⚡️Трэнера-выкладчыка па плаванні з Баранавічаў Аляксея Павядаўлу асудзілі на 2 гады калоніі за "кактэйль Молатава" ў багажніку аўто.

Аляксей на судзе казаў, што гаручую сумясь захоўваў для асабістых бытавых патрэбаў. У якасці "кактэйля Молатава" ён яе выкарыстоўваць не збіраўся.
👉https://cutt.ly/Rkh7ihn

Спрабаваў спыніць машыну ДАІ, каб яна не заехала ў людзей. На 3 гады калоніі асудзілі прадпрымальніка Івана Канявегу

У судзе Заводскага раёна Мінска сёння скончыўся разгляд крымінальнай справы ў дачыненні да Івана Канявегі — індывідуальнага прадпрымальніка, дырэктара канцэртнага агенцтва Horse&Vega. З 17 снежня 2020 год ён знаходзіўся пад вартай. Яго абвінавацілі адразу па трох артыкулах Крымінальнага кодэкса па падзеях у сталіцы з 9 на 10 жніўня: па ч. 1 арт. 342 КК (Актыўны ўдзел у групавых дзеяннях, якія груба парушаюць грамадскі парадак), арт. 364 КК (Гвалт у дачыненні да супрацоўнікаў міліцыі), ч. 1 арт. 218 КК (Наўмыснае знішчэнне або пашкоджанне маёмасці).

Нягледзячы на велізарную колькасць станоўчых характарыстык і паручальніцтваў за Івана, пакрыццё маральнай і матэрыяльнай шкоды, суддзя Кацярына Мурашка прысудзіла яму 3 гады калоніі.
Падрабязнасці працэса👉https://cutt.ly/IkjoONN

❗️І яшчэ тры чалавекі сёння атрымалі па тры гады пазбаўлення волі

▪️Дэсантнік Руслан Акостка з Салігорска, які праз горад пранёс бел-чырвона-белы сцяг, атрымаў 3 гады калоніі👉https://spring96.org/be/news/101715

▪️Столькі ж атрымаў Аляксей Губіч з Гомеля. Хлопца абвінавацілі ў нанясенні ўдару па назе міліцыянта Шапавалава, ад якога той ўпаў. Калі на судзе высветлілася, што ў момант падзення Шапавалава Губіча побач не было, то раптам з'явіўся іншы "пацярпелы Іваноў", якога нібыта таксама ўдарыў Губіч. 👉https://cutt.ly/XkjlVEc

▪️Арцёма ісакава ў Віцебска асудзілі на 3 гады за распылены ў бок сілавікоў у цывільным газ👉https://cutt.ly/skjl5Db

⚡️Усіх супрацоўнікаў крамы Symbal.by адправілі на суткі

У судзе Савецкага раёна Мінска сёння нарэшце разглядзелі справы Анастасіі Трафімчык і Вольгі Ігнатовіч па двух пратаколах: арт. 23.34 і арт. 23.4 КаАП.

⚖Суддзя Марына Фёдарава прызнала вінаватай Насту ў непадпарадкаванні і пакарала яе 15-сутачным арыштам. Пратакол па арт.23.34 КаАП суддзя адправіла на дапрацоўку.

⚖Суддзя Сяргей Шаціла паступіў такім жа чынам: 15 сутак за непадпарадкаванне, а пратакол па арт. 23.34 КаАП адправіў на дапрацоўку.

Учора стала вядома, што Мікіта Броўка і Ксенія Міклашэўская атрымалі па 20 сутак арышту па арт.23.34 і арт.23.4 КаАП.

Усе супрацоўнікі крамы знаходзяцца ў ізалятары з 30 студзеня.

⚡️Міліцыя правяла ператрус у жыхара Драгічына, кіроўцы-міжнародніка Аляксандра Камісарчука. Ён сам знаходзіўся ў рэйсе за мяжой у момант правядзення ператрусу. Падчас ператрусу дома была яго жонка.

Яна патлумачыла Аляксандру, што супрацоўнікі міліцыі прад'явілі санкцыю на ператрус. Супрацоўнікі цікавіліся, дзе Аляксандр Камісарчук, а таксама, дзе яго тэлефон.

Ператрус быў звязаны са справай Драгічынскага журналіста-палітвязня Сяргея Гардзіевіча, якому выстаўленае абвінавачванне ў абразе Аляксандра Лукашэнкі.

У доме Аляксандра Камісарчука канфіскавалі сістэмны блок кампутара, які належыць яго дзецям.

