🤡У Наваполацкай папраўчай калоніі № 1 ладзяць "дні расхламлення", калі ў вязняў адбіраюць рэчы на прымусовую ўтылізацыю

Стала вядома, што ў перапоўненай наваполацкай ПК-1 не хапае месца для захоўвання прадуктовых перадач і рэчаў асуджаных, таму адміністрацыя калоніі прымусова іх утылізуе. Пад знішчэнне рэчаў, што прыйшлі ў непрыдатнасць або "лішніх" рэчаў могуць патрапіць амаль новыя тапкі, абутак для спорту, зменныя спартыўныя касцюмы ручнікі і г. д.

Адзначым, што паводле закона, сваякі з часам маюць права забраць рэчы, адміністрацыя афармляе менавіта іх утылізацыю, а не адпраўку на захоўванне. Як адзначаюць былыя вязні ПК-1, атрыманне рэчавай перадачы ў калоніі не заўсёды азначае карыстанне перададзенымі па вопісу прадметамі.

Чарговае затрыманне за пратэсты

Праўладныя тэлеграм-каналы паведамляюць пра чарговае затрыманне мужчыны за пратэсты — гэтым разам, у Брэсце. Падкрэсліваецца, што ягоная жонка знаходзіцца на чацвёртым месяцы цяжарнасці.

На "пакаянным" відэа берасцеец прызнаецца, што знаходзіўся на праспекце Машэрава, зарэгістраваўся ў чат-боце "Перамога", а таксама адсылаў даныя ў "Голос".

Праўладныя каналы таксама публікуюць кадры, на якіх мужчыну жорстка затрымліваюць раніцай.

Сілавікі затрымалі актывіста беларускай дыяспары Масквы, які пісаў лісты палітвязням

Мужчына прыехаў з Масквы ў Беларусь, дзе яго затрымалі. На пакаяльным відэа мужчына кажа, што ён з'яўляецца ўдзельнікам групы "Беларусы Масквы", а таксама пісаў лісты палітвязнямі, "асуджаным за дзеянні, накіраваныя супраць дзейнай улады ў Беларусі".

UPD. Затрыманы — Дзмітрый Кашко.

У Бярозаўцы затрымалі дырэктарку бара «Столе»

Пра гэта паведамляюць праўладныя тэлеграм-каналы. Прычына затрымання — "экстрэмізм". Паводле "Наша Нівы" затрыманую клічуць Дзіяна Бурштыка. Яна шматдзеная маці і дырэктарка бара «Столе». Паведамляецца, што разам з ёй затрымалі яшчэ некалькі супрацоўнікаў.

Крыніца: "Наша Ніва"

Сілавікі затрымалі сямейную пару з Кобрына за ўдзел у пратэстах у 2020 годзе

Мужчыну і жанчыну абвінавачваюць паводле артыкула аб грубым парушэнні парадку (ч. 1 арт. 342 КК).

Паводле інфармацыі ведамства, 10 жніўня 2020 года ў Кобрыне 22-гадовая беларуска са сваім разам з 29-гадовым мужам выйшла на пратэсты. Следчыя ўстанавілі, што "дзяўчына з бутэлькай піва ў руцэ ў першых шэрагах паказвала сілавікам непрыстойныя жэсты, а яе муж прыспусціў штаны і дэманстраваў аголеныя ягадзіцы".

Паведамляецца, што сямейная пара ўтрымліваецца пад вартай.

UPD. Паводле інфармацыі @Viasna_brest, затрыманыя — Вячаслаў Беразавец і Таццяна Данілюк.

Хроніка рэпрэсій 3 верасня 👉🏻👉🏻👉🏻 https://spring96.org/be/news/116172

📝Агляд сітуацыі з правамі чалавека ў Беларусі ў жніўні

📍У Беларусі захоўваецца крытычна высокі ўзровень рэпрэсій;
📍У мінулым месяцы праваабаронцы даведаліся пра ўтрыманне ў няволі па палітычных матывах і прызналі палітвязнямі 52 чалавекі;
📍Вядома пра не менш як 152 выпадакі палітычна матываваных рэпрэсій;
📍Па-ранейшаму праваабаронцы "Вясны" рэгулярна фіксуюць і дакументуюць факты прымянення катаванняў і жорсткага абыходжання;
📍Вядома як мінімум пра 6971 фігуранта крымінальных спраў.

