❗️Пяць гадоў пазбаўлення волі ва ўмовах строгага рэжыму і вялізны штраф: прысуд праваабаронцу Леаніду Судаленку

У Гомельскім абласным судзе 17 чэрвеня завяршыўся завочны суд над былым палітвязнем, юрыстам і праваабаронцам Леанідам Судаленкам. Новая крымінальная справа ў фармаце спецвытворчасці была ўзбуджаная ў лістападзе 2023 года. Леаніда абвінавачвалі па частках 1 і 2 арт. 361-4 КК (садзейнічанне экстрэмісцкай дзейнасці).

Справу разглядаў суддзя Анатоль Сотнікаў.

Леанід — вядомы праваабаронца і юрыст, з’яўляўся кіраўніком Гомельскага аддзялення Праваабарончага цэнтра «Вясна». Пакінуўшы Беларусь ён адразу заявіў, што скіруе сваю дзейнасць на хутчэйшае вызваленне беларускіх палітвязняў.

Чытаць па спасылцы 👉 https://spring96.org/be/news/115489

Індывідуальнага прадпрымальніка затрымалі за заклікі блакаваць рух транспарту ў 2020-ым годзе

Паведамляецца, што свае каментары мужчына пакідаў у «дэструктыўным тэлеграм-чаце».

UPD. Паводле інфармацыі @nashaniva, затрыманы — Кірыл Чалядзінскі. Яму 35 гадоў, ён мінчук. Мужчына мае невялікі бізнэс — гандлюе гадзіннікамі. У Кірыла ёсць жонка і дзіця.

🔗Хроніка палітычнага пераследу

❗️У Беларусі +5 новых палітвязняў

Гэта Вячаслаў Негадзенка, Аляксандр Іода, Язэп Дулеба, Анатоль Валадзько, Аксана Ляпко.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/115535

Спіс усіх палітвязняў Беларусі 👉 prisoners.spring96.org

Чарговае папаўненне Спіса экстрэмісцкіх матэрыялаў

У яго трапілі:

📍Telegram-канал «PETLYARIS»;
📍Youtube-канал «Простымі словамі»;
📍TikTok-старонкі «NARODNYREPORTER», «SIARHEI PIATRUKHIN».

🔗Хроніка палітычнага пераследу

💌Вы пісалі лісты ў турму або атрымлівалі іх з волі? Запоўніце ананімна нашую апытанку

У беларускіх месцах зняволення існуе праблема блакавання карэспандэнцыі палітвязням. Ім амаль не перадаюць лісты як ад сяброў, так і ад незнаёмцаў. Некаторыя палітычныя працяглы тэрмін не атрымліваюць лісты нават ад сваякоў. На сённяшні дзень вядома як мінімум пра шэсць палітвязняў, якія знаходзяцца ў стане «інкамунікада», то бок, без усялякай сувязі з вонкавым светам.

Мы хочам сабраць поўныя і сістэмныя звесткі аб інфармацыйнай блакадзе ў месцах зняволення – для разумення маштабу праблемы і яе адвакатавання. Калі вы дасылалі лісты палітвязням, або вы былі ў зняволенні па палітычных прычынах і атрымлівалі карэспандэнцыю, запоўніце нашую апытанку.

Мы плануем выкарыстоўваць даныя з апытанак у падрыхтоўцы зваротаў да Спецдакладчыкаў і аналітычных матэрыялаў. Гугл-форма не збірае e-mail адрасоў і цалкам ананімная.

🔸Апытанка для тых, хто піша ці пісаў лісты ў турму
🔹Апытанка для тых, хто атрымліваў лісты з волі

💔Палітзняволеныя Віктар і Эдуард Бабарыка роўна чатыры гады ўтрымліваюцца за кратамі

Экс-кіраўнік Белгазпрамбанка і былы кандыдат на пасаду прэзідэнта Беларусі Віктар Бабарыка быў затрыманы 18 чэрвеня 2020 года разам з сынам Эдуардам, калі накіроўваўся ў ЦВК для здачы сабраных подпісаў.