Аляксандр Камісарчук — былы супрацоўнік міліцыі, цяпер дальнабойнік, адміністратар Драгічынскага вайбер-чата і чатаў дальнабойнікаў. Пасля выбараў 13 жніўня яго затрымалі недалёка ад Драгічына і судзілі па двух пратаколах — за несанкцыянаваную акцыю і дробнае хуліганства. Камісарчук адбыў 25 сутак арышту. Па справе Драгічынскага журналіста Сяргея Гардзіевіча раней прайшлі ператрусы ў яго калег у Ганцавічах і Івацэвічах.

👉Ператрусы ў Беларусі: хроніка пераследу за 4 лютага

❗️+ 2 палітычных зняволеных у Беларусі. Гэта Стэфан Лазавік і Віктар Лосік.

▪️Стэфан Лазавік быў затрыманы 16 верасня 2020 г. па падазрэнні ў датычнасці да нанясення пратэстных надпісаў “Он проиграл и стал убивать. Скот уходи!” 12 жніўня 2020 г. на адным з прыпыначных пунктаў Горак. 26 лістапада суд Горацкага р-на прысудзіў Стэфана Лазавіка да 1 года пазбаўлення волі з накіраваннем у калонію агульнага рэжыму. Хлопец быў назіральнікам падчас прэзідэнцкіх выбараў і актыўна ўдзельнічаў у поствыбарчых пратэстных акцыях.

▪️7 снежня 2020 г. у Хацежына Мінскага р-на быў затрыманы Віктар Лосік, які абвінавачаецца ў тым, што павесіў на мосце пудзілы з фотаздымкамі міністра ўнуртраных справаў і старшыні выбарчай камісіі Хацежанскага ўчастка для галасавання з надпісам “Не забудем, не простим!”, а таксама ў нанясенні выяваў з гербам “Пагоня” на збудаваннях і апорах маста. Яму было прад’яўлена абвінавачванне па ч.1 арт. 339 (хуліганства) і арт. 341 КК (апаганьванне збудаванняў і псаванне маёмасці). Ён пад вартай у СІЗА Жодзіна.
👉https://cutt.ly/RkjMQol

⚡️Па стане на 04.02.2021 у Беларусі 226 палітвязняў

⚡ Стало известно расписание судебного заседания по делу Петрухина и Кабанова

Уголовное дело в отношении брестских блогеров будет рассматриваться в следующие дни:
- 11 февраля 14:30
- 16 февраля 10:00
- 19 февраля 10:00
- 23 февраля 10:00
Данное заседание пройдет в суде Октябрьского р-на Могилева, зал №113.

Петрухина Сергея обвиняют сразу по трем статьям Уголовного кодекса (ст.391, ч.1 ст.342, ст.369), а Кабанова Александра по двум (ч.1 ст.342, ст.369), сообщил адвокат Сергея.

⚡️4 гады калоніі ўзмоцненага рэжыму — прысуд мастаку за ўдзел у пратэстах 9-10 жніўня

Суд Ленінскага раёна Мінска сёння асудзіў 29-гадовага мастака Аляксандра Нурдзінава на чатыры гады пазбаўлення волі ў калоніі ўзмоцненага рэжыму. Мінчаніна абвінавацілі па двух артыкулах Крымінальнага кодэкса: ч. 1 арт. 342 (групавыя дзеянні, груба парушаючыя грамадскі парадак) і ч. 2 арт. 293 (удзел у масавых беспарадках).

Яго абвінавацілі ва ўдзеле ў пратэстных акцыях 9-10 жніўня, блакаванні дарог, узвядзенні барыкад і ў тым, што ён "кідаў расліннасць з кветнікаў у супрацоўнікаў органаў унутраных справаў"👉https://cutt.ly/6klKSEL

⚡️Блогер Павел Спірын атрымаў 4,5 гады калоніі

Яго прызналі вінаватым ў частцы 1 артыкула 130 КК РБ — "Наўмысныя дзеянні, накіраваныя на ўзбуджэнне расавай, нацыянальнай, рэлігійнай альбо іншай сацыяльнай варожасці або варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці".

Як праходзіў суд над ім👉👉👉https://cutt.ly/cklCbjA

Каардынатару "Еўрапейскай Беларусі", палітвязню Яўгену Афнагелю прад'явілі яшчэ адно абвінавачванне - па ч. 3 арт. 293 Крымінальнага кодэксу - "Навучанне ці іншая падрыхтоўка асоб для ўдзелу ў масавых беспарадках, альбо фінансаванне гэтай дзейнасці".

Таксама яго вінавацяць ва ўдзеле ў масавых беспарадках (ч. 2 арт. 293 КК).

