💔«Ну, на аднаго чалавека ў Беларусі стане менш», — палітзняволеныя пра медыцынскую дапамогу ў калоніі

У межах Тыдня салідарнасці з палітвязнямі Беларусі «Вясна» ў TikTok падрыхтавала шэраг відэа пра ўзровень меддапамогі за кратамі.

🔹«Я пачаў губляць прытомнасць», — Вадзім Хіжнякоў пра наступствы алергіі на цвіль у турэмнай камеры

🔹«Ты фізічна не можаш хадзіць у такім стане». Вольга Лойка распавяла пра медычную дапамогу ў СІЗА

🔹«У мяне ў назе знаходзілася страйкбольная куля». Канстанцін Карней пра медычную дапамогу на Акрэсціна

🔹«Хварэць у турме — раўназначна смерці». Вольга Рытус пра меддапамогу ў зняволенні

🔹«Ён бы мяне залячыў да смерці», — Леў Антанюк пра медыцынскую дапамогу ў калоніі

🔹«Ну, на аднаго чалавека ў Беларусі стане менш», — Марыя Бабовіч пра меддапамогу ў жодзінскай турме

🔹Музыка Пятро Марчанка: «Медыцына ў зняволенні — гэта справа заусёды безнадзейная»

🔹«Антыбіётыкаў няма, супрацьвірусных няма — трымай нейкую жоўтую таблетку». Дар'я Афанасьева пра меддапамогу ў жаночай калоніі

Святар Павел Лемех не выйшаў на волю пасля 10 сутак арышту

Учора адбыўся другі суд, аднак ягоны вынік пакуль невядомы, піша katolik.life.

Нагадаем, айца Паўла затрымалі разам з іншым святаром — айцом Анджэем Юхневічам, які таксама служыць у Шуміліне. Айцу Анджэю прысудзілі 15 сутак арышту — гэты тэрмін сканчваецца 23 траўня. Акрамя таго, судзілі адну з парафіянак — за падпіску ў сацсетцы на «экстрэмісцкую» старонку, яе пакаралі штрафам.

Затрыманы адміністратар тэлеграм-канала «Propovednik»

Праўладныя тэлеграм-каналы пішуць, што мужчына «распальваў нацыянальную і сацыяльную нянавісць, заклікаў да гвалту, выступаў за радыкалізацыю і тэрарызм».

Паведамляецца, што распачаты шэраг крымінальных спраў — затрыманаму пагражаюць 10 гадамі зняволення.

У тэлеграм-канале «Propovednik» усяго 117 падпісантаў, а яго мэтамі названыя «сыход ад уплыву фашысцкай Расіі і вызваленне Беларусі ад дыктатуры, у тым ліку і Ціханоўскай дыктатуры».

Усім — калонія. У Брэсце за ўдзел у начной акцыі пратэсту ў жніўні 2020 года асудзілі 8 чалавек

Суд Маскоўскага раёна Брэста 20 траўня вынес прысуд васьмі мясцовым жыхарам за ўдзел у жнівеньскай акцыі пратэсту паводле ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак).

Мікіта Вайцюк, Васіль Аляксеюк, Глеб Клімовіч, Віталь Варфаламееў, Аляксандр Тысевіч, Юлія Шаронава, Мікалай Нікіцюк, Максім Собалеў былі асуджаныя да пазбаўлення волі. Такое рашэнне вынес Яўген Брэган.

Паведамляецца, што Юлія Шаранава ўдзельнічала ў акцыях пратэсту 16-гадовай, а Мікіту Вайцюку і Мікалаю Нікіцюку было па 17 гадоў. Таксама вядома, што Максім Собалеў, Глеб Клімовіч, Юлія Шаранава асуджаныя ў тым ліку паводле «наркатычных» артыкулаў.

Чытаць па спасылцы 👉 https://spring96.org/be/news/115302

Па матэрыялах КДК у мінулым годзе распачалі 80 спраў аб «фінансаванні экстрэмізму і тэрарызму»

Для параўнання, у 2022 годзе па матэрыялах КДК было распачата 11 крымінальных спраў, звязаных «з фінансаваннем экстрэмісцкіх фармаванняў і тэрарыстычных арганізацый, а таксама ўдзелам грамадзян Беларусі ва ўзброеным канфлікце на баку Узброеных сіл Украіны».

❗️Драконаўскі прысуд пенсіянеру з Ляхавіч: 7 гадоў і 3 месяцы калоніі і штраф у суме 12 000 рублёў

Брэсцкі абласны суд пасля доўгага перапынку вынес прысуд па крымінальнай справе 68-гадовага жыхара Ляхавіч Барыса Вітко, які раней быў асуджаны за абразу суддзі паводле арт. 391 КК. 20 студзеня 2023 года суд Ляхавіцкага раёна прызнаў яго вінаватым і прысудзіў два гады абмежавання волі без накіравання ва ўстанову адкрытага тыпу («хатняя хімія»).

На гэты раз палітвязню прад’явілі больш сур’ёзныя абвінавачанні па некалькіх артыкулах Крымінальнага кодэкса — яго судзілі за каментары ў Telegram. Справу разглядала суддзя Вера Філонік.