Віктара прызналі вінаватым паводле двух крымінальных артыкулаў і асудзілі да 14 гадоў калоніі. У ноч з 24 на 25 красавіка 2023 года Бабарыку ў стане сярэдняй цяжкасці даставілі ў аддзяленне хірургіі наваполацкага шпіталю: у яго была вадкасць у лёгкіх.

Эдуарда ў ліпені 2023 года асудзілі да 8 гадоў зняволенні. Пры гэтым у тэрмін не залічылі час утрымання ў СІЗА КДБ па першапачатковаму абвінавачванню — паўтара года. Яго прызналі вінаватым паводле трох артыкулаў Крымінальнага кодэкса. 

Вядома, што бацьку і сына перыядычна змяшчаюць у штрафныя ізалятары, а Эдуард цяпер знаходзіцца ў ПКТ.

Жыхарку Віцебска затрымалі за TikTok-відэа

На «пакаяльным відэа» жанчына «прызнаецца» ў тым, што размяшчала ў TikTok інфармацыю з «экстрэмісцкіх» каналаў.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

📍Былога журналіста-фрылансера Андрэя Толчына перавялі ў магілёўскую калонію

Андрэй — даўні стваральнік гарадской газеты «Гомельскія ведамасці», журналіст-фрылансер, які супрацоўнічаў з некалькімі незалежнымі выданнямі. Толчына неаднаразова затрымлівалі і судзілі за журналісцкую дзейнасць з 2017 года. Пасля пратэстаў 2020 года журналіст вырашыў сысці з прафесіі. Гомельскі абласны суд 21 сакавіка асудзіў журналіста да 2,5 гадоў калоніі па двух крымінальных артыкулах.

Толчын даглядаў хворую сястру, якая памерла прыкладна за тыдзень-два да ягонага затрыманьня.

Па інфармацыі "Штодня", палітвязня накіравалі адбываць тэрмін у магілёўскую калонію № 15.

💌Падтрымайце журналіста: ПК № 15. 213105, г. Магілёў, п/а Вейна, Слаўгарадская шаша, 183, Андрэй Мікалаевіч Толчын
💻Напісаць анлайн

Дырэктара студыі гуказапісу і гітарыста Алега Лядзенку асудзілі на 2,5 гады «хатняй хіміі» за ўдзел у пратэстах

У судзе Маскоўскага раёна Мінска 28 траўня асудзілі Алега Лядзенку паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак або актыўны удзел у іх). Суддзя Таццяна Матыль прызначыла Алегу два гады і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»).

Мужчыну абвінавацілі ва ўдзеле ў акцыях пратэсту ў 2020 годзе ў Мінску і выхадзе на праезную частку. Як паведамляецца ў судовай пастанове, Алег «выкарыстоўваў у якасці пратэснай сімволікі палотнішча бел-чырвона-белага колеру». Яго апазналі па фотаздымках з пратэснай акцыі.

Пры затрыманні ў Алега арыштавалі гітару і тэлефон, якія вярнулі пасля абвяшчэння прысуду.

Чытаць па спасылцы 👉 https://spring96.org/be/news/115539

Супрацоўніка бабруйскай ТЭЦ затрымалі за каментары ў Telegram

Праўладныя тэлеграм-каналы сцвярджаюць, што мужчына пісаў негатыўныя каментары з абразамі і заклікамі да гвалту ў адрас прадстаўнікоў улады.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

У Магілёве асудзілі адразу 5 чалавек за ўдзел у пратэснай акцыі 2020 года

У судзе Ленінскага раёна Магілёва 13 чэрвеня асудзілі асудзілі адразу пяць чалавек паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). Справу разглядала суддзя Наталля Панасенка.

Усіх фігурантаў справы абвінавацілі ва ўдзеле ў паслявыбарчых пратэсных акцыях і выхадзе на праезную частку.

Так, Андрэю Цімоніну прызначылі 2 гады калоніі ва ўмовах агульнага рэжыму; Валерыю Іўчыну і Дзянісу Котаву — 2 гады і 6 месяцаў з накіраваннем у папраўчую ўстанову адкрытага тыпу («хіміі») кожнаму; Святлане Котавай і Міхаілу Пішчала — 2 гады абмежавання волі без накіравання ў папраўчую ўстанову адкрытага тыпу («хатняй хіміі») кожнаму.

