым судзе па арт. 24.23 КаАП нібыта за заклікі прыехаць на спартовае мерапрыемства – на скейт-пляцоўку ў Шчучыне, паведамляе @nebovkletku.

Паведамляецца, што пасля абвяшчэння прысуду, сястру блогера — Наталлю — кудысьці павезлі ў міліцэйскім мікрааўтобусе.

Яе вывелі з РАУС, дзе яна засталася, каб перадаць брату перадачу.

Абвінавачанні па брэсцкай «справе карагодаў» прад'яўленыя ўжо 108 удзельнікам пратэстаў

Пра гэта паведамляе Следчы камітэт.

Па словах ведамства, устаноўленыя 115 чалавек, якія маюць дачыненне да «здзяйснення дадзенага злачынства».

Людзей абвінавачваюць у тым, што 13 верасня 2020 падчас акцыі пратэсту у Брэсце людзі сабраліся на скрыжаванні бульвара Касманаўтаў і праспекта Машэрава. Пратэстоўцаў разагналі вадамётам. Гэта адна з самых масавых «палітычных справаў» у гісторыі Беларусі.