❤️Палітзняволены Юрый Седзянеўскі цалкам адбыў тэрмін і выйшаў на волю

Пра гэта паведамляе @nebovkletku.

Юрый быў асуджаны да 3 гадоў «хіміі» па арт. 364 КК («Гвалт у дачыненні да супрацоўнікаў міліцыі») і па арт. 342 КК («Групавыя дзеянні, груба парушаючыя грамадскі парадак»).

Справа была ўзбуджана за падзеі ў Гродне 6 верасня 2020 года. Паводле абвінавачвання, Юрый і ягоны брат Уладзімір «груба парушалі грамадскі парадак на акцыі пратэсту, пагражаючы і здзяйсняючы гвалт у дачыненні да супрацоўнікаў міліцыі». У справе фігуравалі ажно 11 пацярпелых супрацоўнікаў МУС. Юрый сваёй віны не прызнаў.

Нізкаякасныя песні пра Лукашэнку. Як у Беларусі за кратамі «катуюць музыкай»

Разам з аддзелам дакументавання катаванняў і дацкім інстытутам супраць катаванняў DIGNITY расказваем пра прыклады катаванняў і жорсткага абыходжання палітвязняў у Беларусі.

Амаль усе вязні, якія распавядалі пра свой досвед зняволення, сведчылі пра пастаянна ўключанае святло ў камерах. У зняволенні ў беларускіх турмах парушэнне сна выглядае, як не самая вялікая праблема. Але бяссонніца закранае абвастрэнне, а таксама і атрыманне хранічных захворванняў.

Акрамя пастаянна ўключанага святла, вязні ў зняволенні зазнаюць так званае «катаванне музыкай». Праваабаронцам вядомыя выпадкі, калі зняволеным падчас пад’ёму рэгулярна ўключалі дзяржаўны гімн Беларусі на вялікай гучнасці. Таксама надзіральнікі ставілі папулярныя музычныя кампазіцыі нізкай якасці беларускіх выканаўцаў. У гэтых песнях звычайна праслаўляецца беларуская ўлада і Лукашэнка.

Чытаць па спасылцы 👉 https://spring96.org/be/news/115602

15 ліпеня пачнецца завочны суд па справе экс-супрацоўніц TUT.ВY

Мінскі гарадскі суд 15 ліпеня пачне разглядаць крымінальную справу ў дачыненні да былых супрацоўніц партала TUT.ВY Вольгі Лойка, Алены Талкачовай і Кацярыны Ткачэнка, вынікае з раскладу пасяджэнняў на сайце электроннага судаводства.

Абвінавачванне прад’яўленае паводле чатырох артыкулаў Крымінальнага кодэкса: ч. 3 арт. 130 (распальванне іншай сацыяльнай варожасці ці варажнечы), ч. 2 арт. 243 КК (ухіленне ад выплаты падаткаў), ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Беларусі).

Весці працэс прызначаная суддзя Валянціна Зянькевіч, піша @pozirkonline.

Жыхара Брэста затрымалі за каментары пра Лукашэнку і міліцыянтаў

На «пакаяльным відэа» мужчына кажа, што жыве ў Брэсце і яго затрымалі супрацоўнікі мінскай міліцыі за «абразлівыя каментары» на адрас Лукашэнкі і сілавікоў.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

У Гродне за каментары ў Telegram-каналах пачынаюць судзіць Ігара Сушко

Гродзенскі абласны суд пачынае разгляд крымінальнай справы Ігара Сушко. Яго абвінавачваюць у «распальванні іншай сацыяльнай варожасці альбо варажнечы» (ч. 1 арт. 130 КК). Справу прызначылі разглядаць суддзю Віталя Кулеша.

Па інфармацыі @Grodno_grab, Ігара затрымалі 23 лістапада 2023 года. З «пакаяльнага відэа», апублікаванага сілавікамі вядома, што ён з’яўляўся сузаснавальнікам фірмы па гарадскіх маршрутных перавозках.

Чытаць па спасылцы 👉 https://spring96.org/be/news/115640

Інжынера затрымалі за каментары ў Telegram

На «пакаяльным відэа» мужчына кажа, што пакідаў абразлівыя каментары пра міліцыянтаў, а таксама нібыта прайшоў рэгістрацыю ў чат-боце плана «Перамога».