Справаздача цалкам 👉 https://spring96.org/be/news/116177

💳Падтрымаць «Вясну» на Patreon | Аднаразовым данатам

У «спіс тэрарыстаў» дадалі яшчэ 12 беларусаў

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы яшчэ 12 чалавек.

Сярод іх Лазарэвіч Уладзімір, Блізнец Аляксандр, Максімовіч Аляксандр, Зайкоў Андрэй, Мірэйчык Андрэй, Судзілоўская Анастасія, Цімашчук Алена, Сауцін Павел, Субцельны Андрэй, Наумаў Сяргей, Германовіч Яўген, Валадзько Анатоль.

Цяпер у «тэрарыстычным спісе» 1158 чалавек, з іх крыху менш за 500 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

❤️Палітвязень Аляксей Ільінчык — на волі

Аляксей — гомельскі бард і музыкант. Яго абвінавацілі ў паклёпе на Лукашэнку (ч. 2 арт. 367 КК), абразе Лукашэнкі (ч.1 арт. 368 КК), распальванні іншай сацыяльнай варожасці або варажнечы (ч. 1 арт. 130 КК) і асудзілі да 2,5 гадоў калоніі.

За час знаходжання ў СІЗА-3 і ў папраўчай калоніі здароўе Аляксея пагоршылася. Правая рука ў яго амаль не дзейнічала, быў парушаны маўленчы апарат, таму размаўляў ён з цяжкасцю. Пісаць самастойна лісты ён таксама не мог.

Як стала вядома «Гомельскай Вясне», Аляксей цалкам адбыў тэрмін і выйшаў на волю 31 жніўня.

У «Спіс экстрэмістаў» дадалі яшчэ 22 чалавек — цяпер у ім 4375 прозвішчаў

30 жніўня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі аператара АНТ Антона Казельскага і настаўніцу мінскай гімназіі Дар'ю Хмяльніцкую.

Да допіса далучыны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Жыхара Гомеля затрымалі за падпіску на паблік «Чай з малінавым варэннем» ва «Укантакце»

Праўладныя тэлеграм-каналы пішуць, што мужчыну абвінавачваюць у «распаўсюде экстрэмісцкіх матэрыялаў» (арт. 19.11 КаАП).

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

⚡️Белта: Лукашэнка памілаваў яшчэ 30 палітвязняў

Сярод іх 7 жанчын і 23 мужчыны. Большасць з іх з'яўляюцца бацькамі непаўналетніх і малалетніх дзяцей.

Вядома, што іх справы разглядала камісія генпракурора Андрэя Шведа, які ўзначавальвае гэтак званую «камісію па вяртанні».

Чытаць па спасылцы 👉 https://spring96.org/be/news/116180

✍️Калі вам вядома пра людзей, якія выйшлі на волю, калі ласка, паведамляйце праваабаронцам на @Viasnainfo

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на 4 верасня ў Беларусі прызнаны палітычным вязнем 1371 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

💔 «Я, напэўна, проста памру тут»: хто з беларускіх палітзняволеных знаходзіцца ў асаблівай рызыцы за кратамі

Праваабаронцам вядома не менш чым пра 232 палітвязняў, якія знаходзіцца за кратамі ў асаблівай рызыцы. Сярод іх:

• 94 чалавекі ў цяжкім стане здароўя;
• 47 сталых людзей, чый узрост перавышае 60 гадоў (шмат хто з іх таксама мае вялікія праблемы са здароўем);
• 39 шматдзетных маці і бацькоў;
• 23 маладзёны, якія былі затрыманыя непаўнагадовымі;
• 13 чалавек з інваліднасцю;
• 11 чалавек з ментальнымі разладамі;
• Вядома пра як мінімум 5 сямей, дзе абое бацькоў знаходзяцца за кратамі.

Самы старэйшы з палітвязняў — 76-гадовы Міхаіл Ляпейка з Магілёву, які быў накіраваны на прымусовае лячэнне ў псіхіятрычным шпіталі за абразу Лукашэнкі.

Чытаць па спасылцы 👉 https://spring96.org/be/news/111366

🗣Калі вы ведаеце такіх людзей, калі ласка, паведамляйце праваабаронцам 👉 @ViasnaSOS, @Viasnainfo

У Беларусі прызналі «экстрэмісцкім» X-акаўнт нямецка-швейцарскай праваабарончай арганізацыі Libereco

Адпаведнае рашэнне прынятае судом Цэнтральнага раёну Мінска 2 верасня.

Праваабаронцы Libereco гадамі падтрымліваюць беларусаў і застаюцца неабыякавымі да парушэнняў правоў чалавека ў нашай краіне, а таксама прыцягваюць увагу еўрапейцаў да гэтай праблемы.

