Сілавікі прыйшлі і да “Руху “За свабоду!”.

“Добрая навіна — СК прызнаў "Рух" праваабарончай арганізацыяй. Дрэнная — яны стаяць пад нашым офісам на Кульман”, — напісаў кіраўнік арганізацыі Юрась Губарэвіч на сваёй старонцы ў Facebook.

Як стала вядома, з ператрусам да праваабаронцы "Вясны" Валянціна Стэфановіча прыйшлі супрацоўнікі Дэпартамента фінансавых расследванняў. У пастанове на правядзенне вобшука значыліся два артыкулы Крымінальнага кодэкса: 342 (арганізацыя дзеянняў, якія груба парушаюць грамадскі парадак) і 243 (ухіленне ад выплаты падаткаў).

Верагодна, іншыя праваабаронцы, да якіх сёння прыйшлі з ператрусам, праходзяць па гэтых жа артыкулах.

Падрабязнасці 👉 bit.ly/3wCatoD

⚡️20 хвілін таму скончыўся ператрус у праваабронцы і каардынатара кампаніі "Праваабаронцы супраць смяротнага пакарання" Андрэя Палуды. Яго затрымалі і вязуць на пляцоўку "Тэрыторыя правоў", дзе таксама адбудзецца вобшук.

Хроніка палітычнага пераследу 14 ліпеня 👉 bit.ly/3wCatoD

Сілавікі прыйшлі ў офіс выдання «Имена».

«У офісе «Імёнаў» нейкія людзі, імаверна ДФР. Больш нічога сказаць не магу», – напісала ў Facebook стваральніца праекту Кацярына Сінюк.

Крыніца: Facebook Кацярыны Сінюк

❗️У офіс БАЖ прыйшлі сілавікі. Яны выламалі дзверы

Крыніца: @bajby

⚡️ Ператрус на офісе Згуртавання беларусаў свету «Бацькаўшчына»

Крыніца: "Наша ніва"

👉 У Мінску затрыманая праваабаронца Яўгенія Бабаева. Яе павезлі ў Следчы камітэт.

Хроніка палітычнага пераследу 14 ліпеня 👉 bit.ly/3wCatoD

У Міколы Шараха, кіраўніка ячэйкі свабоднага прафсаюза з Полацка і сябры Полоцкага праваабарончага таварыства ў хаце пачаўся вобшук.

У Берасцейскага праваабаронцы Кірыла Кафанава з Human Constanta праходзіць ператрус, паведамляе "Медыязона".

Кафанаў - юрыст, займаецца дапамогай уцекачам у Брэсце і аналітычнай працай.

Старшыня Беларускага Хельсінкскага камітэта Алег Гулак напісаў на сваёй старонцы ў фэйсбук, што сілавікі прыйшлі ў офіс арганізацыі і ламаюць дзверы.

У грамадскіх дзеячаў Тамары Мацкевіч (Таварыства беларускай школы) і Сяргея Мацкевіча (Цэнтр "Супольнасць") праходзіць вобшук.

У Оршы сілавікі забралі і кудысьці павезлі рэдактара мясцовага партала orsha.eu і праваабаронцу Ігара Казмерчака, паведамляецца ў сацсетках выдання. Казмерчака ўжо затрымлівалі 8 ліпеня, тады ў яго дома прайшоў ператрус. Праз трое сутак журналіста выпусцілі з СІЗА.

Хроніка палітычнага пераследу 14 ліпеня 👉 bit.ly/3wCatoD

Сёння ў судзе Цэнтральнага раёна Гомеля вынеслі прысуд непоўнагадоваму палітвязню Мікіце Залатарову.

Хлопцу прысудзілі 1 год і 6 месяцаў гады калоніі агульнага рэжыму па артыкуле 364 Крымінальнага кодэксу ("Гвалт ці пагроза гвалту ў дачыненні да супрацоўніка органаў унутраных спараў") за тое, што ён нібыта напаў на супрацоўніка СІЗА і пагражаў яго родным.

