Самыя «залатыя» кандыдаты ў дэпутаты на Гомельшчыны

Прадстаўляем невялікі аналіз дадзеных аб даходах і маёмасці 247 кандыдатаў у дэпутаты, якія балатуюцца ў Гомельскі гарсавет, аблсавет і ў Палату прадстаўнікоў Нацыянальнага сходу. Для супастаўнасці дадзеных з разліку былі выключаныя даходы ад продажу нерухомасці і транспартных сродкаў.

Сярэдні дэклараваны даход гомельскіх кандыдатаў быў значна вышэйшы за агульнарэспубліканскі ўзровень – 48 460 рублёў, што ў 2022 годзе адпавядала 1 540 даляраў у месяц. Самымі забяспечанымі апынуліся кандыдаты ў дэпутаты Гомельскага аблсавета. Іх сярэдні гадавы даход склаў 60 222 рублёў

З усіх кандыдатаў у дэпутаты найбольшы гадавы даход задэклараваў дырэктар Светлагорскага ТАА «ТКК Рытэйл» Анатоль Жданаў. Яго гадавы даход у памеры 327 151 даляраў нашмат больш, чым у любога іншага кандыдата.

Падрабязнасці 👉 elections2024.spring96.org/be/news/114434

📱Ініцыятыва Salidarnast дае бясплатныя кансультацыі па пытаннях працоўнага права і абароны інтарэсаў працоўных

• Ініцыятыва гарантуе поўную ананімнасць у ходзе кансультацыі — вашы персанальныя дадзеныя застануцца строга канфідэнцыйнымі;
• Спецыялісты @salidarnast валодаюць шматгадовым вопытам у сферы працоўнага права і гатовы дапамагчы вам разабрацца ў вашай сітуацыі;
• Атрымайце дапамогу зручным для вас спосабам — праз анлайн-кансультацыю.

Атрымаць кансультацыю можна праз @salidarnast1bot

❗️Затрыманыя музыкі Nizkiz прызнаныя палітвязнямі

Сёння праваабарончая супольнасць Беларусі прыняла заяву, у якой прызнала палітычнымі зняволенымі шэсць чалавек — Ульяну Яковіч, Аксану Ючкавіч, Дзмітрыя Халяўкіна, Сяргея Кульшу, Аляксандра Ільіна, Арцёма Закржэўскага.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/114438

🌿Агулам па стане на 19 лютага ў Беларусі 1423 палітычных зняволеных

🗳«Намагаюцца стварыць уражанне высокай яўкі незаконнымі і маніпулятыўнымі метадамі». Распавядаем пра этапы галасавання і падліку галасоў

Згодна з каляндарным планам арганізацыйных мерапрыемстваў па падрыхтоўцы і правядзенні выбараў* дэпутатаў, зацверджаным Цэнтральнай выбарчай камісіяй, датэрміновае галасаванне пройдзе з 20 па 24 лютага. Яно прадоўжыцца пяць дзён — з аўторка па суботу ўключна. 25 лютага адбудзецца адзіны дзень галасавання. Пасля гэтага выбарчыя камісіі перойдуць да этапу падліку галасоў і абвяшчэння вынікаў.

З аналітыкамі кампаніі «Праваабаронцы за свабодныя выбары» распавядаем пра важнасць этапаў галасавання і падліку галасоў, наколькі гэтыя этапы адпавядаюць міжнародным стандтартам і што мы маем на практыцы, якія наступствы сфальсіфікаваных выбараў і куды скардзіцца пры парушэннях на выбарах.

Падрабязнасці 👉 elections2024.spring96.org/be/news/114440

Сілавікі затрымалі мінскага лекара за ўдзел у пратэстах у 2020-ым годзе

На «пакаяльным відэа» сілавікоў мінчук кажа пра тое, што браў удзел у пратэстах у 2020 годзе і зараз «панясе за гэта адказнасць».

Паводле інфармацыі @mediazona_by, затрыманы — Уладзіслаў Абушэнка.

ГУБАЗіК затрымаў вядучую і гукарэжысёра «Альфа Радыё»

На «пакаяльным відэа» жанчына «прызнаецца» ў тым, што на яе тэлефоне ёсць відэа з пратэстаў, а на выбарах яна прагаласавала за Ціханоўскую і даслала бюлетэнь у чат-бот ініцыятывы «Голас». Гукарэжысёру ж у віну ставіцца тое, што ён нібыта быў падпісаны на «дэструктыўныя» тэлеграм-каналы.

UPD. Паводле @nashaniva, затрыманыя — Наталля Жукоўская і Дзмітрый Кулікоўскі.