UPD. Затрыманы — Дзяніс Шчарбакоў. Разам з ім затрымалі яшчэ аднаго чалавека.

🔗Хроніка палітычнага пераследу

⚖️Палітвязня Мікіту Залатарова зноў будуць судзіць

Мікіту затрымалі 11 жніўня 2020 года. Тады яму было 16 гадоў. У лютым 2021 года хлопцу прысудзілі 5 гадоў у выхаваўчай калоніі па крымінальнай справе аб «кактэйлях Молатава». Ён неаднаразова скардзіўся бацьку на катаванні .

Ужо ў ліпені 2021 года хлопца зноў асудзілі. Яго абвінавацілі ў нападзе на супрацоўніка СІЗА-3 па арт. 364 КК за "наўмысна зрабленую падножку супрацоўніку СІЗА". Пазней палітвязня перавялі з выхаваўчай калоніі ў папраўчую. Але ў хуткім часе Мікіту перавялі на турэмны рэжым. 

Ужо 11 ліпеня ў Жодзіне над хлопцам пачнецца чарговы суд. Мікіту абвінавачваюць паводле ч. 2 арт. 411 КК (злоснае непадпарадкаванне адміністрацыі калоніі). Справу будзе разглядаць суддзя Анастасія Кука. Яму могуць дадаць яшчэ 2 гады калоніі.

💌Падтрымайце Мікіту: Следчая турма № 8, 222163, г. Жодзіна, вул. Савецкая, 22А, Мікіта Міхайлавіч Залатароў
💻Напісаць анлайн

Вярхоўны суд пакінуў у сіле прысуд Анастасіі Мацяш, асуджанай да двух гадоў зняволення

Як стала вядома @bajmedia, суддзя Вярхоўнага суда Сяргей Гураў 28 чэрвеня разгледзеў апеляцыйную скаргу палітзняволенай. Скаргу вырашана пакінуць без задавальнення, а вырак суда першай інстанцыі — без зменаў.

Нагадаем, Мінскі гарадскі суд 19 красавіка прызнаў жанчыну ўдзельніцай «экстрэмісцкага фармавання» і прызначыў ёй два гады пазбаўлення волі ў калоніі ва ўмовах агульнага рэжыму, а таксама штраф памерам 500 базавых велічынь (20 000 рублёў). Прысуд агучыла суддзя Святлана Макарэвіч.

У судзе Мінскага раёна пачаўся суд над службовымі асобамі па справе сям'і Таратута

Абвінавачанымі па справе праходзяць Аляксандр Дзядок — начальнік ІСН Слуцкага РАУС і Арцём Галавінскі — следчы Слуцкага РАСК, чые бяздзеянне і халатнасць, на думку дзяржабвінавачання, спрыялі магчымасці працяглага катавання малалетняга Сямёна Таратуты. Першаму ставяць у віну здзяйсненне злачынства, прадугледжанага ч. 3 арт. 425 КК («Бяздзейнасць службовай асобы»), другому — ч. 2 арт. 428 КК («Службовая халатнасць»).

Раней Мінскім абласным судом быў вынесены прысуд па крымінальнай справе аб забойстве бацькамі са Слуцка свайго трохгадовага сына. Аляксандр Таратута, бацька трохгадовага Сямёна, быў асуджаны да смяротнага пакарання (расстрэлу), яго жонка Анастасія — да 25 гадоў пазбаўлення волі ў папраўчай калоніі ва ўмовах строгага рэжыму.

Пазней судовая калегія па крымінальных справах Вярхоўнага Суда пакінула рашэнне суда першай інстанцыі без змены, а апеляцыйныя скаргі абвінавачаных і іх абаронцаў — без задавальнення.

На Віцебшчыне жорстка затрымалі мужчыну за «экстрэмісцкія» падпіскі

На «пакаяльным відэа» мужчына кажа, што на яго старонцы ў «Аднакласніках» былі рэпосты з суполак «Наша Ніва», «Беларусь. Все обо всем» і «Белсат».

