Лукашэнка прызначыў суддзёй Вярхоўнага суда Дзіну Кучук

У чацвер менавіта яна агучыла прысуд па «справе BYPOL».

Дзіна Кучук ўзначальвала судовыя працэсы па справах шмат якіх палітвязняў — яна прызначыла тэрміны фігурантцы «справы ЧКБ» Святлане Бычкоўскай, навукоўцу Юрыю Адамаву, паліталагіням Валерыі Касцюговай і Таццяне Кузінай, вынесла завочны прысуд па справе нападу на амбасаду Беларусі ў Лондане.

💔3 гады і 5 месяцаў Марфа Рабкова знаходзіцца ў зняволенні. Падтрымайце яе!

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

💌Падтрымаць Марфу: ПК № 4, 246035, Гомель, Антошкіна, 3, Марфа (Марыя) Аляксандраўна Рабкова
💻Напісаць анлайн
💳Падтрымаць «Вясну» на Patreon | Аднаразовым данатам

«Навошта вы яго трымаеце ў турме?». Былы палітвязень пра псіхічна хворых людзей, якіх сядзелі разам з ім

Маналог былога палітвязня, затрыманага па рэзананснай «справе Зельцэра» восенню 2021 года.

«У іх ёсць дыягназы, якія стаяць у "Навінках" альбо нейкіх іншых псіхіятрычных клініках на ўліку, і атрымлівалася так, што ён стаіць на ўліку, а яго ўсё адно змяшчаюць у турму, потым вязуць з турмы з Жодзіна на "Валадарку", а адтуль ён едзе ў нашу псіхіятрычную лякарню, адтуль яго прывозяць назад, потым ён сядзіць далей, суд ідзе без яго, потым яго назад вязуць на "Валадарку", а адтуль ён ужо потым едзе ў клініку лячыцца.

То бок, калі вы падымаеце дакументы і бачыце, што чалавек псіхічна не здаровы, навошта вы яго трымаеце ў турме? Вы яго адразу вязіце ў клініку лекаваць! А ў яго там пакуль пройдзе гэты суд без яго, па коле, следства, ён мінімум паўгода сядзіць у турме».

🔹«Шмат хто быў гатовы ахвяраваць сабой». Экс-палітвязень распавёў пра затрыманне па «справе Зельцэра»

Палітзняволены Рыгор Кастусёў скрадзіцца на здароўе

Пра гэта ў Facebook напісаў зяць старшыні партыі БНФ Дзмітрый Антончык.

«Рыгор Кастусёў знаходзіцца ў гарадзенскай турме. Па апошняй інфармацыі ў камеры адзін. Скардзіцца на здароўе. Кажа, што апошнія два месяцы ў "Воўчых норах" былі вельмі цяжкімі. Доўгі этап у Гародню таксама падкасіў здароўе...»

Нагадаем, Кастусёва асудзілі да 10 гадоў калоніі. У зняволенні ў Рыгора абвастрыліся праблемы са здароўем — у яго выявілі анкалагічнае захворванне.

💌Падтрымайце палітвязня: Турма №1, 230023, Гродна, Кірава, 1, Рыгор Андрэевіч Кастусёў
💻Напісаць анлайн

🗣Запрашаем на канферэнцыю! Штрафны ізалятар, карцар, ПКТ: інструмент выпраўлення ці знявагі?

«Лекары за праўду і справядлівасць» арганізавалі экспертнае даследаванне праблемы захавання правоў зняволеных пры змяшчэнні іх у штрафныя ізалятары (карцэры, ПКТ).

Акрамя прэзентацый вядомых экспертаў, падчас канферэнцыі прадугледжваецца калектыўнае абмеркаванне праблемы, магчымасці і спосабы яе вырашэння на сучасным этапе.

📍Уваход вольны, аднак для стварэння спрыяльных умоў для ўдзельнікаў варта папярэдне зарэгістравацца.
🔹Дзе: Цэнтр беларускай культуры і супольнасці, Вільня, Vilniaus g. 20
⏰Час: 20 лютага (аўторак) ў 10.00.
⁉️Падрабязнасці па спасылцы

🎥Каго яны баяцца? Закрытыя камісіі Шрэдынгера рэпеціруюць 2025 год

У гэтым відэа «Справа выбару» спытала ў кампаніі «Праваабаронцы за свабодныя выбары» як фармуюцца камісіі, хто ў іх уваходзіць і чаму за гэтым трэба назіраць.

• Каго хвалююць выбары* у Беларусі?
• Што змянілася з 2020 года?
• Камісіі цалкам закрыліся. Навошта?
• Да чаго рыхтуюцца камісіі Шрэдынгера?
• Як даведацца хто ўкідвае бюлетэні?

Глядзець на YouTube 👉 https://www.youtube.com/watch?v=AOYYE0AE2XM

💔Былая палітзняволеная блогерка Вольга Такарчук некаторы час сядзела ў адной камеры ў СІЗА-1 з праваабаронцай «Вясны» Марфай Рабковай

У інтэрв'ю «Жыццю-Маліне» яна распавяла пра ўжо легендарны торт Марфы, які тая прыгатавала на свой дзень народзінаў за кратамі.

