Доступ у офіс TUT.BY закрыты паводле распараджэння следчых органаў

Відэа з камер, якія ўстаноўлены на 8 і 9 паверхах, на маніторах не адлюстроўваецца, але супрацоўнікаў сілавых ведамстваў унутры няма, піша @tutby_official.

Першае інтэрв’ю былой палітзняволенай Кацярыны Барысевіч пасля вызвалення

«У мяне была карычневая картка, як у чалавека схільнага да экстрэмізму. Са мной былі дзве жанчыны, якія асуджаны за забойства. У іх тэрміны 9-10 гадоў. Яны жартавалі, што ехалі [у іншую калонію] проста, спакойна, а я, як экстрэміст (або схільная да экстрэмізму), ехала ў кайданках».

youtube.com/watch?v=Yp2wExMlepo

❗️Палітвязня Фурманава зноў змясцілі ў карцар. Пракурор патрабуе пакараць яго 2 гадамі калоніі

Палітзняволенага па «справе Ціханоўскага» Дзмітрыя Фурманава ў гродненскай турме №1 змясцілі ў карцар. Прычына спагнання пакуль невядомая.

Нагадаем, 17 траўня пракурор Мыслівец папрасіў суд пакараць палітвязня двума гадамі калоніі ва ўмовах агульнага рэжыму.

Падрабязнасці 👉 bit.ly/3ot9jcF

📨 Падтрымаць Дзмітрыя:
- Турма №1. 230023, г. Гродна, вул. Кірова, 1, Дзмітрый Аляксандравіч Фурманаў
💻 Напісаць анлайн 👉 bit.ly/3jwJMLn

⚡️«У жодзінскім ІЧУ нас ставілі на расцяжку і білі па шчыкалатках, ад чаго заставаліся гематомы. Таксама білі па нырках, але гэта было па лайце, каб сінякоў не заставалася»

🌿«Вясна назірае» паразмаўляла з Андрэем Пархоменкам, якога затрымалі 26 красавіка за БЧБ-скрыню ад тэлевізара LG. Андрэй распавёў пра холад у жодзінскіх камерах, цікавых суседзяў і таемны агляд кватэры міліцыянтамі: https://telegra.ph/LG-skrynya-z-narodam-05-19

​​❓Як выжыць на «хіміі», калі больш за палову заробку трэба аддаць дзяржаве?

Адзін з асуджаных па крымінальнай справе на ўмовах ананімнасці распавёў пра ўмовы ўтрымання на «хіміі».

🔻Асуджанаму сказалі, што з улікам усіх запазычанасцяў і пеняй з яго заробку будуць вылічваць 40%.
🔻Каля 70 рублёў мужчына павінен плаціць за камунальныя паслугі ў папраўчай установе. Таксама за свой кошт набываць прадукты, аддзенне па сезоне, плаціць за сувязь ды іншыя паслугі.
🔻Праз тыдзень асуджанага ўладкавалі на працу на прадпрыемства па дрэваперапрацоўцы, але праз месяц яго звольнілі адтуль і пры гэтым не выплацілі заробак. Цяпер ён працуе на ферме, але бліжэйшую зарплату атрымае толькі ў чэрвені — другі месяц мужчына жыве без сродкаў да існавання.

Падрабязнасці і каментар юрыста 👉 bit.ly/33XQx3Q

❗️«Вясна» працягвае маніторынг месцаў несвабоды ў Беларусі і збірае актуальныя звесткі пра ўмовы ўтрымання ў папраўчых калоніях і турмах.

Для збору інфармацыі была распрацаваная адпаведная анкета, якую могуць запоўніць як блізкія тых, хто накіраваны на «хімію», так і блізкія тых, хто этапаваны ў калоніі. Таксама інфармацыю і копіі лістоў абвінавачаных і асуджаных можна дасылаць наўпрост на пошту — umovynesvabody@gmail.com. Ананімнасць гарантуецца.

Суд па справе палітвязня і дысідэнта Валадара Цурпанава пачнецца 26 траўня. Працэс пройдзе ў судзе Круглянскага раёна.

Праваабаронцу і актывісту Валадару Цурпанаву пагражае да трох гадоў калоніі паводле арт. 415 КК РБ (ухіленне ад праходжання прызначанага пакарання ў выглядзе «хіміі»).

Нагадаем, што ў снежні 2020 года суд Магілёўскага раёна прызначыў Цурпанаву тры гады «хіміі» па двух крымінальных справах паводле артыкула 391 КК РБ (абраза суддзі).

Яго прызналі вінаватым у тым, што ён што падчас судовага працэсу паводле адміністрацыйнай справы ў верасні 2020 года дазволіў сабе абразлівае выказванне на адрас суддзі суда Ленінскага раёна Вікторыі Паляковай, а 14 кастрычніка ў падобных умовах — на адрас суддзі Вольгі Краўчанкі.