🔗Хроніка палітчнага пераследу
🗣Паведаміць пра затрыманне
⚖️Атрымаць бясплатную кансультацыю праваабаронцаў
📝Абскардзіць дзеянні дзяржаўных органаў
✍️Звязацца з журналістамі «Вясны»

😔Ад палітвязня Андрэя Чапюка з сярэдзіны снежня да сваякоў не даходзяць лісты

Нагадаем, у верасні 2022 году палітзняволенага валанцёра «Вясны» асудзілі да 6 гадоў калоніі. Андрэя абвінавацілі паводле ч. 1 арт. 13 ч. 2 арт. 293 (падрыхтоўка да ўдзелу ў масавых беспарадках), ч. 2 арт. 285 (удзел у злачыннай арганізацыі), ч. 1 арт. 130 (распальванне іншай сацыяльнай варожасці), арт. 341 (апаганьванне збудаванняў і псаванне маёмасці — за графіці супраць Еўрапейскіх гульняў у 2019 годзе) Крымінальнага кодэкса.

Пазней Вярхоўны Суд скараціў яму тэрмін на тры месяцы — да 5 гадоў і 9 месяцаў зняволення. У мінулым сакавіку Андрэя этапавалі ў івацэвіцкую калонію.

💌Патрымаць Андрэя: ПК № 22. 225295, Брэсцкая вобласць, Івацэвічы, ст. Даманава, а/с 20, Андрэй Сяргеевіч Чапюк
💻Напісаць анлайн

У рэгіёнах Міншчыны праводзяць пікеты ў «падтрымку выбараў». Разбіраемся, што з імі не так

У рэгіёнах Міншчыны актыўна праводзяцца так званыя «інфармацыйныя пікеты», але праводзяць іх не кандыдаты ці іх давераныя асобы. У Жодзіне, Капылі, Уздзе і Дзяржынку агітуюць «падтрымаць адзіны дзень галасавання», а за каго галасаваць – гэта ўжо неважна.

З праваабаронцам разбіраемся, наколькі такія пікеты ў «падтрымку выбараў» законны.

Падрабязнасці 👉 elections2024.spring96.org/be/news/114443

Чарговае папаўненне Спіса экстрэмісцкіх матэрыялаў

У яго трапілі:

📍Telegram-каналы і чаты «Брест для жизни», «Сюжетотерапия»;
📍Старонка ў «Аднакласніках» «Грамадзянiн Рэспублiкi Беларусь»;
📍Сайты «luninies.bу», «baranovichy.bу», «stolin.bу»;
📍TikTok-старонкі «Владимир Соболь570», «Алексей Дышлёнок», «Вектор: Беларусь – Украина», «Беларусь якая ёсць», «Виталик Матусевич».

Палітвязня асудзілі на два гады калоніі за каментары пра Лукашэнку

14 лютага 2024 года суд Маскоўскага раёна Берасця разгледзеў крымінальную справу супраць 40-гадовага палітвязня Канстанціна Саламіюка. Суд праходзіў у будынку брэсцкага СІЗА, справу разглядала Марына Скалковіч.

Канстанцін апошнім часам жыў у Польшчы і быў затрыманы пасля прыезду ў Беларусь

Мужчыну судзілі за некалькі інтэрнэт-каментароў. У іх, паводле версіі абвінавачвання, негатыўна ацэньваўся Лукашэнка.

Чытаць па спасылцы 👉 https://spring96.org/be/news/114447

💌Патрымаць палітвязня: СІЗА-7. 224030, Брэст, Савецкіх памежнікаў, 37, Канстанцін Сяргеевіч Саламіюк
💻Напісаць анлайн

🇪🇺Савет ЕС ухваліў Заключэнні, якія пацвярджаюць непахісную падтрымку дэмакратыі і правоў чалавека ў Беларусі

Жазэп Барэль заявіў, што «Беларусь па-ранейшаму займае важнае месца ў парадку дня ЕС. Мы асуджаем бессэнсоўнае парушэнне правоў чалавека рэжымам Лукашэнкі і беспрэцэдэнтны ўзровень рэпрэсій напярэдадні маючых адбыцца выбараў. Вінаватыя будуць прыцягнуты да адказнасці».

Савет выражае сваю глыбокую заклапочанасць адносна пагаршэння сітуацыі з правамі чалавека ў Беларусі. Ён рашуча асуджае кампаніі пераследу і запалохвання, якія працягваюцца супраць усіх слаёў беларускага грамадства, беспрэцэдэнтны ўзровень рэпрэсій і абмежаванні на ўдзел у палітычным жыцці, якія падрываюць патэнцыял для забеспячэння справядлівасці і легітымнасці выбараў*.

Савет выказвае глыбокую занепакоенасць дзеяннямі рэжыму Лукашэнкі, якія закранаюць нацыянальную ідэнтычнасць Беларусі, і пацвярджае сваю прыхільнасць падтрымцы і прасоўванню беларускай мовы і культуры.

Чытаць па спасылцы 👉 https://spring96.org/be/news/114458

Былога палітвязня Андрэя Кудзіка знайшлі «на сутках»

Стала вядома, што актывіст з Вілейкі знаходзіцца ў мясцовым ІЧУ, дзе адбывае 15 сутак адміністрацыйнага арышту. Па якім артыкуле — пакуль не вядома.