Шляхам частковага складання раней прысуджанага пакарання (5 гадоў калоніі) з новым, агульны тэрмін пакарання для Мікіты склаў 4 гады і 6 месяцаў пазбаўлення волі ў выхаваўчай калоніі.
Пракурор патрабаваў пакараць Залатарова двума гадамі калоніі, але суддзя Віктар Казачок прысудзіў на поўгады меней.

‼️ У офіс цэнтру эканамічных даследаванняў BEROC таксама прыйшлі супрацоўнікі міліцыі.

Сёння ў 7:30 раніцы прайшоў ператрус у праваабаронцы "Вясны" Алены Лапцёнак. У пастанове на ператрус значыліся: ч.1 і 2 арт. 342 і ч. 2 арт. 243 Крымінальнага кодэкса. Алену павезлі ў Следчы камітэт. Невядома, у якім яна статусе.

Хроніка палітычнага пераследу 14 ліпеня 👉 bit.ly/3wCatoD

Больш за 2 гадзіны адсутнічае сувязь з кіраўніком Мазырскай філіі Праваабарончага цэнтру "Вясна" Уладзімірам Целепуном.

❗️У Барысаве затрымалі праваабаронцу Алега Мацкевіча.

Па папярэдняй інфармацыі, яго павезлі ў Следчы камітэт у Мінск, паведамляе ex-press.by.

Хроніка палітычнага пераследу 14 ліпеня 👉 bit.ly/3wCatoD

UPD: Праваабаронца Уладзімір Целяпун на волі. Ён паведаміў "Палескай Вясне", што раніцай а 7-й гадзіне ў дзверы ягонага дома нехта грукаў, але потым сышоў.

❗️Затрыманні і ператрусы па ўсей краіне 14 ліпеня

Па дадзеных «Вясны» на 13:00

❌Былі затрыманыя ці завезеныя на допыт пасля ператрусаў:

- Уладзімір Лабковіч, юрыст «Вясны»
- Валянцін Стэфановіч, сябра Рады «Вясны»
- Алесь Бяляцкі, кіраўнік «Вясны» (не выходзіць на сувязь)
- Сяргей Сыс, журналіст і праваабаронца
- Алена Лапцёнак, праваабаронца «Вясны»
- Андрэй Палуда, праваабаронца «Вясны»
- Яўгенія Бабаева, праваабаронца
- Вольга Смалянка, дырэктарка Lawtrend (невядома)
- Алег Мацкевіч, праваабаронца «Вясны» (Барысаў)
- Ігар Казмерчак, праваабаронца «Вясны», рэдактар (Орша)
- Віктар Сазонаў, праваабаронца «Вясны» (Гродна)

🔦Прайшлі/праходзяць ператрусы ў:
- Яраслава Раманчука;
⁃ Тамары Мацкевіч (Таварыства беларускай школы);
⁃ Сяргея Мацкевіча (Цэнтр Супольнасць);
⁃ Кірыла Кафанава (Брэст, Human Constanta);
⁃ Міколы Шараха (кіраўнік ячэйкі свабоднага прафсаюза з Полацка і сябры Полоцкага праваабарончага таварыстваў);
⁃ на пляцоўцы «Тэрыторыя правоў»;
⁃ офісе Цэнтра прававой трансфармацыі Lawtrend;
⁃ офісе «Имена»;
⁃ офісе «Руху “За свабоду!“»;
⁃ сядзібе БНФ;
⁃ офісе Беларускай асацыяцыі журналістаў;
⁃ офісе Згуртавання беларусаў свету «Бацькаўшчына»;
⁃ офісе Цэнтра эканамічных даследаванняў BEROC;
⁃ офісе праваабарончай арганізацыі «Гендэрныя перспектывы»;
- офісе Беларускага Хельсінкскага камітэту.

Хроніка палітычнага пераследу 14 ліпеня 👉 http://bit.ly/3wCatoD

Аператыўна паведаміць пра затрыманне можна ў нашым тэлеграм-боце 👉 @viasna_bot

Інфармацыя абнаўляецца