Падрабязнасці 👉 bit.ly/3oG4xZD

❗️Палітвязня Аляксандра Троцкага, асуджанага да 10 гадоў зняволення, перавялі ў магілёўскую турму яшчэ да апеляцыі

Палітзняволенага 45-гадовага бізнэсмена Аляксандра Троцкага, асуджанага за «замах на забойства супрацоўніка органаў унутраных справаў» да 10 гадоў калоніі ўзмоцненага рэжыму, перавялі з мінскага СІЗА №1 у магілёўскую турму №4. Апеляцыйную скаргу на прысуд Троцкага будуць разглядаць толькі 15 чэрвеня ў Вярхоўным судзе.

❌Вядома, што палітвязня перыядычна змяшчаюць у карцар і блакуюць перапіску з роднымі — Аляксандр не атрымліваў карэспандэнцыю ад блізкіх амаль два месяцы.

Падрабязнасці 👉 bit.ly/3ylnsNF

📨 Падтрымаць Аляксандра:
- Турма №4, 212011, г. Магілёў, вул. Крупскай, 99А, Аляксандру Фёдаравічу Троцкаму
💻 Напісаць анлайн 👉 bit.ly/3jwJMLn

❗️Давераную асобу Ціханоўскай Алену Радзькову і актывіста Артура Сінегу, затрыманых у Наваполацку, падазраюць па артыкуле 342 КК РБ (Арганізацыя альбо актыўны ўдзел у групавых дзеяннях, якія груба парушаюць грамадскі парадак).

❗️Учора ўвечары ў Лідзе быў затрыманы Сяргей Сёмуха. Верагодна, справа датычыцца абразы суддзі Філатава ў пасце ў «Аднакласніках». Зараз Сёмуха ўтрымліваецца ў мясцовым ізалятары часовага ўтрымання.

❗️Паведамляецца пра затрыманне ў Мінску Аляксея Баркуна і Ірыны Коневай.

Хроніка палітычнага пераследу 19 траўня 👉 bit.ly/3tZOLtA

Аператыўна паведаміць пра затрыманне можна ў нашым тэлеграм-боце 👉 @viasna_bot

Як мінімум 13 чалавек застаюцца затрыманымі па «справе TUT.BY»

🔻галоўная рэдактарка Марына Золатава (затрыманая на 72 гадзіны, у статусе падазраванай);
🔻генеральная дырэктарка Людзміла Чэкіна;
🔻галоўная бухгалтарка Анжэла Асад;
🔻намесніца дырэктаркі Ірына Рыбалка;
🔻кіраўніца распрацоўшчыкаў Ала Лапатка;
🔻юрыстка Кацярына Ткачэнка;
🔻журналістка Алена Талкачова (затрыманая на 72 гадзіны, знаходзіцца на Акрэсціна);
🔻рэдактарка Вольга Лойка (затрыманая на 72 гадзіны, знаходзіцца на Акрэсціна);
🔻дырэктар Hoster.by Сяргей Павалішаў;
🔻дырэктарка RocketData Дар'я Данілава (Дачка заснавальніка TUT.BY Юрыя Зісера Яўгенія Чарняўская паведамляе, што Дар'я ў СІЗА КДБ);
🔻менеджэр Андрэй Аўдзееў;
🔻намесніца галоўнага бухгалтара Марыя Новік;
🔻намеснік генеральнага дырэктара па тэхнічных пытаннях Аляксандр Дайнэка.

❗️Дагэтуль невядома, дзе знаходзіцца ўдава Юрыя Зісера Юлія Чарняўская.

Хроніка палітычнага пераследу 19 траўня 👉 bit.ly/3tZOLtA

⚡️⚡️⚡️Кіроўцу BMW асудзілі да 11 гадоў калоніі за наезд на пецярых вайскоўцаў на жнівеньскім пратэсце

25-гадовага інжынера БНТУ Ціхана Осіпава абвінавачвалі адразу па трох артыкулах Крымінальнага кодэкса. Па версіі абвінавачвання, у ноч з 10 на 11 жніўня хлопец удзельнічаў у акцыях пратэсту, наехаў на BMW на пецярых вайскоўцаў, пасля чаго утапіў свой аўтамабіль у вадаёме і заявіў у міліцыю аб угоне.

❗️Судовая калегія пад старшынствам суддзі Пятра Арлова асудзіла Осіпава да 11 гадоў калоніі ва ўмовах узмоцненага рэжыму.