Чытаць па спасылцы 👉 https://spring96.org/be/news/115541

Супрацоўніцу дзяржаўнай установы затрымалі за тое, што яна нібыта дасылала ў «Чорную кнігу Беларусі» інфармацыю пра калег

Таксама яе абвінавацілі ў тым, што яна разам з сынам, які на той момант быў непаўнагадовым, была на паслявыбарчай акцыі пратэсту, прайшла рэгістрацыю ў чат-боце плана «Перамога», а таксама «распаўсюджвала абразлівыя калажы з фота прадстаўнікоў улады».

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

✊Падтрымайце палітзняволеную Алену Тоцкую

61-гадовая палітзняволеная была затрымана 23 студзеня 2024 года падчас рэйду КДБ за прадуктовую дапамогу ад ініцыятывы INeedHelpBY. Яе абвінавачваюць у "фінансаванні экстрэмісцкай дзейнасці" паводле арт. 361-2 Крымінальнага кодэкса.

Жанчына раней працавала на дзяржаўнай службе, аднак у 2020 годзе стала актывісткай і валанцёркай. 8 красавіка "экстрэмісцкім фармаваннем" быў прызнаны чат "Волонтеры. Гомель". У дакуменце КДБ пазначана прозвішча Тоцкай, якая нібыта мае дачыненне да чату.

Цяпер жанчыну ўтрымліваюць у жодзінскай турме № 8.

💌Падтрымайце яе грашовымі пераводамі, пасылкамі і лістамі: Следчая турма № 8. 222163, г. Жодзіна, вул. Савецкая, 22А, Алена Ігараўна Тоцкая
💻Напісаць анлайн

У Баранавічах затрымалі школьнага настаўніка

Паведамляецца, што мужчына працуе ў СШ №1. На «пакаяльным відэа» ён «прызнаецца» ў тым, што пакідаў абразлівыя каментары пра міліцыянтаў і Лукашэнку.

UPD. Затрыманы — 53-гадовы Ігар Ільюкевіч.

🔗Хроніка палітычнага пераследу

У Мінску судзяць Алену Церашкову, двухразовую чэмпіёнку Беларусі па тэквандо, пісьменніцу і хірургіню

У судзе Цэнтральнага раёна Мінска пачынаецца разгляд крымінальнай справы двухразовай чэмпіёнкі Беларусі па тэквандо, пісьменніцы і хірургіні Алены Церашковай. Жанчыну абвінавачваюць ва ўдзеле ў акцыі пратэсту ў 2020 годзе (ч. 1 арт 342 КК).

Справу будзе разглядаць суддзя Юльяна Шчэрба.

Вядома, што Алена — маці чацвярых дзяцей, сястра актывіста і палітвязня Максіма Вінярскага, асуджанага на 5 гадоў пазбаўлення волі.

Чытаць па спасылцы 👉 https://spring96.org/be/news/115547

💌Падтрымайце Алену: СІЗА №1 Навадворскі с/с, 143/4, в. Пашкавічы, Мінскі раён, Мінская вобласць, 223016, Алена Аляксандраўна Церашкова
💻Напісаць анлайн

Сталі вядомыя імёны сямі затрыманых людзей на металатканым заводзе ў Лідзе

Паводле інфармацыі @mediazona_by, гаворка ідзе пра Ганну Мурашку, Яўгена Ашурка, Арцёма Струкава, Вадзіма Кахновіча, Арцёма Шчэбета, Сяргея Шарапава і Міхаіла Кухарчыка. Імёны яшчэ двух затрыманых невядомыя.

На «пакаяльных відэа» яны кажуць, што былі падпісаныя ці рабілі рэпосты з «экстрэмісцкіх» суполак. Па якіх артыкулах іх абвінавачваюць, не ўдакладняецца. Сяргей Шарапаў у відэа сказаў, што з'яўляецца афіцэрам запасу.

Кур'ерку «Яндэкс Дастаўкі» затрымалі за ўдзел у паслявыбарчых акцыях пратэсту

Мяркуючы па відэа праўладнага тэлеграм-каналу, фотаздымкі з акцыі знайшлі ў яе Google-акаўнце.

🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»