Нагадаем, сувязь з былым палітвязнем знікла 15 лютага. У мінулым кастрычніку яму ўжо прызначылі 15 сутак арышту за віншаванне Украіны з Днём Незалежнасці ў TikTok.

✍️Шукаем людзей, якія ў зняволенні размаўлялі на беларускай мове

Распавядзіце пра свой досвед і стаўленне да гэтага супрацоўнікаў месцаў няволі, а таксама іншых вязняў.

Ананімнасць гарантуецца. Калі ласка, напішыце праваабаронцам на @Viasnainfo

​​❗️Інспектара мытнай службы працягнуць судзіць за «здраду дзяржаве» наўпрост у СІЗА-1

Раней праваабаронцы паведамлялі, што ў Мінскім гарадскім судзе з 10 кастрычніка ў закрытым рэжыме судзілі трох супрацоўніках мытнай службы Яўгена Гурыновіча, Віктара Новіка, Уладзіміра Журомскага. Агулам іх судзілі па васьмі артыкулах Крымінальнага кодэкса. Апроч іншага, іх абвінавачваюць у «здрадзе дзяржаве», «садзейнічанні экстрэмісцкай дзейнасці», «перавышэнне службовых паўнамоцтваў», «распальванне іншай сацыяльнай варожасці», «стварэнне ці ўдзел у экстрэмісцкім фармаванні». Падрабязнасці справы і прычыны пераследу праваабаронцам невядомыя. Адразу працэс вяла Дзіна Кучук, а потым яе замяніў Сяргей Хрыпач.

Цяпер праваабаронцам стала вядома, што 27 лютага працягнуць судзіць па гэтай справе толькі 31-гадовага мытнага інспектара Яўгена Гурыновіча. Месца працэса — СІЗА-1. Ці можа гэта быць са станам здароўя мужчыны — невядома. Верагодна, яго справа вылучана ў асобную выстворчасць, але суд над іншымі пакуль не прызначаны. Суддзёй прызначаны Яўген Пісарэвіч.

🗣Калі вам вядомы падрабязнасці гэтай справы — калі ласка, напішыце на @Viasnainfo

💌Падтрымайце вязня: СІЗА № 1,220030, Мінск, Валадарскага, 2, Яўген Іванавіч Гурыновіч
💻Напісаць анлайн

😔Для палітвязня Міколы Статкевіча не прынялі рэчавую перадачу і медычную бандэроль

Нагадаем, Статкевіч, асуджаны да 14 гадоў калоніі, знаходзіцца за кратамі амаль 4 гады. Але ўжо 373 дні ад палітвязня няма ніякіх звестак. У другой палове лістапада сваякі Мікалая праз «другія рукі» атрымалі інфармацыю, што ён сядзіць па чарзе то ў адзіночнай камеры ПКТ, то ў камеры штрафнога ізалятару.

Жонка палітвязня Марына Адамовіч была затрымана 23 студзеня падчас рэйда КГБ. Яе асудзілі за "дробнае хулігнаства" да 15 сутак арышту.

Учора на сваёй старонцы ў фэйсбуку жанчына напісала, што з калоніі ў чарговы раз вярнулі рэчавую перадачу і медычную бандэроль.

💌Падтрымайце палітвязня: ПК № 13, 211791, Глыбокае, Савецкая, 205, Мікалаю Віктаравічу Статкевічу
💻Напісаць анлайн

🙏Дапамога ў засваенні новай прафесіі былой палітзняволенай Марыі Несцеравай

Марыю абвінавацілі ва ўдзеле ў мітынгах, распаўсюдзе ўлётак і газет, а таксама ўдзеле ў тэлеграм-каналах і чатах. Акрамя гэтага, на судзе Марыя заявіла, што падчас затрымання сілавікамі яе збілі, вынікам чаго стала ЧМТ. Жанчыне прысудзілі 3 гады пазбаўлення волі ў калоніі агульнага рэжыму. У зняволенні жанчына адбыла 2 гады, 7 месяцаў і 4 дні.

«Каб забяспечыць сябе ў чужой краіне і не залежаць ад моўнага бар'ера, я планую працаваць дыстанцыйна. У перыяд утрымання пад вартай у мяне моцна пагоршыўся зрок, таму мне складана працаваць онлайн з экрана мабільнага тэлефона.

Вельмі б хацелася стварыць свой сайт пад бізнэс-ідэю, якая ў мяне нарадзілася ў зняволенні (было б цікава рэалізаваць яе, у тым ліку і як дапамогу нашым палітвязням). Для гэтага мне патрэбен добры ноўтбук, які не падводзіць, мае вялікі экран (я берагу рэшткі свайго зроку) і можа працаваць з графічнымі рэдактарамі».

Падтрымаць Марыю фінансава