💌Падтрымаць Марфу: ПК № 4, 246035, Гомель, Антошкіна, 3, Марфа (Марыя) Аляксандраўна Рабкова
💻Напісаць анлайн
🔹«Я вельмі хачу, каб людзі не баяліся гаварыць». Інтэрв'ю з экс-палітвязняволенай Вольгай Такарчук

Качанава заявіла, што ў Беларусі могуць увесці электроннае галасаванне

«Я лічу, што ўвядзенне электроннага галасавання магчымае ў нашай краіне. Таму што для людзей гэта зручна. Але трэба зрабіць правільна і сумленна, каб гэта не ўшчаміла нічые магчымасці пры галасаванні і каб не дапусціць фальсіфікацыяў.

Над гэтым пытаннем сёння працуе ЦВК. Яны абагульняюць досвед іншых краін, аналізуюць», — адзначыла старшыня Савету Рэспублікі на сустрэчы са студэнтамі БДУ.

🇧🇪Прадстаўніцтва Дэмакратычнай Беларусі ў Брусэлі далучылася да акцыі «Пакажыце Статкевіча жывым»

Нагадаем, Статкевіч знаходзіцца за кратамі больш за 3 гады і 8 месяцы. Яму прысудзілі 14 гадоў зняволення ў калоніі асаблівага рэжыму.

У мінулым лютым з палітыкам знікла сувязь — за гэты час родныя Мікалая не атрымалі ніводнай вестачкі ад палітвязня.

💌Падтрымайце Статкевіч: ПК № 13, 211791, Глыбокае, Савецкая, 205, Мікалаю Віктаравічу Статкевічу
💻Напісаць анлайн

✍️Паведамляйце пра парушэнні падчас выбараў* праваабаронцам

Ваша інфармацыя будзе выкарыстоўвацца экспертамі для ацэнкі выбарчай кампаніі на адпаведнасць міжнародным стандартам у сферы свабодных і дэмакратычных выбараў.

Мы будзем вам вельмі ўдзячныя за дапамогу ў зборы інфармацыі.

🔹Паведаміць пра парушэнні падчас выбараў* — @ViasnaSOS
🔹Абскардзіць парушэнні — @zvarot96
🔹Паведаміць пра парушэнні праз Google-форму

У Рагачове праваслаўнага святара затрымалі за «экстрэмізм»

У пачатку лютага, пасля вяртання з паездкі ў Італію, быў затрыманы святар Ігар Кавальчук, былы пробашч парафіі храма Успення Прасвятой Багародзіцы аг. Гарадзец, Рагачоўскае благачынне, Гомельская епархія.

У ягоным тэлефоне былі знойдзеныя падпіскі на «экстрэмісцкія» рэсурсы, на яго быў складзены пратакол па арт. 19.11 КаАП. Святара арыштавалі на 15 сутак, піша @christianvision.

За ўдзел у пратэстах затрымалі жыхара Брэста

На «пакаяльным відэа» берасцеец кажа, што яго затрымалі за ўдзел у «несанкцыянаваных мітынгах».

Па інфармацыі @mediazona_by, затрыманы — Андрэй Салапура.

📸Фотафакт. У Маладзечне пікетавалі ў недазволеным месцы

На фота бачны пікет на вул. Прытыцкага паміж кінатэатрам «Радзіма» і касцёлам. Там забаронена пікетаваць.

Падрабязнасці 👉 elections2024.spring96.org/be/news/114423

❤️Бязмежная салідарнасць: гайд па падтрымцы палітвязняў з-за мяжы

З кожным годам падтрымліваць палітычных вязняў становіцца ўсё складаней. Улады намагаюцца любым спосабам знішчыць салідарнасць беларусаў і блакуюць магчымасці па падтрымцы тых, каго ўтрымліваюць за кратамі. Але, спіс тых, каму трэба нагадаць, што яны не пакінутыя сам-насам з рэпрэсіўнай сістэмай, папаўняецца штотыднёва.

Цяпер, калі тысячы беларусаў раскіданы па ўсім свеце, "Вясна" сабрала магчымыя спосабы, як падтрымаць і парадаваць палітзняволеных з-за мяжы.

Чытаць матэрыял па спасылцы.

✊Не забывайце, што наша сіла — ў салідарнасці. Поўны і актуальны спіс палітвязняў — prisoners.spring96.org.

💳Падтрымаць «Вясну» на Patreon | Аднаразовым данатам

🤡Міліцыя вучыцца затрымліваць людзей, якія фатаграфуюць свой выбарчы бюлетэнь на тэлефон

Таксама па-за законам, па версіі МУС, тыя, хто стварае «штучную чаргу».

Падрабязнасці 👉 elections2024.spring96.org/be/news/114432

У Беларусі новае «экстрэмісцкае фармаванне» — «Юго-Запад г. Минска»

Гаворка пра адпаведныя тэлеграм каналы і чаты.

Рашэнне аб прызнанне гэтага праекту «экстрэмісцкім фармаваннем» прынятае КДБ 13 лютага.