⚡️Менчука асудзілі на паўтары гады "хатняй хіміі" за абразу ў тэлеграм-чаце начальніка з ГУБАЗіК

У судзе Фрунзенскага раёна вынеслі прысуд тэхніку-праграмісту Аляксею Мачалаву, абвінавачанаму па артыкуле 369 Крымінальнага кодэкса (Абраза прадстаўніка ўлады) за абразу ў тэлеграм-чаце начальніка трэцяга ўпраўлення ГУБАЗіК МУС Міхаіла Бедункевіча.
Суддзя Ала Бушава пакарала яго 1,5 гадамі абмежавання волі без накіравання ў папраўчую ўстанову адкрытага тыпу ("хатняя хімія"). Менавіта столькі прасіў пракурор.👉https://cutt.ly/Wkl0kcz

“Цяжка даказваць што белае - гэта белае”. У Мінску судзяць айцішніка і палітвязня Андрэя Пазняка, якога збівалі ў ГУБАЗіК для дачы патрэбных паказанняў.

Андрэя вінавацяць па арт. 342 - Актыўны ўдзел у групавых дзеяннях, груба парушаючых грамадскі парадак. Пракурор лічыць яго віну цалкам даказанай і патрабуе адправіць Пазняка ў калонію на 3 гады. Адвакаты звяртаюць увагу на грубейшыя працэсуальныя парушэнні падчас следства.

👉https://cutt.ly/QkzweUB

⚡️Дырэктар "Офіса па правах людзей з інваліднасцю" Сяргей Драздоўскі і юрыст арганізацыі Алег Граблеўскі празнаныя палітычнымі зняволенымі.

Алега і Сяргея затрымалі 3 лютага. Вядома, што Алег Граблеўскі з'яўляецца падазраваным па крымінальнай справе і змешчаны ў ІЧУ на 72 гадзіны. Сяргей Драздоўскі, які таксама знаходзіцца ў статусе падазраванага, змешчаны пад хатні арышт з забаронай на выкарыстанне сродкаў камунікацыі. Адвакатамі Алега і Сяргея дадзены падпіскі аб неразгалошанні. Адпаведна, адсутнічае інфармацыя аб абставінах справы, іх затрымання і ўтрымання пад вартай.

Тэкст заявы праваабаронцаў👉https://cutt.ly/GkzjLmd

❗️Па стане на 05.02.2021 у Беларусі 228 палітвязняў

❗️upd. Палітвязняў ужо 227.

Андрэя Пазняка не пазбавілі волі, а прысудзілі 3 гады абмежавання волі з накіраваннем у папраўчую ўстанову адкрытага тыпу ("хімія"). Яго вызвалілі з пад варты ў залі суда.

Калі прысуд не атрымаецца абскардзіць, ён уступіць у законную сілу, і Андрэй паедзе яго адбываць - то зноў стане палітычным вязнем.

⚡⚡⚡ У могилевской журналистки Алины Скребуновой – обыск

Журналистку Алину Скребунову и оператора Александра Сидоревского задержали в середине дня, когда они направлялись на оглашение приговора по делу бывшей могилевской чиновницы Ирины Жаббаровой.

Сидоревского продержали в Ленинском РОВД три часа, составив протокол по ст. 22.9 КоАП (обвинили в работе на иностранное СМИ без аккредитации).

После этого Сидоревского отпустили. В 17:15 сотрудники Ленинского РОВД Александр Томашов и Василий Корнеенко заявились в дом к журналистке Алине Скребуновой с обыском. Что именно хотят найти милиционеры – неизвестно.

"У той вечар адбылася трагедыя — гібель Тарайкоўскага". Судзяць палітвязня Рамана Канановіча за падзеі 10 жніўня на "Пушкінскай"

Суд Ленінскага раёна разглядае крымінальную справу па ч. 2 арт. 293 КК (удзел у масавых беспарадках) супраць 24-гадовага палітзняволенага інжынера-праграміста Рамана Канановіча. Яго абвінавачваюць ва ўзвядзенні барыкад з дапамогай жалезнай агароджы ў ноч з 10 на 11 жніўня каля ст. м. "Пушкінская", дзе тады загінуў пратэстовец Аляксандр Тарайкоўскі.

Віну палітвязень не прызнае. Судовае следства над праграмістам заняла толькі дзве гадзіны. Раману Канановічу пагражае да 8 гадоў пазбаўленні волі. "Вясна" з дапамогай валанцёраў назірае за гэтым судовым працэсам і распавядае пра акалічнасці гэтай справы👉👉👉https://cutt.ly/1kzDGEa