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

👨‍💻Senior-распрацоўшчыка з iTechArt пачалі судзіць за данаты

У Мінскім гарадскім судзе 1 ліпеня распачаўся суд над 35-гадовым Іллём Гумбарам. Яго абвінавачваюць паводле двух артыкулаў Крымінальнага кодэкса: «фінансаванне экстрэмісцкага фармавання» (арт. 361-2 КК у рэдакцыі да 26.05.2021) і «фінансаванне экстрэмісцкай дзейнасці» (ч. 1 і ч. 2 арт. 361-2 КК). Яму пагражае да 8 гадоў калоніі. Справу разглядае Святлана Макарэвіч. Мужчына ўтрымліваецца пад вартай.

Вядома, што больш за дванаццаць гадоў Ілля працуе ў IT-кампаніі iTechArt і з'яўляецца адным з найлепшым трэйлранерам Беларусі. Трэйлранінг — гэта бег на вялікія дыстанцыі па перасечанай мясцовасці, часта гэта непралазныя лясы або высокія горы.

💌Падтрымаць вязня: СІЗА-1: 223016, Навадворскі с/с, 143/4, д. Пашковічы, Мінскі раён, Мінская вобласць, Ілля Славаміравіч Гумбар
💻Напісаць анлайн

✍️Калі вам вядомыя падрабязнасці справы ці інфармацыя пра Іллю — калі ласка, напішыце на @Viasnainfo

Возяць на працу да нямецкага фермера. У якіх умовах адбываюць «суткі» затрыманыя па палітычных матывах у Лідзе

Як піша @lida_grab_court, супрацоўнікі ЦІП робяць усё не па статуце, а з распараджэнняў. З зайздрасцю запытваюцца, колькі людзі атрымліваюць грашовую дапамогу ад ініцыятыў, пасля сканчэння адбывання тэрміну, ці добра плацяць.

Затрыманых возяць на працу:
🔹У в. Сцеркава перабіраць смецце;
🔹На перабор цыбулі ў в. Сухвальня да нямецкага фермера-прадпрымальніка (абяцалі плаціць па 30 р. у суткі за працу). На цыбулі быў брыгадзір, які напрыканцы дня адзначаў, хто добра выканаў працу, то бок атрымае аплату, а хто не добра — не атрымае нічога;
🔹Збор камянёў на палях.

Ездзіць затрыманых на працу матывуюць тым, што будзе чым заплаціць за ЦІП. У нядзелю — выходны.

🔎Шукаем людзей, якія адбывалі «палітычныя» арышты і гатовыя распавесці пра ўмовы — калі ласка, напішыце на @Viasnainfo. Ананімнасць гарантуецца.
🗣«Падчас месячных карысталася анучай». Былыя зняволеныя распавялі пра ўмовы ў беларускіх ІЧУ

⚖️Берасцейку Наталлю Малец пачнуць судзіць 8 ліпеня

63-гадовая палітзняволеная, раней асуджаная па палітычных матывах да "хатняй хіміі", знаходзіцца ў зняволенні ў межах новай крымінальнай справы з верасня 2023 года.

Першапачаткова яе абвінавачвалі ў "фінансаванні экстрэмісцкай дзейнасці". Але 5 сакавіка прэс-служба СК паведаміла, што ёй прад'яўлена абвінавачанне па ч. 1 і ч. 2 арт. 361-4 КК (садзейнічанне экстрэмісцкай дзейнасці). Сілавікоў зацікавіла "падазроная актыўнасць жанчыны ў ажыццяўленні грашовых пераводаў" палітвязням. Таксама следчыя ўстанавілі, што яна была ў закрытай суполцы ў Facebook, якая належыць "экстрэмісцкаму фармаванню". Верагодна, гаворка ідзе пра "Письма Солидарности Беларусь 2020". 

8 ліпеня Брэсцкі абласны суд пачне разглядаць справу Наталлі. Працэс будзе весці суддзя Руслан Сянько.

Разбіраемся, за што насамрэч пераследуюць палітзняволеную берасцейку

💌Падтрымайце Наталлю: СІЗА-7. 224030, г. Брэст, вул. Савецкіх памежнікаў, 37, Наталля Альбертаўна Малец
💻Напісаць анлайн

У Магілёве затрыманы выкладчык па класе гітары

На «пакаяльным відэа» мужчыну прымусілі сказаць, што ён пакідаў абразлівыя каментары пра прадстаўнікоў улады.

Паводле папярэдняй інфармацыі, затрыманы — 36-гадовы Пётр Бельскі.

🔗Хроніка палітычнага пераследу