Таксама ў спіс «экстрэмісцкіх» трапілі старонкі ў «X» «Наnnа Liubakova», «Pavel Slunkin», «bielarus.infо», Instagram-старонкі «margo.vorykhava», «anton_rodionovart», Telegram-каналы «Вольно-Казачий Отряд РДК», «BGmedia:новости – 2024» і Facebook-старонкі «Беларускi Хаб "Новая зямля"/Bialoruski Hub "Novaja Ziamia», «Акцыi беларусаў Варшавы».

📊Мінус адзін. Як змянілася сітуацыя з палітвязнямі ў жніўні

16 жніўня Лукашэнка падпісаў Указ аб памілаванні 30 палітзняволеных, сярод якіх 14 жанчын і 16 мужчын, а некаторыя з іх маюць сур'ёзныя захворванні. На дадзены момант праваабаронцам «Вясны» вядомае прозвішча 21 вызваленага палітзняволенага. Агулам ж за месяц з-за кратаў на волю выйшлі 53 палітвязні — па заканчэнні тэрміну, або пасля суда да накіравання ў ПУАТ ці пачатку адбыцця тэрміну на «хатняй хіміі».

У жніўні праваабарончая супольнасць Беларусі прымала заявы аб наданні новым фігурантам крымінальных палітычных спраў статуса палітвязень — за месяц такі статус атрымалі 52 чалавекі. Гэта людзі з усёй Беларусі, рознага ўросту і сацыяльнага статуса, якія абвінавачваюцца па шэрагу палітычных артыкулаў.

Такім чынам, за мінулым месяц на волю выйшлі 53 палітвязні, а 52 іншых чалавекі атрымалі статус палітычнага зняволенага.

У Брэсце за ўдзел у паслявыбарчых пратэстах судзяць адразу 11 чалавек

У судзе Брэсцкага раёна паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак) пачалі судзіць 11 мясцовых жыхароў. Гэта Ілля Сабко, Аляксандр Зайцаў, Мікалай Каплюк, Кірыл Еўтышык, Мікалай Місюк, Артур Зарэмба, Дзмітрый Лысюк, Алег Бандарук, Міхаіл Верамчук, Дзмітрый Салавейка, Дзяніс Якавенка. З некаторымі з іх публікаваліся «пакаяльныя відэа».

Паводле інфармацыі «Берасцейскай Вясны», папярэдне ўсіх судзяць за ўдзел у акцыі пратэсту 10 жніўня 2020 года.

Масавую справу разглядае Сяргей Маручак, які ў 2021 годзе вынес прысуд адразу 12 чалавекам па «справе карагодаў». Агулам за брэсцкую акцыю пратэсту, якая адбылася 10 жніўня 2020 года, паводле арт. 342 і 293 асудзілі ўжо 107 чалавек.

У Пінску судзяць двух мясцовых жыхароў за ўдзел у пратэстах

4 верасня ў судзе Пінскага раёна і Пінска адбываецца адразу два працэсы паводле ч. 1 арт. 342 Крымінальнага кодэкса. За ўдзел у акцыях пратэсту судзяць Арцёма Стасюкевіча і Аляксандра Валацко. Іх справы разглядаюць Яўгенія Мельнік і Вольга Лубнік адпаведна.

Як піша «Берасцейская Вясна», справы звязаныя з акцыяй пратэсту, якая праходзіла з 9 на 10 жніўня 2020 года ў Пінску. Раней за тую акцыю пратэсту асудзілі 29 чалавек, але паводле ч. 2 арт. 293 КК «удзел у масавых беспарадках».

Актывіст і сябар «Руху за Свабоду» Аляксей Клюшнічэнка ўжо больш за 6 месяцаў знаходзіцца за кратамі

Пра гэта ў Facebook паведаміла Аліна Герашчанка.

Аляксей быў затрыманы 22 лютага. Паведамляецца, што яму інкрымінуюцца артыкулы 130 КК (распальванне варожасці), 361 КК (заклікі да мераў абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь), 367 КК (паклёп на Лукашэнку), 368 КК (абраза Лукашэнкі) і іншыя.

💌Месца ўтрымання Аляксея: СІЗА-1. 223016, Навадворскі с/с, 143/4, в. Пашковічы, Мінскі раён, Мінская вобласць, Клюшнічэнка Аляксей Юр‘евіч.
💻Напісаць анлайн