Падрабязнасці 👉 bit.ly/2RuHqoy

‼️Пасля аўтамабільнай аварыі супрацоўнікі ДПС затрымалі мужчыну за налепку з
Пагоняй на тэлефоне. Яго арыштавалі на 10 сутак

42-гадовы Віталь Рубец працуе электрамеханікам. 16 траўня ён трапіў у аварыю і выклікаў супрацоўнікаў ДПС. Пры афармленні дакументаў пасля аварыі мужчына дастаў тэлефон, на якім была налепка з Пагоняй. Мужчыну затрымалі і адвезлі ў Першамайскі РУУС, каб скласці пратакол🤷‍♀

Паводле пратаколу па арт. 24.23 КаАП, Віталя абвінавачваюць у "пікетаванні шляхам размяшчэння налепкі з Пагоняй на чахле тэлефона".

Справу Віталя Рубца 18 траўня разглядзела суддзя Першамайскага раёна Святлана Чараповіч.

Чахол з налепкай, па словах Віталя, яму даў брат за пару дзён да затрымання. Налепцы Віталь не надаў значэння, бо яна для яго нічога не значыць. Супрацоўнікі ДПС папрасілі мужчыну звязацца з яго працадаўцам, таму Віталь дастаў тэлефон, каб патэлефанаваць. У гэты час супрацоўнікі ДПС заўважылі налепку і, згодна з іх рапартам, папрасілі яе зняць, але Рубец адмовіўся. Віталь растлумачыў, што ў момант просьбы быў у стане афекту пасля ДТЗ, таму проста мог не звярнуць на гэта ўвагу.

⚖У выніку, Віталь Рубец быў арыштаваны суддзёй Чараповіч на 10 сутак.

Школьніца заявіла, што яе збівалі на Акрэсціна — суд асудзіў яе на 1,5 года «хатняй хіміі» за «заведама ілжывы данос»

У судзе Партызанскага раёна вынесены прысуд па справе жыхаркі Мінска, якую затрымлівалі ў жніўні 2020 года. Дзяўчына заявіла ў СК, што невядомыя міліцыянты незаконна яе затрымалі, збівалі дубінкамі, калі яна была ў ЦІП на Акрэсціна, піша @vybory_smotri

У выніку яе саму прызналі абвінавачванай у заведама ілжывым даносе (ч.2 арт. 400 КК) і асудзілі на 1,5 года «хатняй хіміі».

Ператрус у кватэры Ягора Марціновіча і Адар'і Гуштын скончаны.

Ягор не затрыманы, але не можа нічога каментаваць, бо знаходзіцца пад падпіскай аб неразгалошванні. З кватэры забралі тэхніку.

Ператрус праводзіўся ў межай крымінальнай справы, але не быў звязаны з "Нашай Нівай".

Крыніца: @nashaniva

«Мусара — гэта нешта непатрэбнае. І гэта людзі, якія заслугоўваюць такога абазначэння». Суд вывучыў матэрыялы па справе валанцёраў штаба Бабарыкі

Працягваецца разгляд крымінальнай справы ў дачыненні да валанцёраў штаба Бабарыкі — Ігара Ярмолава, Уладзіслава Карэцкага, Мікалая Сасева і Дзмітрыя Канапелькі. Усіх іх абвінавачваюць у падрыхтоўцы да масавых беспарадкаў і навучанні ці іншай падрыхтоўцы асобаў да ўдзелу ў масавых беспарадках.

У судзе выступілі сведкі, а таксама былі заслуханныя тэлефонныя размовы абвінавачаных і прагледжаныя відэазапісы з офіса, дзе яны збіралі лазерныя ўказкі.

Адвакат набыла два малатка, аналагічных тым, што па просьбе Ярмолава купляў Сасеў, а таксама паветраныя шарыкі, і прасіла далучыць іх да матэрыялаў справы. На яе думку, гэтымі малаткамі немагчыма адкалупваць плітку, а паветранымі шарыкамі — наносіць шкоду каму-небудзь. Суддзя Святлана Бандарэнка не дазволіла нават дастаць малаткі з пакета ў зале суда і адмовіла ў заяўленым хадайніцтве.

Падрабязнасці 👉 bit.ly/3ovw0Nm

Палітвязня Паўла Севярынца прызналі схільным да нападу на адміністрацыю турмы

Пра гэта паведаміла яго жонка Вольга Севярынец.

«Паўлу Севярынцу дадалі яшчэ адну "медальку" — прызналі схільным да нападу на адміністрацыю. Цяпер усе перасоўванні па турме ў кайданках. Нічога нечаканага, як кажуць, але прыемнага мала.

А яшчэ мой непахісны рыцар на праверках, калі трэба назваць імя і артыкул, кажа "незаконна асуджаны Севярынец", пагражаюць яму за гэта карцарам, але я ведаю, што ён не перастане».

Падрабязнасці 👉 bit.ly/3hL8Tx7

📷Фотафакт: сотні людзей з самай раніцы стаяць пад дажджом каля Акрэсціна, каб перадаць затрыманым перадачы.

Чацвер — адзіны дзень, калі на Акрэсціна прымаюць перадачы.