Чытаць па спасылцы 👉 https://spring96.org/be/news/115305

💌Падтрымайце палітвязня: СІЗА-7. 224030, Брэст, Савецкіх памежнікаў, 37, Барыс Міхайлавіч Вітко
💻Напісаць анлайн

📚Беларускія мерапрыемствы ў асноўнай праграме Варшаўскага кніжнага кірмашу

📌25.05, субота
🕰15.00 - 15.50
❌Алесь Бяляцкі: Нобелеўскі лаўрэат і палітычны вязень

(Арганізатар мерапрыемства праваабарончы цэнтр «Вясна»; на беларускай мове з польскім перакладам).

📍заля імя Мікалаеўскай, Палац культуры і навукі

📣 Алесь Бяляцкі – лаўрэат Нобелеўскай прэміі міру (2022).

Алесь Бяляцкі — беларускі грамадскі дзеяч, праваабаронца, пісьменнік, заснавальнік праваабарончага цэнтра «Вясна», палітвязень. Разам з калегамі яго затрымалі 14 ліпеня 2021 года, а пазней асудзілі да 10 гадоў калоніі. Падчас сваяго знаходжання за кратамі праваабаронца быў абвешчаны лаўрэатам Нобелеўскай прэміі міру.

Падчас сустрэчы пагаворым пра:
· cтудэнцкія гады Алеся Бяляцкага;
· заснаванне цэнтра «Вясна»;
· крымінальны пераслед Алеся Бяляцкага з боку рэжыму;
· літаратуру ў жыцці Алеся Бяляцкага;
· турэмнае зняволенне Нобелеўскага лаўрэата.

Запрашаем!

За ўдзел у акцыях пратэсту затрыманы намеснік дырэктара ТАА «НТЦ ЭТ»

Праўладныя тэлеграм-каналы сцвярджаюць, што акрамя «народнага» арт. 342 КК затрыманаму будзе інкрымінаваны арт. 361-1 КК («удзел у экстрэмісцкім фармаванні»), бо раніцай ён нібыта атрымаў паведамленне ад чат-бота плана «Перамога» аб удзеле ў выбарах у Каардынацыйную раду.

UPD. Паводле інфармацыі @nashaniva, затрыманы — Станіслаў Пуцяцін.

🔗Хроніка палітычнага пераследу

На беларуска-літоўскай мяжы затрымалі дваіх мужчын

Сцвярджаецца, што адзін з іх меў намер незаконна трапіць у Літву з мэтай ухілення ад крымінальнай адказнасці, а іншы выконваў ролю кіроўцы.

Прапагандысты пішуць, што першы мужчына пакідаў каментары па «справе Зельцэра» пра забітага кдбіста Федасюка, а другі ў 2020-ым годзе прыцягваўся да адказнасці за ўдзел у акцыях пратэсту.

🔗Хроніка палітычнага пераследу

❤️Бязмежная салідарнасць: гайд па падтрымцы палітвязняў з-за мяжы

З кожным годам падтрымліваць палітычных вязняў становіцца ўсё складаней. Улады намагаюцца любым спосабам знішчыць салідарнасць беларусаў і блакуюць магчымасці па падтрымцы тых, каго ўтрымліваюць за кратамі. Але, спіс тых, каму трэба нагадаць, што яны не пакінутыя сам-насам з рэпрэсіўнай сістэмай, папаўняецца штотыднёва.

Цяпер, калі тысячы беларусаў раскіданы па ўсім свеце, "Вясна" сабрала магчымыя спосабы, як падтрымаць і парадаваць палітзняволеных з-за мяжы.

Чытаць матэрыял па спасылцы.

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

💳Падтрымаць «Вясну» на Patreon | Аднаразовым данатам

⁉️Як захаваць здароўе ў зняволенні? Парады і рэкамендацыі лекараў наконт харчавання

Як кажуць экс-палітвязні, у месцах пазбаўлення волі харчаванне вельмі дрэннай якасці. Так, некаторыя былыя вязні раяць ужываць у зняволенні косткі рыб і тлачоную шкарлупу ад яек у якасці дадатковай крыніцы кальцыю.

Есці косткі рыб не рэкамендуецца (акрамя рыбных кансерваў, косткі ў якіх мяккія і бяспечныя). Яны могуць пашкодзіць сценкі страўнікава-кішачнага тракту, а таксама і несці ў сабе хваробы і інфекцыі.

У яечным шкарлупінні ёсць кальцый, але ён не будзе засвойвацца сам па сабе. Звычайныя мел ці якія-небудзь пакрыцці на сценах таксама могуц быць небяспечнымі, бо туды дадаюць хімікаты.

Лекары могуць параіць: арэхі і сухафрукты (мак, кунжут, насенне сланечніка, міндаль, інжыр); рыбныя кансервы (у касцях рыб вялікае ўтрыманне кальцыя і ў кансервах, якія мяккія і ядомыя); халва; сухое малако; жэлацін.

Чытаць па спасылцы 👉 https://spring96.org/be/news/115271